Morgunblaðið - 27.05.1978, Blaðsíða 37

MORGUNBLAÐIÐ, LAUGARDAGUR 27. MAÍ 1978
37
Eggert Steinsen:
Hitaveita í Kópavogi
í hávamálum segir:
Lítilla sanda
lítilla sæva
lítil eru geð guma
Þessum orðum skýtur upp í
huga mér þegar ég les blaðagrein-
ar talsmanna Sjálfstæðisflokksins
í Kópavogi um málefni bæjarins.
Greinar þeirra einkennast af
raupi, ósannindum og persónuleg-
um ádeilum. Ætla mætti að þeir
héldu að þeir væru einir í heimin-
um eða að þeir héldu að kjósendur
hefðu ekkert fylgst með málefnum
bæjarins síðastliðin fjögur ár.
Afskipti mín af hitaveitumálum
hér í bæ fyrir rúmum sex árum
virðast ætla að verða þeim óþrjót-
andi umræðuefni en í því máli sem
öðrum gengur þeim erfiðlega að
þræða hinn þrönga veg sannleik-
ans. Það er ætíð heppilegast að
hafa það sem sannara reynist. I
blaðinu Nesið 1. tbl. 1. árgangs,
október 1973 er birt viðtal við
þáverandi bæjarfulltrúa Axel
Jónsson og Sigurð Helgason. I
þessu viðtali stendur eftirfarandi:
Sp. „Þótt menn líti almennt svo
á, að þetta séu hagstæðir samning-
ar sem bæjarstjórnin hefur gert,
mun samt hafa gætt einhvers
ágreinings innan hennar. Hvert
var álit minnihlutans á samning-
unum?
Sv. „Það er nú yfirleitt svo, að
mönnum sýnist sitt hvað um allt,
sem gert er, og það einnig um
smærri mál eða afdrifaminni en
þetta er. Þarf þessvegna engan að
undra þótt einhvers skoðanamun-
ar gætti, en hér var ekki um það
að ræða, að bæjarstjórnin skiptist
í meiri eða minnihluta, heldur var
það aðeins einn bæjarfulltrúi, sem
var á öndverðum meiði um það
atriði, að Hitaveita Reykjavíkur
legði og ætti leiðslukerfið hjá
okkur. Hann var hins vegar
sammála því að hér ætti að leggja
hitaveitu, og að við nýttum þennan
möguleika til að koma upp hita-
veitu í bænum, en hann taldi á
hinn bóginn, að við ættum sjálfir
að framkvæma verkið og eiga allt
kerfið. Það var því engin andstaða
gegn hitaveitu sem slíkri.
Eggert Steinsen.
Varla trúir nokkur maður því að
þessir menn hafi reynt að fegra
minn málstað eins og- málum var
þá háttað.
Hitt er annað mál að ég greiddi
atkvæði gegn þeim samningi sem
gerður var við Borgarstjórn
Reykjavíkur um hitaveitulögn í
Kópavogi. Ég taldi þá og ég tel enn
að hagsmuna Kópavogskaupstaðar
hafi ekki verið nægilega vel gætt
við þessa samningagerð.
Hagsmuna Reykjavíkurborgar
var aftur á móti mjög vel gætt.
Helstu atriðin sem ég hafði út á
að setja voru:
1. Afsal hitaréttinda í landi
Kópavogs, endurgjaidsiaust.
2. Borgarstjórn Reykjavíkur
ákveður einhliða gjöld fyrir heitt
vatn. Bæjarstjórn Kópavogs ræður
þar engu um.
3. Hitaveita Reykjavíkur er
undanþegin öllum gjöldum nema
fasteignagjöldum í bæjarsjóð
Kópavogs. Hún greiðir sín gjöld í
Borgarsjóð Reykjavíkur.
4. Samningurinn er óuppsegjan-
legur af hálfu Kópavogs nema með
leyfi Borgarstjórnar Reykjavíkur.
Borgarstjórn Reykjavíkur getur
sagt samningnum upp, einhliða, ef
að hennar dómi er ástæða til þess.
