Morgunblaðið - 21.01.1982, Blaðsíða 24
24
MORGUNBLAÐIÐ, FIMMTUDAGUR 21. JANÚAR 1982
MORGUNBLAÐIÐ, FIMMTUDAGUR 21. JANUAR 1982
25
Útgefandi hf. Árvakur, Reykjavík.
Framkvæmdastjóri Haraldur Sveinsson.
Ritstjórar Matthías Johannessen,
Styrmir Gunnarsson.
Fulltrúar ritstjóra Þorbjörn Guðmundsson,
Björn Jóhannsson.
Fréttastjórar Freysteinn Jóhannsson,
Magnús Finnsson,
Sigtryggur Sigtryggsson.
Auglýsingastjóri Baldvin Jónsson.
Ritstjórn og skrifstofur: Aðalstræti 6, sími 10100. Auglýsingar: Að-
alstræti 6, sími 22480. Afgreiðsla: Skeifunni 19, sími 83033. Áskrift-
argjald 100 kr. á mánuði innanlands. f lausasölu 6 kr. eintakið.
Lánsfjaðrir í dag-
vistunarmálum
Engin heitstrenging hljómaði oftar né hærra hjá Alþýðubanda-
laginu fyrir síðustu borgarstjórnarkosningar en síbyljan um
rúmlega 200 ný dagvistunarpláss á ári. Eftir að Alþýðubandalagið
varð forystuflokkur í borgarmálum og Sigurjón Pétursson var seztur
í stól borgarstjórnarforseta hljóðnuðu hinar hæværu dagvistunar-
raddir snögglega — og þessi framkvæmdaþáttur skrapp saman í
höndum hins nýja meirihluta. Á tveimur síðustu kjörtímabilum fyrri
meirihluta Sjálfstæðisflokksins, 1970 — 1978, fjölgaði börnum á
dagvistunarheimilum og leikskólum borgarinnar um 1216, eða rúm-
lega 150 á ári, auk þess sem ýmsar dagvistunarframkvæmdir vóru á
lokastigi framkvæmda, er vinstri meirihlutinn settist á valdastóla
1978.
Nú, í lok borgarmálavertíðar vinstri meirihlutans, flaggar Sigurjón
Pétursson einkum með þessum dagvistunarframkvæmdum, sem sam-
þykktar vóru og unnar að mestu á fyrra kjörtímabili, þó formlega
væru teknar í notkun á fyrstu 12 mánuðum hins nýja meirihluta. Hér
er átt við dagheimilisdeild Vöggustofu Thorvaldsen (25 börn), skóla-
dagheimili og dagheimilisdeiid í Suðurborg (72 börn) og dagheimili í
Vesturborg (34 börn). Þessar stofnanir vóru teknar í notkun á árinu
1978 eða í byrjun árs 1979. Raunar má bæta við skóladagheimili í
Völvukoti (20 börn), sem framkvæmdir vóru hafnar við á fyrra kjör-
tímabili.
Framkvæmdir, sem núverandi meirihluti hefur átt frumkvæði að
og komið í notkun, eru skóladagheimilisdeild í Austurbæjarskóla,
dagheimili/leiksóli í Iðuborg, Fálkaborg og Hálsaborg, skóladag-
heimilið Bakki, færanleg leikskóladeild og skóladagheimili í Suður-
hólum og dagheimili og leikskóli í Ægisborg. Þarna rúmast nú ríflega
240 börn í afrakstri 4ra ára starfs, sem er afgerandi lakari frammi-
staða en hjá fyrri meirihluta. Yfirtaka á dagheimili/leikskóla í Asp-
arfelli í september sl., sem einstaklingar ráku áður, jók ekki heildar-
tölu dagvistunarplássa í borginni.
Markús Örn Antonsson, borgarfulltrúi, gerði þessi mál að umræðu-
efni á síðasta borgarstjórnarfundi. Hann vakti athygli á því að á sl.
