Morgunblaðið - 09.05.1981, Blaðsíða 48

Símirm á QQflQQ
afgreiösiunni er OOUOO

' Símiáritstjórn ifliflfl
og skrifstofu: IV/ IvU
2íiörx5xtnl>líií>it>
LAUGARDAGUR 9. MAÍ 1981
■j*
Eimskip selur
Bifröst úr landi
EIMSKIPAFÉLAG íslands hefur
Bert samninK við skipafélax í
Sameinuðu furstadæmunum um
solu á Bifrostinni þanKað. en hún
hefur verið á soluskrá um nokk-
urt skeið.
Valtýr Hákonarson, fram-
kvæmdastjóri flutningasviðs Eim-
skips, sagði í samtali við Mbl., að
félagið hefði ekki haft þörf fyrir
Bifröstina eftir að nýju ekjuskip-
in, Álafoss og Eyrarfoss, komu til
landsins á síðasta ári.
„Annars er stefnan hjá okkur,
að skipunum fækkar, en þau verða
stærri, og í því sambandi fara
fram stöðugar athuganir," sagði
Valtýr Hákonarson ennfremur.
Valtýr sagði aðspurður, að ekki
hefðu verið teknar neinar ákvarð-
anir um kaup á nýjum skipum, en
nokkur skipa félagsins hafa verið
á söluskrá.
Guðbrandsbiblía
Jóns Sólness seld
Guðbrandsbiblia Jóns Sólnes á
Akureyri. sem hann keypti á
uppboði í London i október á sl.
ári. er seld. Kaupandi er Ken
Melsted frá Kanada. sem er af
vestur-islenzkum ættum og kunn-
ur hérlendis.
Jón Sólnes staðfesti þessa frétt,
er Mbl. hafði samband við hann í
gær. Hann sagði Ken Melsted vera
auðugan bónda í Kanada og væri
hann m.a. þekktur fyrir áhuga
sinn á íslenzkum bókmenntum.
Árið 1978 kom hann til landsins
og færði handritasafninu hér góða
gjöf. Ken mun ætla sér að láta
Guðbrandsbiblíuna vera í geymslu
í handritasafninu að minnsta
kosti fyrsta árið. Jón sagðist ekki
geta gefið upp söluverð bókarinn-
ar vegna óska Ken Melsted þar
um.
Tæplega 5 tonn á
milli þeirra efstu
3 af efstu bátimum bera nöfn Eyrbekkinga
ÞEGAR netaúthaldi vetrarver-
tiðar lauk i gærkvöldi skildu
aðeins 4,9 tonn að tvo hæstu
bátana. Jón á Hofi ÁR og I’ór
unni Sveinsdóttur VE, en loka-
taia vetrarvertiðar miðast hins
vegar við 15. maí sem um langt
árabil hefur verið lokadagur
vetrarvertíðar. í gærkvöldi hafði
Jón á Hofi undir skipsstjórn
Jóns Bjorgvinssonar landað
1514,4 tonnum og Þórunn
Sveinsdóttir undir skipsstjórn
Sigurjóns óskarssonar hafði
landað 1509.5 tonnum.
Þriðji aflahæsti báturinn í lok
netaúthaldsins var Höfrungur III
ÁR með 1463,7 tonn undir skips-
stjórn Þorleifs Þorleifssonar og sá
fjórði er Friðrik Sigurösson ÁR
með 1460,1 tonn undir skipsstjórn
Sigurðar Bjarnasonar. Fimmti
aflahæsti báturinn er Suðurey VE
undir skipsstjórn Harðar Jóns-
sonar með 1418,5 tonn. Margir
netabátarnir eru nú að gera sig
klára á troll svo enn getur loka-
staðan á vetrarvertíðinni breyst,
en meðal þeirra sem fara á troll
eru einhverjir af fimm fyrr-
greindum bátum.
Nöfn þriggja hæstu bátanna af
fimm eru ættuð frá Eyrarbakka.
Jón á Hofi á Eyrarbakka var afi
Jóns skipstjóra og vann lengst
sem pakkhúsmaður á Eyrarbakka
og Selfossi og Þórunn Sveinsdótt-
ir amma Sigurjóns skipstjóra var
frá Ósi á Eyrarbakka og varð hún
ekkja með fimm börn þegar mað-
ur hennar, Matthías Gíslason frá
Sjávargötu á Eyrarbakka, fórst
með v/b Ara árið 1930. Kom hún
börnum sínum öllum til manns
með miklum dugnaði.
