Morgunblaðið - 10.06.1978, Blaðsíða 11

MORGUNBLAÐIÐ, LAUGARDAGUR 10. JÚNÍ 1978
11
Fjallálaika I
(Lewisia)
Lew.cotyledon — Stjörnublaðka.
í fjallaklasa þeim hinum
mikla sem teygir sig eftir
endilöngum vestanverðum
Bandaríkjum Norður-Ameríku
og nefnist Coastal Range
(„Strandfjöll“)vaxa 16 tegundir
sérkennilegra jurta sem hvergi
er að finna annarsstaðar í
heiminum. Þetta er ættkvíslin
LEWISIA - FJALLABLAÐKA
(eða „Lovísa" eins og sumir
nefna hana í gamni sín á milli).
Nafn sitt dregur ættkvíslin af
M. Lewis, manni þeim sem
fyrstur fann og lýsti þessum
jurtum er hann var kapteinn í
ameríska hernum og stjórnaði
ásamt W. Clark leiðangri þeim
þvert yfir meginland Norð-
ur-Ameríku sem síðan er við þá
kenndur. Var það um aldamótin
1800.
Fjallablöðkurnar eru
háfjallajurtir, hertar af and-
stæðum ólíkra veðra, grimmdar-
frosti á á vetrum en brennandi
sólarhita og þurrki á sumrum.
Hin þykku sígrænu blöð þeirra
virðast þola frosthörkur vel en
votviðri eru þeim lítt að skapi.
Margar þeirra geta þó lifað hér
veturinn úti, sumar óvarðar en
öðrum þarf að skýla fyrir
vatnsveðrum með því að leggja
yfir þær glerplötu eða tréhlera
sem vel loftar undir. Grýttur
opinn jarðvegur, þar sem tryggt
er að vatn sitji ekki við rætur
þeirra, hentar þeim best. Oft er
þeim plantað í grjóthleðslur.
Mest eru þær þó ræktaðar í
pottum í óupphituðum gróður-
húsum eða gróðurskálum en
þannig þrífast þær vel og
blómstra stórkostlega ár eftir
ár. Vetrargeymsla er auðveld sé
þess gætt að moldin í pottunum
sé ekki of blaut og þeir geymdir
í kaldri geymslu eða þar sem
ekki rignir ofan í þá.
Best er að vökva á þann hátt
að láta pottana standa í vatns-
fati og taka til sín vætuna
neðanfrá.
I næstu grein verður fjallað
um nokkrar af þeim fjalla-
blöðkutegundum sem hér eru í
'ræktun.
Baráttuþing
í Kópavogi
Matthías
Hannes
Pétur
Laugardaginn 10. júní halda
undir sjálfstæðismenn í Reykja-
neskjördæmi baráttuþing í Sjálf-
stæðishúsinu í Kópavogi að
Hamraborg 1, 3. hæð. Þingið er
haldið undir kjörorðinu: „Sjálf-
stæði eða sósíalismi" — með því að
valið verður aö mati ungra sjálf-
stæðismanna um sjálfstæði ein-
staklings og þjóðar. sem Sjálf-
stæðisflokkurinn berst fyrir, og
sósíalismann, sem hefur aldrei
verið sterkari en eftir byggða-
kosningarnar, í n.k. alþingis-
kosningum. Framsöguræður á
baráttuþinginu flytja Matthías A.
Mathiesen fjármálaráðherra,
Hannes H. Gissurarson háskóla-
nemi og Pétur J. Eiríksson hag-
fræðingur. Það hefst kl. 14.00 og
starfar til kl. 18.00. Aðalumræðu-
efnin eru: verðbólgan, byggða-
stefnan og ríkisbúskapurinn. Allir
ungir stuðningsmenn Sjálfstæðis-
flokksins í Reykjaneskjördæmi
eru hvattir til að sækja það, en
aðrir eru einnig velkomnir.
(Fréttatilkynning frá Kjör-
dæmissamtökum ungra sjálf-
stæðismanna á Reykjanesi.)
Gisli Baldursson, kennari:
Um hvað er kosið?
