Morgunblaðið - Sunnudagur - 29.09.2013, Blaðsíða 9
28.9. 2013 MORGUNBLAÐIÐ LAUGARDAGUR 9
L
eikritið Jeppi á Fjalli verður
frumsýnt í Borgarleikhúsinu
komandi föstudag í leikstjórn
Benedikts Erlingssonar. Bragi
Valdimar Skúlason, baggalútur
með meiru, þýddi leikritið en kom einnig
að gerð tónlistarinnar ásamt Megasi. „Meg-
as átti að sjá um að gera texta og lög en
ég náði að lauma nokkrum þarna inn,“
segir Bragi kátur. „Það eru því einhver lög
eftir mig en hann var duglegri en ég í
þessu og á bróðurpartinn í tónlistinni.“
Jeppi á Fjalli er eftir Ludvig Holberg
og er frá 18. öld. Leikritið er því ævagam-
alt en hefur margoft ratað á svið leikhúsa
í Evrópu frá því að það var fyrst uppfært
árið 1722. Bragi segir það hafa verið kom-
ið til ára sinna og hefur hann því sett leik-
ritið í nútímabúning. „Ég þýddi leikritið
upp á nýtt en var með fyrri þýðingu til
hliðsjónar. Einhverju var sleppt en ég
þýddi aðallega upp úr frumtextanum,“ seg-
ir Bragi, sem segist hafa hresst duglega
upp á leikritið. „Ég var ekkert ógurlega
trúr frumtextanum og má segja að ég hafi
haft Holberg og Kolbein kaftein sem fyr-
irmyndir að textanum fyrir Jeppa. Tölu-
verðum svívirðingum og blótsyrðum er
bætt í sýninguna sem var þá líklega ekki
til á þessum tíma,“ segir Bragi og hlær.
Leikritið fjallar um Jeppa, sem er
drykkjumaður mikill, og í lýsingu leikrits-
ins segir að hann hafi góðar ástæður til
enda gangi ýmislegt á afturfótunum í lífi
hans.
Lögin gefin út á plötu
„Hann er ljúfur sem lamb,“ segir Bragi
aðspurður um samstarf hans og Megasar.
„Megas var ennþá að yrkja ný erindi fyrir
Jeppa löngu eftir að æfingar voru byrj-
aðar. Hann sökkti sér alveg í þetta af full-
um krafti,“ segir Bragi. Samhliða frumsýn-
ingu leikritsins verður gefin út plata með
tónlist úr því. „Við ákváðum að búa til
plötu með um það bil 23 lögum. Benedikt
fékk síðan þau lög og valdi úr hvað hann
vildi nota í sýninguna.“ Platan er sjálfstæð
eining en þó er söguþræðinum fylgt í
gegnum lögin. Megas syngur lögin á plöt-
unni ásamt Valdimar Guðmundssyni en
leikarar fara með sönginn í leikritinu
sjálfu.
Þetta ku ekki vera í fyrsta sinn sem
Bragi semur tónlist fyrir leikhús en hann
sá um tónlistina í Ballinu á Bessastöðum,
sem var sýnt í Þjóðleikhúsinu. Aðspurður
hvort hann ætli sér að halda áfram á þess-
ari braut leikhúslífsins svarar hann því ját-
andi. „Já, þetta er mjög skemmtilegt. Ég
er nú á kafi að þýða annað leikrit, Spa-
malot fyrir Þjóðleikhúsið, þannig að ég er
þá greinilega kominn með leikhúsbakt-
eríuna. Þetta er bráðsmitandi,“ segir hann.
„Nú er ég að læra að búa til söngleiki. Þá
kann ég það og get jafnvel farið að gera
eitthvað sjálfur.“
Kántríjól hjá Baggalúti
Meðlimir Baggalúts tóku sér frí í sumar
en hafa nú þegar lokið upptökum á glæ-
nýrri plötu sem þeir gefa út fyrir jól. Fé-
lagarnir skelltu sér til Bandaríkjanna í
þeim tilgangi að hnoða saman í plötu.
„Við fórum til Nashville í september og
tókum upp gott hlass af kántrítónlist með
miklum íþróttamönnum í hljóðfæraleik
þarna úti. Það er því von á kántríplötu
fyrir jólin og það verður mikið stuð,“ seg-
ir Bragi. „Það þýddi ekkert annað til að
ná þessum hópi saman en að fara með
alla til útlanda og taka upp. Þeir eru allir
orðnir svo gamlir og uppteknir,“ segir
hann kíminn að lokum.
BAGGALÚTUR Í BORGARLEIKHÚSINU
Það gekk vel hjá félögunum Megasi og Braga Valdimar að semja tónlist fyrir leikritið Jeppi á Fjalli sem er frumsýnt föstudaginn 4. október næstkomandi.
Morgunblaðið/Kristinn
Bráðsmitandi baktería
SVÍVIRÐINGUM OG BLÓTSYRÐUM ER BÆTT Í NÝJA OG HRESSANDI ÚTGÁFU AF LEIKRITINU UM JEPPA Á FJALLI. LEIKHÚSLÍFIÐ Á VEL VIÐ
BRAGA VALDIMAR SKÚLASON SEM SEGIR AÐ LEIKHÚSBAKTERÍAN HAFI TEKIÐ VÖLDIN. HANN HEFUR ÞÓ EKKI SAGT SKILIÐ VIÐ BAGGALÚT
EN ÞEIR FÉLAGAR GEFA ÚT PLÖTU FYRIR JÓLIN.
Gunnþórunn Jónsdóttir gunnthorunn@mbl.is