Morgunblaðið - 10.12.1981, Blaðsíða 18

18
MORGUNBLAÐIÐ, FIMMTUDAGUR 10. DESEMBER 1981
TASS, plata
Jóhanns Helgasonar
íslenzkir tónlistarmenn feta sig á heimsmarkaðinn
Hljóm
n rMTTn
Árni Johnsen
TASS, hljómplata Jóhanns
Helgasonar, sem er nýkomin út,
er tvímælalaust bezta hljóm-
plata hans, afburðagóð í alla
staði fyrir dægurmarkaðinn og
þessi faglega unna plata sannar
ummæli Steinars Bergs Isleifs-
sonar, forstjóra Steina hf., í Mbl.
fyrir skömmu, þar sem hann
segir, að það sé engin spurning
að íslenzkir tónlistarmenn eigi
að spreyta sig á heimsmarkaði.
TASS er gott dæmi um góða
plötu, sem á að geta höfðað til
fjölda fólks í öllum löndum sem
þekkjast hina vestrænu tónlist.
Reyndar er einnig nýkomin út
hljómplata með Jóhanni Helga-
syni og Helgu Möller, Þú og ég, á
ensku í Japan og hefur hún vakið
verðskuldaða athygli þar.
Öll lögin á TASS eru eftir Jó-
hann Helgason og hin fallega
laglína flestra þeirra nýtur sín
vel í vönduðum útsetningum og
listilegum hljóðfæraslætti.
Take Your Time er lag, sem
kallar strax á vinsældir og hlýt-
ur það að sýna sig á næstu vik-
um, en það skemmtilega við
þessa plötu er, að mörg laganna
eru virkilega góð og njóta sín vel
í meðferð kunnra hljómlistar-
manna vestanhafs, en upptökur
og hljóðblöndun fór fram í
nokkrum upptökusölum í Kali-
forníu í Bandaríkjunum sl.
sumar þar sem menn með langa
reynslu standa við tæknibúnað-
inn og skiptir slíkt verulega
miklu máli, ef ná á árangri í
grimmri samkeppni heimsmark-
aðarins. Meðal þessara upptök-
umanna er Jónas R. Jónsson,
sem stendur fyllilega fyrir sín-
um hlut í hópi færustu erlendu
manna á þessu sviði.
Burning Love er eitt af
skemmtilegri lögum TASS, villt
en ljóðrænt, og það er stærsti
kostur þessarar plötu hve lögin
leika létt. Margar plötur sem
hafa náð langt búa ekki yfir
þessum kostum laga Jóhanns,
sem öll hafa persónuleika þótt
mismikill sé.
She’s Done it Again er einnig
mjög fallegt lag og í laginu Love
is the Reason, kemur vel fram
hve þáttur upptökunnar skiptir
miklu máli. Það er breidd í því,
þar sem möguleikar lagsins
komast vel til skila með úthugs-
aðri nýtingu hljóðfæra með söng
Jóhanns og sama er að segja um
lagið Sail on, þar sem bakraddir
og meðferð allra þátttakenda
skaftar lotningu í þágu tónlist-
argyðjunnar.
Jakob Magnússon hafði yfir-
stjórn í hljóðrituninni og á ekki
sízt stóran þátt í góðri útkomu,
en það eru engir aukvisar á ferð
í undirleiknum, m.a. nokkrir fé-
lagar úr hljómsveitunum Boz
Scaggs og Pages, enda er hvergi
að finna veika kafla í undirleikn-
um. Aðalupptökumaður var
Humberto Gattica, sem m.a. hef-
ur unnið með Boz Scaggs og
Chicago.
Eins og fyrr segir, eru öll lögin
eftir Jóhann. Hann á einnig 3
texta, Magnús Sigmundsson
samdi 1 texta ásamt John Lang,
sem er aðaltextasmiður hljóm-
sveitarinnar Pages, en að auki á
John 3 aðra texta á plötunni,
Joseph Nazzaro á tvo og Arlene
Matza einn texta. Um textana
má segja í heild, að þeir falla Vel
að þeim dægurstíl sem ræður
ferðinni í þessum þætti tónlist-
arinnar í dag. Snyrtilegt plötu-
umslag er hannað af Ernst J.
