Morgunblaðið - Sunnudagur - 29.09.2013, Blaðsíða 57

28.9. 2013 MORGUNBLAÐIÐ LAUGARDAGUR 57
Rachel Joyce sló eftirminnilega
í gegn með fyrstu skáldsögu
sinni Hinni ótrúlegu pílagríms-
göngu Harolds Fry. Hún fylgir
þeirri bók eftir með annarri
stórgóðri skáldsögu, Árið sem
tvær sekúndur bættust við tím-
ann. Móðir Byrons lendir í
árekstri sem hefur örlagarík
áhrif á líf fjölskyldunnar. Joyce á
mjög gott með að skapa per-
sónur sem lesandinn lætur sér
annt um og stíll hennar ein-
kennist af áreynsluleysi. Hér er
fjallað um sorg og missi og
valdabaráttu í samskiptum
fólks. En eins og í Pílagríms-
göngunni endar bókin á bjart-
sýnum nótum. Fallega skrifuð
bók, spennandi og full af seið-
andi trega.
Seiðandi tregi
í góðri bók
Bækur um heilsu og heilsusamlegt
líferni hafa notið mikilla vin-
sælda á síðustu árum. Nú eru
komnar út tvær bækur í kilju
um mikilvægi D-vítamíns og
þær munu örugglega rata til
sinna. Önnur bókin kemur út hjá
Vöku-Helgafelli, er eftir Sorom
Khalsa og nefnist D-vítamínbylt-
ingin – Hvernig máttur þessa
undraverða vítamíns getur
breytt lífi þínu. Í bókinni, sem Berg-
steinn Sigurðsson þýddi, greinir
Khalsa frá afleiðingum D-vítamínskorts
og deilir einnig eigin reynslu af læknastofu
sinni.
Hin bókin kemur út hjá Sölku og nefnist D-vítamín – Fjörefni sólarljóssins og er eftir
Zoltan P. Rona og Jón H. Karlsson íslenskaði. Þarna segir höfundur frá gagnsemi D-
vítamíns, áhrifum þess á líkamsstarfsemina, hvaða vandamál geta skapast af því og hvernig
hægt er að bæta heilsuna með D-vítamíni.
Rannsóknir sýna að Íslendingar fá ekki nægilegt D-vítamín, en ýmis veikindi og kvillar hafa
verið tengd skorti á þessu mjög svo mikilvæga vítamíni. Umræðan um ágæti D-vítamíns hefur
verið ansi öflug á allra síðustu árum og báðar þessar bækur eru gott innlegg í þá umræðu.
SKAMMTAR AF D-VÍTAMÍNI FYRIR
ÍSLENSKT HAUST OG VETUR
Tvær bækur um mikilvægi
D-vítamíns eru komnar út.
Tvær afar skemmtilegar bækur fyrir
fróðleiksfúsa krakka eru komnar
út. Í Viltu vita meira
um líkamann? fá
krakkar svör við ýms-
um spurningum um
líkamann eins og þeim
hver sé stærsti vöðvinn
og af hverju við öndum
hraðar þegar við hlaup-
um.
Í bókinni eru fjölmargar
myndir sem eru bæði upp-
lýsandi og skemmtilegar og
meira en 100 flipar til að lyfta.
Haukur Heiðar Hauksson
læknir þýðir.
Í bókinni Viltu vita meira um himingeiminn? fá börn meðal annars að vita hvernig
tunglið varð til og af hverju stjörnurnar skína. Í bókinni eru svo rúmlega 70 flipar til að lyfta og
bak við þá er ýmislegt fróðlegt að finna. Stórskemmtilegar myndir bókarinnar tengjast vit-
anlega himingeimnum. Sverrir Guðmundsson og Sævar Helgi Bragason, ritstjórar hjá
Stjörnufræðivefnum, veittu ráðgjöf við þýðingu.
Þetta eru hinar ágætustu bækur í góðu broti sem geyma mikinn fróðleik. Börn ættu auð-
veldlega að geta gleymt sér í þeim.
BÆKUR FYRIR FRÓÐLEIKSFÚSA KRAKKA
Tvær fróðlegar og skemmtilegar
bækur fyrir krakka.
