Morgunblaðið - 20.05.1978, Blaðsíða 16

16
MORGUNBLAÐIÐ, LAUGARDAGUR 20. MAI 1978
Borgarstjóri svarar...
Tt*kið t‘r á moti fyrirspurnum í síma 10100 kl. 10-12 mánudaga til föstudags
Hver valdi
turninum stað?
Pétur Guðjónsson, Grundar-
landi 10:
Hver réð staðarvali turnsins á
Lækjartorjíi? Hann skyggir á
útsýni úr Austurstræti upp í
Bankastrætið og öfugt og hefði
að mínu mati átt að vera við
Útvegsbankann og færa hefði
mátt klukkuna nokkuð norðar.
Hefur verið athugað hvort hafa
má hann neðst í Bankastrætinu
þar sem oft eru nú happdrættis-
bílar?
SVAR: Staðsetning söluturnsins
á Lækjartorgi var samþykkt til
reynslu af skipulagsnefnd og
var bókun skipulagsnefndar
staðfest í borgarráði. Ég tel ekki
rétt að bre.vta staðsetningunni
að svo stöddu, fyrst verði að fá
nokkra reynslu á starfrækslu
sölnturnsins á núverandi stað.
Leiði reynslan hins vegar í ijós,
að staðurinn teíst ekki rétt
valinn, er ekkert áhorfsmál að
taka aðra möguleika tii frekari
athugunar, m.a. þann, sem
fyrirspyrjandi bendir á. Ekki
þótti rétt að færa hann lengra
inn á torgið, þar sem turninn
hefði þá takmarkað notagildi
Lækjartorgs sem útifundarstað
fyrir Re.vkvíkinga.
Verkefni fyrir
jarðýtur í Rvík?
Ingvi Ingvason, Breiðvangi
55:
Mig langar að fá álit borgar-
stjóra á því hvort grundvöllur sé
fyrir jarðýtufyrirtæki í Reykja-
vík. Að undanförnu hef ég unnið
í Hafnarfirði, en þar er lítið um
verk og hef því hug á að færa
mig til Reykjavíkur. Geta ein-
staklingar fengið verkefni eða
eru þau aðallega ætiuð fyrir-
tækjum á þessu sviði?
SVAR: Flestar byggingarfram-
kvæmdir á vegum borgarinnar
og mörg gatnagerðarverkefni
eru boðin út. I þeim tilvikum
ræður verktaki sjálfur oft
undirverktaka til að annast
einstaka verkþætti, t.d. jarðýtu-
vinnu. Þegar Reykjavíkurborg
stendur sjálf fyrir framkvæmd-
um er að sjálfsögðu notaður
vélakostur í eigu borgarinnar og
stofnana hennar, en þegar sá
vélakostur annar ekki eftir-
spurn semur Vélamiðstöðin við
eigendur vinnuvéla um leigu á
þeim og hefur þá jafnan verið
litið á allt höfuðborgarsvæðið
sem eitt atvinnusvæði og að
sjálfsögðu ekki gerður munur á,
hvort vélar eru í eigu einstakl-
inga eða fyrirtækja.
Vatn frá
Laugavegi
Ingibjörg Daníelsdóttir. Há-
túni 8:
Á svæðinu frá Nóatúni að
Kringlumýrarbraut lekur vatn
frá Laugaveginum niður að
húsum hér við Hátún. Veldur
það því að við getum ekki haft
fallegt á lóð okkar. Höfum við,
íbúar í þessum 36 íbúðum,
gengið frá lóðinni að norðan en
vegna þessa vatnsaga er ófrá-
gengið að sunnan. Nefna má
einnig að stétt sem liggur að
verzlunum á þessu svæði liggur
jafnan undir svelli á vetrum
þegar frost er. Hvenær verða
sett niðurföll og kantur á
þennan kafla Laugavegarins?
SVAR: S.l. sumar var gengið frá
niðurfallasvelg á svæðinu milli
Laugavegar og lóðarinnar að
Hátúni 8. Þessi svelgur mun
hafa aflagazt í snjóunum í vetur
en verður lagfærður nú alveg á
næstunni. Reikna verður með,
að Laugavegur verði síðan
breikkaður til norðurs á um-
ræddum kafla og verður því ekki
gengið endanlega frá kanti og
niðurföllum fyrr en samhliða
þeirri framkvæmd.
