Morgunblaðið - 14.08.1979, Blaðsíða 21

MORGUNBLAÐIÐ, ÞRIÐJUDAGUR 14. ÁGÚST 1979
29
iu skyrtunni, fylgdist meö löndun
Per Clausen verksmiöjustjóri skoöar hráefniö og taldi hann Þaö
allgott, en Þó væri helzt til mikil áta í loðnunni.
iim áfram við Jan
fram i september”
segir Svein Rosök
skipstjóri á
Uksnöy frá Alasundi
— Við förum líka í Barentshaf-
ið, en ekki strax, sagði Sveinn. —
Við reynum áfram við Jan Mayen,
sjálfsagt fram í september. Gall-
inn við veiðarnar í Barentshafinu
er sá, að þar má hver bátur aðeins
veiða ákveðinn kvóta og honum
náum við á stóru bátunum í 3
veiðiferðum. Það myndi strax
muna okkur miklu ef við næðum
þremur ferðum til Jan Mayen svo
tíminn nýtist sem bezt. Ekki veitir
af, skipið er tiltölulega nýtt og
nauðsynlegt að afla vel til að
grynnka á skuldunum.
— En hversu mikið teljið þið
ykkur mega veiða samtals við
Jan Mayen?
— í rauninni vitum við það alls
ekki. Norskir fiskifræðingar vita
það ekki heldur og verða að trúa
því, sem íslenzkir fiskifræðingar
segja þeim. Við norsku sjómenn-
irnir höfum reyndar ekki mjög
mikið álit á okkar fiskifræðingum,
því þeir hafa ekki sýnt mikla vizku
í samskiptum sínum við aðra
fiskifræðinga og okkur finnst þeir
ekki hafa staðið sig vel í fisk-
verndunaraðgerðum sínum.
Sveinn Rosök sagði, að auk
loðnuveiðanna hefðu þeir um tíma
stundað kolmunnaveiðar við Fær-
eyjar og einnig makrílveiðar.
— En það er ljóst að laun okkar
í ár verða ekki mikil, hélt hann
áfram. — Við höfum áætlað að
sjómennirnir á skipi okkar hafi í
kringum 25—30 þúsund krónur
(1.8—2.3 milljónir ísl. króna)
seinni helming ársins og eru það
ekki eins mikil laun og verkamenn
geta fengið í landi. Þá er ekki
tekið tillit til fjarvista sjómanna
og þess hversu langur vinnutími
þeirra getur orðið, þeir þurfa að
vera reiðubúnir hvenær sem er
sólarhringsins og við höfum held-
ur ekki nein ákveðin sumarfrí eins
og verkamenn í landi.
Sveinn Rosök sagðist ekki viss
um að Norðmönnum tækist að
veiða miklu meira en 90 þúsund
tonn og kvaðst Sveinn halda að
næstu daga myndi loðnan dreifa
sér og aflinn smám saman
minnka.
— En ekki einn einasti norskur
sjómaður hefur áhuga á loðnu-
stríði við íslendinga, allt tal um
loðnustríð er búið til í fjölmiðlum
af stjórnmálamönnum og það vilja
norskir sjómenn ekki kannast við.
— Mál málanna meðal norskra
sjómanna er það hversu útlitið
framundan er dökkt. Fiskiskipa-
flotinn er orðinn alltof stór og við
höfum ekki verkefni fyrir allan
þennan flota. Það er ekki mögu-
legt fyrir alla þessa sjómenn að
hafa góð laun, en hvað verður
hægt að gera er ekki ljóst, sagði
Sveinn Rosök að lokum.
Ríkisstjórn-
aríundi frest-
að vegna
ágreinings
Ragnar Arnalds segir
ágreining vera á milli til-
lagna sjálfstæðismanna og
alþýðubandalagsmanna ann-
ars vegar og Framsóknar
og Alþýðuflokks hins vegar
ÁGREININGUR varð á fundi
ríkisstjórnarinnar í gærmorgun,
þar sem Jan Mayenmálið var til
umræðu. Ágreiningurinn kom
upp eftir að Ólafur Jóhannesson
forsætisráðherra kom fram með
tillögur sem hníga mjög í sömu
átt og þær tillögur er Benedikt
Gröndal utanríkisráðherra hafði
áður sett fram. Ráðherrar Al-
þýðubandalagsins lýstu óánægju
sinni með þessar nýju tillögur. og
óskuðu eftir því að fundi ríkis-
stjórnarinnar yrði frestað. Það
var gert, og lauk fundinum því
eftir hádegi í gær án þess að
nokkur niðurstaða fengist í mál-
inu, en nýr ríkisstjórnarfundur
hefur verið boðaður árdegis í
dag. Þá hefur einnig verið boðað-
ur fundur í landhelgisnefnd f
dag, á undan ríkisstjórnarfund-
inum, að sumra áliti að ósk
ráðherra Alþýðubandalagsins, en
Ragnar Arnalds segir það ekki
vera frekar að þeirra ósk en
annarra.
