Morgunblaðið - 27.05.1978, Blaðsíða 25
24
MORGUNBLAÐIÐ, LAUGARDAGUR 27. MAÍ 1978
MORGUNBLAÐIÐ, LAUGARDAGUR 27. MAl 1978
25
fHínrg* Útgefandi hf. Árvakur, Reykjavík.
Framkvæmdastjórí Haraldur Sveinsson.
Ritstjórar Matthfas Johannessen,
Styrmir Gunnarsson.
Ritstjórnarfulltrúi Þorbjörn Guðmundsson.
Fróttastjóri Björn Jóhannsson.
Auglýsingastjóri Baldvin Jónsson
Ritstjórn og afgreiðsla Aöalstræti 6, sími 10Í00.
Auglýsingar Aóalstræti 6, sími 22480.
Askriftargjald 2000.00 kr. i mánuöi innanlands.
1 lausasölu 100 kr. eintakið.
Hvatningarorð
^Ragnars í Smára
IMorgunblaðinu í gær birtust hvatningarorð til Reykvíkinga frá
Ragnari Jónssyni í Smára, sem ástæða er til að vekja athygli
á. Ragnar Jónsson, segir: „Ég er bjartsýnn á úrslit borgarstjórnar-
kosninganna. Síðustu viðbrögð stjórnar Geirs Hallgrímssonar eru
spor í rétta átt og það þarf að fylgja þeim eftir með festu og
sanngirni. Hér er rétt af stað farið, að leyfa þjóðinni að ræða sjálfan
rauða þráðinn í verðbólguaðgerðunum, en þær eru hið eina
raunhæfa um margra ára skeið, sem komið hefur fram hjá
stjórnvöldum í þessari voðalegu dýrtíðarþróun, sem við höfum þurft
að takast á við.
Stjórn Reykjavíkurborgar orkar ekki tvímælis hjá borgurunum.
Hvar sem maður hittir fólk er einhugur um, að borginni sé vel
stjórnað og ekki hafðar blekkingar í frammi. Sannleikurinn er sá,
að undanfarin ár hefur Reykjavíkurborg orðið að leggja
grundvöllinn að nágrannasveitarfélögunum, sem eru á Stór-Reykja-
víkursvæðinu og þannig átt ómetanlegan þátt í því menningarsam-
félagi, sem hér er. Það hefur sýnt sig, að Reykjavíkurborg er í góðum
höndum ungs og dugmikils borgarstjóra, Birgis Isl. Gunnarssonar,
sem hefur haft forystu um ótrúlega uppbyggingu og glæsilega í
borginni á síðustu árum.
Glöggt er gests augað. Það fór ekki fram hjá mér, að Erró hafði
orð á því þegar hann kom til Reykjavíkur eftir nokkuð langa útivist,
hvað allt hefði breytzt ‘til hins betra og nefndi í því sambandi
umhverfi Miklatúns og Kjarvalsstaði — þó að honum hafi aftur á
móti blöskrað verðbólgan. En með síðustu aðgerðum ríkisstjórnar
Geirs Hallgrímssonar hefur verið snúizt til varnar með þeim hætti,
að það er mér að skapi. Ég trúi ekki öðru, en íslendingar meti enn
sem fyrr það sem vel er gert og þá ekki sízt kjósendur í Reykjavík."
Þessi hvatningarorð Ragnars í Smára eiga erindi til allra
Reykvíkinga nú, sólarhring áður en kjörstaðir verða opnaðir vegna
borgarstjórnarkosninga í Reykjavík. Þau verða áreiðanlega
umhugsunarefni þeim fjölmörgu, sem að jafnaði styðja ekki
Sjálfstæðisflokkinn í landsmálum, en hafa viljað stuðla að
meirihlutastjórn eins sterks flokks í höfuðborginni, en stuðningur
þessara kjósenda þarf til að koma, ef svo á að verða áfram.
Hvatningarorð Ragnars í Smára verða einnig til þess að örva starf
þess stóra hóps óbreyttra borgara, sem í dag og á morgun munu
leggja af mörkum mikla, óeigingjarna vinnu til þess að stuðla að
áframhaldandi meirihlutastjórn í Reykjavík, ekki vegna Sjálfstæðis-
flokksins, heldur vegna Reykjavíkur og Reykvíkinga.