Flugbraut
framlengd?
Gunnar Gunnarsson. Lamb-
hól við Starhaga:
1) Hvenær á að framlengja
flugbrautina til norðvesturs yfir
Suðurgötuna? Hefi ég heyrt að
það stæði til og vil fá að vita
hvort og þá hvenær það standi
til.
2) Hvenær verður Bústaða-
vegur framlengdur yfir Kringlu-
mýrarbrautina eins og ráðgert
var í skipulagi?
SVAR.
1) Engin umsókn hefur kom-
ið fram um lengingu flugbraut-
arinnar yfir Suðurgötu og málið
því ekkert rætt. Þótt endurskoð-
að aðalskipulag sýni tæknilega
útfærslu á þessum möguleika
felst engin ákvörðun í því um
framlengingu brautarinnar.
2) Framlenging Bústaðavegar
yfir Kringlumýrarbraut hefur
ekki verið tímasett. Fram-
kvæmd þessi tengist m.a.
ákvörðun um gerð Fossvogs-
brautar, en eins og kunnugt er
verður ákvörðun um Iagningu
hennar ekki tekin fyrr en að
undangenginni athugun og sam-
þykki bæði borgaryfirvalda í
Reykjavík og bæjaryfirvalda í
Kópavogi.
Tennisvöllur
í Laugardal?
Kristján Baldvinsson. Selja-
braut 36:
Rætt hefur verið um að
gerður yrði tennisvöllur í Laug-
ardalnum. Er hann enn á
dagskrá og hvenær má búast við
að hann verði tilbúitin?
SVAR, Að svo stöddu er ekki á
dagskrá að gera tennisvöll
innan íþróttasvæðis borgarinn-
ar í Laugardal. Tennis- og
badmintonfélag Reykjavíkur
áformar hins vegar að byggja
tennisvelli við íþróttahús sitt í
Laugardal við Álfheima. Stað-
setning tennisvalla þar er talin
mjög góð, enda búningsaðstaða
og böð fyrir hendi. Iþróttaráð
borgarinnar hefur samþykkt að
styrkja kostnað við þessar
framkvæmdir með 40% fram-
lagi úr borgarsjóði og 40% láni,
sem kemur til endurgreiðslu af
væntanlegu framlagi íþrótta-
sjóðs ríkisins.
Jarðrask
við bflastæði
Smári Wium, Hraunbæ 164:
Gerð voru bílastæði fyrir
stóra bíla hér við Hraunbæ fyrir
borgarstjórnarkosningarnar
1974. Við það varð nokkurt
jarðrask og spurningin er
hvenær verður gengið frá því?
Fýkur úr þessum moldarhaug-
um inn í allar íbúðir hér.
SVAR. Þetta verður lagað í
sumar.
Blómabeð
á götunni?
Kristján Þorsteinsson, Selja-
vegi 23:
Hver ber ábyrgð á því að sett
var niður blómabeð á gatnamót-
um Klapparstígs og Sölvhóls-
götu, rétt við hús Landsmiðj-
unnar?
SVAR, Blómabeð þetta er ekki
á vegum Reykjavíkurborgar,
sennilega gert af Landssmiðj-
unni á lóð hennar.
Framkvæmdir
á róluvelli
Margrét Albertsdóttir,
Garðsenda 9:
1) Fyrir 8 árum var Sogaveg-
urinn hækkaður, en ekki hefur
enn verið lagfært neitt hér
norðan megin eftir þessa breyt-
ingu á götunni. Lekur niður á
lóðir okkar mold og möl og
veldur óþrifnaði, og spurt er
hvenær lagfæringa sé von?
2) Hvenær verður lokið fram-
kvæmdum við róluvöllinn hér í
nágrenninu, sem byrjað var á í
fyrrasumar? Börn geta ekki
notast við hann sem stendur þar
sem verkinu var ekki nærri
lokið.
SVAR.