5. Enginn fyrirvari er af hálfu
Bæjarstjórnar Kópavogs um neitt
atriði þar sem af hálfu Borgar-
sljórnar Reykjavíkur er nánast
fyrirvari í hverri grein.
Ýmis fleiri atriði eru ótalin.
Ég vil endurtaka það hér sem ég
hefi áður sagt að þetta er í lagi
meðan ábyrg stjórn er við völd í
Reykjavík en ef það siys henti að
Sjálfstæðisflokkurinn missti
meirihluta í Borgarstjórn og
glundroðaöflin kæmust til valda,
myndu þau leggja fjárhag borgar-
innar í rúst á skömmum tíma og
þá megum við, sem búum í
nágrannabyggðum Reykjavíkur
fara að biðja fyrir okkur. Hætt er
við að verðlag á allri þeirri
þjónustu sem við fáum hjá borg-
inni myndi snarhækka. Nefndar
hafa verið tölur um hinn gífurlega
sparnað sem er samfara því að
hafa hitaveitu. Trúað gæti ég því
að þær séu síst of háar. Hitt er svo
annað mál að þeir sem þær tölur
nefna mættu gjarnan bera sig líka
saman við Seltirninga sem eiga og
reka sína eigin hitaveitu. Þar
kæmi nefnilega í ljós að þá myndu
tölur um sparnað af hitaveitunni
verða enn þá hærri en þær sem
þeir nefna. Um þetta mál er ekki
kosið í þessum bæjarstjórnarkosn-
ingum, það var afgreitt fyrir
rúmum sex árum síðan.
Talsmenn Sjálfstæðisflokksins í
Kópavogi hafa dregið þetta mál
inn í kosningabaráttuna, rangfært
það og notað til persónulegra
ádeilna á mig. Slíkum málflutn-
ingi beita menn gjarnan þegar rök
þrýtur.
Ég vil biðja bæjarbúa að kynna
sér sannleikan í þessu máli en
minnast þess jafnframt að það eru
mörg þýðingarmikil málefni sem
nú bíða úrlausnar. Ég vil hvetja
kjósendur til þess að kynna sér vel
þau málefni sem nú er kosið um,
koma á kjörstað og neyta
atkvæðisréttar síns þannig að
úrslit kosninganna gefi sem rétt-
asta mynd af vilja fólksins, en það
hlýtur ætíð að vera takmarkið í
lýðræðis þjóðfélagi.
Ég vil að endingu minna kjós-
endur á að listi sjálfstæðisfólks í
Kópavogi er S listinn.
Sumarsýnmg opn-
uð í Asgrímssafni
A MORGUN veröur hin árlega sumar-
sýning Ásgrímssafns opnuð, og er
hún 45. sýning safnsins frá opnun
pess áriö 1960.
Eins og á hinum fyrri sumarsýning-
um er leitast viö aö velja sem
fjölþaettust verk er sýna listþróun
Asgríms Jónssonar frá aldamótum og
fram á síöustu æviár hans. Eru þá m.a.
hafðir í huga erlendir gestir sem safnið
skoöa á sumrin. Skýringartexti á
íslenzku og ensku fylgir hverri mynd.
í heimili listamannsins er sýning á
vatnslitamyndum, m.a. myndir frá
Reykjavík, úr Njálu og Sturlungu,
málaðar áriö 1909 og 1916. Einnig
nokkrar þjóðsagnateikningar.
í vinnustofu Asgríms Jónssonar eru
olíumyndir og einnig nokkrar vatnslita-
myndir. Meginuppistaöa þeirra verka
eru landslagsmyndir frá ýmsum stöö-
um á landinu, m.a. frá Fljótsdalshér-
aði, Skagaströnd, Hornafiröi, Borgar-
firöi og Þingvöllum.
Ásgrímssafn hefur látiö prenta
kynningarrit é ensku, dönsku og þýzku
um Asgrím Jónsson og safn hans, og
er það látið gestum í té án endur-
gjalds. Einnig kort í litum af nokkrum
landslagsmyndum í eigu safnsins, sem
seld eru þar.
