Morgunblaðið - 21.01.1982, Blaðsíða 22

22
MORGUNBLAÐIÐ. FIMMTUDAÖtj'á'á. JÁNÚ'A’ít' Í982
FRÉTTIR
í STUTTU MÁLI
ANNAÐ LESTAR-
VERKFALL
LONDON: Annað tveggja sól-
arhringa verkfall lestarstjóra
lamaði járnbrautarsamgöngur
í Bretlandi í gær, miðvikudag,
og þúsundir manna áttu í erf-
iðleikum með að komast til
vinnu sinnar. Umferðarhnút-
ar, sem mynduðust við Epping
rétt hjá London, náðu yfir
tæplega 5 kílómetra svæði og
umferð í Kent suður af borg-
inni hreyfðist með „snigils-
hraða". Sums staðar torveld-
aði morgunþoka akstur.
METHITI VESTRA
NEW YORK: Methiti er tekinn
við af metkulda í Suðurríkjum
Bandaríkjanna. Búizt er við
snjókomu í miðvesturríkjun-
um, þjóðvegi í Oregon var lokað
vegna snjóa í gær, miðvikudag,
og rigning og ofsaveður var í
Kaliforníu. ísing er enn á veg-
um í Virginíu, Vestur-Virginíu,
Kentucky, Tennessee, Arkans-
as og Oklahoma. Búizt er við
nýju kuldakasti einhvern
næstu daga.
JÁTAR ÁRÁSINA
Á BERNADETTU
BELFAST: Tuttugu og fimm
ára gamall mótmælandi, And-
rew Watson frá Beifast, hefur
viðurkennt að hafa reynt að
ráða Bernadettu Devlin McAl-
iskey og eiginmann hennar af
dögum í janúar í fyrra, en tveir
aðrir mótmælendur kváðust
saklausir. Watson var einn
þriggja manna, sem voru hand-
teknir eftir skotárásina á
heimili frú McAliskeys nálægt
Coalisland, 75 km vestur af
Belfast, 16. janúar 1980.
AÐSÚGUR AÐ
WILLIAMS
LONDON: Eggi var fleygt að
Shirley Williams, einum leið-
toga hins nýja flokks sósíal-
demókrata, þegar hún ávarpaði
fund um stefnu flokksins í kyn-
þáttamálum í Brixton-hverfi í
London á þriðjudagskvöld og
gripið var fram í fyrir henni
með fúkyrðum.
Veður
víöa um heim
Akureyri
Amsterdam
Aþena
Barcelona
Berlin
Briissel
Chicago
Denpasar
Dublin
Feneyjar
Frankturt
Færeyjar
Genf
Helsinki
Hong Kong
Jerúsatem
Jóhannesarborg
Kaupmannahóln
Las Palmas
Lissabon
London
Los Angeles
Madrid
Malaga
Mallorca
Míami
Moskva
New York
Nýja Delhí
Osló
Paris
Perth
Reykjavík
Ríó de Janeiro
Rómaborg
San Francisco
Stokkhótmur
Sydney
Tel Aviv
Tókýó
Vancouver
Vínarborg
-4 alskýjað
6 skýjað
15 skýjað
vantar
-1 heiðskírt
vantar
-12 snjókoma
31 rigning
11 rigning
-1 þoka
-2 skýjaö
7 súld
2 skýjað
2 skýjað
18 heiðskírt
12 heiðskírt
27 heiðskírt
-3 skýjað
19 skýjað
15 skýjað
10 skýjað
15 skýjað
10 skýjað
vantar
18 hálfskýjaö
24 heiðskírt
-5 skýjaó
-5 snjókoma
22 heiðskirt
-7 heiöskírt
12 skýjað
19 rigning
4 skýjaö
31 heiöskírt
10 bjart
8 rigning
-2 skýjað
27 heiðskírt
18 heiðskirt
8 bjart
5 skýjað
-6 skýjað
í NAUÐUM STADDUR kallar maðurinn á hjálp, hvar þar
sem hann hefur komið sér fyrir uppi á húsþaki, vegna flóðanna sem hafa
gengið yfir Pólland, er miklir vatnavextir urðu í Vistula-fljóti og þúsundir
manna misstu heimili sín um lengri eða skemmri tíma.
