Morgunblaðið - 02.11.1976, Blaðsíða 21

MORGUNBLAÐIÐ, ÞRIÐJUDAGUR 2. NOVEMBER 1976
21
hins geigvænlega ástand, en það
tæki eitt ár að koma barni í leik-
skóla i Langholtshverfi. Því
svaraði borgarstjóri á eftirfarandi
hátt: Við reyndum fyrir nokkrum
árum að setja okkur það mark að
byggja einn nýjan leikskóla, eitt
nýtt dagheimili og eitt skóladag-
heimili á hverju ári og um tíma
tókst að standa við það. Ur þessu
dró á okkar erfiðleikatímum,
þannig að á síðustu árum hefur
okkur ekki tekizt að standa við
þetta, en nú vonast ég til þess að
við getum aftur tekið til þar sem
frá var horfið. Tveir leikskólar
eru í byggingu sem hefja göngu
sína fyrri hluta næsta árs og eitt
dagheimili i undirbúningi. Að
vísu er ekki á dagskrá að byggja
leikskóla eða dagheimili i þessu
hverfi á næstu árum. Hins vegar
hefur okkur miðað allmikið
áfram í þessum málum á siðustu
árum. Eg minnist þess að um
1965, að ég held, áttu 14% af
börnum á forskólaaldri kost á
dagvistun á slíkum stofnunum.
En í ársbyrjun 1974 voru börnin á
forskólaaldri, sem áttu kost á dag-
vistun, orðin 24% og nú er þessi
tala komin upp í 30%. Okkur hef-
ur tekist að mjaka þessu upp,
þannig að um 'A barna á forskóla-
aldri á kost á vistun í dagvistunar-
stofnunum borgarinnar, Sumar-
gjafar eða þeirra aðila, sem reka
slík heimili með styrk frá borg-
inni.
Herdís Kristjánsdóttir spurði
um viðhorf borgarstjóra til hliðar-
gatna og botnlanga, sem liggja að
bakhúsum í hverfinu. Töluvert
væri af þessum götum t.d. við
Barðavog, Skipasund, Langholts-
veg og Laugarás. Götur þessar
væru allar ófrágengnar eða ómal-
bikaðar. Borgarstjóri kvað þessa
botnlanga yfirleitt tilheyra lóðum
viðkomandi húsa, þannig að gert
væri ráð fyrir því að þeir væru
frágengnir af íbúðareigendum,
sem eiga aðliggjandi hús, enda
væru þeir yfirleitt inni á einka-
lóðum.
Arnar Ingólfsson spurði hvort
almenningur gæti fengið aðstöðu
til að trimma í Laugardal, þannig
að þeir fengju aðgang að búnings-
klefum og sturtum. Borgarstjóri
taldi að erfitt gæti reynzt að veita
slíka aðstöðu á iþróttavellinum
eða í íþróttahúsinu, því til þess
þyrfti mannskap og gæzlu. Hins
vegar hefði hann orðið var við að
allmargir, sem sæktu sundlaug-
arnar í Laugardal, færu' að
trimma í Laugardalnum og not-
uðu búnings- og baðaðstöðu þar.
Þar væri því sú miðstöð, sem
Arnar spyrði um.
Sigríður Sigurðardóttir spurði
hvenær yrði gert við svæðið bak
við Bæjarleiðastöðina við Lang-
holtsveg, sem markast af Dreka-
vogi, Njörvasundi og Sigluvogi.
Borgarstjóri svaraði: Skv.
skipulagi á svæðið á bak við ný-
bygginguna, sem er að rísa við
Bæjarleiðastöðina, að vera leik-
völlur. Ekki er búið að tímasetja
þá framkvæmd. Ég skal láta
kanna það sérstaklega hvort unnt
er að hraða því með tilliti til þess-
arar spurningar og áhuga, sem ég
hefi orðið var við hjá íbúum þessa
hverfis um að koma þessu í lag.