Backmann og Jonni í Studio 28
tók ljósmyndirnar á umslaginu,
en pressun og prentun fór fram í
Hafnarfirði. Útgefandi TASS
eru Steinar hf.
Það er ástæða til að gleðjast
yfir árangri Jóhanns Helgasonar
og annarra aðstandenda TASS,
því platan er mjög góð.
HBSGAGNA
BÍLDSHÖFÐA 20-110 REYKJAVÍK
HÖLLIN
SÍMAR: 91-81199 -81410
er langstærsta húsgagnaverzlun landsins meö 70—80 sófasett á gólf-
inu, 30—40 geröir af rúmum, tugi veggskápa, hægindastóla og boröa
og hundruð stóla.
HÚSGÖGN
Ide-merkið
tryggir þér meiri
gæði og lægra verð
en áður
hefur þekkst
Líttu inn
Það
borgar sig
HIÍS6ABHA
BfLDSHÖFÐA 20 - 110 REYKJAVfK
HÖLLIN
SfMAR: 91-81199-81410
Það er svo margt
Bókmenntir
Ævar R. Kvaran
Grétar Fells:
ÞAÐ ER SVO MARGT
Krindi, VI. bindi.
lltgefandi: Illiðskjálf, Rvk.
Það eru óhjákvæmileg örlög
okkar allra að verða fyrr eða síðar
að yfirgefa þennan skóla sem jarð-
vistin er. Þeim fer æ fjölgandi sem
hallast að þeirri skoðun, að við
verðum að koma aftur í þennan
skóla lífsreynslunnar sökum þess
að ein mannsæfi gefi engum nægi-
lega reynsluþekkingu til þess að
hún dugi viðkomandi til þess
þroska í andlegum efnum sem
okkur er ætlað að ná. Þeir sem
hailast að síðarnefndu skoðuninni
kunna yfirleitt betur að taka frá-
falli ástvina og þeirra sem þeim
þykir vænt um. Þeim er ljóst að
dauðinn er ekkert annað en hlið
inn í aðrar vistarverur, þar sem
við fáum að líta yfir farinn veg í
jarðlífinu til þess að læra af því og
gera okkur ljós mistök okkar og
galla. Það er því ekki furða þótt
ýmsir vilji fá annað eða önnur
tækifæri til þess að farnast betur í
jarðlífi og eru margir þeirrar
skoðunar að slík tækifæri séu ein-
mitt veitt í þessum tilgangi.
Engu að síður er erfitt að finna
ekki til saknaðar, þegar frá okkur
hverfa hinir ágætustu menn, sem
með visku sinni hafa getað veitt
mörgum leitandi manni svör við
hinum erfiðustu spurningum lífs-
ins og þannig haft áhrif á viðhorf
þeirra sjálfum þeim og öðrum til
heilla. Svo er prentlistinni fyrir að
þakka, að hugsanir slíkra manna
lifa þá á jörðunni eftir að þeir
hafa kvatt okkur, svo við getum
haldið áfram að læra af þeim eftir
sem áður.
Sá sem þetta hripar hefur enn-
þá engum rithöfndi kynnst sem
látið hefur eftir sig annað eins
magn af viturlegum lífsráðlegg-
ingum og skáldið Grétar Fells.
Það sem hann hefur skrifað ber
svo bersýnilega með sér að þar
talar vitur maður. Auk þess eru
Grétar Fells
ritgerðir hans hinn dásamlegasti
lestur burt séð frá því hvort les-
andi er höfundi sammála eða ekki
sökum þess, að allt er þetta skrif-
að á sérstaklega fagurri íslensku,
skáldið leynir sér ekki; og svo er
annað sem hlýtur að hafa örfandi
áhrif á lesarann, en það er hin
stórkostlega bjartsýni og hinn
mikli þokki sem býr í þessum rit-
gerðum.