Lögregluliðið f
Alta flutt brott
Osló, 20. janúar. AP.
BROTTFLUTNINGUR fjöl-
menns lögregluliðs frá Alta í
NorðurNoregi hófst í dag,
miðvikudag, 12 mánuðum
eftir að það var sent þangað
til að koma í veg fyrir mót-
mælaaðgerðir umhverfis-
verndunarmanna gegn bygg-
ingu orkuvers.
Mótmælendur hafa hvað eftir
annað safnazt saman á svokölluð-
um „Núll-púnkti“ við Alta-ána,
síðustu tvö ár, til að koma í veg
fyrir vegaframkvæmdir þar með
því að hlekkja sig við jörðina.
Síðan í janúar í fyrra, þegar
1.100 lögreglumenn hvaðanæva að
úr Noregi voru sendir til Alta,
hafa alls 898 andófsmenn verið
handteknir 1.165 sinnum. Sumir
þeirra voru settir inn allt að átta
sinnum.
Þeir hafa verið dæmdir í sektir
að upphæð rúmlega fimm milljón-
ir norskra króna. Hæsta sektin
var 25.000 norskar krónur.
Lögregluaðgerðirnar hafa kost-
að ríkisstjórnina að minnsta kosti
75 milljónir norskra króna (13
milljónir dollara, en orkuverið
kostar 120 milljónir dollara). Þar
er innifalin leiga á tveimur stór-
um skipum, sem hafa verið aðal-
stöðvar lögreglunnar og fljótandi
lögregluhótel í Alta. Lögreglu-
mennirnir í Alta hafa verið yfir-
borgaðir.
Alfred Nilsen, leiðtogi „Folke-
aksjonen", sem hefur barizt gegn
orkuframkvæmdunum, lýsti því
yfir fyrir hálfum mánuði að öllum
mótmælaaðgerðum yrði hætt
vegna þungra sekta, sem andófs-
menn hefðu verið dæmdir til að
greiða, og harðra ráða sem yfir-
völd hefðu beitt til að knýja fram
greiðslur á sektunum.
Aðeins fámennt lögreglulið
verður eftir í Alta. Þó hefur hreyf-
ing Sama, sem einnig hefur mót-
mælt orkuframkvæmdunum, hót-
að herskárri aðgerðum í framtíð-
inni.
Sænskur togari sigld-
ur í kaf á Eystrasalti
Arósum, 20. janúar. AP.
SÆNSKUR togari sökk á Eystra-
salti í dag eftir árekstur við sovézkt
olíuskip.
Niðaþoka var þegar áreksturinn
varð. Þýzkt flutningaskip bjargaði
fjórum af fimm af áhöfn togarans,
en þess fimmta er saknað. Ekki er
vitað hvort slys urðu á mönnum,
né heldur hvort olíuskipið, sem á
heimahöfn í Nakhodka, var að
flytja olíu þegar þetta gerðist.
Áhöfn olíuskipsins tók einnig
þátt í leitinni að fimmta togara-
sjómanninum en án árangurs, eins
og fyrr kemur fram í fréttinni.
Sex fórust í skólaeldhússprengingu
Sp4*nc«‘r, Oklahoma 20. janúar. AP.
SEX MANNS létu lífið og þrjátíu
og fimm slösuðust er mikil
sprenging varð í eldhúsi í barna-
skóla í Spencer í Oklahoma. Sátu
nemendur og kennarar að snæð-
ingi í borðsal við eldhúsið þegar
sprengingin varð.
Mikill ótti greip um sig og
reyndu hljóðandi börn að kom-
ast út úr húsinu hvert sem bet-
ur gat.
Björgunarsveitir komu á
vettvang svo og skelfdir for-
eldrar því að fréttin flaug um
bæinn eins og eldur í sinu.
Varð þetta til að auka á erf-
iðleika björgunarmannanna og
hjúkrunarliða sem komu að
huga að slösuðum.