Til þeirra sem hafa hugleitt
að sitja heima eða skila auðu
Þegar líður að kjördegi eru margir kjósendur búnir að gera upp
sinn hug um það, hvernig þeir hyggjast verja atkvæði sínu,
en aðrir eru enn óákveðnir og hneigjast jafnvel til þess að sitja
heima eða skila auðu. Til þessara kjósenda vill Morgunblaðið beina
þessum orðum. I kosningunum á morgun er ekki fyrst og fremst
tekizt á um það, hvort Sjálfstæðisflokkurinn sem slíkur heldur
meirihluta sínum í borgarstjórn Reykjavíkur. I kosningunum á
morgun er tekizt á um það, hvort áfram verður í Reykjavík
meirihlutastjórn eins flokks undir styrkri forystu núverandi
borgarstjóra. Meirihlutastjórn eins flokks hefur gefizt Reykjavík
vel. Um það munu langflestir borgarbúar sammála, að borginni sé
vel stjórnað, og að ótrúlega lítið sé um gagnrýnisefni á hendur
borgaryfirvöldum, þótt auðvitað fari ýmislegt úrskeiðis eins og alltaf
er og alltaf hlýtur að verða.
Meirihlutastjórn eins flokks hefur verið gæfa Reykjavíkur. Hún
hefur komið í veg fyrir sundurlyndi og hrossakaup í borgarstjórn
eins og verið hefur of oft í landsmáium. Þess vegna er
meirihlutastjórn eins flokks ekki fyrst og fremst hagsmunamál
Sjálfstæðisflokksins, sem hefur farið með þessa meirihlutaaðstöðu,
heldur hagsmunamál höfuðborgarinnar og hagsmunamál Reyk-
víkinga sjálfra.
Þeir kjósendur, sem e.t.v. hafa hugsað sér, nú degi fyrir kjördag,
að sitja heima eða skila auðu þurfa að hugleiða það, að með þeirri
afstöðu geta þeir átt þátt í því að fella meirihlutastjórn Reykjavíkur,
svo litlu sem munar. Aðeins nokkur hundruð atkvæði geta ráðið
úrslitum. Tii þess að tryggja áfram meirihluta sjálfstæðismanna í
borgarstjórn þurfa margfalt fleiri kjósendur til að koma en þeir sem
að jafnaði styðja Sjálfstæðisflokkinn í landsmálum. Þeir sem e.t.v.
hafa hugsað sér að sitja heima eða skila auðu þurfa að leggja sitt
af mörkum til þess að tryggja þetta stjórnarfar í Reykjavík.
Með því að greiða Sjálfstæðisflokknum atkvæði sitt í borgarstjórn
vita þeir að hverju þeir ganga. Þeir vita hvaða stjórn þeir kjósa
yfir sig og þeir vita, hvaða borgarstjóra þeir eru að kjósa. En með
því að skila auðu eða sitja heima eru þeir í raun að stuðla að sigri
minnihlutaflokkanna í borgarstjórnarkosningunum á morgun og þá
■ ru þeir um leið að kjósa yfir sig, samborgara sína og höfuðþorg
ndsins, óvissu, öryggisleysi og öngþveiti, sem fylgir hrossakaupum
ggja flokka, sem þá mundu taka við völdum. Þeir eru að kjósa
Reykjavík vinstri stjórn af því tagi, sem kjósendur afþökkuðu
•:ð svo eftirminnilegum hætti í alþingiskosningunum fyrir fjórum
.rum. Þessi atriði þurfa þeir kjósendur að hugleiða, sem e.t.v. hafa
. þessari stundu hugsað sér að sitja heima eða skila auðu.
FjöbkyUuhátíð D-Hstans í Laugardalshöll í gærkveldi
Kjósið áður
en farið er
úr bænum
ATHYGLI þeirra, sem ekki
verða heima á kjördag er vakin
á því, að kjörfundur á morgun
stendur frá klukkan 09 til
klukkan 23 og eftir það verður
ekki hægt að kjósa. Þeir sem
ekki verða eima á kjördag geta
hins vegar kosið utan kjörstaðar
og í Reykjavík fer utankjör-
staðakosningin fram í Mið-
bæjarskólanum, gengið inn að
norðan. Verður utankjörstaðar-
kosningin opin í dag frá kl. 10 til
12,14 til 16 og frá klukkan 20 til
22.
I Kópavogi fer utankjörstaða-
kosning fram í Lögrelustöðinni
að Auðbrekku 57, 1. hæð og
verður kjörstaðurinn opinn í dag
frá kl. 10 til 12, 13 til 15 og frá
18 til 20.
Á Akureyri fer utankjörstaða-
kosning fram að Hafnarstræti
107, 2. hæð og verður opið þar í
allan dag til kl. 22 nema hvað
lokað verður á tímanum 15.30 til
16.30 og milli kl. 19 og 20.
Utankjörstaðarkosning fyrir
Hafnarfjörð og Garðabæ fer
fram að Strandgötu 31 í Hafnar-
firði og verður opin í dag frá kl.
