Morgunblaðið - 19.07.1979, Blaðsíða 15

MORGUNBLAÐIÐ, FIMMTUDAGUR 19. JÚLÍ1979
15
Hrólfur Sigurðsson
Hafsteinn Austmann
Sumarsýning
Norrænahússins 1979
Síðastliðin fjögur ár hafa ver-
ið haldnar sumarsýningar í Nor-
ræna húsinu yfir ferðamanna-
tímann. Stefnt hefur verið að því
að kynna verk þriggja lista-
manna hverju sinni, og verður
ekki annað sagt en að þetta
fyrirkomulag hafi náð tilgangi
sinum. Það er að mínu mati
ágætt að kynna fáa listamenn en
vel hverju sinni og gefa þannig
ferðalöngum tækifæri til að
kynnast og njóta þeirra listar,
sem svo sterkan svip setur á
menningarlífið hér í borg. Sú var
tíðin, að enginn vildi halda
sýningu á verkum sínum yfir
bjartasta hluta ársins, en flestir
sóttu fast að hressa upp á
skammdegið með sýningum á
myndverkum sínum. Þetta varð
meðal annars til þess, að ferða-
menn áttu þess lítinn kost að
kynnast þeirri myndlist, sem
iðkuð hefur verið allt frá byrjun
þessarar aldar hér á landi. En nú
er komið árið 1979, og margt
hefur tekið stakkaskiptum í
menningunni frá því um alda-
mót, að enginn samanburður
stenst, en eitt af því, sem einkum
eflir listiðkun meðal manna, er
að þeir hafi í sig og á. Stundum
er það samt svo, að íslendingar
eiga erfitt með að skilja, að list
þarfnast fjármagns, og er hið
ótrúlega slys í Alþýðubankanum
gott dæmi um það. Gott dæmi,
segi ég, en það er rangmæli, því
að það dæmi er sérlega ranglátt,
þar sem fjölmennustu launþega-
samtök í landinu eiga þar hlut
að máli. Þó fannst mér kasta
tólfunum, er þær yfirlýsingar
voru gefnar, að peningastofnun-
inni væri greidd húsaleiga með
útláni á málverkum látins lista-
manns, en vonandi verður annað
eins brot á réttindum lista-
manns algert eindæmi. Það var
annars ekki ætlun mín að draga
þetta sorglega slys fram í sam-
bandi við Norræna húsið, því að
sú stofnun á allt annað skilið.
Þeim Hrólfi Sigurðssyni og Haf-
steini Austmann hefur verið
Myndllst
eftir VALTY
PÉTURSSON
boðið að koma þar fram með
verk sín og hafa þau til sölu, og
þar er ekki um greiðslu á húsa-
leigu að ræða. Hér er á ferð
framtak til fyrirmyndar og
sama má segja um þá starfsemi,
sem nú er á Kjarvalsstöðum, en
það mál er mér of nálægt til að
ræða það hér.
Auk þeirra Hrólfs Sigurðsson-
ar og Hafsteins Austmann á
Gunnlaugur Scheving verk á
sumarsýningu Norræna hússins.
Gunnlaugur lést .fyrir nokkrum
árum, en lét eftir sig mjög merkt
starf á sínu sviði og var í
fremstu röð þeirra, er áttu við
myndgerð hér á landi. Hann var
stórtækur í verkum sínum, en
þvi miður gefa þau verk, sem til
sýnis eru í Norræna húsinu,
mjög ófullkomna hugmynd um
afrek hans sem málara. Flest
eru þau verk, sem þar getur að
líta, heldur veigalítil, en þó má
greina þar nokkur gullkorn. Ein
fallegasta vatnslitamynd eftir
Gunnlaug er no. 7, Frá Borgar-
nesi, og einnig má benda á no. 5,
Frá Dalvík. No. 13, Sunnudagur í
sjávarplássi, gefur einnig góða
hugmynd um list Gunnlaugs
Schevings, en því miður verður
að segja um aðrar myndir hans á
þessari sýningu, að þær séu
fremur tilviljanakenndur sam-
tíningur, en úrval af verkum
hans.