ári hefðu aðeins 60 ný dagvistunarpláss bætzt við í borginni. í stað
þeirra rúmlega 200 sem heitið var. Á fjárhagsáætlun þess árs hefði
verið gert ráð fyrir 6,3 m.kr. til dagvistunarstofnana, en niðurstaða
nýtts fjármags verði að líkindutn 4,3 m.kr. Hin hógværa og smágerða
niðurstaða, í lok borgarmálavertíðar Alþýðubandalagsins, væri því
hrópandi mótsögn við allan bægslaganginn fyrir fjórum árum. Drjúg-
ur hluti þeirra dagvistunarplássa, sem borgarstjórnarforsetinn gum-
aði af, væri „arfur frá íhaldinu". Þetta væri árangurinn í þeim mála-
flokkinum, sem forgang átti að hafa, svo ekki væri við miklu að búast
á öðrum sviðum, er minni áherzla var lögð á!
Fasteignaskattar
eda „refsiskattar“
Eignaskattar til ríkissjóð og fasteignaskattar til sveitarfélaga
hafa farið ört hækkandi, eins og raunar öll skattheimta, á næst-
liðnum árum. Fólk kemur sér þaki yfir höfuð með vægast sagt yfir-
þyrmandi fyrirhöfn. Kostnaðurinn er greiddur með aflatekjum, sem
þegar hafa verið greiddir ærnir skattar af til ríkis og sveitarfélaga.
Síðan koma þessir skattheimtuaðilar aftur og höggva í sama knérunn
með eigna- og fasteignasköttum, sem hækkað hafa óhugnanlega síðan
1978. I raun þýðir þetta að hinn almenni skattgreiðandi er látinn
greiða enn og aftur skatt af sömu aflatekjunum. Þessir skattar eru þó
eðlilegir, innan hóflegra marka, en að því stefnir óðfluga með sama
áframhaldi, að hinn almenni íbúðareigandi greiði stofnkostanð hús-
næðis síns tvívegis á ævibrautinni, í hið síðara skiptið sem nokkurs
konar „refsiskatt" til þjóðfélagsins — fyrir framtak sitt og fyrir-
hyggju. Svo langt hefur vinstrihyggjan náð með „stjórnvizku" sinni
hjá borg og ríki!
Fasteignaskattar, er Reykvíkingar fá í hendur þessa dagana, tala
þar skýru máli, sem óþarfi er fjölyrða frekar um. Astæða er þó til að
minna enn á, að bæði útsvör og fasteignaskattar eru verulega hærri í
Reykjavík en í þeim nágrannasveitarfélögum sem sjálfstæðismenn
hafa meirihlutastjórn í. Fasteignaskattar eru þannig 10% hærri á
íbúðarhúsnæði og 25% hærri á atvinnuhúsnæði í Reykjavík en t.d. á
Seltjarnarnesi!
Vinstri menn afsaka sig gjarnan með tilkomu svokallaðs „félags-
legs húsnæðis", sem vissulega þarf að vera fyrir hendi, þó höfuð-
áherzlu beri að leggja á sjálfseignarstefnu í húsnæðismálum. Magnús
L. Sveinsson, borgarfulltrúi, segir árangur meirihlutans á því sviði þó
ekki meiri en þann á þessu kjörtímabili, að keyptar hafi verið 2 íbúðir
til útleigu í borginni og teiknaðar 6 að auki. Þetta þýðir að keypt hafi
verið að meðaltali hálf íbúð á ári á kjörtímabilinu — en teiknuð ein og
hálf! Allt annað er í samþykkta- og áætlunarformi, sem hefur á sér
meira og minna áróðursbragð, en leysir hvorki vanda eins eða neins á
líðandi stund.
Fjölmennur fundur kaupmanna við Laugaveg skorar á borgarstjórn:
Hætt verði við að íjarlægja
stöðumæla við Laugaveginn
MJÍKI snarpar umræður urðu á fjöl-
mennum fundi, sem Kaupmanna-
samtök íslands boðuðu til með
kaupmönnum við Laugaveg, vegna
þeirrar samþykktar borgarstjórnar
Reykjavíkur að láta taka niður 9
stöðumæla við Laugaveg, á svæðinu
Klapparstígur og niður úr til að liðka
fyrir umferð strætisvagna. Var það
einróma álit fundarmanna, að þessi
samþykkt borgarstjórnar væri til
mikillar óþurftar fyrir kaupmenn og
aðra þá aðila, sem veita ýmiss konar
þjónustu á Laugavegi, svo ekki sé
talað um hinn almenna borgara.