10 til 20. Á Seltjarnarnesi fer
utankjörstaðarkosning fram á
skrifstofu bæjarfógeta í Mýrar-
húsaskóla og verður opið þar
milli kl. 17 til 20.
Annars staðar á landinu geta
þeir, sem ekki eru heima á
kjördag, kosið hjá sýslumönnum,
bæjarfógetum og hreppsstjór-
um.
Bifreiðar
á kjördag
D—LISTANN, lista Sjálfstæðis-
flokksins, vantar bifreiðar til
aksturs á kjördag frá hinum ýmsu
bifreiðastöðvum D-listans. Heita
frambjóðendur á stuðningsfólk
listans að bregðast vel við og
leggja listanum lið, m.a. með því
að skrá sig til aksturs á kjördag.
Mjög áríðandi er að þeir, sem
ætla að annast akstur fyrir
D-listann á morgun, kj21ödag, láti
skrá sig í dag í símum 86216 og
82900.
Sjálfboða-
liða vantar
á kjördag
D—LISTANN vantar fólk til
margvíslegra sjálfboðastarfa á
kjördag. Þeir, sem vilja leggja
D—listanum lið með starfskröft-
•um sínum á kjördag, eru vinsam-
lega beðnir um að hafa samband
við skrifstofur Sjálfstæðisflokks-
ins, en skráning sjálfboðaliða fer
fram í símum 86216 og 82900. Á
kjördag geta sjálfboðaliðar einnig
komið til starfa í starfsstöð
sjálfboðaliða í Skeifunni 11 (að
sunnanverðu). .*
\ m. 1 1 : 1
Hátíðinni
lauk með
fjöldasöng
—undir stjórn Þuríöar Pálsdóttur
FJÖLSKYLDUHÁTÍÐ D-listans,
lista Sjálfstæðisflokksins í
Reykjavík, var haldin í Laugar-
dalshöllinni í gærkvöldi. Dagskrá
hátíðarinnar var fjölbreytt og var
góður rómur gerður að flutningi
skemmtiatriða og ávörpum. Aðal-
ræðu kvöldsins flutti borgarstjór-
inn í Reykjavík, Birgir ísleifur
Gunnarsson.
Hátíðin hófst með leik „big
band“-hljómsveitar Björns R. Ein-
arssonar, sem flutti dagskrána
„Ragtime í Reykjavík", en áður
hafði Lúðrasveit Reykjavíkur leik-
ið um stund úti fyrir Laugardals-
höllinni. Þessu næst fluttu ávörp
Sigurjón Á. Fjeldsted, Elín Pálma-
dóttir og Davíð Oddsson.
Hljómsveitin Brimkló og Björg-
vin Halldórsson söngvari fluttu
nokkur lög, en að því loknu tók
Albert Guðmundsson, til máls og
ávarpaði viðstadda. Þá fluttu þau
Rúrik Haraldsson leikari og Krist-
ín Jóhannsdóttir söngkona dag-
skrá úr ljóðum Tómasar Guð-
mundssonar ásamt hljómsveitinni
Melchior. Sem fyrr sagði flutti
Birgir Isleifur Gunnarsson, borg-
arstjóri aðalræðu kvöldsins og var
máli hans fagnað með dynjandi
lófataki.
Að síðustu steig Þuríður Páls-
dóttir, í ræðustól og flutti ávarp.
Að loknu ávarpi sínu bað Þuríður
frambjóðendur á D-listanum að
koma upp á sviðið og stjórnaði
söng þeirra í laginu „Ég vil elska
mitt land“. Þá sungu frambjóðend-
ur og hátíðargestir sameiginlega
„Ó fögur er vor fósturjörð" og tóku
viðstaddir vel og hraustlega undir
í söngnum.
Markús Örn Antonsson, var
kynnir á hátíðinni í veikindafor-
föllum Ólafs B. Thors. Sleit
Markús hátíðinni með ávarpi og
minnti á að sigur D-listans í
komandi borgarstjórnar-
kosningum ynnist ekki nema allt
stuðningsfólk listans legðist á eitt
— sigur D-listans væri sigur
Reykjavíkur.
Fjölskylduhátíð D-listans í Laugardalshöllinni í gærkvöldi. Ljósm. Mbl. ól. K. Magn.
í anddyri Laugardalshallarinnar var barnagæzla og þar gátu yngstu gestir hátíðarinnar
leikið sér að margvíslegum leiktækjum.
Rúrik Haraldsson leikari flutti dagskrá úr ljóðum Tómasar Guðmundssonar ásamt
söngkonúnni Kristínu Jóhannsdóttur og hljómsveitinni Melchior. Ljósm. RAX.
Frambjóðendur D-listans leiða fjöldasöng undir stjórn Þuríðar Pálsdóttur söngkonu. Ljósm. Mbl. RAX.