Þá spurði Árni Bergur Eiríks-
son hvenær gengið yrði frá svæð-
inu fyrir neðan Barðavog og
Eikjuvog, frá Elliðaám að Klepps-
vegi. Um þetta auða svæði milli
Elliðavogs og húsaraðarinnar,
sem næst er götunni, kvaðst
borgarstjóri telja óhætt að full-
yrða að þetta verkefni yrði á
framkvæmdaáætlun næsta árs og
yrði reynt að Ijúka því á árinu.
Spurt var um Holtaveg, hvort
borgarstjórn hefði hugsað sér að
leggja hraðbraut gegnum hluta
Laugardals. Sagði borgarstjóri að
Holtavegur i núverandi mynd
ætti að hverfa þar sem hann ligg-
ur frá Suðurlandsbraut að Lang-
holtsvegi. Hins vegar væri gert
ráð fyrir því i aðalskipulagi að
nýr Holtavegur yrði lagður
nokkru austar og kæmi þá til með
að liggja nokkurn veginn frá mót-
um Grensásvegar og tengjast nú-
verandi Holtavegi nálægt Sunnu-
vegi. Öráðið væri hvenær það
yrði. Gantli Holtavegurinn yrði
lokaður í vetur og e.t.v. fyrir fullt
og allt. Hvað varðaði hraðbraut
gegnum hluta Laugardals kvaðst
borgarstjóri reikna með að þar
væri átt við að Dalbrautin ætti að
framlengjast fyrir neðan byggð-
ina við Laugarásveg, eins og nú-
gildandi aðalskipulag gerði ráð
fyrir, en hann kvað óhætt að full-
yrða að þessi gata hyrfi, skv. þvi
aðalskipulagi sem samþykkt
verður i vetur. Er því reiknað
með að dalurinn verði óskertur að
þessu leyti.
Stefán Jónsson spurði um
Reykjanesbrautina fyrirhuguðu
frá Breiðholti til Hafnarfjarðar
og hvenær hún yrði komin í gagn-
ið. Borgarstjóri kvaðst ekki geta
svarað því, þar sem þessi vegur
teldist til þjóðvega og Vegagerð
ríkisins ætti að leggja hann. Hann
hefði hins vegar ímyndað sér að
ekki yrði byrjað á þeim vegi fyrr
en búið væri að ganga endanlega
frá Hafnarfjarðarveginum, sem
kominn er i tveimur akreinum
suður fyrir Arnarnesið. En þar
sem ýmsar blikur væru nú á lofti,
eins og sézt hefði i blöðum, og
Garðbæingar vildu ekki að braut-
in færi lengra, þá væri ekki séð
hvort það yrði til þess að hætt
yrði við framlengingu vegarins
þar og tekið í staðinn til við
Reykjanesbrautina. Um það
kvaðst borgarstjóri ekki geta sagt,
en Garðbæingar hefðu mikinn
áhuga á að sú yrði fram-
kvæmdaröðin.
Ölafur H. Ölafsson spurði hvers
vegna bridgefélög borgarinnar
nytu aðeins litils brots af þeirri
fjárhagsaðstöðu, sem Taflfélag
Reykjavikur nyti. Hvort borgar-
stjóri teldi einhvern reginmun á
þessum tveimur hugíþróttum.
Kvað borgarstjóri erfitt að
svara nákvæmlega hvað lægi að
baki i hugum borgarfulltrúa, þeg-
ar þeir hafa metið þetta. Rétt
væri að skákíþróttin nyti mun
meiri stuðnings en bridgeiþróttin.
Oft hefði verið deildumál í borg-
arstjórn hvort styrkja ætti bridge-
íþróttina, en meirihluti borgar-
fulltrúa talið að það ætti að gera.
Ástæðan fyrir því að Taflfélag
Reykjavíkur hefur fengið mikla
aukningu á sínum styrkjum á
undanförnum árum, væri hið
mikla unglingastarf, sem það rek-
ur og hefur sýnt fram á. Taflfélag
Reykjavíkur hefur mjög um-
fengsmikla unglingastarfsemi í
félagsheimili sínu við Grensásveg
og talið væri rétt að styrkja þá
starfsemi. Ef Bridgefélag Reykja-
víkur gæti t.d. sýnt fram á að það
væri með slíka starfsemi til þess
að stuðla að hollum tómstundum
fyrir börn og unglinga, þá yrði
það metið.
