Morgunblaðið - 14.05.1981, Qupperneq 27

MORGUNBLAÐIÐ, FIMMTUDAGUR 14. MAÍ 1981
27
Kostir Blönduvirkjunar
Pálmi Jónsson, landbúnaðarráð-
hcrra, sagði m.a. að þær saman-
burðartölur, sem frumvarpinu
fylgdu um kostnað virkjunarkosta,
gerðu ráð fyrir sölu 50% orkunnar
til orkufreks iðnaðar, 35% til al-
menns orkumarkaðar og 15% til
húshitunar. Miðað við þessar for-
sendur, sem um mætti deila, væri
Fljótsdalsvirkjun 24% dýrari en
Blönduvirkjun og Sultartangi 44%
dýrari. Ef ekki væri miðað við
orkufrekan iðnað væri Fljótsdals-
virkjun 47% dýrari.
Pálmi taldi ekki óeðlilegt að miða
við 15 ára framkvæmdatíma þeirra
virkjunarkosta, sem frumvarpið
næði til, þar eð ekki væri til staðar,
enn sem komið væri, stór orkukaup-
andi. Ef aðstæður breyttust að
þessu leyti mætti auka á fram-
kvæmdahraða. Hann taldi að röðun
á framkvæmdum ætti að geta legið
fyrir það snemma að tillaga þar um
gæti komið fyrir Alþingi jafn-
snemma fjárlagafrumvarpi fyrir
árið 1982.
Of seint — of lélegt
Eggert Haukdal (S) kvað frum-
varp um þetta efni hafa átt að
koma fram miklu fyrr. Þegar lægju
fyrir þinginu frumvörp um sama
efni betur úr garði gerð. Ég hef
ýmsar athugasemdir við þetta
frumvarp að gera, sagði Eggert,
SVERRIR:
Líkur á
vantrausts-
tillögu.
m.a. að Sultartangavirkjun er ekki
gert jafn hátt undir höfði og öðrum
kostum eins og vera á í heiðarlegum
samanburði, byggðum á þjóðhags-
legum sjónarmiðum einum. Frum-
varpið er samsuða til málamiðlunar
milli stuðningsmanna Blöndu- og
Fljótsdalsvirkjana. Þá tel ég ein-
sýnt að fela eigi Landsvirkjun
virkjunarframkvæmdir og mun
flytja breytingartillögu við frum-
varpið í þá veru til að taka af
tvímæli. Ég skil ekki hvers vegna
verið er að hafa Rafmagnsveitur
ríkisins inn í þessari mynd nema ef
ætlunin er að halda þannig á
málum að þær fái framkvæmdirnar
endanlega, en þær heyra undir
viðkomandi fagráðherra. Ég vil að
framkvæmdirnar séu einvörðungu
bundnar við Landsvirkjun.
Eggert sagði allan undirbúning
varðandi Sultartangavirkjun að
baki og hagkvæmast væri að ráðast
í þá virkjun í beinu framhaldi af
Hrauneyjafossvirkjun. Samhliða
má stefna á Blöndu- og Fljótsdals-
virkjanir, ef markaður er fyrir þá
orku, en ekki má horfa fram hjá
markaðssjónarmiðum, við virkjum
ekki bara til að virkja, heldur til að
tengja saman orkuframleiðslu og
nýtingu, þjóðarheildinni til far-
sældar.
Látið á reyna
með vantrausti
Sverrir Hermannsson (S) sagði
hér fram komið eftir dúk og disk,
rétt fyrir þinglausnir, frumvarp,
sem i raun segði litla sögu. Hann
sagðist ekki deila á það þó röðun
framkvæmda væri ekki í frumvarp-
inu en hinsvegar það efnislegt
innhald frumvarps og greinargerð-
ar, sem hafnaði stóriðju eða orku-
frekum iðnaði. Ef þessi á að vera
stefnumörkun Alþingis, þá er ekki
þörf fyrir nema eina stórvirkjun
næsta áratuginn og þá er verið að
útiloka Fljótsdalsvirkjun í raun, en
hagkvæmni hennar, sem er ótvíræð,
tengist orkufrekum kaupanda, og
stóriðja á Reyðarfirði er og í
samræmi við vilja forystumanna
Austfirðinga, svo sem berlega hefur
komið fram.
Sverrir sagði að í þessu frum-
varpi væri gengið þvert á þá
orkustefnu, sem mótuð hafi verið af
viðreisnarstjórn 1960—1970, og
spannað hafi Búrfellsvirkjun, Sig-
ölduvirkjun og Hrauneyjafossvirkj-
un, með og ásamt álveri og járn-
blendiverksmiðju, og áfram gæti
verið lífstrengur okkar til stór-
bættra lífskjara. Þegar svo er siglt
úr leið sem hér sýnist þarf að
bregðast við með öllum tiltækum
þingræðisleiðum. Það má láta á
reyna með vantrauststillöguflutn-
ingi, hvort þessi afturhaldsstefna,
sem iðnaðarráðherra ber höfuð-
ábyrgð á, er í raun stjórnarstefna,
en mér þykir hafa komið fram í
þessari umræðu, í máli Eggerts
Haukdal, að ekki er allt stjórnarlið-
STEINÞÓR:
Frumvarp
sjálfstæöismanna
ákveönara.
ið á eitt sátt við innhaldsleysi
hennar.