Á fundinum var samþykkt
ályktun, þar sem segir m.a.: —
Fundur kaupmanna og annarra
hagsmunaaðila við Laugaveg,
haldinn að tilhlutan Kaupmanna-
samtaka íslands 20. janúar 1982,
gerir þá kröfu til borgarstjórnar
Reykjavíkur, að hún breyti
ákvörðun sinni um að fjarlægja
stöðumæla við Laugaveg, neðan
Klapparstígs og bendir á eftirfar-
andi: Þessi aðgerð kemur ekki að
neinum notum fyrir SVR, en mun
Kemur SVR
að engu gagni,
segir í
ályktun
fundarins
hugsuð sem áfangi í þá átt, að
gera Laugaveg að hraðbraut. Sér-
akrein fyrir SVR á Laugavegi ger-
ir verzlunum ókleift að sækja og
senda frá sér vörur og er því
óframkvæmanleg.
Bent skal á eftirfarandi atriði
til úrbóta: — 1. Að löggæzla verði
aukin við Laugaveg. 2. — Að
stöðumælum verði fjölgað við neð-
anverðan Laugaveg, þannig að
þeir nái niður að Laugavegi 6. 3. —
Að borgin taki á leigu og geri stórt
bílastæði á Ióð Eimskips við
Skúlagötu. 4. — Að allt það fé,
sem kemur inn í stöðumæla, verði
notað til að leigja eða kaupa lóðir,
sem gera má að bílastæðum á
þessu svæði. 5. — Að gangstéttir
við Laugaveg, sem víða eru mjög
illa farnar, verði lagfærðar og lögð
í þær snjóbræðsla.
í máli Magnúsar E. Finnssonar,
framkvæmdastjóra Kaupmanna-
samtakanna, kom fram, að hug-
myndir í þessum dúr hefðu komið
fram áður, en þá hefði kaup-
mönnum tekizt með mótmælum
sínum að koma í veg fyrir svona
slys, og hann sagðist vona, að sú
yrði reyndin að þessu sinni.
Árni Jónsson, kaupmaður, sagði
að ef þessi samþykkt næði fram að
ganga, sem væri aðeins fyrsta
skrefið í því að koma öllum stöðu-
mælum við Laugaveg, 93 að tölu, í
burtu, þá gætu menn farið að
hugsa fyrir líkræðu yfir verzl-
unarrekstri við götuna.
Sigurður Haraldsson, kaupmað-
ur, sagði að tölur um tíma strætis-
vagna við að aka niður Laugaveg-
inn, sem forstjóri strætisvagn-
anna hefði gefið upp, væru mjög
villandi. Forstjórinn segði, að tím-
inn gæti verið á bilinu 10—25 mín-
útur, en samkvæmt mælingu, sem
hann hefði sjálfur gert, væri þessi
tími á bilinu 8—11 mínútur. Sömu
niðurstöður hefðu komið fram hjá
Kaupmannasamtökum Islands,
sem hefðu framkvæmt tímamæl-
ingu.
Skúli Jóhannesson, kaupmaður,
sagðist hafa mælt tíma strætis-
vagnanna, á þeim kafla, sem fyrir-
hugað er að taka stöðumælana af.
Þar hefði komið í ljós, að þeir
hefðu verið 15—28,8 sekúndur að
aka þennan kafla. Það væri því
með ólíkindum, að þessi aðgerð
myndi gera gæfumuninn fyrir
strætisvagnana.
Á fundinn var boðið borgar-
fulltrúum, þeim Davíð Oddssyni,
Sigurjóni Péturssyni, Sjöfn Sigur-
björnsdóttur og Kristjáni Bene-
diktssyni, sem ekki mætti.
