Morgunblaðið - 21.01.1982, Blaðsíða 13

MORGUNBLAÐIÐ, FIMMTUDAGUR 21. JANÚAR 1982
13
kennslustund í beina aðstoð,
svo að um einstaklingskennslu
er vart að ræða.
Sérhannaðar teiknistofur
eru því miður sjaldgæfar í ís-
lenskum skólum og fer
myodmenntakennslan oft á
tíðum fram í útihúsum eða
kjallaraholum. Sparnaðar-
ráðstafanir yfirvalda og skiln-
ingsleysi þeirra á sjón- og
verkmenntun leiðir af sér skort
á efnis- og tækjabúnaði sem
þarf til í myndmenntakennslu.
Of fjölmennir bekkir og slæm-
ur aðbúnaður verður til þess að
myndmenntakennarar geta
ekki unnið samkvæmt
námsskrá og komið til skila
þeim markmiðum og leiðum
sem námsskrá segir til um.
Skapandi starf er ekki bara
leikur, það er nám, er krefst
tíma og vinnu, eins og annað
nám sem fram fer í skólum
landsins.
Myndmennt og yngstu nenr
endur grunnskólans.
Reynt er að kenna mynd-
mennt í allflestum bekkjar-
deildum. í mörg ár var ekki
byrjað að kenna myndmennt
fyrr en í níu ára bekk. Það er
ekki fyrr en á síðustu árum að
farið er að kenna myndmennt í
7 og 8 ára bekkjardeildum, þó
ekki í öllum skólum, og hefur
sú kennsla ekki alltaf verið í
höndum myndmenntakennara.
Börn í 6 ára bekkjardeildum fá
ekki kennslu í myndmennt.
Mikilvægt er að börn byrji sem
yngst sitt myndmenntanám,
þegar þau eru ferskust í sinni
sköpunargleði og ekki heft af
minnimáttarkennd og sjálfs-
gagnrýni á sín eigin verk.
Þegar barn hefur búið til
mynd er hún í vitund þess ekki
bara mynd á blaði. Barnið er
ekki að skapa listaverk. Það er
að tjá hugsanir sínar og upplif-
un og gerir það á frjálsari og
eðlilegri máta í mynd en í máli.
Myndmenntanámi yngstu
nemendanna er fyrst og fremst
ætlað að vera undirstaða
myndrænnar sköpunar og gefa
nemendum tækifæri til að
þroska með sér hina þýð-
ingarmestu þætti sköpunar-
starfsins. Þess vegna er mjög
áríðandi að kennari sem hlotið
hefur menntun til að sinna
þessum þætti skólastarfsins
hafi hana með höndum.
Hér hefur aðeins í örstuttu
máli verið drepið á grundvall-
arþýðingu myndmenntanáms
fyrir þroska einstaklingsins og
einnig vikið að slæmum aðbún-
aði þessarar námsgreinar í
skólum landsins, ásamt óviðun-
andi vinnuaðstöðu mynd-
menntakennara og nemenda
þeirra.
Skólarnir verða hins vegar
varla sóttir til saka í þessu
efni. Það eru stjórnvöldin, er
ráða fjármagninu, sem gert
hafa myndmenntir að hornrek-
um í skólastarfinu, þrátt fyrir
skýlaus ákvæði í námsskrá.
Það er afdráttarlaus krafa
myndmenntakennara og vænt-
anlega allra skóla að há-
marksfjöldi nemenda í
myndmenntakennslu verði 14
án skerðingar á vikustunda-
fjölda.
Þá myndi árangurinn ekki
láta á sér standa. Nemendur
fengju þá fyrst tækifæri til að
þjálfa huga sinn og hönd í
þessu námi þegar kennarar
þeirra fá það svigrúm til að
sinna einstaklingum sem
„pappírs" — námsskráin ætl-
ast til.
ísafjörður:
Nýr stöðvar-
stjóri hjá
Pósti og síma
SKIPAÐUR hefur verið
nýr stöðvarstjóri Pósts og
síma á ísafirði og er það
Kristmann Kristmannsson.
Fimm aðrir umsækjendur
voru um starfið. Stöðvar-
stjóri hefur jafnframt
gegnt stöðu umdæmis-
stjóra á Vestfjörðum, en
starfinu var nú skipt og
gegnir Erling Sörensen því
starfi áfram.
Aðrir umsækjendur um
stöðu stöðvarstjóra voru Inga
Þ. Jónsdóttir, Hnífsdal, Lilja
Jakobsdóttir, ísafirði, Sigríður
Hansdóttir, Reykjavík, Þor-
gerður S. Einarsdóttir, ísa-
firði, og Sveinbjörn Björnsson,
ísafirði. Starfsmannaráð
Pósts og síma mælti með Ingu
Jónsdóttur, Lilju Jakobsdóttur
og Kristmanni Kristmanns-
syni í starfið.