Morgunblaðið - 10.05.1980, Qupperneq 20

2 0 MORGUNBLAÐIÐ, LAUGARDAGUR 10. MAÍ 1980
Afmælisins minnst
með fjölbreyttum hætti
Kópavogskaupstaður á 25 ára
afmæli á morgun, sunnudag. Mik-
ið er um dýrðir í kaupstaðnum af
þessu tilefni og verður hér getið
um hátíðardagskrá helgarinnar.
í dag munu skólarnir í Kópa-
vogi halda hátíð sína „Vor í bæ“ í
íþróttahúsi Kársnesskóla kl. 16.00
og er hún opin almenningi.
Á morgun, afmælisdeginum,
verður hádegisguðsþjónusta kl.
11.00 í Kópavogskirkju. Skátar
verða með fánaborg við kirkjuna,
Þorbergur Kristjánsson prédikar
en séra Árni Pálsson þjónar fyrir
altari.
Kl. 16.30 hefst sýning á heim-
ildarkvikmynd sem bæjarstjórn
hefur látið gera um þróun bæjar-
ins og ber hún nafnið „Kópavogur,
borgin hjá vogunum tveimur".
Sýningar verða í Hamraborg 1 og
þar verður einnig opin sýning á
verkum úr safni Lista- og menn-
ingarsjóðs Kópavogs. Sýningarn-
ar verða frá kl. 16.00 til 22.00,
kvikmyndasýningar á klukku-
stundarfresti.
Opinberar stofnanir bæjarins,
s.s. bæjarskrifstofurnar, dag-
heimili o.fl. verða opnar fyrir
almenning milli kl. 16.30 og 19.00
á morgun. Þá er öllum heimill
ókeypis aðgangur að strætisvögn-
um bæjarins á morgun í tilefni
afmælisins.
Kaffisala verður í Hamraborg
1, 3. hæð á vegum mæðrastyrks-
nefndar, einnig verður á sama
stað sýning á munum unnum úr
tre'
Þá er einnig sýning á munum
sem eldri bæjarbúar hafa unnið á
námskeiðum í vetur. Sýningin er í
Hamraborg 1 og er hún opin á
sama tíma og myndlistarsýning-
in.
Himnahurðin breið
frumsýnd í dag
KVIKMYNDIN Himnahurðin breið?, sem er popp
ópera, framleidd af Listformi sf. verður frumsýnd
í Regnboganum í dag klukkan 1.30, en myndin er í
lit og um 50 mínútna löng.
Kristberg Óskarsson og Kjartan Ólafsson, tveir
aðstandenda fyrirtækisins, sögðu í samtali við
Morgunblaðið, að undirbúningur verksins hafi
hafist vorið 1979 og var allt hljóð tekið upp áður en
kvikmyndatökur hófust, en það var í byrjun
október sl. og þeim lauk í febrúar.
Bygjað var að klippa myndina áður en töku lauk
og lauk klippingum í síðasta mánuði.
Þeir félagar sögðu að heildarkostnaður við
myndina væri um 20 milljónir króna og þyrftu þeir
því að fá um 20 þúsund gesti til þess að verkið
borgaði sig. Sýningar verða í Regnboganum, en
síðan eru hugmyndir um að fara með myndina út á
land.
Söngvarar í myndinni eru Ari Harðarson, Bogi
Þór Siguroddsson, Einar Jón Briem, Erna Ingvars-
dóttir, Ingibjörg Ingadóttir, Kjartan Ólafsson og
Valdimar Örn Flygenring og hljómsveitina skipa:
Eggert Pálsson, Egill Jóhannsson, Guðni Franz-
son, Haukur Tórnasson og Kjartan Ólafsson.
Texta við myndina gerði Ári Harðarson, tónlist-
ina Kjartan Ólafsson, kvikmyndahandrit Ari
Harðarson og Kristberg Ólafsson, kvikmyndun
Guðmundur Bjartmarsson, hljóð Kjartan Ólafs-
son, klipping Guðmundur Bjartmarsson og Krist-
berg Óskarsson, aðstoð við upptöku Birgir Þ.
Jóakimsson og Halldór Bjarnason og Kristberg
leikstýrði verkinu.
,Jíart í bak“
afmœlisleikrit Litla
leikklúbbsins Isafirði
Litli leikklúbburinn á ísafirði varð 15 ára 24. apríl sl. I tilefni
afmælisins hefur verið sett á svið leikritið „Hart í bak“ eftir Jökul
Jakobsson, er það 32. verkefni L.L. til þessa. Leikritið verður
frumsýnt á morgun, sunnudag, í Alþýðuhúsinu á ísafirði.
Með fjögur helstu hlutverk í leikritinu fara: Guðrún Eyþórsdóttir,
Kritján Finnbogason, Elísabet Þorgeirsdóttir og Reynir Sigurðsson.
Leikstjóri er Margrét Óskarsdóttir. Meðfylgjandi mynd er tekin á
æfingu nýlega.
Er þetta ekki mitt
líf? — í síðasta sinn
Þjóðleikhúsið:
í kvöld sýnir Þjóðleikhúsið Stundarfrið kl. 20, á stóra sviðinu, annað
kvöld Smalastúlkuna og útlagana á sama tíma.
í öruggri borg verður sýnt á litla sviðinu annað kvöld kl. 20.00.
Leikfélag Reykjavikur:
I kvöld kl. 20.30 er Ofvitinn á fjölum Iðnó, en annað kvöld Er þetta ekki
mitt líf?, í síðasta sinn. Sýningar í Iðnó hefjast kl. 20.30. Klerkar í klípu eru
á miönætursýningu í Austurbæjarbíói í næst síðasta sinn kl. 23.30 í kvöld,
laugardagskvöld.
Kópa vogslei kh úsið:
30. sýning á Þorláki þreytta er í kvöld kl. 20.30, verkið er einnig sýnt
annað kvöld á sama tíma.
Kvikmyndafjelagið með
2 sýningar um helgina
í kvöld kl. 19.10 sýnir Kvikmyndafélagið „Ape and superape" í
Regnboganum. Annað kvöld verður Kamelíufrúin með Gretu Garbo sýnd í
síðasta sinn á sama stað og tíma.
Stjórnmál
og kristin trú
í framhaldi af fundi, sem haldinn
var í Hallgrímskirkju 6. marz sl. til
að kynna kristilegu stjórnmálaflokk-
ana á Norðurlöndum, efnir Mennta-
málanefnd þjóðkirkjunnar til opins
umræðufundar um áhrif og ábyrgð
kristinna manna í stjórnmálum.
Fundurinn verður haldinn á morg-
un, sunnudag, kl. 16 í Hallgríms-
kirkju og er öllum opinn, meðan
húsrúm leyfir.
Frummælendur verða sr. Ingólfur
Guðmundsson æskulýðsfulltrúi og
Páll V. Daníelsson forstjóri, formað-
ur Landssambandsins gegn áfengis-
bölinu.
Fundurinn ber yfirskriftina „Áhrif
og ábyrgð kristinna manna í stjórn-
málum".