Morgunblaðið - 07.04.1979, Síða 14

14
MORGUNBLAÐIÐ, LAUGARDAGUR 7. APRÍL 1979
i hlaðvarpanum
Umsjó -í: Ágúst Ingi Jónsson
lífgun úk
Blástursaðferðin liður í
fermingarundirbúningnum
• TVEIR sóknarprestar í Reykja-
vík hafa tekið upp þá nýbreytni að
um leið og þeir undirbúa unglinga
fyrir ferminguna bjóða þeir þeim
upp á að læra blástursaðferðina.
Það eru þeir séra Þórir Stephen-
sen og séra Sigurður Haukur
Guðjónsson, sem gera þessa til-
raun í vor, og hefur stærsti hluti
fermingarbarna þeirra tekið þátt í
námskeiðunum.
Séra Þórir sagði í samtali við
Morgunblaðið í vikunni, að hann
hefði farið að hugsa alvarlega um
þessi mál þegar slysið varð í
Kópavogi í vetur er tvö ung börn
voru hætt komin eftir að bíll hafði
farið í Kópavogslækinn. — Eg
hugsaði með mér, að ef ég hefði
komið þarna að, þá hefði ég ekki
getað gert það sem ég hefði þurft
að gera og ég hugsa að svo hefði
verið um marga aðra, sagði Þórir
Stephensen.
— Við kennum börnunum með-
al annars boðorðin og þá „þú skalt
ekki mann deyða“. Ég hugsaði með
mér hvort við gætum ekki einnig
notað fermingarundirbúninginn
til beinnar hagnýtrar kennslu.
Með því að kenna börnunum blást-
ursaðferðina segjum við þeim að
þau skuli mann lífga.
— Ég hafði hugsað talsvert um
þetta þegar ég frétti að Sigurður
Haukur var einnig með slíka
fræðslu á prjónunum og eftir að
hafa talað við hann fékk ég aðstoð
frá Rauðakrossinum til að halda
stutt námskeið fyrir börnin. Sjálf-
ur hef ég lært blástursaðferðina á
námskeiðunum og börnin hafa
tekið þessu mjög vel. Auk lífgunar
úr dauðadái, sem börnin hafa lært
af erindi, kvikmynd og með æfing-
um á dúkku, hefur þeim verið
kennt nokkuð í meðferð brunasára
og stúlkurnar, sem margar gæta
barna á sumrin, hafa fengið hag-
nýta kennslu í hvernig skuli bregð-
ast við ef slys eða óhapp hendir
börnin, sagði séra Þórir Stephen-
sen að lokum.
Séra Sigurður Haukur Guðjóns-
son sagði að yfir 100 fermingar-
börn hefðu lært blástursaðferðina
jafnhliða fermingarundirbúningn-
um. Auk þess hefðu nokkur for-
eldri mætt í þessa tíma og einnig
systkini. Hannes Hafstein fram-
kvænidastjóri Slysavarnafélagsins
hefur séð um þessa fræðslu í
Langholtssókn, en kynnti auk þess
almennt starf SVFÍ. Séra Sig-
urð.ur Haukur hefur áður kynnt
fermingarbörnum ýmsa þætti
björgunarmála og þá m.a. björg-
unarsveitir ýmiss konar, sicáta-
starfið og fleira.
Sigurður sagði að hann hefði í
upphafi ætlað sér að kynna björg-
un úr bruna í framhaldi af hinu
hræðilega slysi í Búðardal. fyrr í
vetur. Aðrir hefðu þó verið á
undan honum með þá fræðslu inn í
skólana og því hefði hann ákveðið
að fá leiðsögn í blástursaðferðinni.
Fimm systur kasta
allar sama boltanum
• ÞAÐ ÞÓTTU mikil tíðindi í íslenzkum íþrótta-
heimi í sinni tíð er þeir Felixsynir, Hörður, Bjarni og
Gunnar, léku saman í landsliðinu í knattspyrnu.
Slíkt hefur ekki gerzt fyrr né síðar hérlendis að þrír
bræður leiki saman í landsliði. Þess kann þó ekki að
verða langt að bíða að fimm handknattleikssystur
bæti um betur og leiki í íslenzka landsliðinu í
handknattleik.
Lið Fylkis úr Árbæjarhverfi leikur í 2. deildinni í
handbolta og hafa Fylkisstelpurnar bara spjarað sig
vel í vetur. í liði þess eru fimm systur og á heimili
þeirra er örugglega oft talað um handbolta. Systkin-
in eru sex og bróðir þeirra heitir Gunnar Baldursson.
