Morgunblaðið - Sunnudagur - 29.09.2013, Blaðsíða 32
32 MORGUNBLAÐIÐ LAUGARDAGUR 28.9. 2013
Matur og drykkir
K
júklingur er alltaf að verða algengari í matargerð og ég hef lengi
fengið mikið af fyrirspurnum um uppskriftir tengdar kjúklingi.
En sagan af því af hverju ég geri svo sérstaka bók með kjúk-
lingauppskriftum er svo eiginlega svolítið skemmtileg,“ segir
Nanna Rögnvaldardóttir en fyrir stuttu kom út bókin Kjúklingaréttir
Nönnu.
Í stuttu máli hafði vinkona hennar gert henni stóran greiða og Nanna
hafði spurt hana hvað hún vildi í staðinn. „Hún bað mig um kjúklinga-
uppskrift og ég gleymdi þessu. Næst þegar ég mætti henni var ég með
samviskubit, lofaði uppskrift og gleymdi því svo aftur og þá stækkaði
samviskubitið enn meira.“ Þannig að Nanna endaði á því að gera heila
bók.
Nanna vildi prófa og sýna sem flestar aðferðir við að elda kjúkling og
helst nota alla hluta kjúklingsins. „Ég ákvað að gera taílenska kjúklinga-
súpu í forrétt og þemað var rautt og rænt. Ég var því með tómata og
rautt karrí í súpunni, í aðalrétt voru rauðgrænar kjúklingabringur og svo
í eftirréttinum tók ég þetta þema og útbjó basilíku- og hunangsís og hind-
berja- og rifsberjasorbet.“
Gestirnir voru ekki af verri endanum, samstarfskonur Nönnu. „Það var
nefnilega svo að þegar ég var að útbúa bókina kom ég alltaf með upp-
skriftir sem var verið að mynda og gaf samstarfsfólki mínu í Forlaginu að
smakka. En þær allar höfðu misst af þessu af ýmsum ástæðum, ein býr
og starfar fyrir Forlagið í Barcelona, tvær voru mjög uppteknar á þessum
tíma og misstu því af og fannst það svolítið súrt. Þannig að ég var búin
að lofa þeim að við betra tækifæri myndi ég bjóða þeim í kjúklingaboð.
Og þær voru hæstánægðar, staðhæfðu að þetta væri besti kjúklingaréttur
sem þær hefðu smakkað,“ segir Nanna en réttinn er mjög einfalt að gera.
Það má geta þess að engar uppskriftir að eftirréttum eru í kjúklingabók-
inni þótt Nanna efist ekki um að finna megi einhverja kjúklingaeftirrétti
ef vel er leitað. „En ég hlífði gestunum nú við því og valdi eftirrétt í sam-
ræmi við liti kvöldsins. Basilíkuísinn og sorbetið er gott hvort fyrir sig en
passar líka alveg einstaklega vel saman.“
Nanna Rögnvaldar ætlaði upphaflega að senda vinkonu sinni eina kjúklinga-
uppskrift en úr varð bók.
EINFALT OG ÓVÆNT
Rautt og grænt
matarboð á
Grettisgötunni
* „Ég ákvað aðgera taílenskakjúklingasúpu í for-
rétt og þemað var
rautt og grænt. Ég
var því með tómata
og rautt karrí í súp-
unni.“
Forlagsskvísur frá vinstri: Valgerður Bene-
diktsdóttir og Hólmfríður Matthíasdóttir
hjá réttindastofu Forlagsins, Anna Guð-
rún Guðnadóttir sölustjóri og Nanna
Maja Norðdahl sölumaður Forlagsins.
KJÚKLINGAKVÖLDVERÐUR Í BOÐI NÖNNU
RÖGNVALDARDÓTTUR SLÓ Í GEGN HJÁ SAMSTARFS-
KONUM HENNAR. OG ÍSINN KOM Á ÓVART.
Júlía Margrét Alexandersdóttir julia@mbl.is
Fyrir 5-6
2 l vatn
6 kjúklingabitar, til dæmis
leggir
2-3 gulrætur
1 blaðlaukur
3 hvítlauksgeirar
2 cm biti af engifer
pipar
salt
1 dós kókosmjólk
2 tsk. til 2 msk. rautt
karrímauk, eftir því hvað
maður vill sterka og
rauða súpu
150 g sveppir
200 g kirsiberjatómatar
1 límóna (börkur og safi)
100 g jarðhnetur, saltaðar
kóríanderlauf
Settu kalt vatn og kjúkling í
pott, láttu suðuna koma upp
Taílensk kjúklingasúpa
og fleyttu froðu ofan af. Settu
gulrætur, blaðlauk, hvítlauk
og engifer út í, kryddaðu
með pipar og salti og láttu
malla í um 45 mínútur. Síaðu
þá soðið, mældu það og
settu um 750 ml aftur í pott-
inn. Taktu kjúklingakjötið af
beinunum og rífðu það eða
skerðu í litla bita. Settu kók-
osmjólk, karrímauk, þunn-
sneidda sveppi, tómata og rif-
inn límónubörk í pottinn og
láttu malla 5-6 mínútur. Settu
kjúklinginn út í, láttu malla í 5
mínútur, smakkaðu og bragð-
bættu með límónusafa, pipar
og salti eftir þörfum. Helltu
súpunni í skál, settu dálítið af
jarðhnetum og kóríanderlaufi
yfir og berðu meiri hnetur og
kóríander fram með.