Á ríkisstjórnarfundinum í gær
gerði Benedikt Gröndal grein fyrir
þeim tillögum sem þegar hafa
komið fram í landhelgisnefnd, en
það eru tillögur Matthíasar
Bjarnasonar, Ólafs Ragnars
Grímssonar og Benedikts Grön-
dals. Eftir að utanríkisráðherra
hafði gert grein fyrir þessum
tillögum og þeim umræðum sem
orðið hafa um Jan Mayenmálið i
nefndinni, gerði Kjartan Jóhanns-
son grein fyrir viðræðum sínum
við Frydenlund utanríkisráðherra
Norðmanna, en þeir hittust sem
kunnugt er að máli í Kaupmanna-
höfn um helgina. Þar mun þó ekki
hafa verið um samningaviðræður
af einu eða neinu tagi að ræða,
heldur ræddu ráðherrarnir málið
og kynntu hvor öðrum skoðanir
sínar og stöðu málsins heima
fyrir.
Þá kom Ólafur Jóhannesson
forsætisráðherra fram með tillögu
um hvernig að málinu skyldi
staðið af hálfu íslendinga, og
samkvæmt heimildum Morgun-
blaðsins gengu þær tillögur mjög í
sömu átt og tillögur utanríkisráð-
herra, og koma nánast í beinu
framhaldi af þeim. Ráðherrar
Alþýðubandalagsins lýstu
óánægju sinni með tillögur for-
sætisráðherra, og fóru fram á að
fundi ríkisstjórnarinnar og þar
með afgreiðslu málsins yrði frest-
að þar til í dag, og var orðið við
þeim óskum sem fyrr segir.
Ragnar Arnalds menntamála-
ráðherra sagði í samtali við blaða-
mann Morgunblaðsins í gær-
kvöldi, að fundurinn í landhelgis-
nefndinni í dag væri ekkert frekar
haldinn fyrir orð alþýðubanda-
lagsmanna en annarra. Nauðsyn-
legt væri hins vegar að menn
ræddust betur við um þann grund-
völl sem standa yrði á þegar farið
yrði til viðræðna við Norðmenn,
og þar sem sjónarmið flokkanna
hefðu ekki verið að fullu sam-
ræmd hefði ekki verið tímabært
að samþykkja neina tillögu á
fundi ríkisstjórnarinnar í gær. Því
hefði legið beinast við að fresta
málinu og halda fund í landhelgis-
nefnd til að mönnum gæfist þar
betri kostur á að samræma sjón-
armið sín. Varðandi það hvort
tillaga forsætisráðherra hefði
vakið óánægju á fundi ríkisstjórn-
arinnar sagði Ragnar orðrétt:
„Það er nú eins og gengur, það
sýnist sitt hverjum í flóknu máli,
og við töldum óhjákvæmilegt að
það lægi skýrar fyrir á hvaða
grunni íslenska samninganefndin
væri reiðubúin til samninga þann-
ig að nefndarmenn væru ekki með
skiptar skoðanir, það getur aldrei
góðri lukku stýrt. En ekki hefur
verið um nægilegan skýran grund-
völl að ræða. Það er vitað að
nokkur áherslumunur hefur verið
á milli þeirra hugmynda sem
alþýðubandalagsmenn og raunar
sjálfstæðismenn einnig, hafa lagt
áherslu á, og svo hins vegar þeirra
hugmynda sem komið hafa fram
hjá forystumönnum Alþýðuflokks
og Framsóknarflokks."
í gær síðdegis var haldinn fund-
ur í þingflokki Alþýðuflokksins,
þar sem eingöngu var rætt um Jan
Mayenmálið. Að sögn Benedikts
Gröndal voru ekki gerðar neinar
ályktanir á fundinum, en fram
hefði hins vegar komið að þing-
menn flokksins stæðu einhuga að
baki þeim tilraunum sem hann
hefði gert til að skapa samstöðu
innan ríkisstjórnarinnar á grund-
velli tillagna sinna.
Utanríkisráðherra sagðist í gær
ekki vilja spá fyrir um hvort málið
yrði endanlega útkljáð í dag, þó
hann vonaði það, en Ragnar Arn-
alds kvaðst telja það sennilegt að
endanlega yrði gengið frá samn-
ingsgrundvelli fyrir íslendinga til
að standa á í viðræðunum við
Norðmenn á fundi landhelgis-
nefndar og síðar ríkisstjórnarinn-
ar í dag.
Ekki hefur verið ákveðið hverjir
muni taka þátt í viðræðunum við
Norðmenn er þær hefjast á ný, og
hafa verið uppi vangaveltur um
hvort ráðherrar einir eigi að skipa
íslensku viðræðunefndina auk
stjórnarandstöðunnar eða hvort
aðrir fulltrúar flokkanna eigi allt
eins að eiga þar sæti. Kjartan
Jóhannsson sjávarútvegsráðherra
sagði í samtali við blaðamann
Morgunblaðsins í gær, að það
skipti ekki máli að sínu mati,
ástæðulaust væri að deila um
keisarans skegg í því efni. Mikil-
vægast væri að koma viðræðunum
í gang eins skjótt og auðið væri,
mikilvægi málsins væri slíkt að
það þyldi ekki öllu lengri bið.