Morgunblaðið - 27.05.1978, Blaðsíða 3
MORGUNBLAÐIÐ, LAUGARDAGUR 27. MAÍ 1978
3
Geir Hallgrímsson, formaður Sjálfstæðisflokksins:
Skýrir valkostir — meirihiuti Sjálf-
stædismanna eða sundrtmg og óvissa
í borgarstjórnarkosningunum hafa kjdsendur ákveðnari og
skýrari valkosti en í alþingiskosningum. Spurningin er um
áframhaldandi meirihluta Sjálfstaéðismanna eða sundrung
og óvissu, sagði Geir Hallgrímsson, formaður Sjálfstæðis-
flokksins, er Morgunblaðið ræddi við hann í gær um
borgarstjórnarkosningarnar, sem fram fara á morgun.
í upphafi var Geir Hallgrímsson spurður, hvað vakið hefði
mesta athygli hans í þeirri kosningabaráttu, sem staðið hefur
undanfarnar vikur.
— Það sem vekur helzt athygli
er, að andstœðingar Sjálfstœðis-
flokksins hafa í raun verið í
felum, gengið meðfram veggjum
og ætla sér bersýnilega að komast
inn um bakdymar í meirihluta-
aðstöðu í borgarstjóm Reykjavík-
ur. Þeir hafa ekki gagnrýnt
málefnastöðu Sjálfstæðisflokksins
i borgarmálum heldur treysta
þeir á andvaraleysi kjósenda og
vilja jafnvel. telja þeim trú um, að
meirihluti sjálfstæöismanna sé
öruggur, en í því felst viðurkenn-
ing þeirra á því, að meirihluti
borgarbúa vilji ekki skipta um
stjóm borgarmála. í þessu felst
vissulega mikið hrós um frammi-
stöðu borgarstjómarmeirihlut-
ans.
— Það hefur komið fram í
málflutningi fulltrúa minnihluta-
flokkanna í Reykjavík, að þeir
vilja fremur láta borgarstjómar-
kosningarnar snúast um lands-
mál en borgarmál.
— Það er ekki í fyrsta skipti.
Yfirleitt hafa andstæðingar Sjálf-
stæðisflokksins flúið af hólmi í
borgarmálaumræðum. Þessar
starfsaðferðir þeirra bera því
vitni, að þeir hafi i raun og veru
ekki áhuga á velferðarmálum
borgarbúa, þegar þeir telja þau
a.m.k. ekki „einnar messu virði“.
Það er m.a. óheppilegt, að svo
skammt er milli borgarstjómar-
kosninga og þingkosninga, að
menn greina ekki sem skyldi á
milli borgarmála og landsmála.
Við höfum um margt að ræða og
taka afstöðu til, Reykvíkingar, á
vettvangi borgarmála og við
eigum að gefa okkur tíma til þess
og nota það tækifæri sem gefst í
borgarstjómarkosningum.
— Andstæðingar Sjálfstæðis-
flokksins hafa haft uppi þann
áróður að Reykvíkingar eigi ekki
að kjósa þá flokka, sem þeir nefna
,jcaupránsflokkana“. Hvað viltu
segja um þann áróður?
— Ríkisstjómin hefur staðið að
efnahagsaðgerðum til þess að
tryggja kaupmátt launa og at-
vinnuöryggi í landinu. Þessar
efnahagsráðstafanir, eins og
bráðabirgðalögin, sem gefin voru
út í vikunni, tryggja hinum
lœgstlaunuðu fullar verðbætur og
er launajöfnunarstefna í fram-
kvæmd. í þessu felst því ekki
,Jcauprán“ heldur trygging kaup-
máttar. En á þessum lögum ber
ríkisstjómin auðvitað ábyrgð, en
ekki borgarstjórn Reykjavíkur, og
dómur kjósenda um efnahagsráð-
stafanir rikisstjórnarinnar fellur
við alþingiskosningar og þær
fjórar vikur, sem líða milli
kosninga, verða notaðar til þess
að takast á um þær. En hitt má
strax segja, að þeir flokkar, sem
gera sér ekki grein fyrir því, að
ekki verður eytt meiru en aflað er
og ráðast verður til atlögu við
verðbólguna í verki en ekki
aðeins í orði, eru hvorkifærir um
að bera ábyrgð á stjóm borgar né
lands.
— Andstæðingamir segja einn-
ig, að Sjálfstæðisflokkurinn hafi
verið of lengi við völcL í Reykja-
vík.
— Spumingin er ekki hve lengi
flokkurinn hefur verið við völd í
Reykjavík heldur hvemig honum
hefur farizt sú stjórn úr hendi.
