Morgunblaðið - 24.11.2012, Blaðsíða 14
14 FRÉTTIRInnlent
MORGUNBLAÐIÐ LAUGARDAGUR 24. NÓVEMBER 2012
SVIÐSLJÓS
Steinþór Guðbjartsson
steinthor@mbl.is
Hjónin Arngunnur Regína Jóns-
dóttir og Helgi Rúnar Rafnsson hafa
staðið í stappi við skipulagsyfirvöld í
Reykjavík í um sex ár en í fyrradag
höfðu þau betur þegar tveir dómar
Hæstaréttar féllu þeim í vil.
„Ég bjóst við að réttlætið sigraði,“
segir Arngunnur
um dómsorð
Hæstaréttar. „Við
vorum með lögin
með okkur og
mjög góðan lög-
mann.“ Hún segir
að það sé ánægju-
legt að málinu sé
lokið og þau séu
ánægð með lyktir
málsins. „Reykja-
víkurborg braut
lög með þessari deiliskipulagsbreyt-
ingu og við sigruðum borgina tvisvar
sinnum.“
Arngunnur rifjar upp að málið hafi
byrjað í byrjun ágúst 2006. Þá hafi
nágrannar þeirra komið með tilbúna
fleka og bætt viðbyggingu ofan á hús
sitt. „Þetta var síðdegis í miklu sól-
skini og allt í einu varð dimmt í hús-
inu okkar,“ segir hún og bætir við að
úr gluggum á viðbyggingunni megi
sjá beint inn í stofu hjá sér. „Fram-
kvæmdin var í andstöðu við deili-
skipulag og engin grenndarkynning
hafði farið fram,“ heldur hún áfram.
„Þetta kom okkur gersamlega á
óvart. Þetta var mikil eyðilegging
enda var verið að rýra verðmæti
hússins okkar með því að byggja fyr-
ir útsýnið. Okkur fannst stórlega
brotið á okkur og við fórum strax að
leita réttar okkar. Á meðan héldu
framkvæmdir áfram en í nóvember
2008 dæmdi Hæstiréttur okkur í vil
og var nágrannanum gert að fjar-
lægja viðbygginguna. Hann gerði það
í heilu lagi, kom henni fyrir á
geymslusvæði og gekk frá þakinu til
bráðabirgða. Það var eins og hann
byggist við að fá leyfið strax aftur. Í
janúar 2009 byrjaði Reykjavíkurborg
að reyna að fá deiliskipulaginu breytt
í öllu hverfinu, greinilega til þess að
nágranninn gæti sett turninn á aftur.
Þá fór málið í grenndarkynningu og
við, ásamt einum öðrum íbúa við göt-
una, sendum inn mótmæli. Það voru
einu viðbrögðin. Málið veltist um í
kerfinu fram í ágúst 2009, en þá var
grenndarkynningin auglýst aftur. Við
fengum á tilfinninguna að borgin von-
aðist til þess að við sæjum ekki þessa
auglýsingu, en hún fór ekki framhjá
okkur og við mótmæltum aftur. Að
þessu sinni svöruðu margir íbúar og
vildu samþykkja breytinguna en
greinilega var um smölun að ræða.“
Borgin fór sínu fram
Í ljósi stöðunnar segir Arngunnur
að þau hafi farið með Arnari Þór
Stefánssyni, lögmanni sínum, á fund
með þáverandi formanni skipulags-
ráðs og lögmanni ráðsins. Arnar Þór
hafi bent á að samkvæmt skipulags-
og byggingalögum hafi borgin ekki
mátt breyta skipulaginu, en ekki hafi
verið hlustað á rök hans. „Breytingin
verið samþykkt í skipulagsráði í nóv-
ember 2009 og hún staðfest í borg-
arráði nokkrum dögum seinna,“ segir
hún.
„Var tillagan þá búin að velkjast í
kerfinu í 10 mánuði hjá hinum ýmsu
aðilum á vegum skipulagsstjórans í
Reykjavík. Af öllum þessum mála-
tilbúnaði sést að mikið var fyrir því
haft að þjösna nýju skipulagi í gegn-
um kerfið, þrátt fyrir varnaðarorð
Skipulagsstofnunar sem taldi upp
ýmsa annmarka á því. Engu er líkara
en að einhverjum hjá borginni hafi
verið mikið í mun að heimila að ólög-
leg bygging fengi að rísa á ný. Borg-
arráð samþykkti síðan skipulags-
breytinguna á fundi 12. nóvember
2009. Vaknar sú spurning hvort borg-
arráð samþykki blindandi allt sem
„fagráðin“ leggja fyrir ráðið. Nú er
annað dómsmál hafið. Áðurnefnd
Helga Björk Laxdal [lögfræðingur og
þáverandi ritari skipulagsráðs, innsk.