Friðrik Sigurðsson var frá
Gamla Hrauni á Eyrarbakka, en
sonur hans Guðmundur sem rek-
ur Hafnarnes í Þorlákshöfn á
bátinn og er Sigurður Bjarnason
skipstjóri systursonur Guðmund-
ar. Var Friðrik bóndi og útvegs-
maður.
Niðursoðin rækja
fyrir 10 milljón-
ir til Þýzkalands
SÖLUSTOFNUN lagmetis hefur
gert samning um sölu á niðursoð-
inni rækju til V-Þýzkalands og er
verðmæti þessa samnings rúmlega
10 milljónir króna eða nokkuð á
annan milljarð gkróna. Samningur
þessi mun vera stærsti einstaki
rækjusamningur, sem íslendingar
hafa gert.
Vinnsla upp í þennan samning
hefst á miðju sumri og stendur til
áramóta, en samkvæmt samningn-
um hefur Sölustofnunin heimild til
að auka rækjumagnið í ár eða á
næsta ári. Heimir Hannesson, for-
stjóri SL, sagði í gær, að mjög
mikilvægt væri, að svo virtist, sem
öruggt framhald yrði á þessum
viðskiptum. Það eru þýzk vöruhús,
sem gera þennan samning við SL, en
væntanlega mun K. Jónsson og co.
hf. á Akureyri sjá um framleiðsluna
hérlendis.
Þeir eru vænir þessir tveir sem Sibbi stýrimaður á Björgu VE 5 heldur á, en þeir hafa verið á trolli og
margir netabátar skipta nú yfir á troll út vertíðina til 15. mai. Ljósmynd Mbi. Sigurgeir
Bandarikjamarkaður:
Breyting á verði
nokkurra tegunda
Yfir 20% minni frysting en fjóra fyrstu mánuði síðasta árs
NOKKRAR verðbreytingar hafa
undanfarið orðið á ýmsum teg-
undum frystra sjávarafurða hjá
Coldwater og Iceland Seafood,
sölufyrirtækjum SH og Sam-
bandsins, i Bandaríkjunum. Þess-
ar breytingar vega ekki þungt i
heildarframleiðslunni og i all-
langan tima hefur verð haldist
óbreytt á veigamestu útflutn-
ingstegundum, þ.e. þorskflökum
I 5 punda pakkningum og
þorskblokk. Samkvæmt upplýs-
ingum Morgunblaðsins er ekki
útlit fyrir hækkun á þorskblokk,
en erfitt mun að segja fyrir um
hvort breytingar kunni að verða
á flakaverði.
Tíu og tólf punda þorskflaka-
pakkningar hækkuðu á dögunum
um 3% í Randaríkjunum og sér-
framleiddur þorskur hækkaði um
5—6%. Karfaflök 10/5 hækkuðu
um rúmlega 5%. Fimm punda
ufsaflök hækkuðu um tæplega 5%
og grálúðuflök hækkuðu um rúm-
lega 13%. Hins vegar hefur ýsú-
blokk lækkað úr 115 centum í 105
cent.
Morgunblaðið ræddi í gær við
Guðmund H. Garðarsson, blaða-
fulltrúa SH, og sagði hann, að
engar verðhækkanir hefðu orðið á
5 punda þorskflakapakkningum
eða þorskblokk, sem væru veiga-
mestu tegundirnar í framleiðsl-
unni. „Þessar verðbreytingar, sem
nú hafa orðið, vega ekki þungt í
heildarframleiðslunni og koma
fyrst og fremst Verðjöfnunarsjóði
fiskiðnaðarins til góða eins og
viðmiðunarverðum er nú háttað,“
sagði Guðmundur H. Garðarsson.
Aðspurður um það hvort vænta
mætti verðbreytinga á þorskflök-
um og blokk á næstunni, sagði
Guðmundur, að miklar birgðir
væru nú af þorskblokk í Banda-
ríkjunum. Þá væru vor- og sumar-
þorskveiðar Kandamanna nú að
hefjast og þær veiðar gætu haft
mikil áhrif á bandaríska fisk-
markaðinn.
Fyrstú fjóra mánuði þessa árs
nam heildarfrysting húsa innan
SH 31.326 smálestum, en á sama
tíma í fyrra 40.085 lestum. Frysti-
hús Sambandsins frystu á þessu
tímabili í ár samtals 10.700 lestir,
en 13.300 lestir fyrstu fjóra mán-
uði síðasta árs. Frystingin er því
yfir 20% minni í ár en á síðasta
ári.