Geir Hallgrímsson.
Meðan Sjálfstæðisflokkurinn
stendur vel í stöðu sinni sem
meirihlutaflokkur í borgarstjórn
Reykjavíkur á hann skilið að
verða endurkosinn. Það á að
dæma flokkinn af verkum hans á
hverjum tíma. Flótti andstæðing-
anna frá umræðunum um borg-
armál Reykjavikur er staðfesting
á því, að þeir finna ekki höggstað
á Sjálfstæðisflokknum sem máli
skiptir að þeirra eigin mati.
— Hvað mundi gerast, ef
minnihlutaflokkamir næðu völd-
um í Reykjavík?
— Það er ekki fráleitt að hugsa
sér, að Reykjavík þyrfti að líða
fyrir það með sama hætti og
landsmenn allir þurftu að taka
afleiðingunum af vinstri stjómar
samvinnu á landsmálasviði
1956-58 og aftur 1971-71*. Ég veit,
að enginn hugsandi Reykvíkingur
óskar þess, að sú saga endurtaki
sig og þá í borgarstjórn Reykja-
vikur.
— Hvað viltu segja að lokum
um horfurnar i borgarstjórnar-
kosningunum?
— Á framboðslista Sjálfstœðis-
flokksins við borgarstjórnarkosn-
ingamar á morgun er valinn
maður í hverju sæti listans og
mér segir vel hugur til um þá
baráttu, sem fram hefur farið
undir forystu þessara forvigis-
manna okkar, undir forystu
Birgis ísl. Gunnarssonar, borgar-
stjóra, sem hefur nú um nær 16
ára skeið starfað í borgarstjórn og
rúm fimm ár sem borgarstjóri og
getið sér slíkt orð, að til hans bera
borgarbúar óskorað traust. Það
traust nær vissulega út fyrir
raðir okkarflokks og skiptir fylgi
flokksins í heild miklu máli. En
hann stendur ekki einn í barátt-
unni, heldur er eins og ég sagði,
valinn maður í hverju sæti
listans. Við getum verið hreykin
af þessum framboðslista, hann er
sigurstranglegur, en því aðeins
vinnur Sjálfstæðisflokkurinn sig-
ur, að við stöndum fast að baki
þeim, sem í forystu eiga að
standa.
Það er eftirtektarvert, að í
borgarstjórnarkosningum hafa
kjósendur ákveðnari og skýrari
valkosti en i alþingiskosningum.
Spumingin er um áframhaldandi
meirihluta sjálfstæðismanna í
borgarstjóm Reykjavíkur annars
vegar eða sundmngu og óvissu
hins vegar.
Sjálfstæðismenn geta engum
treyst, hvorki í kosningum til
borgarstjómar né til landsstjórn-
ar, nema sjálfum sér. Það er
hlutverk Sjálfstæðisflokksins nú
sem fyrr að segja kjósendum
sannleikann, skírskota til skyn-
semi þeirrafremur en óskhyggju,
að það verður ekkert fyrir
kjósendur gert, hvorki í borgar-
eða landsmálum, sem kjósendur
verða ekki sjálfir að borga með
einum eða öðmm hætti, sagði
Geir Hallgrímsson, formaður
Sjálfstæðisflokksins að lokum.
Hringborðsumræð-
ur um borgarmál í
sjónvarpinu í dag
SJÓNVARPAÐ verður í dag
hringíiorðsumræðum um borgar-
málcfni í sjónvarpssal. í umræð-
unum taka þátt cfstu menn
þeirra fjögurra lista, sem í kjöri
eru í kosningunum á morgun. Dr.
Gunnar G. Schram stýrir umræð-
um. Umræðurnar hefjast í sjón-
varpinu klukkan 16.30 í dag og
munu væntanlega standa í einn
og hálfan tíma.
Þátttakendur í umræðunum eru
auk stjórnandans Gunnars G.
Schram þeir Birgir ísleifur Gunn-
arsson borgarstjóri, efsti maður á
lista Sjálfstæðisflokksins, Björg-
vin Guðmundsson borgarfulltrúi,
efsti maður á lista Alþýðuflokks-
ins, Kristján Benediktsson borgar-
fulltrúi, efsti maður á lista
Framsóknarflokksins, og Sigurjón
Pétursson borgarfulltrúi, efsti
maður á lista Alþýóubandalagsins.
Hringborðsumræðurnar voru
teknar upp í sjónvarpssal í gær og
var þá þessi mynd tekin. Þátttak-
endur eru talið frá vinstri, Birgir,
Björgvin, Gunnar, Kristján og
Sigurjón. Myndina tók Kristinn
Ólafsson.