Ekki nóg með það að orkuráð-
herra gegni ekki skyldu um könnun
orkuafsetningar um orkufrekan
iðnað, heldur gengur hann gagn-
stætt að verki, en framkoma hans
gagnvart ÍSAL hafi ekki verið tií
þess fallin að laða að okkur orku-
kaupendur.
Samþykkjum það frum-
varpið sem er ákveðnara
Steinþór Gcstsson (S) ræddi m.a.
þörf vaxandi þjóðar fyrir ný
atvinnutækifæri á komandi árum
og áratugum sem og aukningu
verðmætasköpunar, sem væri und-
irstaða lífskjaranna. Það þarf að
hugsa stórt og nýta þá möguleika,
sem fyrir hendi eru, sagði hann.
Hann sagði undirbúning iðjuþróun-
ar hafa verið rofinn í tíð ríkis-
stjórnar Ólafs Jóhannessonar, sem
verið hefði ábyrgðarhluti. Það þarf
að taka upp þennan þráð á nýjan
leik. Ég átti von á ákveðnara
frumvarpi frá ríkisstjórn en þessu,
sem nú liggur fyrir. Frumvarp
okkar sjálfstæðismanna er markv-
issara, sagði hann. Hann hvatti
þingmenn til að sameinast um það
sem samningsgrundvöll. Vafasamt
væri, hvort stjórnarfrumvarpið,
eins og það væri úr garði gert, hefði
þingmeirihluta að baki sér.
Þessari umræðu var fram haldið
á kvöldfundi i gær sem átti að
hefjast kl. 9 síðdegis.
Fatlaðir sækja um þessar mundir námskeið í hestamennsku, en að því standa Lionsklúbburinn Ægir,
Fákur og íþróttafélag fatlaðra. Lk»m. Ói. K.M.
NÁMSKGIÐ í hestamcnnsku
fyrir fatlaða hófst nýlega á
svaeði hestamannafclagsins
Fáks. Skiptist námskeiðið i
bóklegar greinar, reið-
mennsku og umhirðu. Nefnd
á vegum íþróttafclags fatl-
aðra hcfur staðið að undir-
búningi námskeiðsins og not-
ið aðstoðar Fáks og Lions-
hreyfingarinnar.
Sigurður Ragnarsson tamn-
ingamaður er kennari á nám-
skeiðinu og félagar úr kvenna-
deild Fáks eru honum til
aðstoðar. Félagsheimili Fáks
hefur verið breytt með tilliti
til að fatlaðir geti notfært sér
það. Fákur leggur til hesta og
reiðtygi á námskeiðið, en
Lionsklúbburinn Ægir kostar
fóður og hirðingu.
Fatlaðir á hesta-
mennskunámskeiði
Maður þarf ekki að vera hár i loftinu til að læra
hestamennsku.
Einn kominn á bak og aðrir biða cftir að röðin
komi að þeim.
Frá sýningu Þjóðleikhússins á Haustinu i Prag, en í ieiðara Mbl. sl.
laugardag var að þvi vikið að sýning þessi ætti eríndi i skólana og að
sjónvarpið ætti að taka hana upp til að sem flestir landsmenn gætu séð
hana.
„Haustið44 á litla
sviðinu í kvöld
ÞJÓÐLEIKHÚSIÐ hefur í kvöld
aukasýningu á Haustinu í Prag,
tékkneskum einþáttungum eftir
Václav Havel og Pavel Kohout, en
þeir eru báðir andófsmenn.
„Haustið í Prag“ er sýnt á Litla
sviði Þjóðleikhússins og er leik-
stjóri Helgi Skúlason. Jón Gunn-
arsson þýddi leikþættina og Balt-
asar gerði leikmynd. Helstu leik-
endur eru Rúrik Haraldsson, Er-
lingur Gíslason, Guðrún Þ. Steph-
ensen, Helga Bachmann, Valur
Gíslason og Tinna Gunnlaugsdótt-
ir.
Vegurinn opn-
aður eftir
margra mánaða
einangrun
ÞAÐ ER búið að hafa mikið fyrir
því að opna veginn hingað, en nú
hefur það loks tekist eftir margar
tilraunir, því alltaf hefur skafið
aftur jafnóðum og mokað er, sagði
Guðmundur Jónsson hreppsstjóri 1
Munaðarnesi á Ströndum er Mbl.
ræddi við hann i gær, en nú hefur
verið opnaður vegurinn norður.
— Fyrstu bílarnir komu hingað á
þriðjudag, en hingað hefur ekki
verið fært síðan í október, sagði
Guðmundur, — þetta er eins og á
heimsskautinu, vorið ekkert farið
að koma og allt gróðurlaust ennþá.
Versta haftið var á Veiðileysuhálsi.
Þar munaði líka litlu að slys yrði
þegar bílarnir óku þar um en steinn
úr fjallinu lenti á frambretti bíls og
annar á hann aftanverðan. En við
erum ekki óvanir þessari einangr-
un, það vill iðulega vora hér seint
og vegurinn nú er opnaður á
svipuðum tíma og oft áður, sagði
Gi^ðmundur að lokum.