Mbl.] lýsti því yfir fyrir Héraðsdómi
Reykjavíkur að borgin myndi bara
breyta deiliskipulaginu aftur og aftur
tapaði hún þessu máli. Væri borgin
vön því. Einnig sagði hún að gæti
borgin ekki breytt deiliskipulaginu í
heild sinni í þessu hverfi yrði bara
breytt fyrir lóð nágrannans,“ skrifaði
Arngunnur meðal annars um málið í
grein sem birtist í Morgunblaðinu í
febrúar sem leið.
Hún segir að í þessari stöðu hafi
málið verið komið til Héraðsdóms
Reykjavíkur á ný. „Ég reiknaði með
því að við myndum tapa þessu í hér-
aði, var undir það búin, eiginlega viss
um að við myndum tapa því þar,
vegna þess að ég hef aldrei séð dóma
um það að héraðsdómur láti rífa nið-
ur eða fjarlægja byggingar.“
Viðbygging kemur við borgina
Morgunblaðið/Golli
Deilan Viðbyggingin á Suðurhúsum 4 skyggir á Suðurhús 2 til hægri og hamlar útsýni, að sögn eigenda.
„Framkvæmdin var í andstöðu við deiliskipulag og engin grenndarkynning hafði farið fram“
Hæstiréttur tvisvar verið á öndverðum meiði við Héraðsdóm Reykjavíkur í nágrannadeilu
Dómsorð
» Hæstiréttur felldi úr gildi
ákvörðun borgarráðs Reykja-
víkurborgar, 12. nóvember
2009, um að breyta skilmálum
á svæði C í deiliskipulagi Húsa-
hverfis í Reykjavík.
» Borginni var gert að greiða
Arngunni Regínu Jónsdóttur
og Helga Rúnari Rafnssyni
samtals 1.500.000 krónur í
málskostnað í héraði og fyrir
Hæstarétti.
» Í hinu málinu var Birni Andr-
ési Bjarnasyni gert að greiða
hjónunum samtals 500.000
krónur í málskostnað í héraði
og fyrir Hæstarétti.
Arngunnur Regína
Jónsdóttir
„Það er alveg öruggt að ég mun
leita réttar míns hjá borginni,“
segir Björn Andrés Bjarnason sem
var gert að fjarlægja viðbygg-
inguna, samkvæmt dómi Hæsta-
réttar, en hann reisti hana á
grundvelli byggingarleyfis Reykja-
víkurborgar. Hann segir ótækt að
klúðurslegar athafnir borgarinnar
í skipulags- og byggingarmálum
valdi saklausu fólki miklu tjóni og
vitnar í ónefndan vin sinn: „„Er þá
öll vinnan, sem við erum að láta
vinna og borga fyrir í skipulags-
vinnu í kringum okkur svo við get-
um byggð við, ónýt? Hverju eigum
við að trúa?“ Það er ekki hægt að
láta fara svona með sig.“
Björn bendir á að hann hafi
byggt við húsið í tvígang í góðri
trú enda með byggingarleyfi og
leggur áherslu á að viðbyggingin
hafi verið innan leyfilegra hæð-
armarka. „Í fyrra skiptið var rifið
niður af því að ég fór yfir
umframbyggingarmagn lóðar. Um
44% húsanna hérna á kúlunni eru
of stór miðað við gamla skipulagið
og þá breyttu þeir því, en það skil-
ur enginn þennan dóm Hæsta-
réttar og þetta kallar bara á miklar
bætur frá borginni.“ Hann bætir
við að viðbyggingar séu við sjö hús
við götuna og þá næstu en þó að
leyfi hafi verið fyrir þeim þýði
dómurinn að rífa verði þær allar.
Björn segir að eftir fyrra niður-
rifið hafi honum verið sagt að allt
væri skothelt á ný og því hafi hann
sett viðbygginguna upp aftur. „En
svo fór allt á sömu lund og ég er
orðinn vel merktur eftir þetta. En
ég grenja ekki. Þetta er bara hús-
kofi og allir eru heilir heilsu.“
Grenjar ekki en vill bætur
BJÖRN ANDRÉS BJARNASON VAR MEÐ BYGGINGARLEYFI
Bjartey Sigurðardóttir, verkfræðingur
www.volkswagen.is
Volkswagen Passat
eigendur eru ánægðir
með metanið
Volkswagen Passat EcoFuel, bíll ársins 2012
Eigendur Passat EcoFuel taka þátt í því að
minnka losun koltvísýrings í andrúmsloftið,
spara dýrmætann gjaldeyri með því að nota
íslenskan orkugjafa og lækka eldsneytis-
kostnaðinn um nær helming.
Passat TSI EcoFuel kostar frá
3.990.000 kr.
Meðaleyðsla 6,8 l /100 km bensín, 6,6 m3 4,3 kg/100 km metan m.v. blandaðan akstur.
mv. Volkswagen Passat TSI Eco Fuel og óverðtryggðan
bílasamning með gullvildarkjörum frá Ergo til 84 mánaða
og 25% útborgun. Hlutfallstala kostnaðar 10,30%.
49.426kr.
á mánuði
Hagkvæmur og
vistvænn innlendur
orkugjafi