Morgunblaðið - 27.05.1978, Blaðsíða 19
MORGUNBLAÐIÐ, LAUGARDAGUR 27. MAÍ 1978
19
umræddrar lyftu ekki valda
ágreiningi:
Hvað veröur
með leið 13?
Bergmundur Guðlaugsson
Kóngsbakka 12:
Mér virðist eitthvað á reiki
með hvað er fyrirhugað með leið
13, hraðferð sem nú fer bæði í
Breiðholt I og Breiðholt III.
Þetta er ein bezta samgöngubót
sem við höfum fengið þar sem
leið 11 þjónar ekki nógu vel
tilgangi sínum. Er rétt að eigi að
breyta leiðinni á þann veg að
hún fari aðeins í Breiðholt III án
viðkomu í Breiðholti I?
SVARi
Leið 13 mun áfram aka um
Breiðholt I, en tenging við
Breiðholt III verður færð yfir á
sérstaka tengibraut milli hverf-
anna, sem var gerð fyrir S.V.R.
á s.l. hausti.
Hættulegur
leikvöllur?
Þuríður Snorradóttir og
Sesselía Einarsdóttir
báðar búsettar við Miðtún
báru fram hliðstæða spurningu:
Leikvöllurinn við Miðtúnið er
nánast hættulegur þar sem
leiktækin liggja á hliðinni, óþrif
og sóðaskapur viðgengst á hon-
um. Þykir íbúum við Miðtún
trassaskapur hvernig farið hef-
ur um hann, en hér er orðið
barnmargt og hefur fjölgað
mjög síðustu eitt til tvö árin.
Við erum þakklát fyrir að hér
eigi að gera fallegt umhverfi, en
verða ekki börnin sem nú búa
hér og gætu haft not af leik-
svæði vaxin úr grasi 1982? Er
því ekki hægt að senda einn
vinnuflokk til að hreinsa ofurlít-
ið til og koma vellinum í það
horf að hann verði nothæfur í
sumar?
SVARi
Fyrr í vikunni voru gefin
fyrirmæli um að lagfæra þetta
leiksvæði og verður það því gert
alveg á næstunni.
Félagslegt
skipulag?
Geir Viðar Vilhjálmsson
Selvogsgrunni 10:
Hvernir verður við næstu
endurskoðun aðalskipulags
Reykjavíkur háttað endurskoð-
un á hinum félagslegu og
mannlegu þáttum? Verður tekið
meira tillit til þessara þátta?
SVAR.
Til þessara þátta hefur verið
tekið tillit við gerð aðalskipu-
lags og verður svo framvegis.
Hvað er að gerast?
Sigurður Jónasson
Maríubakka 30:
1) Hvað er að gerast með
trjágróðurinn sem settur var
niður meðfram Breiðholtsbraut-
inni en er nú horfinn?
2) Svæðinu milli Jörfabakka
og Maríubakka hefur ekki enn
verið fulllokið, en nú hafa
borgarstarfsmenn unnið þar
mörg sumur. Samt sem áður er
mikið eftir. Hvað hefur kostað
vinna við svæðið fram að þessu
og hvenær verður það tilbúið
eins og það á að verða?
3) Er ekki hægt að breyta
tilhögun með sumarleyfi á
barnaheimilum að frí sé gefið á
mismunandi tímum, en ekki
alltaf í júlímánuði eins og nú er?
Getur þetta komið sér illa fyrir
atvinnurekendur ef allir verða
að fara frá í júlí.
SVÖR.
1) Þessari fyrirspurn hefur
áður verið svarað, en tré, sem
sett höfðu verið við niðurföll,
voru fjarlægð, þar sem talið var
að skolast myndi frá rótum
þeirra.
2) Á umræddu svæði eru í
byggingu tveir stórir leikvellir.
Til þessa hefur kostnaðurinn
numið um kr. 5.5 millj. Reiknað
er með að verkinu ljúki á þessu
sumri.
3) Lokunartíma leikskóla og
dagheimila hefur verið skipt,
þannig að u.þ.b. helmingur
þeirra lokar vegna sumarleyfa í
júlí en hinn hélmingurinn í
ágúst. Að meginreglu er lokun-
artímanum síðan víxlað milli
ára, þannig að sama dagvistun-
arstofnunin lokar ekki í sama
mánuði ár eftir ár. Ef á þarf að
halda hefur börnum verið útveg-
að pláss á þeim dagcistarstofn-
unum, sem opnar eru, meðan
viðkomandi stofnun er lokað
vegna sumarleyfa.
