Morgunblaðið - 10.06.1978, Blaðsíða 13

MORGUNBLAÐIÐ, LAUGARDAGUR 10. JÚNÍ 1978
13
IIENRY
PEARSON
(1914)
„Mochiz-
uki“ -
blek á
pappírs-
kúlu 1966.
12306
HERBERT KATZMAN (1923) „Eric“, kolteikning 1967.
svo ég vitni aftur í formála
sýningarskrár þá „fylla þeir allir
upp í ákveöna mynd af þróun
veflistar og flestir líta þeir
björtum augum til framtiðar-
innar.“
Á sýningunni í Bogasal getur aö
líta ýmsar tilraunir í veflist auk
hefðbundinna vinnubragða svo
sem hjá „Lurcat“. Á stundum
koma vinnubrögðin okkur kunnug-
lega fyrir sjónir, því að þau eru
keimlík því sem við höfum séð hjá
okkar eigin veflistarfólki.
Grafíktæknina er óþarft að
kynna, það hefur verið gert svo oft
af mér og öðrum. Á sýningunni
getur að líta ýmsar tækniaðferðir
og gæti hún því skoðast sem
framhald eða öllu heldur viðbót
við ágæta slíka sýningu í bóka-
safni franska sendiráðsins fyrir
nokkrum mánuðum.
— Það er aðlaðandi að litast um
í Bogasalnum, hér er allt fágað og
listrænt í sniðum og fram kemur
lífræn og sterk menningarhef
Bragi Ásgeirsson.
Oddur Guðjónsson:
Minnisstæðir hljóm-
leikar í Moskvu
í TILEFNI af komu cellósnill-
ingsins Rostropovits hingað á
listahátíð í Reykjavík rifjast
upp eftirminnilegir tónleikar
sem konan mín og ég sóttum í
desembermánuði fyrir nokkuð
mörgum árum í Moskvu.
Svo sem alkunnugt er, er
hljómlistarlíf í Moskvu á mjög
háu stigi og er jafnan um margt
að velja í þessum efnum, s.s.
konserta, óperur, balletsýningar
o.m.fl. og er það . flest með
miklum glæsibrag. Erlent sendi-
ráðsfólk nýtur. þar í borg
sérstakrar forgangsfyrir-
greiðslu við að sækja þessar
samkomur fyrir milligöngu
þjónustustofnunar fyrir hin
erlendu sendiráð (U.p.D.K.) Var
það óspart notað, því oft var
erfitt um útvegun aðgöngumiða
í milljónaborginni.
Svo sem oftar höfðum við
hjónin notið fyrirgreiðslu
U.p.D.K. og fengið aðgöngumiða
að konsert þar sem öndvegis-
hljómlistarmenn áttu að leika.
Var hér um heimsþekkta snill-
inga að ræða, eða þá Rostropo-
vits, David Oistrach, fiðlusnill-
inginn heimsfræga og Jaroslav
Richter píanósnilling og þekkt-
an Beethoven-túlkara.
Tilhlökkunin hjá okkur var
eðlilega mikil. — En sama dag
og tónleikarnir skyldu haldnir
var, hringt til okkar og og tjáð
að tónleikunum hefði verið
aflýst — án þess að skýring væri
gefin hvers vegna.
Svo var þó fyrir að þakka, að
þótt opinberar skýringar lægju
ekki alltaf á lausu, þá kom oft
til önnur fréttaþjónusta (sem að
vísu var alltaf hundrað prósent
áreiðanlegar upplýsingar) eða
símhringingar kunningja úr
hópi erlendra sendiráðsmanna.
Þá fréttum við, að ástæðan fyrir
því að hljómleikunum hafði
verið aflýst væri sú að Rostro-
povits hefði verið bannað að
koma fram. En hinirtveir, „col-
legar" hans, þá í mótmælaskyni
einnig neitað að leika.
En hér var ekki sagan öll.
Skömmu fyrir hádegi daginn
eftir er hringt frá U.p.D.K. og
ökkur tjáð, að tónleikarnir verði
haldnir þann sama dag kl. 14
(sem var að vísu óvenjulegur
tími) og ef við hefðum áhuga á
að nýta aðgöngumiða okkar, þá
gætum við gert það. — Að
sjálfsögðu var það þegið.
Þessir hljómleikar eru okkur
sérstaklega minnisstæðir. Ekki
aðeins var leikur og túlkun
snillinganna þriggja frábær og
hrífandi, heldur vakti hið ann-
arlega, alvöruþrungna andrúms-
loft, sem ríkti á konsertinum,
athygli okkar. Undirtektir
áheyrenda voru að sjálfsögðu
frábærar, en þó leyndi sér ekki
að í þeim var fólgið rneira og
annað en hrifningin ein. —
Fólkið í salnum vildi jafnframt
tjá samstöðu sína með þessum
listamönnum og votta þeim
virðingu og samfagna þeim með
þann sigur, sem þeir höfðu
unnið með einbeittri samheldni
gegn sovézka kerfinu.
I þessu sambandi kemur mér
einnig í hug heimsókn sovézka
píanósnillingsins Emil Gilels
nýlega. Ekki fer á milli mála, að
hann er að dómi flestra frábær
lislamaður. — Þá bregður svo
við að tónlistargagnrýnandi
Mbl., Jón Ásgeirsson, sendir
honum í grein, að mínum dómi,
næsta ósmekklega kveðju.
Með það í huga, sem hér hefur
verið sagt urn drengilega fram-
komu þeirra Oistrachs og Richt-
ers í garð Rostropovits, sýnist
mér, að Jón Ásgeirsson og e.t.v.
fleiri mættu íhuga að varhuga-
vert er að stimpla almennt
sovézka hljómlistarmenn, sem
heimsækja okkur og aðra, sem
viljalaus verkfæri sovézka áróð-
urskerfisins.
Almennur kjósendafundur
forsætisráðherra
á Sauðárkráki
Geir Hallgrímsson, fforsætisráðherra fflytur
ræðu og svarar fyrirspurnum fundargesta.
Fundarstaður:
BIFRÖST, laugardaginn 10. júní kl. 15.00.
Frambjóðendur Sjálfstæðisflokksins
í kjördæminu mæta á fundinum.
SJÁLFSTÆÐISFÓLK,
FJÖLMENNUM Á FUND FORSÆTISRÁÐHERRA.