Morgunblaðið - Sunnudagur - 29.09.2013, Blaðsíða 46

46 MORGUNBLAÐIÐ LAUGARDAGUR 28.9. 2013
R
ödd hefur mikið um það að segja hvernig
við skynjum fólk þótt alla jafna séum við
ekki sérstaklega að hugsa um hljómfræðina
á bak við röddina sem höfðar til okkar -
eða fer þá í taugarnar á okkur eins og
stundum er.
Á næstu blaðsíðum má sjá hvað um 50 álitsgjafar
Morgunblaðsins telja vera fallegar raddir. Leitað var
til fagfólks svo sem leikstjóra, kvikmyndagerð-
armanna, söngvara og fleiri sem spá og spekúlera
kannski meira í röddum en aðrir en einnig voru
leikmenn, fólk úr öllum áttum, beðnir um að gefa
sitt álit.
Sumar raddir eru greinilega til þess fallnar að fá
fleiri atkvæði en aðrar. Gerður G. Bjarklind, fyrr-
verandi útvarpskona, var valin fallegasta röddin og
karlmannsröddin sem lætur hvað best í eyrum er rómur
Brodda Broddasonar fréttamanns. Ólafur Darri Ólafsson
leikari fylgdi fast á hæla þeirra vina úr útvarpinu en
hann var sagður hafa hljómbotn sem nær enginn annar
hefði.
Af þeim Íslendingum sem hafa hvatt þennan heim ber
málrómur Helga Skúlasonar höfuð og herðar yfir aðra.
Það var nær ótrúlegt að telja saman atkvæðin sem
hann fékk og ljóst að langt er að rödd hans lifir þótt
um 17 ár séu liðin frá því hann lést á 64. aldursári.
Gerður G. Bjarklind sagði frá því í spjalli við Sunnu-
dagsblaðið að þegar hún hóf störf á útvarpinu hafi ekki
tíðkast að hrósa eða leiðbeina nýliðum á uppbyggilegan
hátt. Tímarnir séu breyttir og sjálf er hún þekkt fyrir
að gefa nýliðum í útvarpinu góð ráð og hvetja þá til
dáða.
Valdís Arnardóttir raddkennari lýsir eilítið fræðilegri
hlið málsins í spjalli hér til hliðar. Hún nefndi í spjalli
við Sunnudagsblað Morgunblaðsins að flestir væru frek-
ar ómeðvitaðir um möguleikana sem fólk hefði á því að
bæta raddbeitingu sína en slíkt getur haft áhrif á líf
og störf.
„Svona eins og að fara í líkamsrækt til þess að auka
styrk, úthald og liðleika kroppsins er hægt að þjálfa
röddina og auka styrk hennar, úthald og notkunarmögu-
leika. Rödd er vöðvavirkni sem er undir áhrifum and-
legra þátta, þar sem hugur og líkami vinna saman,“
segir Valdís sem gefur þeim sem vilja huga að því að
beita röddinni betur nokkur góð ráð.
Þau sem láta
best í eyrum
VÍSINDIN AÐ BAKI ÞVÍ AF HVERJU SUMAR RADDIR FALLA OKKUR BETUR Í GEÐ ERU TALSVERT FLÓKIN. ÞAR SPILA BLÆBRIGÐI, DÝPT RADDAR,
HRJÚFLEIKI OG FLEIRA INN Í SEM EKKI ER ALLTAF AUÐVELT AÐ FESTA HENDUR Á. PERSÓNULEGUR SMEKKUR ER LÍKA VEIGAMIKIÐ ATRIÐI.
Júlía Margrét Alexandersdóttir julia@mbl.is
Fallegustu
raddir Íslands
Jón Múli
Árnason
útvarpsmaður
Helgi
Skúlason
leikari
Jónas
Jónasson
útvarpsmaður
Þau sem horfin
eru á braut:
1 2 3
Úttekt