Morgunblaðið - 09.01.1977, Blaðsíða 22

22
MORGUNBLAÐIÐ, SUNNUDAGUR 9. JANUAR 1977
Umsjón: Rúna Gísladóttir og Þórir S. Guðbergsson.
Barna- og
fjölskyldusíða
Morgunblaðsins
Heila-
brot
78ER.-
Þessi þraut er ef til vill ekki eins erfið og hún
lítur út fyrir að vera við fyrsta lestur. Aðalatriðið
er, að þú kunnir að leggja saman — og takir þér
tíma til þess að leysa þrautina. Hún er í því fólgin
að draga línu frá 1 til 15 á þann hátt, að tölurnar,
sem þú ferð framhjá, verði samtals 60. Lausn er
annars staðr á síðunni.
-------------------------------------------
Gaman,
gaman,
snjór
Allir krakkar hafa mikið dálæti á snjó og þess
vegna er líka um að gera að nota hann óspart. í
frosti er hann harður og þurr, og þá er gott að
renna sér á sleða eða skíðum. En í hláku er hann
blautur og bezta efni í snjókarl eða kerlingu og
snjóhús. Þá er líka hægt að fara í snjókast, og er
skemmtilegast að útbúa sér skotmark þar sem
ekki eru gluggar nærri eða bílaumferð. Skot-
markið gæti verið plata, sem teiknaðir eru á
hringir, hver innan í öðrum og miðdepillinnst, og
svo er skotið á spjaldið úr ákveðinni fjarlægð,
reynt að hitta sem næstu miðju.
Snjókarl má gera úr 3 snjókúlum, sú stærsta
höfð neðst, síðan nokkru minni kúla sett ofan á og
lokst er höfuðið minnst. Snjókarlinum er svo
gefinn gamall hattur og gerð á hann augu, nef og
munnur, annaðhvort með steinum eða á svipaðan
hátt og á myndinni.
Snjóhús er hægt að grafa í skafl, og stundum
verða þá göngin löng, ef skaflinn er stór. En sé
snjórinn harður má stinga út snjókubba með
stunguskóflu og hlaða síðan snjóhúsið úr þessum
„snjómúrsteinum". Það er talsvert verk, en
árangurinn verður oft mjög góður. Ef til vill
getur einhver fullorðinn hjálpað til, þá gengur
verkið betur.
Minnumst þess, að hættulegt getur verið a
kasta snjókúlu í bíla á ferð, glugga, ljósker eða
fólk.
v___________________________________________./
Lausn á „heilabroti":
1—2—12—7—8—3—6—4—2—15
Útier
kalt
Frost er úti, fuglinn minn,
ég finn, hve þér er kalt.
Nærðu engu í nefið þitt
því nú er frosið allt.
En ef þú bíður agunablik
ég ætla að flýta mér
að biðja hana mömmu mína
um mylsnu handa þér.
Góðir
kunn-
ingjar
Andrés önd og Mikki
mús eru herramenn,
serm flest börn
þekkja. Maðurinn,
sem er höfundur
þeirra, heitir Walt
Disney. Hann hefur
líka gert margar kvik-
myndir, maðal annars
Mjallhvft, Gosa,
Bamba og Fantasfuna,
sem þúsundir barna
hafa séð. Hann dó árið
1966 og fékk fyrir
dauða sinn 30 Óskars-
verðiaun fyrir kvik-
myndir sfnar, en eng-
inn annar hefur fengið
nálægt því svo mörg
Óskars-verðlaun. Þetta
eru amerfsk kvik-
myndaverðlaun, stytta
af fþróttamanni. Það
var skrifstofustúlka,
se gaf verðlaunastytt-
unni þetta nafn, hún
átti frænda, sem Ifktist
mjög styttunni, og
frændinn hét Óskar.
Litla sagan:
Ertu
ríkur?
— Ert þú ríkur? spurði
prestur nokkur eitt barn-
anna f sunnudagaskóla
sínum. Var það fölleitur
og fátæklega klæddur
drengur.
— Nei, svaraði
drengurinn dálítið
hikandi.
— Áttu þúsund
krónur? spurði prestur-
inn.
— Nei, nei, svaraði
drengurinn.
— Langar þig til þess
að verða ríkur?
— Já, það langar mig.
— Jæja, seldu mér þá
skæru gimsteinana, sem
þú átt þ:rna — augun í
þér.
Nei, það vildi drengur-
inn ekki.
Presturinn bauð
honum hundrað þúsund
krónur fyrir augun,
fimm hundruð þúsund,
milljón krónur, en allt
kom fyrir ekki.
— Viltu þá selja mér
litla verkfærið, sem þú
átt og kallað er hönd?
Nei, það vildi drengur-
inn ekki heldur. Prestur-
inn bauð honum tvær
milljónir fyrir augun og
hendurnar. En drengur-
inn brosti bara að því og
vildi auðvitað ekki selja.
— Þá skaltu ekki segja
mér að þú sért fátækur,
úr því að þú hefur efni á
að hafna því að selja
þetta fyrir háar
upphæðir, sagði prestur-
inn.
Augu þín og hendur
eru þér gefin af Guði. Og
auðvitað vilt þú ekki
heldur missa neitt af
þessu. Fætur þínir,
höfuð, skynsemi, hæfi-
leikar, allt þetta eru líka
gjafir Guðs. Einnig for-
eldrar, heimili, vinir og
margt, margt fleira. Þú
ert ríkur, mjög ríkur.
Allt þetta er svo miklu
meira virði en peningar,
Jafnvel háar fjár-
upphæðir eru ekkert
samanborið við þessar
gjafir.
Verum þakklát fyrir
gjafir Guðs. Það er ekki
sjálfsagður hlutur, að við
eigum þetta allt. Þeir eru
margir sem hafa misst
eitthvað af þessu, þessum
dýrmætu gjöfum, sjón,
hönd eða fót — eða for-
eldra. Sumir fæðast án
þess að vera það sem við
köllum heilbrigð andlega
og geta þá ekki lært að
nota skynsemi sína og
hæfileika í sama mæli og
flestir aðrir. Þökkum
Guði fyrir þær gjafir,
sem hann hefur veitt
okkur. Þær eru svo
margar, óendanlega
margar. Reynum að telja
þær upp með sjálfum
okkur, og skeytum ekki
um það, þó að við vitum
um einhvern, sem
kannski hefur fengið
fleiri en við sjálf. Verum
þakklát fyrir það sem við
eigum.