1) Það er rétt hjá fyrirspyrj-
anda, að ekki hefur verið gengið
frá Sogaveginum norðanverðum
eftir umrædda hækkun á hon-
um. Hér er um nokkuð mikið og
vandunnið verk að ræða (vænt-
anlega hleðslu) og hef ég beðið
gatnamálastjóra að taka þessa
ábendingu til athugunar, en
ekki er unnt að lofa fram-
kvæmdum í ár.
2) Vinna við umræddan garð,
sem er sambland af skrúðgarði
og leikvelli, mun hefjast aftur
næstu daga og ljúka á miðju
sumri. Umrætt verk reyndist
umfangsmeira en í fyrstu var
áætlað m.a. vegna landhalla og
vatnsaga og mun vera visst
vandamál að gera frárennslis-
lögn fyrir garðinn.
Umferðarljós við
Hljómskálann?
Valdimar Guðmundsson, Óð-
insgötu 16 b:
Er ekki mál til komið að sett
verði upp umferðarljós á mótum
Skothúsvegar, h'ríkirkjuvegar
og'Sóleyjargötu? Þar er mikii og
hröð umferð og oft erfitt að
komast leiðar sinnar og útsýni
yfir gatnamótin ekki gott.
SVAR. Mál þetta mun hafa
verið rætt nokkuð í umferðar-
nefnd, en að éísu ekki nýlega.
Rétt er að umferð við þessi
gatnamót er oft nokkuð mikil,
en hafa verður í huga, að
umferðarljós geta líka valdið
hindrunum. Uppsetning umferð-
arljósa við þessi gatnamót hefur
því ekki verið talin tímabær til
þessa, en umferðardeild mun
fylgjast með málinu.
Viðhald
gamalla húsa
Ásta Fjeldsted. Suðurgötu 18:
1) Mér og öðrum íbúum hér
við götuna er til skapraunar hve
húsinu nr. 8 við Suðurgötuna er
illa viðhaldið þar sem séra
Jóhann bjó fyrir 40 árum.
Langar mig til að spyrja borgar-
stjórann hvort ekki sé kominn
tími til að þetta hús sé gert upp
og málað og snyrt í kringum
það?
2) Þá langar okkur hér að
vita hvort ekki væri vegur að
borgaryfirvöld sæju um að
gerðar yrðu tröppur á milli
Tjarnargötu nr. 18 og 20 upp í
Suðurgötuna, því girðingin ofan
við húsin er að niðurfalli komin
vegna fólks sem styttir sér leið
milli gatnanna. Myndu allir
verða þakklátir fyrir slíka fram-
kvæmd.
SVAR.
1) Hús og lóð að Suðurgötu
- 8 eru í eign einkaaðila. Það er
rétt hjá fyrirspyrjanda, að
viðhaldi hefur verið mjög ábóta-
vant og að eignin er til lýta fyrir
umhverfið. Það er því löngu
orðið tímabært að koma þessu í
betra horf, en því miður eru
heimildir og ráð borgaryfir-
valda til afskipta mjög tak-
mörkuð. Byggingarnefnd getur
þó skorað á húseiganda að bæta
úr, ef útlit húss er talið mjög
„ósmekklegt eða óviðunandi á
annan hátt“, t.d. þannig að af
stafi „hætta, óþrifnaður eða
óþægindi". Birting þessarar
fyrirspurnar verður vonandi til
þess, að húseigendur lagfæri
útlit hússins og umhverfi þess.
2) Gerð umræddra trappna
milli húsanna nr. 18 og 20 við
Tjarnargötu hefur ekki verið á
dagskrá eða franikvæmda-
áætlun hjá horginni og í skipu-
lagi er ekki gert ráð fvrir
göngustíg á þessum stað. Þarna
er mjög mikill hæðarmunur
milli gatna og því um allmikið
og dýrt mannvirki að ræða.
Gatnahreinsun
Emil Als. Kirkjuteigi 27:
I göturæsum Re.vkjavíkur, á
stéttum hennar og strætum
liggja hundruð ef ekki þúsundir
smálesta af ieðju, sandi og möl.
Til að fjarlægja þennan ófögnuð
er um tvær meginleiðir að velja.
