Morgunblaðið - 10.06.1978, Blaðsíða 37

MORGUNBLAÐIÐ. LAUGARDAGUR 10. JÚNÍ 1978
37
Félagsmálastofnun Kópavogs:
Vínnuskólinn heim
sækir sveitabæi
Á VEGUM Félagsmálastofnunar
Kúpavogs er kominn út bækling-
ur er fjallar um félagslíf í
Kópavojíi. en þetta er í þriðja
sinn sem slíkur bæklinKur er
gefinn út.
í bæklingnum. sem ber nafnið
„Félagslíf í Kópavogi". eru upp-
lýsingar um öll starfandi félög í
Kúpavogi svo og stjórnmálafélög.
Einnig eru þar upplýsingar um
dagvistunarmál og sumarstörf
1978.
í sumar verða í Kópavogi
námskeið er kallast „íþróttir og
útilíf" en þau eru ætluð börnum og
unglingum á aldrinum 8 til 14 ára.
Námskeiðin fara fram á Smára-
hvammsvelli v/ Fífuhvammsveg,
við Digranesskóla og við Snæ-
landsskóla í austurbænum, en í
vesturbænum fara þau fram við
Kársnesskóla. ^____-
Að sögn Kristjáns Guðmunds-
sonar félagsmálastjóra Kópavogs
er vinnuskólinn í Kópavogi rekinn
á nokkuð annan hátt en tíðkast
annars staðar. Þar eru t.d. greidd
nokkru hærri laun en annars
staðar en þau eru reiknuð sem
hlutfall af gildandi Dagsbúnar-
taxta. Einnig er skipulögð
fræðslustarfsemi á vegum vinnu-
skólans og fá t.d. allir að fara í
róður og í heimsókn á sveitabæi og
kynnast á þann hátt starfi til
sjávar og sveita.
Sumarbúðirnar í Kópaseli eru
ætlaðar börnum á aldrinum 6—12
ára. I sumar verða þar fjögur
námskeið.
Margt annað er á dagskrá
sumarstarfs Kópavogs og að sögn
Kristjáns er mikill áhugi fyrir
félagslífinu þar og þátttaba yftr-
leitt
íslandskynning í
austurrískum bæ
í BYRJUN þessa mánaðar var
haldin fjölbreytt íslandskynning
í bænum Klosterneuburg í
Austurríki í tilefni af 60 ára
fullveldi íslands.
Það voru aðalræðismaður ís-
lands í Austurríki og félag
íslendinga í Austurríki sem stóðu
fyrir kynningu þessari með að-
stoð bæjaryfirvalda í Klosterneu-
burg.
Sýning á íslenzkum munum var
opnuð í ráðhúsi bæjarins 2. þ.m.
Þar voru m.a. sýnd málverk,
grafík, ullarvörur, keramik, skart-
gripir, steinsýnishorn, frímerki,
mynt og bækur.
Daginn eftir, laugardaginn 3.
júní, voru haldnir tónleikar í
ráðhúsinu. Á efnisskránni voru
verk eftir Þorkel Sigurbjörnsson,
Sveinbjörn Sveinbjörnsson, W.A.
Mozart, J.S. Bach, H. Neumann og
dr. Victor Urbancic, auk íslenzkra
þjóðlaga. Flytjendur voru íslenzkir
tónlistarmenn í Austurríki ásamt
austurrísku aðstoðarfólki.
Auk þessa var efnt til kvik-
myndasýningar sunnudaginn 4.
júní. Þar voru sýndar tvær land-
kynningarmyndir um ísland, „Það
ætti ekki að kalla ísland ísland“ og
„þrjú andlit íslands". Aðgangur að
öllum kynningaratriðunum var
ókeypis.
Jóhanna Þórólfsdóttir, Jakob Úlfarsson héraðslæknir og Sigurborg
Einarsdóttir héraðshjúkrunarkona er sjúkrabörurnar voru afhentar.
Rauða kross-deildin
á Eskifírði
Heilsugæslustöðinni á
Eskifirði hefur nýlega borist
vegleg gjöf frá Rauða kross-
deild Eskifjarðar en hún gaf
sjúkrabörur til sjúkraflutn-
inga. Sjúkrabörunum er hægt
að breyta á marga vegu og
geta þær því notast vel hvort
sem er í sjúkrabíl eða á
heilsugæslustöðinni.
Jóhanna Þórólfsdóttir
varaformaður Rauða
kross-deildarinnar afhenti
gefur gjöf
héraðslækninum Jakobi
Úlfarssyni gjöfina.