Ekki er ósennilegt að þeim fari
fjölgandi nú á tímum sem telja sér
þörf nokkurrar leiðsagnar, hvort
sem viðkomandi hefur náð því
meginmarkmiði margra að verða
efnaður maður eða ekki. Eignir og
fjármunir veita enga trygging
fyrir sálarfriði, jafnvægi og ham-
ingju í þessu lífi. Slíkt er ekki
hægt að kaupa, og reyndar ekki
heldur neitt annað sem verulegu
máli skiptir. Slikir leitendur geta
ennþá fundið tillögur til lausnar
hinum ólíkustu vandamálum sín-
um með því að kynna sér ritgerðir
Grétars Fells, þótt hann hafi per-
sónulega kvatt okkur um stund. Sá
sem þetta ritar er sammála Gunn-
ari skáldi Dal um það, að í þessum
sex bókum sínum sameini höfund-
urinn með ágætum rökvísa hugs-
un og innsæi djúphyggjumanns-
ins.
Ævar K. Kvaran
Drengur fær sauðburðarfrí
Bókmenntír
Jenna Jensdóttir
Magnea frá Kleifum:
Kátl er í Krummavík.
Myndir eftir Sigrúnu Kldjárn.
Iðunn — Keykjavík — 1981.
Nú er komið framhald af sögunni
Krakkarnir í Krummavík. Aðalper-
sóna er Danni, móðurbróðir krakk-
anna. Hann er stráklingur í Reykja-
vík. Yngstur systkina sinna, dekrað-
ur í uppeldi og hegðun hans sam-
kvæmt því.
í byrjun sögunnar eru hann og
foreldrar hans mjög uppveðruð af
því að bókin Krakkarnir í Krumma-
vík er komin út. Þar sér Danni getið
um sjálfan sig frá því hann var í
Krummavík, þó kemur hann lítið við
sögu og sést hvergi á myndum í bók-
inni. Bókin er keypt og þau lesa hana
öll með hrifningu. Danni er dálítið
afbrýðisamur og vill sjálfur vera
söguhetja í bók.
Hann skrifar systur sinni, Báru í
Krummavík, og biður hana að lofa
sér að koma í sveitina, enda hefur
móðir hans oft nefnt að hann væri
best kominn þangað — þegar hann
er sem erfiðastur heima fyrir.
Ýmislegt er sagt frá Danna áður
en hann fer í sveitina um sauðburð-
inn.
Samferðafólk hans í flugvélinni
austur er að fara þangað til vega-
gerðar.
Danni slæst í hópinn með því og
það verður til þess að stytta honum
ferðina í óeiginlegri merkingu. Hann
snússar sig með köllunum. Þegar til
Krummavíkur kemur er líf í tuskun-
um. Bærinn er fullur af börnum sem
Magnea frá Kleifum.
eru í essinu sínu hvað glaðværð,
uppátæki og athafnasemi snertir.
Hver atburðurinn rekur annan.
Magnea frá Kleifum á sér lifandi
frásögn og stundum svo hlaðna at-
burðum, að það bjargar hve henni
tekst vel að gæða þá lífi með gam-
ansömum orðum og jafnvel kringil-
yrðum.
Fjölmargir eru kallaðir til í bók
hennar og erfitt að henda reiður á
persónuleika hvers og eins, til þess
er mótun þeirra of losaraleg. Enda
virðist sagan fremur sögð til þess að
koma öllu gamni og gáska vel til
skila, en skapa heilsteyptar eftir-
minnilegar persónur yngri eða eldri.
Ég trúi því að þessi bók verði
kærkomin í hendur þeim sem lásu
Krakkarnir í Krummavík sér til án-
ægju. Nóg er hér af bráðsniðugum
frásögnum úr daglegu lífi krakk-
anna.
Myndir eftir Sigrúnu Eldjárn eru
sem fyrr lifandi og skemmtilegar.
Þær auka gildi bókarinnar. Frá-
gangur er vandaður.