Örn Þór Karlsson sagði: Um
leið og fagna ber byggi/igarfram-
kvæmdum á óbyggða svæðinu
milli Sigtúns og Suðurlandsbraut-
ar, vildi ég spyrja hvort ekki væri
mögulegt að gera göngustíg og
lýsingu frá gatnamótum Gullteigs
að mótum Hallarmúla. Leið þessi
er mikið notuð, bæði vegna lokun-
ar akstursleiða hverfisins og
góðra strætisvagnaleiða frá Hall-
armúlabiðstöð. Kvaðst borgar-
stjóri skyldu kanna þetta. Göngu-
stígur væri ekki þarna á skipulagi
og lóðum hefði e.t.v. verið úthlut-
að þarna eða vilyrði gefin fyrir
þeim.
Sigmundur K. Ríkharðsson
spurðist fyrir um rannsókn á neð-
anjarðar vatnsbólakerfi í fólk-
vanginum í Bláfjöllum. Meðan
grunur léki á að það tegndist
vatnskerfi borgarinnar, hefðu
skálabyggingar verið bannaðar
nema með óaðgengilegum skilyrð-
um. Borgarstjóri sagði að meðan
taldar væru meiri líkur á að sam-
band væri milli vatnssvæðanna
neðanjarðar og vatnsbóla yrði að
gæta ítrustu varkárni. Endanleg-
ar niðurstöður lægju ekki fyrir og
yrði því enn um sinn að fara með
fyllstu gát.
Sigmar Pétursson spurði hvar
Laugarnesbúar ættu að kaupa
mjólkina eftir 1. feb. Borgarstjóri
sagði að heilbrigðismálaráð borg-
arinnar og borgarlæknir hefðu
tekið þetta mál til meðferðar.
Ekki lægi alveg fyrir ennþá hvaða
verzlanir mundu taka mjólk til
sölu. Ef hinsvegar kæmi í ljós að
einhverjir stórir hverfishlutar
yrðu útundan 1. febrúar, þá yrði
reynt með einhverjiím ráðum,
annaðhvort með fortölum við
Mjólkursamsöluna eða einstaka
kaupmenn, að bæta þar úr, svo
heil hverfi yrðu ekki útundan.
Endanlegar upplýsingar væru
ekki fyrir hendi og því væri ekki
á þessu stigi hægt að svara spurn-
ingunni nákvæmlega.
Þórunn Marteinsdóttir spurði
hvort ekki væri hægt að breyta
strætisvagnaferðum í Laugarnes-
hverfi þannig að vagnarnir færu
ekki allir á sama tima. Borgar-
stjóri sagði það koma fram í fyrir-
spurninni að vagnarnir kæmu
mjög ört og siðan of miklar biðir á
milli. En erfitt kynni að vera að
breyta þessu á einstökum stöðum
vegna þess að kerfið væri allt
hannað eða byggt upp sem ein
heild. Vagnarnir sem þarna ganga
þjóna fleiri hverfum og farþegar
þyrftu að fara úr og skipta um
vagna á svokölluðum skipistöðv-
um. Reynt hefði verið eftir beztu
fáanlegum upplýsingum að hafa
kerfið eins sveigjanlegt og hægt
er. Einstök könnun hefði verið
gerð fyrir nokkru og niðurstöður
af henni myndu koma til með að
liggja fyrir siðar í vetur. Hún
hefði m.a. verið gerð til þess að
athuga hvort hægt væri að breyta
kerfinu og gera það meira aðlað-
andi, sníða af agnúa, sem víða eru
í borginni, en erfitt hefur reynzt
að bæta úr vegna þess að á allt
kerfið yrði að líta sem eina heild.
