Morgunblaðið - 19.07.1979, Blaðsíða 37

MORGUNBLAÐIÐ, FIMMTUDAGUR 19. JÚLÍ1979
37
og veðmæt hús. Húsin færa okkur
nær lífsháttum, lífskjörum, verk-
menningu og byggingarlist fyrri
tíma og hafa þannig ótvírætt
menningarsögulegt gildi. Þá hafa
sum húsanna sögulegt gildi svo
sem gamla sjúkrahúsið, Aðal-
stræti 14. Síðast en ekki síst geta
gömul hús haft mikið hagnýtt
gildi. Væri mikils um vert að
stuðla að því að gömlum húsum
væri haldið við sem íbúðarhúsum
en ekki aðeins sem safngripum.
Tryggvi gat um að friðunarráð-
stafanir væru tvenns konar:
annars vegar friðun samkvæmt
lögum um fornminjar og væri þá
um að ræða þinglýsta kvöð á
húseign; hins vegar væri verndun
er byggðist á semeiginlegum vilja
bæjaryfirvalda og húseigenda.
I erindi Gísla Jónssonar komu
fram upplýsingar um lög um
friðun húsa og um tilurð hús-
friðunarsjóðs Akureyrar.
Tilgangur sjóðsins er að stuðla að
friðun og varðveislu húsa eða
húshluta með styrkjum eða lán-
um. Tekjur sjóðsins eru 0,5—1%
af fasteignaskatti. Öllu fé, sem
runnið hefur til sjóðsins, hefur
verið varið til endurbyggingar á
laxdalshúsi, ef undan er skilið lítið
lán sem Guðmundi Tulinius var
veitt sem viðurkenning fyrir það
brautryðjandastarf sem hann
hefur staðið fyrir með endurnýjun
Tuliniusarhúss.
Sverrir Hermannsson, húsa-
smíðameistari, lýsti þeim verk-
efnum sem hann vinnur nú að.
Elsta hús bæjarins, svonefnt
Laxdalshús, sem reist var árið
1795, er verið að endurbyggja að
verulegu leyti. Mikill fúi var í
þessu húsi og telur Sverrir að
misheppnuð viðgerð á sökkli húss-
ins hafi átt mestan þátt í því. Er
gert ráð fyrir að húsið verði
endurbyggt að 70 hundraðhlutum.
Ennfremur vinnur Sverrir
Hermannsson að endurbótum á
Tuliniusarhúsi og Grundarkirkju.
Eru bæði þessi hús ófúin og taldi
Sverrir að það mætti að nokkru
leyti rekja til þess hve illa þau
væru einangruð. í Grundarkirkju
hafa mestar skemmdir orðið á
útskornu tréverki.
A fundinum voru rúmlega 40
manns. Nokkuð var um það rætt
hvort rétt væri að flytja gömul
hús til Innbæjarins og koma þeim
þar fyrir, og voru skoðanir skiptar
um þetta atriði. Jón G. Sólnes,
alþingismaður, taldi nauðsynlegt
að verndunarsjónarmið næðu til
fleiri mannvirkja en gamalla
húsa. Nefndi hann sérstaklega
Torfunefs- og Höepfnersbryggjur.
Taldi hann fá mannvirki hafa átt
ríkari þátt í að móta mannlífið á
Akureyri en þessi tvö, og væri það
því óbætanlegt tjón ef þau yrðu
eyðilögð. Arni Jóhannsson,
garðyrkjustjóri Akureyrar, taldi
að drýgsta framlag Akureyrar-
bæjar til viðhalds gamalla húsa
væri að gefa gömlum bæjarhverf-
jim gaum og hlúa að þeim; áleit
Árni einsýnt að þá fylgdu hús-
f igendur fordæminu.
(Fréttatilkynning).
Þingað í Vaðlaskógi á fyrirhuguðu vegastæði. Tómas Ingi Olrich
conrektor Menntaskólans á Akureyri stýrði umræðum.
Andstaða gegn vegi um
Leirur ogVadlaskóg
Sunnudaginn 24. júnf síðastlið-
inn gengust landssamtökin Líf
og Land, Skógræktarfélag
Eyfirðinga og S.U.N.N. fyrir
fundi um vegarlagningu um
Leirur og Vaðlaskóg. Erindi
fluttu þeir Jón Rögnvaldsson.