Hrólfur Sigurðsson kemur
ekki oft fram með verk sín.
Hann er einn af þeim hlédrægu
mönnum, sem vilja vinna í friði,
og bera verk hans þess glögg
merki, að hann vandar til þeirra.
Hann á þarna nokkrar mjög
eftirtektarverðar myndir, sem
Gunnlaugur Scheving
bera fastan og persónulegan svip
sem þróast hefur með Hrólfi um
langt árabil. Það er sannarlega
skemmtilegt, þegar menn eins og
Hrólfur koma fram með jafn
ágæt verk og raun ber vitni að
þessu sinni. Ég á erfitt með að
gera upp á miili þessara verka,
en bendi samt á einstaka verk,
sem tóku hug minn öðrum
fremur. No. 50 hefur sérstakan
litaþrótt, sem skilar vel tilfinn-
ingum listamannsins andspænis
gróðri og sér í lagi skógi. No. 59,
Haust, er einnig ágætt verk, og
sama er að segja um no. 71 og 73.
Látum þetta nægja, en sumar af
hinum litlu myndum Hrólfs
hafa sitt gildi og standa sannar-
lega fyrir sínu. Ég var stórkost-
lega ánægður með þátttöku
Hrólfs í þessari sýningu.
Hafsteinn Austmann annast
abströktu hliðina á þessari sýn-
ingu. Öll verk hans eru byggð
upp á forsendum abstrakt listar
og standa sig ágætlega. Haf-
steinn virðist sækja í sig veðrið í
seinni tíð. Er sýning sú, er hann
hélt í nýrri vinnustofu sinni í
Skerjafirðinum, í fersku minni,
en ég held, að þátttaka hans í
þessari sýningu sé um margt
veigameiri en sú sýning, er þar
var á ferðinni. Það er jafn
heildarsvipur á verkum Haf-
steins á sýningunni í Norræna
húsinu, en vel má minnast á no.
43, 34, 21 og 27, sem allt eru
myndir, sem ég kunni vel að
meta og komu mér í gott skap.
Er hægt í stuttu máli að gefa
málverkum betri einkunn?
í heild er þetta mjög skemmti-
leg sýning og hefur sitt af hverju
fram að bjóða. Norræna húsið á
þakkir skilið fyrir þetta fram-
tak, og vonandi á það eftir að
halda sínu striki, hvað sumar-
sýningarnar varðar. Þær eru að
mínu áliti mjög þarfar, bæði
fyrir aðkomufólk og heimamenn
og þá ekki síst fyrir þá lista-
menn, sem sýna þar verk sín.
Það þarf enginn að segja mér, að
ekki sé það fólk hér á ferð að
sumarlagi, sem kunni að meta
myndlist, þótt bjart sé til mið-
nættis. Á sumri er myndlist ekki
síður skiljanleg, en í hinu svarta
skammdegi.
Valtýr Pétursson
Loðnuveiðibannið:
/
Utvegstmenn
samþykkir
með fyrirvara um að veiðar
Norðmanna verði takmarkaðar
MORGUNBLAÐIÐ sneri sér
til Kristjáns Ragnarssonar
fortnanns LÍÚ og spurði hver
væru viðbrögð útvegsmanna við
nýsettri reglugerð, sem bannar
loðnuveiðar til 20. ágúst. Kristj-
án sagði:
„Við gerum okkur auðvitað
grein fyrir því að það þarf að
takmarka loðnuveiðarnar veru-
lega og því teljum við rétt að
stunda veiðarnar þegar þær skila
mestum arði. I fyrra var mikil
veiði norður af landinu i júlí og
ágúst en reynslan af þeim veiðum
var slæm, þar sem loðnan nýttist
illa.
Við erum þess vegna samþykkir
því að veiðarnar hefjist ekki fyrr
en 20. ágúst þegar loðnan verður
orðin betra hráefni en með þeim
fyrirvara að samkomulag takist
við Norðmenn um að þeir tak-
marki veiðar sínar við Jan Mayen.