Rauða kross-deildin á
Eskifirði hefur nú hafið sölu
á kosningagetraunaseðlum
til söfnunar fyrir nýjum
sjúkrabíl sem áformað er að
kaupa til læknishéraðsins.
Getraunaseðlarnir eru seldir
hjá forráðamönnum Rauða
kross-deildarinnar, en einnig
á Hótel Öskju og á fleiri
stöðum.
'
L 3pi' k \ 1 '’&MÉÉLJr WSk*' i.
Frá fulltrúaþingi Sambands íslenzkra barnaskólakennara
Fulltrúaþingi S.Í.B. lokið
Fulltrúaþing Sambands ís-
lenzkra barnakennara var
haldið dagana 1.—3. júní s.l.
Þetta var 25. þing samtakanna
en það sátu 75 fulltrúar frá 10
kennarafélögum sambandsins.
Forseti þingsins var Kári
Arnórsson.
Menntamálaráðherra, form-
aður BSRB og fulltrúar annarra
kennarasamtaka ávörpuðu þing-
ið auk framkvæmdastjóra Nor-
rænu kennarasamtakanna er
sat þingið í boði stjórnar S.Í.B.
Erindi fluttu Dr. Wolfgang
Edelstein og Sigurjón Björnsson
prófessor er þeir nefndu
„Nokkrar niðurstöður rann-
sókna á börnum í Reykjavík og
hugsanleg þýðing þeirra fyrir
skólann".
Á þinginu voru menntamál,
kennaramenntun og launa- og
kjaramál helzt rædd. Fulltrúa-
þingið taldi að auka þyrfti
fjárveitingu til þjónustustofn-
ana skólanna svo þær gætu
unnið þau störf sem þeim yæri
ætlað. Bent var á nauðsyn þess
að vinnudagur nemenda yrði
samfelldur og skólar einsetnir.
Þing SÍB lýsti stuðningi við
frumvarp sem lagt var fram á
Alþingi á síðastliðnu hausti um
Kennaraháskóla íslands. Þar er
sú stefna mörkuð að KHÍ skuli
vera miðstöð vísindalegra rann-
sókna í uppeldis- og kennslu-
fræðum hér á landi og að hann
skuli annast uppeldis- og
kennslufræðilega menntun allra
kennara á grunnskólastigi og í
öllum skólum á framhaldsskóla-
stigi. Með þessum ákvæðum
telur S.Í.B. að stuðlað sé að
auknum tengslum milli kennara
á hinum ýmsu skólastigum.
Einnig vill sambandið að kenn-
arar eigi kost á endurmenntun
í öllum þeim greinum sem
mestum breytingum taka hverju
sinni.
I kjaramálum kennarastétt-
arinnar bar hæst launajöfnum
kennaraprófanna. Bent var á á
blaðamannafundi sem SÍB hélt
að þinginu loknu að aðeins í
kennarastétt réði aldur embætt-
isprófs nokkru um byrjenda-
laun. Líta kennarasamtökin á
það sem mikið réttlætismál að
kennarapróf verði metin jafn-
gild til launa án tillits til þess
á hvaða tíma þau séu tekin,
Þingið skoraði á félaga S.Í.B. að
ráða sig ekki sem æfingakenn-
ara í grunnskóla landsins né
taka kennaranema til æfinga-
kennslu fyrr en ákvæðum þeim
sem vitnað er til hefur verið
fullnægt.
Nokkrar breytingar voru
gerðar á lögum sambandsins og
var nafni þess breytt, heitir það
nú Samband grunnskólakenn-
ara, skammstafað S.G.K. Skrif-
stofa sambandsins er í húsa-
kynnum BSRB að Grettisgötu
89. Aðalstjórn sambandsins var
endurkjörin á fulltrúaþinginu.
Hana skipa: Valgeir Gestsson
formaður, Bjarni Ansnes, Elín
Olafsdóttir, Guðjón B. Jónsson,
Kristín H. Tryggvadóttir, Páll
Guðmundsson og Ragna Ólafs-
dóttir.
