Tímarit hjúkrunarfræðinga - 01.10.2002, Blaðsíða 45

C8 Deildarstjóri 1. Deildarstjóri ber ábyrgð á rekstri deildar sinnar gagnvart forstjóra og annast skipulagningu, áætlanagerð, og samhæfingu starfa deildarinnar við meginmarkmið stofnunarinnar. Hann hefur umsjón með starfi annarra starfsmanna deildar og leggur mat á árangur þeirra. Deildarstjóri undirbýr ráðningu starfsmanna í umboði forstjóra.
C11 Deildarstjóri 2. Deildarstjóri 2 ber ábyrgð gagnvart forstjóra á rekstri umfangsmikils sviðs innan stofnunarinnar sem samanstendur af fleiri en einni rekstrareiningu (deild eða umdæmi). Að öðru leyti vísast i skilgreiningu á deildarstjóra 1.
Starfsreynsla Eftir 12 mánaða starfsreynslu hækka starfsmenn sem grunnraðað er í B og C ramma um einn launaflokk
Menntun Ofangreind grunnröðun miðast við að starfsmaður sem gegnir starfinu hafi lokið BA eða BS 90 eininga gráðu frá viðurkenndum háskóla. Starfsmenn sem lokið hafa eins árs framhaldsmenntun (30 einingar) raðast einum launaflokki ofan við grunnröðun. Meta skal samanlagðan námskeiðstíma með sama hætti. Starfsmaður með 120 eininga grunnnám raðast einum launaflokki ofan við grunnröðun. Starfsmenn með tveggja ára magisterspróf, meistaragráðu eða tilsvarandi raðast tveimur launaflokkum ofan við grunnröðun. Starfsmenn með doktorsgráðu eða tilsvarandi raðast þremur launaflokkum ofan við grunnröðun.
Viðbótarhœkkanir vegna álags, ábyrgðar, Itœfni og frammistöðu Hæfniskröfur umfram það sem almennt gerist, sérstök ábyrgð eða álag. Frammistaða við úrlausn verkefna. Sjálfstæð vinnubrögð. Frumkvæði í starfi. Þekkingaröflun. Hæfni til mannlegra samskipta og tjáningar. Hæfni til þátttöku í stefnumótun.
Réttur til endurmats á röðitn Telji starfsmaður að honum sé ekki raðað miðað við ofanskráð forsendur á han rétt á að fá röðun sína endurmetna.
Endurskoðun Samkomulag þetta skal endurskoðað í október ár hvert ef annar hvor aðili óskar þess.
^VloUr ...
Á Siglufirði búa flestir 80 ára og eldri
enn heima
Hvaða íslendingum fer fjölgandi? Gamla fólkinu. Hlutfall
íbúa 67 ára og eldri á íslandi er 11,7% og á næstu 10-20
árum mun hlutfall þessa hóps aukast verulega. Mest mun
fjölgunin verða í hópi 80 ára og eldri.
íbúaskrá Siglufjarðarkaupstaðar um áramótin 2001-2002
var skoðuð og kom þá í ljós óvenjuhátt hlutfall einstaklinga
67 ára og eldri, eða um 15%. Af þessum 15% eru um 5% af
heildaríbúafjölda kaupstaðarins 80 ára og eldri. Ákveðið var
að gera könnun meðal íbúa 80 ára og eldri á, m.a. til að
kanna aðstæður þeirra, búsetu, hvaða þjónustu þeir njóta og
viðhorf þeirra til heilbrigðisþjónustunnar. Gerður var spurn-
ingalisti um heilsufar, húsnæði, heimilishjálp, heimahjúkrun
o.fl. Hjúkiunarfræðingur fór í heimsókn til íbúanna með
listann og lagði hann fyrir og sá um að fylla hann út.
Könnunin fór fram í maí og júní 2002 og var svarhlutfallið
tæp 82%.
Hafa nóg annaö að gera
Helstu niðurstöður eru þær að þessi hópur fólks, 80 ára og
eldri búsettur á Siglufirði, er frekar heilsuhraustur. 80%
svarenda sögðust vera fullfrískir eða frískir að mestu leyti.
Einungis 20% hópsins hefur þurft að leggjast á sjúkrahús sl.
ár en 85% hafa nýtt sér heilbrigðisþjónustu, þ.e. leitað til
læknis, og þá í langflestum tilfellum til þess að fá endur-
nýjun lyfja. Um 67% búa i eigin húsnæði en 33% í sér-
hönnuðum íbúðum fyrir aldraða. 46% fá heimilisaðstoð
tvisvar sinnum i mánuði eða oftar og 33% fá heimahjúkrun
a.m.k. einu sinni í viku. 62% sögðust vera virkir þátttak-
endur í félagsstarfi eldri borgara, sækja fúndi reglulega og
taka þátt í starfinu sem boðið er. Þeir sem ekki taka þátt í
félagsstarfinu sögðust hafa nóg annað að gera. Um 70%
íbúa 80 ára og eldri á Siglufirði búa enn heima eða í íbúðum
fyrir aldraða. Það er einungis 5% minna en heilbrigðis-
áætlun heilbrigðis- og tryggingamálaráðuneytisins til ársins
2010 kveður á um. Með því að kynna vel og styrkja þjón-
ustunet Siglufjarðarkaupstaðar eiga sem flestir að geta nýtt
sér það og öldruðum þar með gert betur kleift að lifa heil-
brigðu lífi og búa sem lengst heima.
Byggt á upplýsingum frá Söndru
Hjálmarsdóttur, hjúkrunarfrœðingi.
Tímarit hjúkrunarfræðinga • 4. tbl. 78. árg. 2002
237