Þegar reynt verður að svara því
um hvað var kosið í sveitar-
stjórnakosningunum og um hvað
verður kosið 25. n.k. er ljóst að
kosið var og kosið verður um
landsmálin. I ljósi þessara stað-
reynda svíður í sárin vegna þess að
Reykjavík hafði verið vel stjórnað
s.l. 4 ár. Sjálfstæðismenn háðu
kosningabaráttuna í maí með
hæfilegri bjartsýni og settu mark-
ið við áttunda manninn. Engan
snöggan blett var að finna í
stefnumótuninni. Þetta gerðu
kommúnistar sér vel ljóst og
börðust ekki. Þeim tókst með
vöggusöng sínum að svæfa stuðn-
ingsmenn Sjálfstæðisflokksins og
þar sem þeir mættu til rökræðna
um borgarmálefni ræddu þeir um
landsmálin.
Nú þegar það hefur gerst að
Reykjavík er undir vinstri stjórn
verður að vona að kjósendur geri
sér grein fyrir því að höggið varð
þyngra og kom á rangan stað. Þó
megum við sjálfstæðismenn ekki
ganga út frá því vísu að skriðan
hafi staðnæmst eða dregið úr
henni. Oftar eykur hún hraðann er
neðar dregur.
Um hvað snýst þá baráttan sem
framundan er?
Hún snýst um eftirfarandi að
mínu mati:
Hvort Sjálfstæðisflokkurinn eða
Alþýðubandalag verði forystu-
flokkur í íslenskum stjórnmálum
næstu 4 ár eða lengur.
Hvort fjöreggi okkar, öryggis-
málunum, verði hent milli Fram-
sóknar og Alþýðubandalags.
Hvort atvinnuöryggi haldist og
skynsamlegur framkvæmdahraði
haldinn
Hvort raunveruleg láglauna-
stefna verði ráðandi.
Hvort áfram takist að draga úr
verðbólgunni eða hvort metið frá
1974 verði jafnað.
Hvort áfram verði dregið úr
ríkisumsvifum eða Island gert að
sósialísku ríki og allir settir á
ríkisjötuna.
Allt þetta er barátta um það
hvort við sitjum uppi með næst
stærsta kommúnistaflokk Evrópu
hlutfallslega.
Kommúnistar hafa talað um
kaúpránslög og meir í þeim dúr.
Þeir gerðu kröfu um það í
borgarstjórnarkosningunum að
borgarstarfsmenn fengju fullar
vísitölubætur á laun. Nú er þeir
hafa tekið við er þögn þeirra
hrópandi. Við höfum einnig
ástæðu til að halda að svo verði
einnig takist þeim að komast til
valda í landinu. Þeir eru nú þegar
byrjaðir að endurhæfa borgar-
starfsmenn með því að setja
stjórnunarnefndir yfir stofnanir
borgarinnar. Sama ætla þeir sér í
landsstjórninni.
Þess vegna verður að taka
kröftulega undir vígorð ungra
sjálfstæðismanna BÁKNIÐ BURT
og GEGN VERÐBÓLGU.
Einnig þurfa sjálfstæðismenn
að fylgjast vel með því hvernig
stjórnmálayfirlýsing okkar flokks
verður. Þar verður að koma skýrt
í ljós hver stefna okkar er í
öryggis- og efnahagsmálum. Þar
verður að koma fram að banda-
ríski herinn er hér vegna óska
okkar og öll ótímabær fækkun
kemur ekki til greina. Einnig
verður stefna okkar í efnahags-
málum að vera töluð með þeim
orðum að allir skilji hana.
Margir sjálfstæðismenn sáu
ekki Esjuna mánudaginn 29. s.l.
Ljósastaurar í vesturbænum
hafa verið málaðir rauðir.
Og á vinnustað mínum ljóðaði
hagmæltur vinstri maður á mig af
einskærri gleði. Og þó ég sé ekki
beint þekktur fyrir skáldskap
frekar en Leir-Gísli forðum fannst
mér stálið skerpast er ég gat
hnoðað eftirfarandi:
Eftir vetur kemur vor
vissan eykur kraftinn.
Þá verður skutum ýtt úr skor
og skotið á kommaraftinn.
Takist það er framtíð Islands
borgið.
Gísli Baldvinsson.
Steiktar grísakótelettur m
brúnuðum kartöflum,
grænmeti, rauðkáli, anan-
as og rauðvínssósu.
Verð: 1980.-.
VERIÐ VELKOMIN
VEITINGAHÚSIÐ
VEITINGAHUSIÐ
K jy IE íiÍHÍt^Tfl
rf^
Rjómasveppasúpa