í fyrsta lagi: Borgin ræður til
verksins flokka manna með
strákústa og skóflur, því vél-
hreinsun er ófullnægjandi og
óviðunandi.
I öðru lagi: Skírskotað verði
til þegnskapar borgarbúa og
hver og einn hvattur til að
hreinsa fyrir sínum dyrum.
Báðar leiðirnar má fara jöfn-
um höndum.
Hvaða leið hyggst borgar-
stjórnin í Reykjavík velja og
hvenær ætlar hún að láta sjá
högg á vatni?
SVAR. Vegna veðurfars er
gatnahreinsun iliframkvæman-
leg svo vel fari í u.þ.b. 6 mánuði
ársins. Vorhreingerningin er því
að jafnaði umfangsmikið verk,
sem tekur óhjákvæmilega nokk-
urn tíma. Við hreinsun gatna og
opinna svæða starfa 40 menn að
staðaldri og verulega fleiri yfir
sumarmánuðina. Notaðir eru nú
4 vélsópar, einn gangstéttarsóp-
ur, ein götuþvottabifreið og ein
holræsahreinsunarbifreið, sem
annast einnig hreinsanir á
niðurföllum.
Rétt er að vorhreinsun þarf að
miklu leyti að framkvæma með
handafli og minnt er á að
miðbærinn er handhreinsaður
daglega allt árið. Vélsóparnir og
þvottabifreiðin eru hins vegar á
umferðargötum svo og í út-
hverfum borgarinnar, þegar
vorhreinsun er lokið.
Borgarbúar hafa oftlega verið
hvattir til að taka þátt í fegrun
og snyrtingu borgarinnar, t.d. í
sambandi við lóðahreinsun og
þótt margir hreinsi einnig gang-
stéttir utan við hús sín hefur
það ekki verið lagt á herðar
einstaklinga að hreinsa götur og
torg.
Á þessu ári er áætlað að verja
úr borgarsjóði til hreinsunar
gatna, þ.m.t. snjómoksturs, og
hreinsunar á opnum svæðum og
lóðum samtals rúmlega kr. 248
millj.
Það kæmi mér vissulega á
óvart, ef fyrirspyrjandi hefur
ekki séð „högg á vatni" við
hreinsun gatna í Reykjavík.
Verkamönnum og öðrum, sem
að þessum málum starfa, vil ég
láta koma fram þeim til verðugs
hróss, að mjög margir erlendir
ferðamenn hafa einmitt látið
þess getið við mig, að Reykjavík
væri óvenju hrein borg.
Takmörkun
umferðar
á Nesvegi?
Jóhann Þórhallsson. Nesvegi:
Er ekki hægt að draga á
einhvern hátt úr umferð á
Nesveginum? Má t.d. takmarka
hana með því að banna vinstri
beygju af Hringbraut inn á
Hofsvallagötu því mikil umferð
er um Hofsvallagötu og áfram
vestur á Seltjarnarnes. Oft er
ekið þarna mjög hratt og mætti
e.t.v. setja upp gangbrautarljós,
vegaþrengingar eða annað svip-
að. I ráði mun að reisa við
Nesveginn sameiginlega heilsu-
gæzlustöð fyrir vesturbæ og
Seltjarnarnes og þá mun umferð
enn aukast og því nauðsynlegra
að takmarka hana eitthvað.
SVAR. Aðalaðkoma fyrir íbúa
og aðra, sem erindi eiga í
vestasta hluta Melahverfis og í
Skjólin, er um Hofsvallagötu.
Ekki er talið unnt að beina
þeirri umferð annað með því að
banna vinstri beygju af Hring-
braut inn á Hofsvallagötu.
Á Hofsvallagötu nálægt
gatnamótum við Hagamel eru
nú hnappstýrð gangbrautarljós,
en áður voru þar blikkljós.
I sambandi við byggingu
heilsugæzlustöðvar á Seltjarn-
arnesi er rétt að taka fram, að
ekki hefur enn verið tekin
ákvörðun um sameiginlega
heilsugæzlustöð fyrir Vesturbæ-
inn og Seltjarnarnes. Ef sú yrði
niðurstaðan, myndi sú stöð fyrst
og fremst þjóna aðliggjandi
hverfum.