En það er auðvitað augljóst að við
getum ekki horft aðgerðarlausir á
ef Norðmenn stunda þar ótak-
markaðar veiðar.
Sú spurning vaknar auðvitað
hvers vegna Norðmenn geti hafið
loðnuveiðar núna í júlí og að
veiðar þeirra skuli vera arðbærar,
jafnvel þó þeir þurfi að fara lengri
leið með aflann. Þeir segja að þeir
lendi ekki í erfiðleikum þar sem
þeir rotverji loðnuna með nitriti.
Okkur er bannað að nota nitrit og
verðum að nota formalin, sem
yfirvöld hér segja að sé jafn gott
rotvarnarefni. Það gengur okkur
illa að skilja þegar borin er saman
reynsla okkar og Norðmanna af
þessum tveimur rotvarnarefnum."
Flest yeitingahús-
anna opin til kl. 3
á föstudags- og
laugardagskvöldum
NOKKUÐ er mismunandi að hve
miklu leyti einstök veitingahús
ætla að nýta sér *hinar nýju
reglur um opnunartíma veitinga-
húsanna, sem gengu í gildi sl.
mánudag. Flest veitingahúsanna
í Reykjavík verða opin til kl. 3
eftir miðnætti á föstudags- og
laugardagskvöldum og til kl. 1
eftir miðnætti aðra daga vikunn-
ar. Hótel Saga hefur ákveðið að
hafa danssalina opna á föstu-
dögum til kl. 2, á laugardögum
til kl. 2.30 eftir miðnætti.
Diskótekin Óðal og Hollywood
verða opin til kl. 3 eftir miðnætti á
föstudags- og laugardagskvöldum
en aðra daga vikunnar verður opið
til kl. 1 eftir miðnætti. Veitinga-
húsin Glæsibær og Þórscafé verða
opin til kl. 3 eftir miðnætti á
föstudögum og laugardögum og á
sunnudögum til kl. 1 eftir
miðnætti. Danssalir og veitingasal-
ir Hótel Borgar verða opnir til
klukkan 3 eftir miðnætti á föstu-
dögum og laugardögum en á
fimmtudögum og sunnudögum
verður opið til klukkan 1 eftir
miðnætti, aðra daga til klukkan
11.30. Sigtún verður opið til
klukkan 3 eftir miðnætti á
föstudags- og laugardagskvöldum
en næstu miðvikudags- og fimmtu-
dagskvöld verður staðurinn opinn
til kl. 1 eftir miðnætti. Veitinga-
húsið Naust hefur einnig ákveðið
að breyta opnunartíma sínum og
verður nú lokað öll kvöld kl. 11.30
og barinn í Naustinu verður fram-
vegis lokaður í hádeginu nema á
laugardögum og sunnudögum en þá
verður hann opinn frá 12 til 14.30.
Áður var Naustið opið til kl. 1 eftir
miðnætti á föstudögum og til kl. 2
eftir miðnætti á laugardögum.
Forráðamenn Veitingahússins
Klúbbsins hafa enn ekki tekið
ákvörðun um það hvernig þeir haga
opnunartíma hússins eftirleiðis.
Þess má geta að veitingahúsin hafa
fram að þessu þurft að hætta að
hleypa fólki inn kl. 23.30 á kvöldin
en nú verður fólki hleypt inn
meðan húspláss leyfir.
ODYRU ORLOFSFERDIRNAR TIL
S og frítt fyrir börn innan 10 ára.
Bestu kjörin, hagkvæmasta veröiö.
Næsta brottför 1. ágúst.
Beint leiguflug.
Reyndir fararstjórar,
þjálfaö starfsfólk.
Seljum farseðla á hag-
kvæmasta veröi um
allan heim.

Benidorm einn veður-
sælasti staöur Spánar.
Ferðamiðstöðin hf.
Aðalstræti 9 Reykjavík. Símar: 11255—12940.