Morgunblaðið - 10.06.1978, Blaðsíða 3

MORGUNBLAÐIÐ, LAUGARDAGUR 10. JÚNÍ 1978
3
Eyfirzkir hesta-
menn halda mót
á melgerðismel-
um um helgina
HESTAMENN í Eyjafiröi gangast um
helgina fyrir móti á Melgeröismel-
um og er mótið kennt við staðinn.
Hefst dagskró mótsins í dag,
laugardag, kl. 10 með héraðssýn-
ingu kynbótahrossa og forskoðun
kynbótahrossa fyrir komandi lands-
mót hestamanna. Þá fara fram
undanrásir kappreiða. Á sunnudag
hefst dagskráin kl.41 með fyrrihluta
gæðingadóma, eftir hádegi eða
13.30 fara hestamenn í hópreið um
svæðið, lýst verður dómum kyn-
bótahrossa og seinnihluti gæðinga-
dóma fer fram. Að síðustu fara fram
úrslit kappreiða.
Á annaö hundrað hross eru skráó
til keppni á mótinu og óvenjumörg
hross í skeiði. Að sögn forráðamanna
mótsins er aöstaöa fyrir áhorfendur
hin ákjósanlegasta á mótssvæöinu
og næg tjaldstæði eru til staðar, ef
fjölskyldur kjósa að verja helginni til
útilegu. Svæöiö á Melgeröismeium er
í eigu þriggja hestamannafélaga í
Eyjafirði, Léttis, Funa og Þráins.
Birgir ísleifur Gunnarsson:
Hinir nýju valdhafar
taka við blómlegu búi
Vonandi tekst þeim að varðveita það
Við þá breytingu sem verður á stjórn Reykjavíkurborgar með
nýjum meirihluta í borgarstjórn vaknar sú spurning hver
fjárhagsstaða borgarinnar var þegar sjálfstæðismenn létu af stjórn
hinn 29. maí sl. Til þess að fá svar við þeirri spurningu hefur
Morgunblaðið snúið sér til Birgis ísl. Gunnarssonar og átt við hann
stutt samtal um f járhagsstöðu borgarinnar við þessi þáttaskil og fara
ummæli hans hér á eftir.
— Þegar meta á fjárhagsstöðu
borgarinnar er rétt að huga
aðallega að þremur atriðum,
segir Birgir Isl. Gunnarsson. — I
fyrsta lagi eru það reikningar
borgarsjóðs fyrir árið 1977, í öðru
lagi hvernig líklegt er að fjár-
hagsáætlun þessa árs standist og
í þriðja lagi hvernig greiðslu-
staða borgarsjóðs verður á þessu
ári.
Reikningar fyrir
árið 1977
— Reikningar borgarinnar og
fyrirtækja hennar eru senn til-
búnir og fylgdist ég að sjálfsögðu
með gerð reikningsins allt til þess
tíma ér ég lét af störfum sem
borgarstjóri. Þetta er reikningur
fyrir síðasta heila árið sem ég
gegndi borgarstjórastarfi. í heild
má segja að hér sé um hagstæðar
niðurstöður að ræða. Nefna má
að heildartekjur borgarsjóðs árið
1977 fóru um 3,8% fram úr
áætlun og heildar rekstrargjöld
borgarinnar 4,8% fram úr áætl-
un. Verður það að teljast góð
útkoma þegar höfð er í huga sú
mikla verðbólga sém var á árinu
1977. Það ber vott um aðhald í
rekstri. Þá er og rétt að benda á
að greiðslufjárstaða borgarinnar
batnaði á árinu, aukning varð á
eigin veltufé um 800 millj. kr. og
hlutfall á milli veltufjármuna og
skammtímalána er rúmlega 3
sem verður að teljast mjög gott
miðað við það sem gerist í rekstri
almennt hér á landi. Verið er að
leggja síðustu hönd á reikninginn
og verður hann væntanlega lagð-
ur fyrir fund borgarstjórnar í
byrjun júlímánaðar.
Fjárhagsáætlun
fyrir árið 1978
— Ljóst er, segir Birgir Isl.
Gunnarsson, — að breytingar
hljóta að verða á fjárhagsáætlun
þeirri sem samþykkt var í upp-
hafi áss 1978. Þrátt fyrir við-
námsaðgerðir ríkisstjórnarinnar
gegn verðbólgu er ljóst að útgjöld

vegna verðhækkana verða meiri
en gert var ráð fyrir. Að vísu
varaði ég við því í ræðu sem ég
hélt við framlagningu áætlunar-
innar að svo kynni að fara.
Samkvæmt því sem nú liggur
fyrir verða launahækkanir um-
fram það sem fjárhagsáætlun
gerði ráð fyrir 247 millj. kr. I
áætlun ársins var gert ráð fyrir
verðhækkunum að upphæð 349,2
millj. kr. Hér er um að ræða
hækkun á rekstri en auk þess
mun kostnaður við framkvæmdir
hækka allverulega. A móti þess-
um hækkunum kemur einhver
tekjuhækkun og þá má benda á
að ýmis verk eru ekki enn komin
af stað. Ég gætti þess alltaf að
hafa þann hátt á að setja ekki öll
verk í gang í byrjun árs þannig
að svigrúm væri til að draga úr
framkvæmdum síðar á árinu ef
nauðsynlegt væri vegna verð-
hækkana.
Ég fæ ekki betur séð, en
nauðsynlegt sé að taka fjárhags-
áætlunina upp til endurskoðunar,
segir Birgir Isl. Gunnarsson, —
eins og gert var á síðasta ári og
var reyndar ekki dregin dul á það
í kosningabaráttunni.
Greiðslustaðan
— Ég vil fyrst geta þess, að
meðan ég var í starfi fylgdist ég
með gerð greiðsluáætlunar, en
það verk er nú á lokastigi.
Greiðsluáætlun fjallar um lausa-
fjárstöðu borgarinnar frá mánuði
til mánaðar. í henni er spá um
það hvernig áætlað er að tekjur
Framhald á bls. 27
• Litsjónvarpskynning
t Tæknimenn verða yður til aðstoðar.
• Sölumenn til leiðbeiningar.
• Allir sem koma a sjonvarps-
kynninguna, fá aðgangskort, sem
jafnframt gildir sem happdrættismiöi.
í verðlaun eru:
1. Litasjónvarp frá N0RDMENDE
2. Tölvuúr
3. Hljómplötur
1, Viðskiptavtnurinn er mikilvægastur«öltum
viðskiptum.
2. Viðskiptavinurinn er ekki háður okkur. Við
erum háð honum.
3. Viðskiptavinurinn truflar ekki vinnu okkar, hann
er tilgangur hennar.
4. Viðskiptavinurinn gerir okkur greiða að líta inn.
Viö gerum honum engan greiða að bíða eftir
honum.
5. Viöskiptavinurinn er hluti af verzluninni, ekki
boðflenna.
6. Viðskiptavinurinn er ekki bara peningar í
kassann. Hann er mannleg vera meö tilfinning-
ar eins og okkar.
7. Viöskiptavinurinn er manneskja sem kemur til
okkar með óskir sínar og þarfir, það er starf
okkar aö uppfylia þær.
8. Viðskiptavtnurinn á ekki annaö skilið en alla þá
kurteisi, sem við getum sýnt honum. Hann er
lífæð þessa og allra fyrirtækja.
rn
BUÐIN
er sérverzlun meö
sjónvörp og hljómtæki.
Radíóbúðin er
sérverzlun allra
Skipholti 19, Reykjavík,
sími 29800.