Morgunblaðið - 14.03.1982, Blaðsíða 42

42
MORGUNBLAÐIÐ, SUNNUDAGUR 14. MARZ 1982
Kynning á kristniboðsstarfi f Reykjavík:
Erfitt að mæla árangurinn en söfnuð-
irnir eru dæmi um ávöxt starfsins
- segir Gísli Arnkelsson um kristniboðsstarf íslendinga í Kenýa og Eþíópíu
SAMBAND ísl. kristnibodsfélaga
gengst dagana 14. til 21. mars fyrir
samkomuherferð í Reykjavík þar
sem kynnt verður starfsemi SÍK og
fluttar fréttir af kristniboðsstarfi
sambandsins í Kenýa og Eþíópíu.
Verða samkomurnar haldnar í húsi
KFUM og K við Amtmannsstíg í
Reykjavík og hefjast kl. 20:30. Mbl.
ræddi stuttlega við Gísla Arnkelsson
formann SIK, en hann starfaði um
árabil í Konsó í Eþíópíu. Var hann
fyrst beðinn að greina frá því helsta
sem unnið er nú að í Kenýa og
Eþíópíu:
— Á kristniboðsstöðinni í Chep-
arería í Kenýa starfa nú tvenn ís-
lensk hjón. Allmikill tími hefur
farið í byggingarframkvæmdir,
enda þurfti að byggja stöðina frá
grunni. Tvö íbúðarhús fyrir
kristniboða hafa verið reist, svo og
kirkja og geymsluhúsnæði. Á stöð-
inni er rekinn 1. til 3. bekkur
Flugpúðinn hefur farið í loftköstum um skíðalönd Evrópu að undanförnu
og hvarvetna valdið byltingu í sleðabrekkunum.
NÍÐSTERKUR EN LUNGAMJÚKUR
Á honum eru engar skarpar brúnir eða fletir, þannig að slysahætta í sleða-
brekkum verður hverfandi lítil.
LÆTUR MJÖG VEL AÐ STJÓRN
Neðan á honum eru upphleyptargúmmímottursem koma í veg fyrirað hann
snúist um sjálfan sig.
Þú breytir um stefnu með því að færa til líkamsþungann á „púðanum” eða
notar fæturna til stýringar.
ÞÚ biæst hann urpá brekkubrljn
Loftlaus Flugpúðinn tekur sama og ekkert pláss, hvorki í bílnum né
geymslunni.
I
ac
<
z
D
<
SNJÓR,GRAS EÐAVATN!
Flugpúðinn hefur þann eiginleika að geta runnið í hvaða snjó sem er og þú
getur líka rennt þér á honum niður blauta grasivaxna brekku og flotið á
honum í sundlauginni.
FLUGPÚÐINN EEST í TVEIMUR STERÐUM
FmtR BÖRN OG FULLORÐNA
Aukum öryggið í sleðabrekkunum. Góða skemmtun.
--------------------------ÚTSÖLUSTAÐIR:-------------------------
Reykjavík: Hilda hf., Borgartúni 22, Egilsstaðir:
Reykjavík: Bikarinn Skólavörðustíg 14,
Reykjavík: Hagkaup Skeifunni 15,
Borgarnes: Kaupfélag Borgfirðinga
Patreksfjörður: Kaupfélag V-Barðstrendinga
ísafjörður: Sporthlaðan h.f.,
Hvammstangi: Kaupfélag Húnvetninga
Sauðárkrókur: Verzlunin Tindastóll,
Siglufjörður: Verzlunin Ögn,
Husavík: Víkursport s.f.,
Seyðisfjörður:
Neskaupstaður:
Eskifjörður:
Fáskrúðsfjörður:
Hornaf. Höfn:
Selfoss:
Keflavík:
Vestmannaeyjar:
Verzlunin Skógar,
Verzlunin Túngata 15.
Kaupfélagið Fram,
Verzlun Elísar Guðnasonar,
Verzlunin Þór h.f..
Verzlun Björns Axelssonar,
Verzlunin Sportbær,
Sportportið.
Gunnar Olafsson & Co., H.f..
barnaskóla með tæplega 300 nem-
endum. Húsnæðið sem skólinn
hefur orðið að notast við er mjög
frumstætt, en á því verður fljót-
lega ráðin bót þar sem Hjálpar-
stofnun kirkjunnar hefur nýlega
afhent 100.000 krónur til bygg-
ingar nýs skólahúss. Þá er áform-
að að reisa sjúkraskýli enda mikil
þörf á sjúkrahjálp.
Uppbygging safnaðarstarfs hef-
ur gengið mjög vel á svæðinu
kringum stöðina og á nokkrum
stöðum úti í héraði. Mun láta
nærri að 300 manns hafi tekið
kristna trú og látið skírast. Önnur
fjölskyldan sem starfað hefur í
Kenýa undanfarin ár kemur það-
an á sumri kománda og reiknað er
með að senda aðra fjölskyldu í
hennar stað upp úr næstu áramót-
um.
Ástand ótryggt í Eþíópíu
Undanfarin ár hefur ástandið í
þjóðmálum í Eþíópíu verið ákaf-
lega ótryggt. Kristnir menn hafa
víða mætt ofsóknum og alls konar
þrengingum, sem yfirvöld hafa
staðið á bak við. Á sumum land-
svæðum hefur kirkjum verið lok-
að, prestar og prédikarar fangels-
aðir og öðrum kristnum mönnum
bannað að koma saman. I öðrum
landshlutum hefur kirkja og
kristniboð fengið að starfa nokk-
urn veginn án íhlutunar yfirvalda.