Sigurjón varði samþykkt borg-
arstjórnar, sem var gerð með 8 at-
kvæðum meirihlutaflokkanna og
sagði það skoðun sína, að upptaka
stöðumælanna myndi ekki breyta
neinu fyrir verzlanir við Lauga-
veg, en myndi hins vegar verða til
mikilla hagsbóta fyrir strætis-
vagnana. Þá lýsti Sigurjón þeirri
skoðun sinni, að hann sæi Lauga-
veginn fyrir sér sem göngugötu í
framtíðinni.
Davíð Oddsson sagði, að það
væri skoðun allra sjálfstæð-
ismanna í borgarstjórn, að þessi
samþykkt væri mistök, enda hefðu
þeir allir greitt atkvæði gegn þess-
um fyrirhuguðu aðgerðum. — Ég
lít á þetta sem hagsmunamál allra
borgarbúa, en alls ekkert sér-
hagsmunamál kaupmanna sagði
Davíð. Þá gat Davíð þess, að
sjálfstæðismenn hefðu sl. haust
lagt fram tillögu í borgarstjórn
um að þegar yrði hafið átak í bíla-
stæðismálum í miðborginni, en
hún hefði verið felld af meirihlut-
anum.
Fleiri tóku til máls og var það
mál allra eins og áður sagði, að
mjög misráðið væri að taka um-
rædda 9 stöðumæla upp, enda
væri það bara upphafið að því, að
allir stöðumælar við Laugaveg
yrðu fjarlægðir.
í lok fundarins gat Gunnar
Snorrason, formaður Kaup-
mannasamtakanna, þess, að hann
hefði ámálgað það við borgar-
fulltrúana, að því yrði frestað um
sinn að taka stöðumælana upp og
teknar yrðu upp viðræður milli
Kaupmannasamtakanna og borg-
aryfirvalda og þeir hefðu lýst sig
samþykka því. I lokin var svo kos-
in þriggja manna nefnd af hálfu
kaupmanna til viðræðnanna.
LjÓHm. Mbl. Kmilía
Borgarfulltrúum var boðið til fundarins, f.v. Davíð Oddsson, Nigurjón Pét-
ursson, Sjöfn Sigurbjörnsdóttir og Magnús E. Finnsson, framkvæmdastjóri
KÍ.
Frá fundi kaupmanna við Laugaveg.
Ljósmynd Mbl. Kmilía
íslensk fyrirtæki kynna vörur sínar í Bahrain:
Sölusamningar tókust
og markaðshorfur góðar
Um miðjan janúar lauk matvæiasýningu í Arabaríkinu Bahrain þar sem íslensk fyrirtæki
kynntu framleiðsluvöru sína. Vakti íslenski sýningarbásinn mikla athygli eins og segir í
fréttatilkynningu frá Útflutningsmiðstöð iðnaðarins. Var skrifað um hann í blöðin í Bahrain,
bæði meðan á sýningunni stóð svo og á undan henni.
íslensku fyrirtækin, sem tóku
þátt, höfðu fulltrúa sinn á staðn-
um. Telja þau að vörum þeirra
hafi verið vel takið og að mark-
aðsmöguleikar séu góðir, bæði í
Bahrain og öðrum Arabalönd-
um.
Lýsi hf. kynnti meðalalýsi og
fóðurlýsi. Vörunni var sýndur
mikill áhugi og verðið var sam-
keppnishæft. Gerðir voru sölu-
samningar og skipaður umboðs-
maður. Nú er verið að athuga
með umboðsmenn í öðrum Ar-
abalöndum og frekari sölu.
Fyrirtækið Sól hf. kynnti
ávaxtasafa á sýningunni og
vakti hann athygli sem sérstök
gæðavara.
Nú er verið að reyna að ganga
frá fyrstu sölu á þessari vöru,
annars vegar til Bahrain og
Kuwait og hins vegar til Saudi-
Arabíu. Hér er um sendingar í
gámum að ræða og verður kaup-
andi að kaupa minnst einn kæli-
gám til þess að hagstæður flutn-
ingur náist.