Ef verið væri að lagfæra fyrir
íbúa á afmörkuðu svæði, kynni
það að hafa enn verri afleiðingar
fyrir íbúa á öðru svæði. En borg-
arstjóri kvaðst vona að upplýsing-
ar þær, sem fengjust með könn-
uninni, yrðu til þess að hægt yrði
að breyta kerfinu og gera það
meira aðlaðandi.
Kristín Bjarnadóttir spurði
hvað væri fyrirhugað að gera við
sæðið, sem liggur vestan við
Laugarnesveg frá afurðadeild SlS
að Laugarnesi. Hún vildi síður
vita af háum blokkum þar. Sagði
borgarstjóri að skv. skipulagi og
áætlun um umhverfi og útivist
frá 1974 ætti ekki að byggja á
Laugarnessvæðinu. Væri gert ráð
fyrir auðu og opnu svæði þarna og
þyrfti að gera svæðið aðlaðandi i
náinni framtíð. M.a. hefði verið
talað um lítinn golfvöll þarna, æf-
ingavöll með nokkrum holum, svo
borgarbúar gætu notið þessarar
íþróttar i hjarta borgarinnar.
Yrði væntanlega leitað samstarfs
við Golfblúbb Reykjavíkur um
skipulag á svæðinu. Öhætt mundi
að fullyrða að þar kæmu ekki
háar blokkir.
Bergur Kristinsson spurði
hvort mögulegt yrði að setja ein-
stefnuakstur á Bugðulæk. Gatan
væri þröng og ekki hægt að mæt-
ast, ef bifreiðum væri lagt beggja
vegna götunnar. Borgarstjóri
kvaðst mundu kanna málið og
biðja umferðarnefnd að athuga
hvort grundvöllur væri fyrir ein-
stefnuakstri þarna.
Þá svaraði borgarstjóri annarri
spurningu Bergs um það hvenær
og hvernig yrði gengið frá hliðar-
svæðum við neðanverðan Leiru-
læk. Kvað borgarstjóri áform um
að ljúka sem allra fyrst skv. áætl-
un um umhverfi og útivist og láta
hafa forgang frágang á auðum og
óbyggðum svæðum, sem eru á eða
innan um íbúðahverfin. Mikið
hefði verið unnið að því í þessu
hverfi i sumar, við Sundin og við
Dalbraut og raunar viðar. Kvaðst
hann vonast til að hægt yrði að
ljúka á næsta eða a.m.k. þar
næsta ári við auðu svæðin, sem
víðs vegar eru í hverfinu og ekki
sérstaklega ætluð til annars en
vera auð og óbyggð.
Haraldur Sigmundsson, sem
býr á Kleppsvegi 34, sagði
óánægju með að bifreiðum væri
lagt upp að húsinu. M.a. lokaði
það göngu frá útidyrum, sjúkra-
bifreiðum og slökkvibifreiðum
stafaði hætta af og vatnselgur og
krap mæddi á bifreiðum. Einu
sinni hefði verið talað um bila-
stæði á auðu svæði fyrir sunnan
Kleppsveg 40—44 með innakstri
milli blokkanna, en verið horfið
frá því. Einnig kvartaði hann
undan hávaða af umferð þarna og
spurðu hvenær aðrar tvær akrein-
ar kæmu norðan Kleppsvegar, til
viðbótar við þær akreinar, sem
gerðar voru í fyrra og í ár.
Borgarstjóri kvaðst reikna með
að í nokkur ár mundi látin duga
önnur akreinin, sem komin er, og
ekki hægt að tímasetja hina ak-
reinina. Um bílastæðin kvaðst
hann mundu kanna nánar. Ein-
hvern tíma hefði verið rætt um að
setja bílastæði við Kleppsveg
40—44, einhver hluti íbúanna
hefði óskað eftir að reisa þar bíl-
skúra, sem ekki hefði verið heim-
ilað. Taldi hann að enn væru þær
hugmyndir uppi, sem hann mundi
kanna
Jóhann Magnússon spurði hve-
nær lokið yrði frágangi Dalbraut-
ar, þ.e. þeim hluta sem liggur að
húsum við fiporðagrunn. Borgar-
stjóri vísaði í fyrra svar um að
verið væri að reyna að ljúka frá-
gangi á auðum svæðum. Bygging-
arframkvæmdir við Ualbraut og
umrót af þeim kynni að valda þvi
að eitthvað drægist að ganga frá
svæðum, sem lægju allra næst
þeim. Kvaðst hann vonast til að
þessi svæði yrðu tekin fyrir fljót-
lega.