Þorsteinn frá Hamri hefur
sent frá sér nýja ljóðabók sem
nefnist Skessukatlar. Þetta er
einstaklega falleg ljóðabók,
bæði hvað varðar innihald og
útlit. Ljóð Þorsteins eru öguð
og hugsun hans er djúpvitur.
Lesendum er ráðlagt að vera
ekkert að flýta sér við lestur
þessarar bókar heldur lesa
hægt og njóta. Og það er
sannarlega margs að njóta í
þessari góðu ljóðabók sem
ljóðaunnendur verða að eign-
ast.
Djúpvitur
hugsun í ög-
uðum ljóðum
Fjör í fjöl-
breyttri bóka-
útgáfu
NÝJAR BÆKUR
ÞAÐ ER ANSI MIKIÐ FJÖR Í BÓKAÚTGÁFUNNI
ÞESSAR VIKURNAR OG FJÖLBREYTNIN ER MIKIL.
METSÖLULISTINN EINKENNIST NOKKUÐ AF LÍFS-
STÍLSBÓKUM; MATUR, HEIMILI OG HANNYRÐIR.
SKÁLDVERKIN ERU ÞÓ VITANLEGA Á SÍNUM
STAÐ OG LJÓÐAUNNENDUR MEGA EKKI MISSA
AF LJÓÐABÓK ÞORSTEINS FRÁ HAMRI.
Búlgarinn Georgi Gospodinov er
höfundur bókarinnar Náttúruleg
skáldsaga sem hefur komið út á
átján tungumálum og fengið góðar
viðtökur. Ekki er auðvelt að lýsa
innihaldi bókarinnar í stuttu máli, en
höfundur kemur víða við og fjallar
meðal annars um klósettferðir og
bíómyndir. Þetta er ekki hefðbundin
skáldsaga og lesandinn veit aldrei
fyrirfram á hverju hann á von.
Óvenjuleg
skáldsaga
Horfin arfleifð eftir Kiran Desai hlaut Booker-verðlaunin árið
2006. Desai, sem kom hingað til lands á Bókmenntahátíð, er
yngsta konan sem hefur hlotið Booker-verðlaunin. Saga henn-
ar segir frá hópi fólks sem tekst á við aðstæður og framandi
menningu, bæði erlendis og í eigin landi. Kjartan Jónsson
þýddi verkið sem hlaut afar góða dóma á sínum tíma og vakti
mikla athygli.
Rómuð Booker-
verðlaunabók
* Sá sem grætur, honum er lífið einhversvirði. Halldór Laxness BÓKSALA 9.-22. SEPTEMBER
Allar bækur
Listinn er tekinn saman af Félagi íslenskra bókaútgefenda
1 Heilsubók Jóhönnu : matur,lífsstíll, sjúkdómar
JóhannaVilhjálmsdóttir
2 Íslensk heimili 2007 til 2013Sigríður Elín Ásmundsdóttir ritst.
3 Nýir heilsuréttir fjölskyldunnarBerglind Sigmarsdóttir
4 Hér koma Skoppa og SkrítlaHrefna Hallgrímsdóttir
5 Lág kolvetna ljúfmeti : 100 léttir réttirUlrika Davidsson
6 Lág kolvetna lífsstíllinnGunnar Már Sigfússon
7 Norðurslóðasókn : Ísland ogtækifærin
Heiðar Guðjónsson
8 Maður sem heitir OveFredrik Backman
9 Fjörugur dagur : bók með4 fjörugum hljóðum
10 María : heklbókTinna Þórudóttir Þorvaldar
Kiljur
1 Maður sem heitir OveFredrik Backman
2 InfernoDan Brown
3 Fórnargjöf MóloksÅsa Larsson
4 LeðurblakanJo Nesbø
5 Týnda dóttirinShilpi Somaya Gowda
6 Áður en ég sofnaS.J.Watson
7 Hin ótrúlega pílagrímsgangaHarolds Fry
Rachel Joyce
8 ÚlfshjartaStefán Máni
9 L.e.y.n.d.L. Marie Adeline
10 Krónprinsessan : skáldsagaHanne-Vibeke Holst
MÁLSHÁTTUR VIKUNNAR
Sjaldan grær gras á
almenningsgötu.