yfirverkfræðingur hiá Vegagerð
rfkisins, Ingólfur Armannsson,
formaður Skógræktarfél. Eyf.,
Helgi Hallgrfmsson, form.
S.U.N.N., Jóhann Pálsson,
forstöðumaður Lystigarðsins og
Árni Jóhannsson. garðyrkju-
stjóri Akureyrar.
Fram kom m.a. að fyrirhugað er
að leggja þjóðveg um Vaðlaskóg
endilangan, en Vaðlaskógur nefn-
ist skógarreitur Skógræktarfél.
Eyfirðinga sem blasir við Akur-
eyringum handan fjarðarins.
Skógurinn er um 200 metra
breiður frá austri til vesturs, og
stendur í talsverðum halla. Undir
veginn fara um 50—60 metrar.
Frá norðri til suðurs er skógurinn
um 2,2 km; vegurinn um skóginn
er 1,7 km. Efni til vegagerðarinn-
ar verður flutt að. Óhjákvæmilegt
verður að sprengja klappir í
norðanverðum reitnum og er þar í
hættu vöxtulegur stafafurureitur,
sem skógræktarstjóri ríkisins
telur vera einstakan hér á landi.
Óttast menn einnig að framræsla
sem vegargerðinni fylgir muni
rýra vaxtarskilyrði ofan vegarins.
Vegalagning um Vaðlaskóg
tengist vegarlagningu um Leirur.
Hugmyndir um Leiruveg má rekja
til svonefndrar Vaðlaheiðarnefnd-
ar, sem skipuð var 1970 og skilaði
tillögum um vegarstæðið 1972.
Var vegarframkvæmdin á Leirun-
um þá talin tæknilega möguleg og
hagkvæmari, þegar til lengdar
lætur, en vegur sunnan flugvallar.
Á árunum 1974—1975 voru fram-
kvæmdar rannsóknir á lífríki
Leirunnar á vegum Háskóla
íslands. Skýrsla Háskólans, sem
kom út 1976, var túlkuð á þann veg
að vegarframkvæmdin bryti ekki í
bága við sjónarmið náttúruvernd-
ar. Fram kom á fundinum að
náttúruverndarmenn eru ekki á
einu máli um niðurstöður skýrsl-
unnar. Telur Helgi Hallgrímsson
skýrsluna ófullnægjandi meðal
annars vegna þess hve árferði var
óvenju milt þau ár sem rannsókn-
irnar voru gerðar.
Á fundinum var samþykkt eftir-
farandi tillaga: Sameiginlegur
fundur landssamtakanna Líf og
Land, Skógræktarfél. Eyfirðinga
og S.U.N.N., haldinn á Akureyri
24. júní 1979, beinir þeim
tilmælum til Vegagerðar ríkisins
og annarra viðkomandi aðilja að
þeir endurskoði áætlanir sínar um
veg yfir óshólmasvæði Eyja-
fjarðarár og Vaðlaskóg með tilliti
til nýrrar þekkingar og nýrra
viðhorfa í þessum málum. Jafn-
framt verði hafist handa um
könnun á vatnsrennsli, straumum
og sethraða með tilliti til hugsan-
legs Leiruvegar og mismunandi
hönnunar á honum.
Á fundinum voru 30 manns og
urðu miklar umræður um
fyrirhugaða vegarlagningu. Kom
fram greinileg andstaða meiri-
hluta fundarmanna gegn vegi um
Leirur og Vaðlaskóg. Fundarstjóri
var Tómas Ingi Olrich.
(Fréttatilkynning).
,jOh ÚTIHÁTÍÐ
HPI við Kolviðarhól
um næstu helgi
Freeport og Picasso
sjá um stanslaust fjör úti. . .
Þrumudiskó tek
í tjaldi bæöi kvöldin.
Mótsgestir geta tekiö þátt í m.a. hullahopp, feguröarsamkeppni, kappdrykkju,
sippukeppni, limbó, broskeppni, pokahlaupi, vítakeppni o.fl. sem sagt
„kol“brjálaö stuö.
20. og 21. júlí

|#fl| IflflADUÖI I er aöeins þrjátíu kílómetra frá Reykjavík
IVUL VltlMnnUL L og þar eru næg tjaldstæði.

Sætaferðir frá Akranesi, Borgarnesi, Selfoss, Hveragerði, Grindavík, Njarðvík, Keflavík og Reykjavík.
HDK. Víkings.