Morgunblaðið - 10.05.1980, Síða 23

MORGUNBLAÐIÐ, LAUGARDAGUR 10. MAÍ1980
23
„Dáist að því tón-
listarfólki, sem
starfar hér heima“
UNNUR María Ingólfsdóttir
fiðluleikari heldur tónleika á
vegum Tónlistarfélagsins í dag
kl. 17 í Austurbæjarbíói. Undir-
leikari hennar er Bandarikja-
maðurjnn Alan Marks. Þetta
eru fyrstu tónleikar hennar á
vegum Tónlistarfélagsins.
Unnur María stundaði nám í
fiðluleik hjá Birni Ólafssyni í
Tónlistarskólanum í Reykjavík.
Að loknu því námi bauð Rudolf
Serkin henni styrk til náms við
Curtis Institute of Music í
Philadelphiu. Síðan stundaði
hún nám við Julliard School í
New York og lauk þaðan ein-
leikaraprófi 1976. Arið 1977
hlaut hún styrk frá Rotary
International til náms hjá
Nathan Millstein i London.
Hún hefur starfað með kamm-
erhljómsveitum í London og m.a.
boðist stárf hjá English Chamb-
er Orchestra og Academy of
St.-Martin-in-the-Fields og hef-
ur hún þegar leikið með báðum
þessum hljómsveitum. Hún kom
fram á tónleikum í Wigmore
Hall í London 18. apríl sl. og
voru undirtektir mjög góðar.
Hún hefur einnig leikið á tón-
— segir Unnur Maiia
Ingólfsdóttir, en
hún heldur tónleika
á vegum Tónlistar-
félagsins í dag
leikum víða í Englandi og m.a.
lék hún fyrir Yehudi Menuhin í
London sl. sunnudag. Bauð hann
henni þá að halda tónleika í
Sviss í sumar, einnig eru fyrir-
hugaðir tónleikar í Þýzkalandi
og víðar á komandi sumri.
Unnur María gaf sér stutt hlé
frá æfingum í gær og ræddi Mbl.
þá við hana. Hún sagðist fagna
því að fá tækifæri til að halda
tónleika hér heima. „Einnig er
ég mjög ánægð með að Alan
Marks gaf sér tíma til að koma
og spila með mér. Við höfum
leikið saman bæði í New York og
London og mér hefur líkað
sérstaklega vel að vinna með
honum.“ Alan hefur komið fram
víða í Bandaríkjunum og Evrópu
sem einleikari og einnig með
þekktum hljómsveitum.
A efnisskrá á tónleikunum í
dag eru verk eftir: Geminiani,
J.S. Bach, Robert Schumann og
César Franck. Við spurðum Unni
hvernig staðið væri að vali verka
á slíka tónleika. „Val á efnisskrá
getur oft reynst erfitt. Það er af
mörgu að taka og erfitt að gera
upp á milli margra gullfallegra
tónverka. Mér þykir vænt um öll
þessi verk sem við leikum á
þessum tónleikum og það er
mikilvægt að flytjendur hafi
sjálfir ánægju af því sem þeir
leika.“
Unnur María sagði að sér
líkaði dvölin í Englandi vel en þó
væri römm taugin til heima-
landsins. „I Englandi eru mörg
tækifæri til tónleikahalds, má
þar néfna tónleika í kirkjum,
háskólum og á vegum tónlistar-
félaga víða um landið.
— Við spurðum Unni Maríu í
lokin, hvort hún hyggði til heim-
komu í nánustu framtíð.
„Ég hefi haldið góðum tengsl-
um við heimalandið og m.a.
komið heim árlega og spilað í
kammersveit með Pólyfónkórn-
um. Ég dáist að því tónlistar-
fólki sem starfar hér heima. Það
er duglegt og atorkumikið, þó
fámennur hópur sé og þurfi að
Unnur María Ingólfsdóttir
koma víða við. Ég gæti vel
hugsað mér að starfa heima því
þó aðstæður séu ekki eins góðar
og víða erlendis, þá fer hér fram
gífurlega mikið uppbyggingar-
Ljósm. Mbl.: Kristján Einarsson
starf. Mig langar þó fyrst um
sinn a.m.k. að nota þau tækifæri
sem mér gefast á erlendri grund.
Framtíðin sker síðan úr um hvað
verður,, sagði hún í lokin.
Ljósm. Mbl. Ól.K.M.
í gær var veður slæmt í höfuðborginni sem og annars staðar á sunnanverðu landinu. Þurfti af þeim sökum
að hætta við að halda hinn vikulega útimarkað á Lækjartorgi. Myndin er tekin við útimarkaðinn og virðist
veðrið haía leikið hann grátt.
Qveðrið í gær:
Ofsarok í Yestmannaeyjum
ÓVEÐRIÐ sem gekk yfir sunnan-
og austanvert landið í gær orsak-
aðist af miklu lægðasvæði, sem er
suður af landinu. Þetta lægða-
svæði hreyfist hægt í NNA. en í
því es mikil bleyta, samkva'mt
þeim upplýsingum sem Mbl. fékk
á Vcðurstofunni. í gær var spáð
hlýnandi veðri í dag og var talið
að rigna myndi með kvöldinu og
veður versna. í dag er gert ráð
fyrir austanátt um allt land,
stinningskalda eða allhvössu
veðri. nema á Norður- og Austur-
landi en þar er spáð kalda. Búist
er við súld eða rigningu á Suður-
og Vesturlandi, en þurru á Norð-
ur- og Austurlandi.