Gangbraut vantar
Guðbjörg Hákonardóttir
Bakkaseli 7:
Hvers vegna hefur ekki verið
merkt gangbraut á Breiðholts-
brautina, því það er margt fólk
sem þarf að sækja frá Selja-
hverfi niður í Breiðholt I eftir
ýmiss konar þjónustu og ekki er
vogandi að senda börnin yfir svo
mikla umferðargötu þegar ekki
er gangbraut fyrir hendi.
SVAR.
Umferðardeild hefur ekki tal-
ið rétt að zebra-merkja gang-
braat yfir Breiðholtsbraut,
a.m.k. ekki fyrr en gerðir hafa
verið göngustígar að götunni.
Fyrir næsta haust er hins vegar
ætlunin að bæta lýsingu þar
sem gengið er yfir Breiðholts-
brautina. Ætla má, að framtíð-
arlausn verði gerð undirganga.
Eru tímamörk
lóðarfrágangs?
Ingrid Björnsson,
Eikjuvogi 2:
Er ekki hægt að skylda fólk til
að ganga frá lóðum sínum innan
ákveðins tíma, á sama hátt og
fólki er gert að byggja á lóðum
sínum innan ákveðins tíma? Ég
vil benda á lóðina á horni
Langholtsvegar og Snekkjuvog-
ar í þessu sambandi.
SVAR,
I alla nýrri lóðasamninga eru
sett ákvæði, sem skylda lóðar-
hafa til að ganga frá lóðum
sínum innan tiltekins tíma.
Reynt er að fylgjast með, að við
þessa skilmála sé staðið, en
augljóslega er mjög erfitt um
vik fyrir borgaryfirvöld að taka
að sér lóðarframkvæmdir í
stórum stíl, þegar misbrestur
verður á.
Vantar
ljósastaur
Álfur Arason,
Grensásvegi 47:
Er ekki hægt að fá ljósastaur
fyrir neðan sundið milli Hólm-
garðs 4 og 6?
SVAR,
Venja er að setja ljósastaura
við stíga þegar þeir eru endan-
lega frágengnir með malbiki.
Hvenær
malbikað?
Ólafur Vilbertsson,
Iðufelli 12:
Hvað líður malbikunarfram-
kvæmdum á strætisvagna-
hringnum í Iðufelli? Er ekki
hægt að rykbinda hringinn
þangað til malbikað verður?
SVAR,
Strætisvagnahringurinn verð-
ur malbikaður í sumar.
Endurbót
og f jölgun
leiktækja?
Rannveig Egilsdóttir,
Bugðulæk 11:
Er ekki hægt að bæta við
leiktækjum og endurbæta þau
sem fyrir eru á útivistarsvæðinu
milli Bugðulækjar og Rauða-
lækjar?
SVAR,
Svæði þetta mun mest hafa
verið notað sem sparkvöllur en
fremur lítil aðsókn hefur verið
að leiktækjunum. Eðlilegt er að
taka ábendinguna til athugunar.
Hvers vegna
ekki malbikað?
Guðbjörg Gísladóttir,
Tómasarhaga 40:
Hvers vegna hefur sundið á
milli Tómasarhaga og Dunhaga
ekki verið malbikað eins og
sundið sem liggur niður á
Ægissíðu.
SVAR,
I vesturborginni eru nokkrir
fleiri stígar ófullgerðir og verð-
ur framkvæmdum við þá vænt-
anlega lokið innan fárra ára.
Á að leggja
gangstíg?
Jón Magnússon,
Álfheimum 34:
Er nokkuð í bígerð að leggja
gangstíg frá Breiðholti I. niður
að Elliðaárbrú?
Á hvaða forsendum var íbúum
í fjölbýlishúsunum vestan meg-
in við Álfheimana meinað að
nýta bílskúrsréttindi sín?
SVÖR.
Samkvæmt áætlun um um-
hverfi og útivist er ráðgert að
leggja gangstíg frá Breiðholti I
niður undir Elliðaárbrýr á árinu
1980.
íbúum umræddra fjölbýlis-
húsa hefur ekki verið meinað að
nýta bílskúrsréttindi sín. Sam-
kvæmt upphaflegu skipulagi
hafa þeir bílskúrsréttindi fyrir
u.þ.b. helming íbúðanna. Þessu
hefur ekki verið breytt, aðeins
gerð staðsetningarbreyting á
bílskúrsrétti syðsta fjölbýlis-
hússins.