Carl Eiríksson spurði hvort
borgarstjóri vildi beita sér fyrir
því að borgarbúar fengju notið
notið sjálfsagðs réttar við að fá i
hendur afrit af öllum gögnum,
sem um hann eða fjölskyldu hans
fjalla og kynnu að vera geymd í
fórum opinberra aðila, s.s. í fé-
lagsstofnun eða barnaverndar-
nefnd.
Borgarstjóri kvað það sjálfsagð-
an rétt hvers og eins að fá að vita
um þau gögn, sem lægju til grund-
vallar hans málum. Hins vegar
væri barnaverndarnefnd lögum
samkvæmt mjög sjálfstæður aðili
í stjórnkerfinu. Hún hefði mjög
mikið vald og samkvæmt lögum
heyrði hún ekki beint undir
borgarstjórn. Málskot frá barna-
verndarnefnd ættu að ganga til
barnaverndarráðs, stofnunar sem
ríkið annaðist. Þannig að vald
borgarstjóra og borgarfulltrúa
væri aðeins fólgið í fortölum og
áhrifum á þessa aðila. Kvaðst
borgarstjóri gera sér fulla grein
fyrir, að oft er þar um erfið og
viðkvæm persónuleg mál að ræða.
Hann kvaðst vita að fólk það, sem
í barnaverndarnefnd væri, reyndi
að vinna sín störf af beztu sam-
vizku.
Jóhannes Guðmundsson spurði
hvenær ráðgert væri að ganga
endanlega frá lóð Laugalækjar-
skóla. Því svaraði borgarstjóri á
þann veg, að gert væri ráð fyrir
útbyggingu við skólann og þá mið-
að við að hann yrði fjölbrauta-
skóli. Ekki væri enn alveg ljóst
hvaða námsbrautir yrðu starf-
ræktar í skólanum og þvi ekki
farið að vinna við lokaáfanga
byggingarinnar. Af þeim sökum
hefði ekki verið gengið frá leik-
svæði lóðari-nnar, en hætta á að
þar yrði um tvíverknað að ræða.
Yrði það væntanlega ekki gert
fyrr en viðbygging verður ákveð-
in. Hins vegar kynni að vera hægt
að gera einhverjar lagfæringar á
lóðinni, sem ekki myndi þá hafa
of mikil áhrif á væntanlega við-
byggingu. Ekki væri þó gert ráð
fyrir því í drögum af fjárhags-
áætlun næsta árs, sem nú liggja
fyrir.
Ekki lágu fleiri spurningar fyr-
ir og að lokum sagði Birgir lsl.
Gunnarsson, borgarstjóri:
C.óðir fundarmenn, ég vil að-
eins þakka ykkur komuna á þenn-
an fund. Hér hafa komið frani
margar fyrirspurnir og ábending-
ar, sem ég hef reynt að svara eftir
beztu getu. Margt af því sem hér
kemur fram, þarfnast frekari at-
hugunar við. Ég þakka ykkur fyr-
ir þátttökuna í þessum fundi.
Það sem hefur komið fram er
mér til leiðbeiningar i mínu
starfi.
Eg hygg að gott samband íbúa í
hinum einstöku hverfum við
borgarstjóra og borgarstjórn sé
mjög mikilvægt til þess að starf
okkar skili þeim árangri sem til
er ætlazt og við viljum stefna að.
Hildur Jónsdóttir ber fram fyrirspurn til borgarstjóra