Hjá Vegaeftirlitinu fengust þær
upplýsingar að víða á suður-
ströndinni hefði verið slæmt veð-
ur, snjókoma og bylur. Hellisheiði
Hellisheiði
þungfær
var þungfær vegna hálku og skaf-
byls og lentu bílar þar í erfiðleik-
um. Þrengslavegur var þokkalegur
þegar á leið daginn, en fyrrihluta
dags var þar einhver hálka. Aust-
ur í Vík í Mýrdal var slæmt veður
og snjókoma og var Suðurlands-
vegur ófær vestan við Vík, en í
gær var búist við að vegurinn yrði
ruddur. Astand vega miðað við
árstíma er viðast þokkalegt, en nú
eru þungatakmarkanir víða vegna
aurbleytu.
Undir Eyjafjöllum var veður
slæmt í gærmorgun, frost og
skafrenningur og svo var einnig
víðar á Suðurlandsundirlendi.
Töldu menn að í gær hefði verið
eitt það versta veður sem komið
hefði í vetur á þessu svæði.
í Vestmannaeyjum var slæmt
veður í gær og herti eftir því sem á
daginn leið. Klukkan 9 í gærmorg-
un var vindhraðinn 66 hnútar en
klukkan 18 var vindhraðinn kom-
inn í 72 hnúta, mestur varð
vindhraðinn 75 hnútar, en komst
upp í 104 í verstu hviðunni. Ekki
snjóaöi í gær í Eyjum, hins vegar
var slydduhraglandi á köflum.
Mikið sjórok var og einnig sand-
rok, fauk bæði úr vegum og úr
fjallinu. Barnaskólinn var lokaður
í gær, en kennsla var með eðli-
legum hætti í gagnfræðaskólan-
um.
ítalskir tónleikar
og tízkusýning í Há-
skólabiói á morgun
MJÖG mikil aðsókn hefur
verið að „ítölsku vordög-
unum“ á Hótel Loftleiðum
og hafa miklu færri kom-
ist að en vildu.
Vegna þessa hefur verið
ákveðið að efna til tón-
leika og tízkusýningar í
Háskólabíói á morgun,
sunnudag klukkan 15, svo
að fólki gefist kostur á að
hlýða á ítölsku söngvar-
ana og sjá hina stórglæsi-
legu ítölsku tízkusýningu.
Einnig mun hin unga ís-
lenzka listakona, Unnur
María Ingólfsdóttir, koma
fram á tónleikunum. Með
henni leikur Bandaríkja-
maðurinn Alan Marks.
Þursarnir í
Þjóðleikhúsinu
ÞURSAFLOKKURINN heldur
hljómleika í Þjóðleikhúsinu
mánudaginn 19. þessa mánaðar og
hefjast þeir klukkan 21. Þetta
verða jafnframt síðustu hljóm-
leikar flokksins næsta hálfa árið
a.m.k. Miðasala hefst í Fálkanum
Laugavegi 24 á mánudag.
JNNLENTV
Óperusöngvararnir Pietro Bott-
azzo og Maria Loredan eru í hópi
fremstu söngvará Italíu í dag og
þau hafa slegið í gegn á ítölsku
vördögunum. Sömuleiðis hefur
tízkusýningin vakið geysilega at-
hygli. Hún er undir stjórn ítalska
tízkufrömuðarins Roberto Beghi
en samtökin Model 79 sýna. Unnur
María er í hópi efnilegustu tónlist-
armanna þjóðarinnar eins og
mönnum er kunnugt og hún kem-
ur fram á tónleikum Tónlistarfé-
lags Reykjavíkur í dag.
Miðasala á tónleikana í Há-
skólabíói hefst í dag klukkan 13 í
bíóinu.
Jón Gunnarsson
sýnir á Bolungarvík
JC Bolungarvík efnir til mál-
verkasýningar í Ráðhússal Bol-
ungarvíkurkaupstaðar sem hefst
laugardag 10. maí. Þar sýnir Jón
Gunnarsson listmálari um 70 olíu-
og vatnslitamyndir og verður hún
opnuð í dag kl. 14 og verður opin
til kl. 22. Á sunnudag verður opið
kl. 10—22 og mánudag til fimmtu-
dags frá 18—22, en á fimmtudag
lýkur sýningunni.
Pétur Friðrik
sýnir á Kjar-
valsstöðum
PÉTUR Friðrik listmálari opnar
í dag klukkan 15 myndlistarsýn-
ingu á Kjarvalsstöðum. Sýningin
mun standa til 20. maí.
Fimm ár eru liðin síðan Pétur
Friðrik hélt siðast sýningu og þá
einnig á Kjarvalsstöðum. Viðtal
við Pétur Friðrik mun væntanlega
birtast í blaðinu á morgun.