Morgunblaðið - 09.07.1978, Blaðsíða 15

MOfcGUNBLAÐIÐ, SUNNUDAGUR 9. JÚLÍ 1978
15
Staldrað við
á Löngumýri
í Skagafirði
Ilópurinn saman kominn í daRstofunni. Fremst eru sr. Jónas Gíslason og kona hans Arnfríður Arnmundsdóttir og þá Margrét Jónsdóttir.
Þróunin sú að gamla fólkió
bjargi sér sem mest sjálft
Á Löngumýri í Skagafirði
hefur um árabil verið rekinn
Ifússtjórnarskóli kirkjunnar
og ræður þar ríkjum Margrét
Jónsdóttir. Auk þess sem þar
hafa verið kenndar kvenlegar
listir, eins og kallað hefur verið
fram að þessu, hefur verið
boðið upp á sumardvöl fyrir
aldraða Rcykvíkinga og hafa
þeir notið þeirrar dvalar við
spil og lestur til dæmis og
skoðað nánasta umhverfi í
Skagafirði og jafnvel víðar.
Margrét Jónsdóttir skóla-
stjóri var tekin tali norður þar
fyrir nokkru, en þá var einmitt
nýkominn hópur til tveggja
vikna dvalar en fyrst var rætt
aðeins um málefni skólans:
— Skólinn, sem heitir Hús-
stjórnarskóli kirkjunnar, hefur
ekki verið rekinn sem venjuleg-
ur húsmæðraskóli eða hús-
stjórnarskóli í vetur, en mörg
undanfarin ár hefur aðsókn að
skólanum farið minnkandi og er
það reyndar svo um flesta eða
alla húsmæðraskóla á landinu.
Ekki hefur breytt neinu að ráði
þótt skólarnir væru opnaðir
fyrir pilta, það sem hefur orðið
til þess að aðsókn að þessum
skólum fer minnkandi er breyt-
Tekið lagið á kvöldvöku.
ing á skólakerfinu í heild,
grunnskólarnir eru farnir að
'kenna meiri matreiðslu og
handavinnu sjálfir og skólakerf-
iö er þannig byggt upp að lítill
tími er til hliðarspora eins og
hússtjórnarskóla. Einnig má
nefna að margir stefna frekar
að því að vinna utan heimilis og
því verða heimilisstörfin e.t.v.

Þessar voru á dálítilli hressingargöngu svona fyrir matinn. í
baksýn sést heim að Löngumýri.
metin á annan hátt en gert
hefur verið hingað til. Ég hefði
þó haldið að meðan fólk vill
vinna meira og meira úti þá
væri það enn frekar áríðandi að
kunna vel til verka heima fyrir.
En hvernig hefur þá starfið
verið í vetur úr því ekki var um
venjulegan skóla að ræða?
— Á liðnum vetri sóttu
nemendur frá nálægum skólum
hingað ýmis námskeið, frá
skólunum í Varmahlíð, Hofsósi
og Steinsstaðaskóla, og voru
haldin bæði almenn hússtjórn-
arnámskeið og saumanámskeið.
Þetta verður einnig svipað á
næsta vetri geri ég ráð fyrir en
þetta er þó eins konar millibils-
ástand og er því nokkuð óljóst
um framtíð skólans og e.t.v.
hússtjórnarskólanna yfirleitt.
— Við höfum mikinn áhuga á
því að koma hér upp einhverri
starfsemi fyrir þennan aldurs-
flokk sem dvelst hér nú, þ.e. 67
ára og eldri. Væri hægt að hafa
að vetrarlagi ýmiss konar nám-
skeið eða starfsemi, 2—3 vikna
námskeið, sem yrði þá með eins
Ljósm. Rax.
konar lýðháskólaformi og yrði
þar kennt sitt af hverju sem
myndi leiða til þess að fólkið
hefði einhver ákveðin tóm-
stundastörf, sem jafnvel myndi
veita ofurlitla atvinnu og þar
með einhverjar tekjur.
— I Danmörku hafa verið
reknir nokkurs konar skólar
með þessu sniði og kynnti ég
mér starfsemi þessa er ég var
erlendis nú síðla vetrar og fór ég
um Norðurlöndin til að kynnast
fræðslumálum fyrir aldraða. I
Danmörku er t.d. fullyrt, að það
spari samfélaginu miklar fjár-
upphæðir ef fólk þarf ekki að
lokast inni á stofnunum í 10—15
ár og öll þróun stefnir í þá átt
að gamla fólkið bjargi sér sjálft
eins lengi og það mögulega
getur, því ekkert er eins dýrt og
sjúkrahússvist og sparast því
strax stórfé ef fólk þarf ekki að
liggja inni í langan tíma.
Margrét ræddi því næst um
þessa sumarstarfsemi sem rekin
hefur verið á Löngumýri síðan
sumarið 1973:
— Sumarið eftir Vestmanna-
eyjagosið dvaldi hér einn hópur
í boði Hjálparstofnunar kirkj-
unnar og annar hópur á vegum
Reykjavíkurborgar. Þessi starf-
semi gaf strax mjög góða raun
og hefur henni verið haldið
stöðugt áfram þannig að sumar-
ið eftir voru hér 3 hópar og í
fyrra voru þeir orðnir 7 og verða
það einnig á þessu sumri. 25 eru
í hverjum hópi og dvelst hver
hópur frá mánudegi til föstu-
dags í vikunni á eftir. Við
reynum að gera dvölina sem
skemmtilegasta, farið er í stutt-
ar ferðir um nágrennið, í
sundlaug í Varmahlíð, byggða-
safnið að Glaumbæ og farið að
Hólum og e.t.v. víðar, sagði
Margrét Jónsdóttir að lokum.
Gaman að vera gamall
Þórður Loftsson og Matthild-
ur Jóhannesdóttir voru meðal
þeirra er dvöldu á Löngumýri í
fyrsta hópnum sem fór þangað
í sumar og greindu þau nokkuð
frá áliti sinu:
— Þetta er nú ekki í fyrsta
sinn sem við komum hingað, við
komum fyrst í september í fyrra
og áttum þá góða daga og vorum
mjög heppin með veður.
Hvað er helzt gert sér til
dundurs?
— Það er margt, sögðu þau, í
fyrra fórum við hringferð um
Skagafjörð, hlýddum messu í
Glaumbæ, skoðuðum Hóla í
Hjaltadal og komumst líka í
réttir og berjamó. Við gerum
ráð fyrir að í þetta sinn verði
einnig gert ýmislegt til dundurs
og hér er líka gott bókasafn, sem
margir notfæra sér að glugga í.
Þórður segist hafa gaman af
að lesa, en sagði að minni sínu
hefði hrakað og hefði hann við
ýmislegt að fást t.d. heima fyrir
í íbúðinni, en hann væri að
mestu leyti hættur að vinna,
hefði leyst af smávegis á sumr-
in.
— Það er gaman að vera
gamall, sagði kunningi okkar
einu sinni, sögðu þau Þórður og
Matthildur, og við getum að
mörgu leyti tekið undir þau orð.
Það er ekki erfitt að vera gamall
og við umgöngumst oft ungt fólk
og við vildum ekki skipta á
kjörum okkar við neinn.
j.
Frá vinstrii Margrét Jónsdóttir.
Þórður Loftsson.
Matthildur Jóhannesdóttir og