í Konsó hefur starfið búið við all-
góð skilyrði nú síðustu mánuðina
miðað við það ástand sem ríkti þar
um tíma. Innlendu prestarnir og
kristniboðarnir geta í dag farið
allra sinna ferða um héraðið,
haldið samkomur, guðsþjónustur
og styttri námskeið. Á sjálfri stöð-
inni hefur starfið alla tíð gengið
svo til ótruflað. Aðsókn að sjúkra-
skýlinu er stöðug og starfa þar nú
tvær norskar hjúkrunarkonur.
Áætlað er að senda eina íslenska
fjölskyldu til Eþíópíu nú seinni
hluta sumars og aðra í byrjun árs
1983.
I barnaskólanum eru á fjórða
hundrað nemendur í 1. til 6. bekk.
Námskeið eru haldin af og til bæði
fyrir þá er undirbúa sig undir
skírn og safnaðarmeðlimi sem
auka vilja þekkingu sína. Tala
safnaðarmeðlima í Konsó er nú
nokkuð yfir 10 þúsund.
Næst var Gísli beðinn að greina
frá fjárþörf starfsins á þessu ári
og hvernig fjárins er aflað:
— Svo sem flestir vafalaust vita
er SÍK hreyfing sem starfar innan
íslensku þjóðkirkjunnar. Kristni-
boðsfélög, ýmis kristileg félög og
einstaklingar leggja fram fjár-
Kristniboðinn reynir að blanda geði
við fólkið sem hann starfar á meðal
og hér var Skúli að reyna fyrir sér í
bogfimi, en árangurinn varð ekki
meiri en svo að þeir innfæddu gerðu
grín að.
Skúli Svavarsson kristniboði prédik-
ar hér f guðsþjónustu í Kenýa og
með honum er túlkurinn Wilson.
Mynd jt.
muni til kristniboðsstarfsins. Um
aðrar tekjulindir er ekki að ræða.
Fjárþörfin 1,2 m.kr. í ár
Fjárhagsáætlun fyrir þetta ár,
miðað við verðlag í ársbyrjun,
hljóðar upp á um 1,2 milljónir
króna. Langmesti hluti þessarar
upphæðar fer til starfsins í Kenýa
og Eþíópíu. Verulegir fjármunir
fara í rekstur starfsins á stöðvun-
um og í héruðunum í Konsó og
Cheparería. Mikil fátækt er ríkj-
andi á þessum slóðum og þess
vegna verða hinir ungu söfnuðir
að fá mikinn fjárhagslegan stuðn-
ing ef starfið á að eflast áfram.
Er á einhvern hátt hægt að
meta eða vita hver árangur er af
starfi kristniboðsins?
— Ljóst er að það er erfitt að
mæla eða meta til fulls árangur
kristniboðsstarfa. Við verðum að
hafa hugfast að markmið kristni-
boðs er að útbreiða fagnaðarerind-
ið. Lúther kallað 16. versið í 3.
kafla Jóhannesarguðspjalls litlu
biblíuna: „Því að svo elskaði Guð
heiminn, að hann gaf son sinn ein-
getinn, til þess að hver, sem á
hann trúir, glatist ekki, heldur
hafi eilíft líf.“
Hvað gerist svo í lífi heiðingja
þegar þetta fagnaðarerindi lýkst
upp fyrir honum? Fjötrar heið-
inna, miskunnarlausra trúar-
bragða falla af honum. Hjátrú og
alls konar fordómar hverfa. Krist-
in trú og þekking gefur lífinu
algjörlega nýtt innihald. Hinir
kristnu verða salt hver í sínu sam-
félagi og þannig útbreiðast kristin
áhrif. Það er því hægt að segja að
söfnuðirnir í Konsó og Cheparería
séu augljósir ávextir kristni-
boðsstarfs okkar.
Starfið er margþætt
Einnig má nefna að skólastarf
er snar þáttur í starfi kristniboðs-
ins. Óhætt er að fullyrða að ólæsi
væri svo til algjört í Konsó ef ekki
hefði verið þar kristniboðsstöð.
Hægt er að benda á að langflestir
þeirra nemenda í Konsó sem lokið
hafa 8. bekk grunnskóla og síðan
menntaskóla eða iðnskóla, byrj-
uðu nám sitt á kristniboðsstöð-
inni.
Sjúkrastarf er einnig mikilvæg-
ur þáttur starfsins. Mörg undan-
farin ár hafa verið skráðar á
sjúkraskýlinu milli 40 og 50 þús-
und aðgerðir og viðtöl og árið 1981
voru þær t.d. 46 þúsund. Legu-
sjúklingar voru 720 og 80 konur
fæddu þar börn sín. Þessar tölur
tala einnig sínu máli og sýna að
starf kristniboðsins er margþætt,
sagði Gísli Arnkelsson að lokum.
Sem fyrr segir hefjast samkom-
urnar kí. 20:30 hvert kvöld og er
hin fyrsta í kvöld, sunnudag.
Verður þá fluttur kristniboðsþátt-
ur frá Kína, sr. Karl Sigurbjörns-
son er ræðumaður og Karlakór
KFUM syngur. Annað kvöld er
þáttur frá Madagaskar og Baldvin
Steindórsson talar. Önnur kvöld
eru þættir um kristniboð í Japan
og á Fílabeinsströndinni auk
Kenýa og Eþíópíu, Æskulýðskór
KFUM og K syngur og fleiri og
meðal ræðumanna eru kristniboð-
ar er starfað hafa í Eþíópíu.
jt-