Ásgrímssafn, Bergstaöastræti 74, er
opið alla daga, nema laugardaga, í
júní, júlí og ágúst frá kl. 1.30—4.
Aögangur er ókeypis.
..............• :
Myndin er tekin í vinnustofu Ásgríms Jónssonar.
Hverfaskrifstofa sjálfstæðismanna
í Vestur- og Miðbæjarhverfi heimsótt:
„Stuðningsmenn
hafa skilað sér
mjög vel í starf
99
„Allt starf hér hefur gengið
mjög vel óg eðlilega fyrir sig
þessa daga sem við höfum verið
starfandi. Okkar fólk hefur
skilað sér mjög vel í ýmis störf
sem nauðsynlegt er að vinna á
kjördegi," sagði Brynhildur K.
Andersen, starfsmaður hverfa-
skrifstofu sjálfstæðismanna ■ í
Vestur- og Miðbæjarhverfi, í
samtali við Mbl.
Brynhildur kvað það nokkuð
algengt að fólk liti við til að
ræða málin og spyrja ýmissa
spurninga varðandi kosningarn-
ar n.k. sunnudag. Hafður hefði
verið sami háttur á við að virkja
fólk hverfisins eins og hjá
öðrum skrifstofum flokksins,
þ.e. að hverfinu hefði verið skipt
niður í umdæmi með sérstaka
fulltrúa sem síðan hefðu sam-
band við einstaka stuðnings-
menn, og almennt hefði verið
mjög þægilegt að hafa sambandi
við fólk.
Mjög vel hefði gefist sú
þjónusta að hafa borgarfulltrúa
til viðtals einn klukkutíma á dag
og hefði tíminn oft á tíðum ekki
verið nægilega langur.
Brynhildur er einnig formað-
ur Hverfafélags sjálfstæðis-
manna í Vestur- og Miðbæjar-
hverfi svo við inntum hana eftir
starfi félagsins almennt. —
Brynhildur kvað félagið hafa
verið mjög virkt á undanförnum
árum og bæri sérstaklega að
geta þess hversu stjórn félags-
ins hefði verið samhent. —
Vinsælasta verkefni félagsins
meðal bæjarbúa væri efalaust
kynnisferðir þær sem félagið
efndi árlega til fyrir aldraða
Reykvíkinga um borgina og
hefði einmitt ein slík ferð verið
farin s.l. laugardag. Ferðin tókst
með afbrigðum vel og varð fjöldi
manns frá að hverfa, sagði
Brynhildur.
Að síðustu kvaðst Brynhildur
vera mjög bjartsýn á úrslit
kosninganna fram undan.
Kosningaskrifstofa sjálfstæðismanna
í Austurbæ og Norðurmýri heimsótt:
„Höfum þegar feng-
ið alla þá sjálfboða-
liða sem þörf er á”
„Starfið hefur gengið alveg
ljómandi vel til þessa hjá okkur.
Við höfum þegar fengið alla þá
sjálfboðaliða sem þörf er á fyrir
vinnu á kjördegi" sagði Bryndís
Hilmarsdóttir starfsmaður
hverfaskrifstofu sjálfstæðis-
manna í Austurbæ- og Norður-
mýri í samtali við Mbl. í gær.
Þá sagði Bryndís að mjög
margir stuðningsmenn hefðu
mætt óbeðnir til að starfa að
undirbúningi kosninganna, sem
er töluverður. Nú þegar er lokið
dreifingu „Bláu bókarinnar“ og
gekk það starf mjög vel.
Borgarfulltrúar hafa verið til
viðtals hjá okkur einu sinni á
dag, þar sem þeir eru tilbúnir að
veita svör við spurningum íbúa
herfisins um hin ýmsu borgar-
málefni. Ekki hefur fólk í
hverfinu verið nógu duglegt við
að nýta þess þjónustu, þar sem
þarna gefst kostur á því að
spyrja borgarfulltrúana í eigin
persónu um málefni borgarinn-
ar í stað þess að spyrja ein-
hverja embættismenn sem ekki
eru eins vel til þess fallnir, sagði
Bryndís ennfremur.