Sölustofnun lagmetis kynnti
niðursuðu og gekk sú kynning
mjög vel, segir í fréttatilkynn-
ingunni. Gengið var frá sölu til
Bahrain, Saudi-Arabíu, Samein-
uðu furstadæmanna og Egypta-
lands. Segir ennfremur að svo
virðist sem Arabarnir hafi
áhuga fyrir allri mögulegri
niðursuðu frá íslandi, en tíminn
muni leiða í ljós hvaða vara líkar
best.
Samband íslenskra samvinnu-
félaga kynnti fyrst og fremst
lambakjöt og hraðfrystan fisk.
Meðan á sýningunni stóð var ís-
lenskt lambakjöt á boðstólum í
einu hóteli í Bahrain, Ramada
Inn, og var það borið fram að
arabískum hætti. Segir í frétta-
tilkynningu Útflutningsmið-
stöðvar iðnaðarins að mjög þurfi
að huga að öllum reglugerðum í
Arabalöndum. Sem dæmi má
nefna, að ekki má selja lamba-
kjöt, sem geymt hefur verið
lengur en 9 mánuði. Gert er ráð
fyrir að tilraunasending af kjöti
fari bráðlega til Arabalandanna.
Coldwater Seafood Corp., dótt-
urfyrirtæki Sölumiðstöðvar
hraðfrystihúsanna, tók einnig
þátt í sýningunni og kynnti unn-
ar fiskafurðir steiktar. Létu full-
trúar þeirra vel af þátttökunni.
Ýmis önnur fyrirtæki kynntu
vöru og þjónustu á sýningunni
án þess að fulltrúar þeirra væru
með í ferðinni. Auk þess voru
viðstaddiir fulltrúar íslenska
fyrirtækisins Shams Trading en
þeir hafa tekið að sér umboðs-
störf fyrir nokkur íslensk fyrir-
tæki í Arabalöndum.
Pétur Thorsteinsson, sendi-
herra, átti á sama tíma viðræður
við stjórnvöld um sendiherra-
skipti og undirbúning útnefn-
ingar ræðismanns á staðnum.
Segir í fréttatilkynningunni að
það hafi verið einkar gagnlegt að
þessar viðræður skyldu fara
fram um leið og sýningin. Tekist
hafi góð tengsl við Verslunarráð
Bahrain og viðskiptaráðuneytið
á staðnum, en þeir síðastnefndu
veittu sérstaka aðstoð.
Á íslenska sýningarbásnum
störfuðu 2 íslenskar flugfreyjur
frá Flugleiðum hf. Segir í frétta-
tilkynningunni að framkoma
þeirra hafi verið rómuð og þær
hafi sett mikinn svip á starfsem-
ina í sýningarbásnum. Segir
ennfremur að komið hafi fram
mikill áhugi fyrir íslandi og Is-
landsferðum.
Segir að lokum, að þessi fyrsta
sýningarþátttaka í Miðaustur-
löndum virðist benda til þess, að
athyglisverður markaður sé
fyrir ýmsar íslenskar vörur og
þjónustu, og að rétt hefði verið
að snúa sér að þessum málum
fyrr.
Akureyri:
Frestur til fram-
boðs f Einingu
rennur út næsta
fimmtudag
Frestur til að skila frambodslistum,
vegna stjórnarkjörs í Verkalýðsfélag-
inu Einingu á Akureyri, rennur út á
hádegi 28. janúar næstkomandi. Að-
eins listi stjórnar hefur borizt kjör
stjórn, gefur Jón Helgason, formaður
Einingar, kost á sér til endurkjörs.
< .uðniundur Sæmundsson hefur greint
frá því að hann gefi kost á sér sem
formannsefni og tilkynnt lista sinn.