Skólaslit Vélskóla íslands:
Um 350 vélstjórar útskrif-
uðust, þar af fyrsti kven-
vélstjórinn með lokapróf
Vélskóla íslands var slitið 27.
maí síðastliðinn. Um 420 nemend-
ur voru í skólanum á liðnum
vetri, þar af um 380 í Reykjavík,
en vélskóladeildir eru auk þess
reknar á Akureyri, í Vestmanna-
eyjum, á ísafirði, í Keflavík og á
Akranesi. Um 350 vélstjórar eru
útskrifaðir á þessu vori með
mismiklum vélstjóraréttindum.
en 66 nemendur gengu undir
lokapróf skólans, 4. stigs vél-
stjórapróf, og stóðust allir.
Um 180 nýnemar hófu nám við
skólann síðast liðið haust, en um
25 nemendum varð að vísa frá
vegna húsnæðisskorts. Líklegt er
að slíkt endurtaki sig næsta haust.
Nú var útskrifaður fyrsti kven-
vélstjórinn með lokapróf frá skól-
anum. Hún heitir Guðný Lára
Petersen.
Síðast liðið haust var gerð sú
breyting á skólanum að tekið var
upp svokallað annakerfi, og er
náminu nú skipt í haustönn og
vorönn. Fyrir vikið hefur prófum
fækkað, en í tilteknum greinum er
námi og prófi lokið á hálfum vetri,
einni önn. Nýmæli er það einnig,
að nú hefur skólinn úrbóta-
námskeið og úrbótapróf strax að
loknum aðalprófum.
Árlegur kynningardagur skól-
ans, „Skrúfudagurinn," var hald-
inn að vanda og var mjög gest-
kvæmt. Einnig var efnt til svokall-
aðrar starfsviku, sem nú er orðinn
fastur liður í skólastarfinu. Þá
fara nemendur í náms- og kynnis-
ferðir, undir leiðsögn kennara, til
ýmissa fyrirtækja og stofnana. Þá
fóru einnig fram námskeið í
skyndihjálp á vegum Rauða Kross
Islands, námskeið í eldvörnum og
annarra björgunartækja á vegum
Slysavarnafélags íslands. Nem-
endur 4. stigs fóru í náms- og
kynnisferð til Danmerkur, Sví-
þjóðar, Þýskalands og Bretlands.
Bestum árangri i sérgreinum
skólans sl. vetur náðu eftirtaldir
nemendur: Eggert Atli Benónýs-
son á 1. stigsprófi náði besta
árangri á þessu prófi í sögu
skólans; Magnús Jón Ingvason á 2.
stigs prófi, Ómar Grétar Ingvar-
son á 3. stigs prófi og Þorsteinn
Sverrisson á 4. stigs prófi. Spari-
sjóður vélstjóra veitti þeim verð-
laun.
Fyrir bestan árangur í vélfræði-
greinum 2. stigs hlaut Hörður
Kristjónsson verðlaun frá Lands-
sambandi íslenskra útvegsmanna.
Fýrir bestan árangur í vélfræði-
greinum hlaut Örn Ingólfsson
silfurbikar (farandbikar) sem gef-
inn var af vélasölufyrirtækinu
Fjalari h.f. Var bikarinn afhentur
á sjómannadaginn.
Skólanum bárust gjafir f^á
afmælisárgöngum vélstjóra,' en
auk þess hafa sKólanúm borist
tvær vélar að gjöf, Cummins-vél
frá Vélayefkstæði Björns og Hall-
dórs og Caterpillar-vél frá Heklu
h.f., en vegna fjárskorts hefur ekki
reynst kleift að taka þær í notkun
ennþá.
Auk fulltrúa afmælisárganga
tók til máls frú Sigríður Thor-
lacius, formaður Kvenfélagasam-
bands íslands, óskaði fyrsta kven-
vélstjóranum til hamingju með
prófið og afhenti henni merki
sambandsins. Að því loknu sleit
skólastjóri Vélskólanum.
Stórstúku-
þing
stendur yfir
STÓRSTUKUÞING Góðtemplara-
reglunnar IOGT var sett í fyrra-
dag klukkan 17. Samþykkt voru
kjörbréf 53ja fulltrúa og í gær
voru þingfundir allan daginn.
Samkvæmt upplýsingum Hall-
dórs Kristjánssonar mun þingið
samþykkja ýmsar ályktanir. í dag
munu þingfulltrúar fara austur að
Galtalæk, þar sem góðtemplarar
eiga sumardvalarheimili. Á morg-
un, sunnudag, mun svo þingfund-
um haldið áfram og munu fulltrú-
ar jafnframt hlýða á messu hjá
séra Karli Sigurbjörnssyni sókn-
arpresti í Hallgrímskirkju. Þá
fara og fram kosningar og þingslit.