Morgunblaðið - Sunnudagur - 29.09.2013, Blaðsíða 23

28.9. 2013 MORGUNBLAÐIÐ LAUGARDAGUR 23
Íþróttakempa dagsins er Þórey Edda Elísdóttir en hún
er landsmönnum vel kunn fyrir afrek sín í stang-
arstökki. Þrátt fyrir að hafa lagt stöngina á hilluna fyrir
5 árum þá heldur hún sér enn í góðu formi.
Hvernig æfir þú í dag?
Ég mæti 2x-3x í viku í fimleika hjá Gerplu þar sem
ég æfi með hópnum sem kallar sig GGG og finnst það
mjög gaman. Svo fer ég 1x-2x í viku út að hlaupa í um
20 mín. og svo geri ég smáæfingar í Hress í um hálf-
tíma.
Henta slíkar æfingar fyrir alla?
Já, svo lengi sem skynsemi er höfð með í för. Fim-
leikaæfingar henta öllum en auðvitað verður hver og
einn, með hjálp frá þjálfaranum, að finna sín takmörk.
Útihlaup henta öllum og 30 mín. smáæfingar 1-2x í viku
ættu allir að gera.
Hvernig er best að byrja?
Mestu máli skiptir að fara nógu rólega af stað.
Byggja sig upp hægt og þétt í stað þess að taka hlutina
með trompi strax í byrjun. Það er bara ávísun á upp-
gjöf. Svo skiptir auðvitað miklu máli að finna það sem
hentar, en það er auðvitað mjög einstaklingsbundið.
Sjálf var ég mjög leitandi fyrst eftir að ég hætti að æfa
stangarstökk og vissi ekkert hvernig ég ætti nú að
hreyfa mig. Ég var búin að fá nóg af því að fara ein á
æfingar og sá ekki tilgang í því lengur, æfði síðan cross-
fit í 4 mánuði sem var skemmtilegt en mér fannst svo
skrítið að gera bara endalaust þrek en nota þrekið
svo ekki í eitthvað meira. Keypti mér svo loks
árskort í líkamsrækt en komst að því fljótlega
að það var alls ekki fyrir mig að mæta í hópa-
tímana. Prófaði síðan að mæta á fimleikaæfingu
hjá Gerplu og fann mig loksins. Þar er gert
mjög mikið af þreki en síðan farið á áhöld og
gerðar fimleikaæfingar. Það var ekki fyrr
en í sumar að ég byrjaði í fimleik-
unum, 5 árum eftir að ég hætti að
æfa stangarstökkið.
Hver er lykillinn að góð-
um árangri?
Staðfesta. Að gefast
ekki upp þótt á móti
blási er lykillinn í mín-
um huga. Það er til-
gangslaust að vera með
hæfileika ef viljinn fylgir
ekki með. Hugarfar er því 60%
af árangri.
Hvaða gildi hefur hreyfing fyrir
þig?
Í dag hreyfi ég mig heilsunnar vegna.
Ég hreyfi mig fyrir hjarta og æðakerfið
og ég hreyfi mig fyrir betri líkamsstöður og betri geð-
heilsu. Ég var í toppformi í rúm 20 ár og vissi hreinlega
ekki hvernig það væri að vera ekki í formi. Síðustu ár
hef ég hinsvegar kynnst því vel og veit nú hvers vegna
líkamsrækt mun fylgja mér alla ævi.
Hvað ráðleggurðu fólki sem vill hreyfa sig meira?
Að hafa hreyfinguna fjölbreytta með mismiklu álagi.
Ekki taka of margar verulega erfiðar æfingar í sömu
vikunni heldur taka erfiðar og léttar æfingar í bland.
Með auknum æfingum þarf einnig að borða meira og
þarf því að passa að mataræðið fylgi æfingunum.
Ertu meðvituð um matarræðið?
Já, ég tel það. Ég kaupi ferskan mat, mikið af græn-
meti og ávöxtum og vel heilhveitipasta, trefjaríkt brauð
og sykurlitlar mjólkurvörur. Bý mér gjarnan til hristing
með hreinu skyri eða ab-mjólk og ýmsum ávöxtum,
engiferi og chia-fræjum. Ég forðast alls ekki fitu því
hún er lífsnauðsynleg. Tek engin fæðubætiefni fyrir ut-
an lýsi og fjölvítamín því mér finnst það ekki nauðsyn-
legt fyrir fólk sem er að æfa sér til heilsubótar. Ég
reyni líka að kaupa lífrænan mat bæði vegna minni
aukaefna og vegna umhverfisins. Einnig er ég meðvituð
um uppruna matarins sem mér finnst vera mikilvægt.