Um orsakir sprengingarinn-
ar er ekki vitað fyrir víst, en
talið er að annað hvort hafi
orðið ketil- eða gasleiðslu-
sprenging og er hið síðara talið
sennilegra, þar sem mikla gas-
lykt lagði yfir nágrennið fyrst
eftir sprenginguna.
Yfírnjósnari Rússa
í styrjöldinni látinn
Tel Aviv, 20. janúar. Al*.
LEÖPOLD TREPPER, yfírmaður sovézka njósnahringsins
„Die Rote Kapelle“ (Rauða hljómsveitin), lézt í Jerúsalem
á þriðjudag, 77 ára að aldri.
Trepper, sem var fæddur í Póllandi og fluttist til ísrael
1973, var yfirmaður 290 manna njósnahrings, sem teygði
anga sína til Frakklands, Belgíu, Þýzkalands, Japans og
Sviss. Njósnarar Treppers sögðu Rússum frá áformum
Hitlers um innrás í Sovétríkin, en það var ekki tekið mark
á þeim upplýsingum. Starf þeirra var sagt hafa hjálpað
Rússum að hrinda árás Þjóðverja og tryggja þeim sigur.
Trepper var varpað í
fangelsi í Póllandi þegar
hann var 22 ára gamall
fyrir stuðning við kommún-
ista. Seinna fluttist hann
til Palestínu og gekk í
kommúnistaflokkinn þar,
en brezk yfirvöld fangels-
uðu hann. Þegar hann var
látinn laus 1930 hóf hann
tungumálanám í Frakk-
landi. Þar var hann tekinn í
sovézku leyniþjónustuna og
hóf að skipuleggja „sellur" í
Þýzkalandi, Belgíu, Hol-
landi, Frakklandi, Sviss og
seinna í Japan.
Nazistar kölluðu njósna-
hringinn „Rauðu hljóm-
sveitina", þar sem hann
flutti miðstöðvar aðgerða
sinna land úr landi og gat
komið upplýsingum áleiðis
til Rússa jafnvel eftir að
sellur á tilteknum stöðum
höfðu verið afhjúpaðar.
Jafnvel eftir að upp komst
um Trepper sjálfan 1943
hélt „Rauða hljómsveitin"
áfram að senda leynilegar
upplýsingar til Sovétríkj-
anna, þar sem meðlimir
hennar þóttust starfa fyrir
nazista.
Wilhelm Canaris aðmír-
áll, yfirmaður gagnnjósna
Þjóðverja, hélt því fram, að
„Rauða hljómsveitin" bæri
ábyrgð á dauða 200.000 her-
manna Þjóðverja.
Eftir stríðið fór Trepper
til Moskvu til þess að fá sín
laun, en var í staðinn settur
í fangelsi og sat inni í 10 ár.
Hann fékk uppreisn æru
eftir dauða Stalíns 1955 og
sneri aftur til Póllands til
að hjálpa þeim fáu Gyðing-
um, sem lifðu af ofsóknir
nazista. Hann sótti um
leyfi til að flytjast til ísra-
els þegar Gyðingahatur
skaut upp kollinum í Pól-
landi í kjölfar sex daga
stríðsins 1967, en umsókn
hans var hafnað til 1974.
Trepper hélt því fram í
bók um „Rauðu hljómsveit-
ina“, sem hann sendi frá
sér 1975 eftir komuna til
ísraels, að 66 af 290 með-
limum „Rauðu hljómsveit-
arinnar" hefðu verið Gyð-
ingar. Hann sagði að Rúss-
ar hefðu varpað sér í fang-
elsi til þess að fela þá stað-
reynd, sem þeim hafi þótt
erfitt að kyngja, að bezti
njósnahringur Sovétríkj-
anna var að miklu leyti
skipaður Gyðingum, þar á
meðal honum sjálfum —
„hljómsveitarstjóranum".
Trepper sagði að 74 með-
limir „Rauðu hljómsveitar-
innar" hefðu lifað stríðið.