Mikil slysa-
hætta við
Hjarðarhaga
Alda Ilalldórsdóttir,
Hjarðarhaga 21:
Hjarðarhagi er mikil slysa-
gildra, þar hafa orðið ótal slys
á börnum og auk þess tíðir
árekstrar bíla. Ástæður fyrir
því að svo hefur verið eru þrjár:
Gatan er umferðaræð og þar er
tnikill umferðarþungi, íbúafjöldi
við götuna er mikill því við hana
standa fjölbýlis- og þríbýlishús,
leyft er að leggja bílum beggja
vegna götunnar og þar með
takmarkast yfirsýn barna mjög
og engar göngubrautir eru við
götuna. Hvað á að gera til að
minnka slysahættuna við göt-
una? Tillögur til úrbóta: leyfa
aðeins einstefnuakstur um göt-
una, banna að leggja bílum
norðan megin götunnar og
leggja göngubrautir.
SVAR,
Samkvæmt upplýsingum um-
ferðaryfirvalda hafa sem betur
fer aðeins orðið tvö slys á fólki
(í bæði skiptin fótgangandi og
fullorðnu) á Hjarðarhaga á s.l.
áratug. Rétt er hins vegar að
gatan er safngata fyrir hverfið
og af þeirri ástæðu kemur
tæpast til greina að setja á hana
einstefnuakstur, sem auk þess
að valda íbúum hverfisins veru-
legum vandkvæðum gæti orðið
til þess að auka aksturshraðann.
Fremur væri til athugunar að
skipuleggja bifreiðastæði við
götuna betur en nú er.
Vantar
lögregluþjón
Kristín Ingunnardóttir,
Eyjabakka 4:
Á hverjum morgni þurfa
íbúar Breiðholts 1 og 3 að biða
í löngum röðum við gatnamót
Reykjanessbrautar og Álfa-
bakka til að komast inn á
Reykjanesbrautina. Væri ekki
hægt að hafa einn lögregluþjón
við umferðarstjórn þarna á
þessum gatnamótum á morgn-
ana til að bæta úr þessum vanda
t.d. með því að beina umferð úr
Breiðholti 2 og 3 inn á vinstri
akrein fyrir ofan gatnamótin og
rýma þar með hægri akreinina
fyrir Breiðholt 1 og 3?
SVAR,
Þessari ábendingu verður
komið á framfæri við umferðar-
deild borgarinnar, sem mun
athuga lausn á málinu í samráði
við umferðarlögregluna.
Vantar
kantsteina
Guðbjörg Birkis.
Hátúni 8:
Við íbúar við Hátún 8, sem er
háhýsi, höfum mikil vátns-
rennsli frá brekkunni upp að
Skipholti. Er ekki mögulegt að
setja kantstein við götuna frá
Laugarnesvegi að Nóatúni?
SVAR,
Sömu fyrirspurn frá öðrum
íbúa að Hátúni 8 var nýlega
svarað, en reikna verður með
því, að Laugavegur verði síðar
breikkaður til norðurs á um-
ræddum kafla og verður því ekki
gengið endanlega frá kanti og
niðurföllum fyrr en samhliða
þeirri framkvæmd. S.l. sumar
var hins vegar gengið frá
niðurfallasvelgi á svæðinu milli
Laugavegs og lóðarinnar nr. 8
við Hátún.
Verður girt?
Frjálsari
opnunartími
verzlana?
Þórður Bergman,
Seljabraut 40:
Á að girða hæðina milli
Seljabrautar og Breiðholts-
brautar, með tilliti til þess að
trjágróðurs sem þar er verið að
rækta?
Er fyrirhugað að veita mat-
vörukaupmönnum frjálsari opn-
unartíma verzlana sinna?
SVÖR,
t04 í athugun er að setja
girðingu á hæðina en ekki
endanlega ákveðið. Gróðursetn-
ingin á þessum stað frá fyrra
ári er mjög illa farin vegna
umferðar gangandi fólks.
Borgarstjórn hefur nýlega
samþykkt að skipuð verði
nefnd til að yfirfara og endur-
skoða reglugerð um aígreiðslu-
tíma verzlana í Reykjavík og
hefur ýmsum hagsmunaaðilum
verið gefinn kostur á að til-
nefna fulltrúa í nefndina. Ekki
verður nú sagt fyrir um hver
niðurstaða þessarar endurskoð-
unar verður.