Morgunblaðið - 02.11.1963, Qupperneq 10

10
MORGU N BLAÐIÖ
' Laugardagur 2. nov. 1963 •
I
'
I
I
I
I
!
i
i
\
í
i
i
i
i
i
i
i
i
legasta og er margs frá henni
að minnast. Góð samvinna prent
ara og blaðamanna er hverju
blaði mikilsvirði. Hefur Morg-
unblaðið jafnan verið svo lán-
samt að eiga góðu liði á að skipa
í prentsmiðju sinni.
Útgáfufélag Morgunblaðsins.
Kins og áður er getið var
Morgunblaðið sameignarfyrir-
tæki stofnenda sinna fram til árs-
ins 1919. Þá eignaðist útgáfufé-
lagið Árvakur blaðið og hefur
- rekið það til þessa dags. Sex
menn hafa gegnt formannsstörf-
um í útgáfufélaginu. Eru það
■4>eir Magnús Einarsson, dýra-
læknir, sem var tvisvar formaður
félagsins, fyrst frá 1919—1921 og
síðar frá 1924—1927. John Feng-
er, stótkaupmaður, var formaður
félagsins árin 1922 til ársins 1924.
Garðar Gíslason hafði formennsk
una á hendi árin 1928—1934. Þá
varð Guðmundur Ásbjörnsson,
bæjarstjórnarforseti, formaður
Arvakurs og gegndi því starfi til
dauðadags árið 1952. .•
Hallgrímur Benediktsson tók
þá við formennskunni og hafði
hana á hendi til dauðadags árið
1954. Haraldur. Sveinsson, for-
stjóri var kosinn formaður árið
1955 og hefir verið það síðah.
Auk fyrrgreindra formanna út-
gáfufélagsins hafa þessir menn
átt sæti í stjórn Árvakurs, Arent
Claessen, stórkaupmaður, frá
stofnun félagsins til ársins 1921,
Georg Ólafsson, bankastjóri, á
sama tímabili. Gunnar Egilsson,
stjórnarerindreki, átti sæti í
stjórn félagsins til ársins 1920,
Jes Ziemsen, útgerðarmaður, ár-
in 1921—1934, Carl Proppé, stór-
kaupmaður, árin 1922—1927,
Valtýr Stefánsson, ritstjóri, frá
1928 til ársins 1955, Jón Björns-
son, kaupmaður, frá 1935—1939,
Sveinn M. Sveinsson, forstjóri,
frá 1940—1951, Bergur G. Gísla-
son, forstj., frá 1952 til þessa
dags, Geir Hallgrímsson, borgar-
stjóri, frá 1954 og til þessa dags
og Bjami Benediktsson, ráðherra
frá 1955 til þessa dags. Er hann
nú varaformaður félagsins.
Góð samvinna hefur jafnan
ríkt milli útgáfustjórnar blaðsins
og ritstjórnar þess. Hafa stjórnar
menn útgáfufélagsins haft vak-
andi áhuga á eflingu blaðsins og
margir lagt sig fram um að ráða
fram úr erfiðleikum þess, þegar
á móti hefur blásið, og síðan að
búa því sem bezta aðstöðu.
Horft fram á veginn
Hér að framan hafa aðeins ver-
ið rifjaðir upp nokkrir drættir úr
hálfrar aldar starfsögu Morgun-
blaðsins, minnzt brautryðjend-
anna, sem með þrotlausri vinnu
lögðu grundvöll að því, sem blað-
ið er í dag. Nú er lagt út á haf
næsta aldarhelmings. Nýir tímar
koma með nýjar kröfur og mögu-
leika. Morgunblaðið er nú statt á
tímamótum. Þeir sem áttu ríkast
an þátt í að byggja það upp eru
flestir horfnir. En merkið stend-
ur þó maðurinn falli. Hlutverk
blaðsins er enn sem fyrr að
standa vörð um íslenzkan menn-
ingararf, mannhelgi óg frelsi til
orða og athafna. Það mun halda
áfram að kynna þjóð sinni það
sem gerist á hverju byggðu' bóli,
og vítt um óravíddir himingeims-
ins, hvarvetna þar sem snilligáfa
mannsandans beitir hug eða
hendi. Það er enn höfuðtakmark
þess að tengja ísland sem full-
komnustu fréttatengslum við
hina víðu veröld og byggðarlög
landsins og stéttir hins íslenzka
þjóðfélags, bræðraböndum. Morg
unblaðið vill leggja fram Kð sitt
til þess, að tækni og vísindi, hver
sá sigur sem mannsandinn vinn-
ur, megi verða til þess að leiða
íslenzka þjóð fram á við, til bétra
fegurra og þroskavænlegra lífs.
S. Bj.

m