Þar gerir hann ráð fyrir sömu
mönnum í stjórn frá félagsdeildun-
um á Akureyri og Ólafsfirði og eru á
lista Jóns Helgasonar og sömuleiðis
er 25 manna trúnaðarmannaráð á
lista hans hið sama og á stjórnarlist-
anum. Fram hefur komið að slíkt
framboð sé ólöglegt þar sem sami
maður geti ekki verið í framboði á
tveimur listum — eða í framboði
gegn sjálfum sér, eins og Jón Helga-
son orðaði það í gær. Þar sem listi
Guðmundar Sæmundssonar hefur
ekki borizt til kjörstjórnar og um-
sóknarfrestur er ekki runninn út
hefur formleg afstaða ekki verið tek-
in til slíks framboðs.
Jón Helgason sagði hins vegar, að
hann væri meðmæltur kosningu og
bærist listi frá Guðmundi Sæmunds-
syni, þá teldi hann æskilegt að kosið
yrði á milli lista. Sagðist hann per-
sónulega hlynntur því, að ef Guð-
mundur skilaði lista, sem í einhverju
væri ábótavant, þá fengi hann auk-
inn frest til að breyta lista sínum.
„Óþarfi að borga háa verð-
ið fyrir skreiðina ef allt fer
í útflutningstolla á fslandi“
Rætt við Braga Eiríksson og Hannes Hall
hjá Skreiðarsamlaginu
Á síðastliðnu ári voru flutt út tæplega 20 þúsund tonn af
skreið eða 440 þúsund pakkar. Verðmæti þessa er um 880
milljónir króna, ef miðað er við meðalgengi dollara, 7,80
krónur. I»á voru á árinu fluttir út 235 þúsund pakkar af
hausum eða 7050 tonn, að verðmæti ca. 140 milljónir
króna. Samtals er því útflutningsverðmæti herzlunnar yfir
1 milljarður króna á árinu og hefur aldrei verið meiri.
l»etta kom fram þegar Morgunblaðið ræddi við þá Braga
Eiríksson og Hannes Hall, framkvæmdastjóra Skreiðar-
samlagsins.
Þeir Bragi og Hannes sögðu, að
á árinu 1981 hefðu Islendingar
flutt út 420 þúsund pakka af
skreið til Nígeríu, en á sama tíma
hefðu Norðmenn selt þangað 450
þúsund pakka, og aðrar þjóðir 50
þúsund pakka. Samtals hefðu
Nígeríumenn því keypt yfir 40
þúsund tonn af skreið og hausum
á árinu. Skreið frá öðrum löndum
en Islandi og Noregi er ekki vin-
sæl í Nígeríu en aðrar þjóðir, sem
hafa reynt að selja þangað hertan
fisk, eru meðal annars Spánn,
Perú, Suðureyjar, Suður-Kórea
og Argentína.
Aldrei áður hefur verið selt
jafnmikið af skreið til Nígeríu og
á síðasta ári. Árið 1957 voru seld
þangað 36 þúsund tonn og er það
mesta magn, sem þangað hafði
verið selt þar til á síðasta ári. Að
meðtöldum hausunum, sem seldir
voru til Nígeríu á árinu, nemur
heildarinnflutningurinn 50 þús-
und tonnum.
— Um áramótin voru miklar
skreiðarbirgðir til í Nígeríu og
verðið lækkaði á árinu 1981 og
enn er óvíst hvaða verð fæst fyrir
skreið og hausa á þessu ári.
Það eru 10 aðilar, sem fluttu út
skreið frá Islandi á síðasta ári og
samkeppnin um að ná í skreið til
útflutnings var hörð. Er þetta
bæði óþörf og hættuleg sam-
keppni. Það má til dæmis benda
á, að í september síðastliðnum
kom upp sú staða, að 5 aðilar, auk
þeirra 10 útflytjenda sem áður
getur, voru að reyna að flytja út
skreið. Þessir aðilar sögðu allir,
að þeir hefðu möguleika á að
selja 20 þúsund pakka hver. Kom
þetta þannig út hjá yfirvöldum í
Nígeríu, að meira en nóg væri til
af skreið á Islandi og meðal ann-
ars þess vegna var rætt um að
lækka verðið og var það gert þeg-
ar í september. Þessir 20 þúsund
pakkar voru ekki til á íslandi, en
Nígeríumenn töldu að verið væri
að ræða um 100 þúsund pakka,
þar sem hver og einn hinna 5
nýju aðila ræddi um 20 þúsund
pakka.