Hver voru heimskulegustu meiðslin?
Sat of lengi í keng í heitum potti og þegar ég stóð
upp fann ég smá smell efst í aftanverðu læri. Ég var
hálft ár að jafna mig og missti af einu innanhúss-
keppnistímabili.
Skemmtileg saga?
Á mínu fyrsta heimsmeistaramóti, í Sevilla
árið 1999, vorum við Vala Flosadóttir komnar
inn á keppnisvöllinn þegar við áttuðum okkur á
því að stangirnar okkar voru ekki komnar inn á
völlinn. Andstæðingar okkar voru byrjaðir að
hita upp en við gátum auðvitað ekkert
gert. Þjálfarinn okkar þá, Stanislav
Szyrba, öskraði á okkur að við
ættum að leggjast á brautina og
hindra hinar stelpurnar í að
hita upp. Við dauðstress-
aðar snerumst í hringi
og vissum ekkert í
hvorn fótinn við átt-
um að stíga. Ekki
vildum við óhlýðnast
þjálfaranum okkar,
sem var frekar æstur, en
svo fannst okkur hálffárán-
legt að fara að leggjast á miðja
brautina. Sem betur fer komu starfs-
menn mótsins fljótlega með stangirnar
og við gátum farið að hita upp.
KEMPA DAGSINS
Slasaðist í heitum potti
Þórey Edda
frjálsíþróttakona
Í dag finnst varla sá maður sem grúfir sig ekki reglulega yfir tölvueða farsíma með tilheyrandi óþægindum í öxlum og baki. Sér-fræðingar í heilbrigðiskerfinu finna fyrir aukningu á slíkum
vandamálum á degi hverjum og það sorglegasta við þessa þróun er
að börn greinast með slík einkenni í auknum mæli.
Margir eru hreinlega hættir að horfa upp heilu og hálfu dagana
og það er uggvænlegt að ganga inn í
menntaskóla nú til dags og sjá hversu
hratt hlutirnir hafa breyst. Mér finnst
fólk beygja sig meira eftir því sem skjár-
inn er minni og flest venjulegt fólk notast
við tiltölulega litla skjái. Það er t.d. allt
öðruvísi líkamsstelling hjá einstaklingi
sem les tölvupóst af litlum farsíma en hjá
þeim sem les póstinn sinn af risastórum
skjá.
Ég hef sjálfur rekið mig á þetta vanda-
mál við mín störf fyrir framan tölvuna og
nú sit nú meira að segja í skringilegri rækjustellingu uppi í sófa við
skrif á þessum pistli. Eftir fjölmarga tíma í sjúkraþjálfun og hjá kí-
rópraktor (sem hjálpaði mikið) áttaði ég mig á að lausnin var ein-
föld. Ég hækkaði upp skrifborðið mitt í vinnunni og henti skrif-
stofustólnum aftur niður í geymslu. Nú stend ég við vinnuna allan
daginn og mér líður miklu betur í kjölfarið.
Hugsið bara út í þetta, það hlýtur að vera mun eðlilegra frá nátt-
úrunnar hendi að standa við vinnuna allan daginn og setjast svo
niður til að hvíla sig. Það er eitthvað öfugsnúið og ónáttúrulegt við
það að sitja allan daginn og standa síðan upp til að hvíla sig.
Ég sé fyrir mér uppstrílaða skrifara við konungshirðir í gamla
daga sem rituðu handrit með fjaðurpenna í hendi fyrir framan
skriftarpúlt. Það hlýtur að vera einhver ástæða fyrir því að þessir
menn stóðu ávallt við vinnu sína og því hef ég ákveðið að taka þessa
menn mér til fyrirmyndar. Ég hvet ykkur til að gera það sama en
þið megið samt alveg láta hárkolluna og fjaðurpennann eiga sig.
Grínmynd af þróun mannsins yfir í tölvufíkla geymir í sér sannleikskorn.
HORFÐU TIL
HIMINS
JÓN HEIÐAR
GUNNARSSON
Heilbrigt líf
Skammtar ýmissa matvæla hafa stækkað mikið síðastliðin ár. Þessi þróun
er talin ein af ástæðum fyrir aukinni orkuinntöku og þyngdaraukningu ein-
staklinga í vestrænum ríkjum. Fyrir aðeins 20 árum voru brauðsneiðar,
hamborgarar og pitsusneiðar töluvert minni en tíðkast í dag. Sama gildir
um sælgæti, gosdrykki og fjölda annarra vörutegunda.
Skammtastærðir skipta máli*„Ef þú ert það sem þúborðar og þú veist ekkihvað þú borðar, veistu þá hver
þú ert?“ – Claude Fischler