Hann er ein styrkasta stoð meistaraflokks karla hjá
Fylki og hefur örugglega eitthvað til málanna að
leggja þegar umræður hefjast um íþróttir, en
spurningin er hvort systur hans kveða hann ekki í
kútinn í krafti fjölmennis. Systurnar fimm eru á
aldrinum 14 til 20 ára, tvíburarnir Rut og Eva eru
yngstar, Birna er 18 ára, Erna 19 ára og íris er elzt
með sín 20 ár.
íleidinni
Getur þaö verið?
ÞAU ERU mörg vandamálin og marg vandamálin og margar
spurningar, sem þarf að leysa. Eftirfarandi spurning var lögð fyrir
nemendur í 1. hluta læknisfræði í vetur:
„Eru frumur í heilaberki næmar fyrir samhverfuvenslum í
þvingunarumslagi áreitis?"
Það skyldi þó aldrei vera!
Uppdráttarsýki
framsóknarmanna
ATHYGLISVERÐ sjálfsgagnrýni kemur fram í bréfi til Þjóðólfs,
blaðs framsóknarmanna 1 Suðurlandskjördæmi, sem nýlega er
komið út. Bréfritari kallar sig „einn af mörgum" og greininni er
valin fyrirsögnin „Sunnlenzkir framsóknarmenn í vanda“. Greinin
hefst á eftirfarandi hátt:
„Á Suðurlandi eru margir framsóknarmenn mjög uggandi um hag
og velferð flokksins um þessar mundir. Ber þar margt til, sem ekki
verður rakið að þessu sinni. Þó má geta þess að rætur meinsins
liggja djúpt og teygja anga sína nokkuð aftur í tímann. Fullvíst er
að þessi uppdráttarsýki stafi bæði af orsökum að utan og einnig
heima fyrir. Er síðari ástæðan þó sízt minni."
Landinn lafir í 300
þúsundum um aldamót
ÍSLENDINGAR verða rétt inn við 300 þúsund talsins árið 2002
samkvæmt framreikningum, sem Framkvæmdastofnun ríkisins
hefur látið gera. Nánar tiltekið er reiknað með að karlar verði
150.323 talsins, en konur 149.547. Ef litið er á einstaka aldurshópa í
þessum útreikningum kemur í ljós, að 95 ára og eldri verða 147
manr s, 50 karlar, en konur nánast helmingi fleiri eða 97 talsins.
Stært i 5 ára aldursflokkurinn verður á bilinu frá 0—4 ára eða um
26.500 börn, íslendingar 21. aldarinnar.
2400 kílómetrar
af þorskanetum
ALLS HAFA 453 bátar leyfi til þorskveiða hér við land í vetur, 109 á
Norðurlandi, 70 á Austurlandi, 95 á Suðurlandi og 179 á
Vesturlandi. Það er ekki lítill netafjöldi, sem þessir bátar hafa lagt í
sjó í vetur og menn hafa gert sér það til dundurs að reikna út að ef
öll þessi net væru hengd í endann hvert á öðru yrði netalengjan um
2400 kílómetrar. í þessu dæmi er gert ráð fyrir að hver bátur sé með
110 net að meðaltali, en leyfilegt er að vera með 150 net. Þá er einnig
reiknað með að aðeins 400 af þessum 453 bátum hafi nýtt sér leyfi
sín af ýmsum ástæðum.
Síldarsöltun á árs-
hátíð Siglfirðinga
VARLA er hægt að ímynda sér annað en kvikmynd af síldarsöltun í
Siglufirði það herrans ár 1924 sé sannkölluð gullnáma fyrir
Sjóminjasafn Norðurlands, sem verið er að leggja grundvöll að í
Siglufirði. Síld og Siglufjörður eru nú einatt nefnd í sömu andránni.
Bjarni Þór Jónsson bæjarstjóri í Siglufirði verður því örugglega
manna kátastur á árshátíð Siglfirðingafélagsins í Reykjavík
næstkomandi miðvikudag, en bæjarstjórinn fær þá það skemmti-
lega verkefni að veita viðtöku gömlum kvikmyndum, sem
Siglfirðingafélagið hefur ákveðið að gefa Sjóminjasafninu. Auk
kvikmyndarinnar frá 1924, eða fyrir 55 árum, verða einnig afhentar
myndir frá síldarsöltun á Sigló árin 1936 og 1956.
Einn bíll á mánuði
ÚR DEGI á Akureyri:
Samkvæmt upplýsingum slökkviliðsstjóra, brennur til jafnaðar
einn bíll á mánuði hér á Akureyri. Lét hann þess jafnframt getið að
brunatryggingar væru ódýrar, ef hægt væri að tala um ódýrar
tryggingar. En fólksbíll eyðilagðist af eldi á laugardaginn hér í
bænum.