Þá er ljóst að Nígeríumenn
voru ekki hrifnir af því að heyra
að útflutningsgjöld á Islandi
skildu hafa verið hækkuð í 10%
úr 5,5% í fyrra. Reyndar stendur
til að lækka þau á ný nú. Þeir
hafa sagt við okkur, að það sé
óþarfi að borga svona hátt verð
fyrir skreiðina, ef nota eigi hana
sem einhverskonar hátollaút-
flutningsvöru á íslandi og til að
greiða niður fisk sem fer á rík-
asta markað heims.
Hannes er nýkominn frá Níg-
eríu, en fimm manna nefnd á veg-
um viðskiptaráðuneytisins fór til
Lagos fyrir skömmu, að ósk Níg-
eríumanna, til viðræðna um
skreiðarsölu á yfirstandandi ári.
— Það kom fram á þessum
fundum, að innflutningi verður
háttað líkt og í fyrra. Reynt var
að fá verðhækkun, en engin
niðurstaða fékkst. Yfirvöld í Níg-
eríu munu ákveða innan tíðar það
verð sem þau samþykkja og vera
má að fleiri samningafundir
verði haldnir áður en endanleg
niðurstaða fæst.
í byrjun síðasta árs fengust um
310 dollarar fyrir skreiðarpakk-
ann en verðið var komið niður í
280 dollara í árslok, sem er um
10% verðlækkun.
— Markaðurinn í Nígeríu er
mjög viðkvæmur og verða menn
að taka fullt tillit til aðstæðna
þar, ef ekki á illa að fara. Sveiflur
í útflutningnum frá okkur og
Norðmönnum eða skyndileg
aukning á því, sem flutt er inn í
landið, veldur verðfalli og er það
atriði sem menn hafa ekki hugsað
nægilega vel um. Hættulegustu
mánuðirnir eru október-desem-
ber. Kaupendur okkar í Nígeríu
þola verðsveiflur illa og þegar Svo
er komið, eins og nú, að þeir tapa
allir, þá kvarta þeir við stjórn-
völd og biðja um hjálp. Auk þess
er ekki gott að senda mikið á
stuttum tíma inn í landið, þar
sem skreiðin geymist lengst í um
12 vikur.
Það versta við skreiðarinn-
flutninginn til Nígeríu á síaðsta
ári var að 600—700 þús. pakkar,
af tæplega milljón pakka heildar-
innflutningi komu til landsins
eftir að kom fram í september.
Þetta stafar bæði af því að út-
flutningurinn hefur gengið vel og
auðvelt verið að selja. En enn-
fremur stafar þetta af því, að
innflutningsleyfi falla úr gildi 31.
desember ár hvert, og enginn vill
missa af innflutningnum af eðli-
legum ástæðum, og hörð sam-
keppni um að ná í skreið til sölu.
Innflutningsleyfi fyrir árið
1982 hafa ekki enn verið gefin út,
en við höfum heyrt frá stærstu
viðskiptavinum okkar í Lagos, að
einhver leyfi verði gefin út í þess-
um mánuði, og reiknum við með
að geta flutt eitthvert magn út af
haustframleiðslunni, þ.e. skreið
sem hengd var upp eftir ágúst-
mánuð, en það tekur um það bil 6
mánuði að verka skreiðina svo vel
sé.
íbúar Nígeríu eru nú um 100
milljónir og sögðu þeir Bragi og
Hannes, að skreiðarmarkaðurinn
þar ætti að haldast um ókomin
ár, ekki sízt þar sem fólk flytti
sífellt úr sveitunum til borganna.
Að lokum var aðeins vikið að
skreiðarmarkaðnum á ítaliu.
Þangað voru seldir um 14 þúsund
pakkar á síðasta ári. Italir eru
mjög kröfuharðir hvað varðar
gæði og þangað verður að fara
sérstaklega vel metin og vel verk-
uð skreið.