Morgunblaðið - 02.11.1982, Blaðsíða 31
MORGUNBLAÐIÐ, ÞRIÐJUDAGUR 2. NÓVEMBER 1982
35
--JBS
Fer inn á lang
flest
heimili landsins!
ILJOS
Vinsamlega
sækið
pantanir strax,
því birgðir eru
takmarkaðar.
Rafkaup
Suðurlandsbraut 4 - Sími 81518
f tilefni 50 ára afmælis Kevlon-snyrtivörufyrirtækisin.s verða kynntar hér á landi
þrjár „nýjar línur", sem bera nöfnin Revlon in Bloom, Colortones og Rosa de
Roma. í fréttatilkynningu frá umboðsmönnum segir að Colortones sé bylting i
framleiðslu snyrtivara, þar sem sérstöku dufti er pressað í köku, sem séu augn-
skuggar, kinnalitir og andlitsfarðar. Er unnt að fá 8 liti af augnskuggum, 5 af
kinnalitum og 4 af andlitsfarða. llmboðsaðili fyrir Revlon er Íslensk-Ameríska hf.
Myndin er tekin af kynningu á Revlon-snyrtivönim.
Svandís Pétursdóttir, formaður svæðisstjórnar um málefni þroskaheftra og öryrkja á Vesturlandl, við grunninn að
heimili fyrir þroskahefta sem svæðisstjórn er að láta byggja á Akranesi. MorgunbiaðiA/HBj.
Akranes:
Hafin bygging heimilis fyrir
fjölfatlaða á Vesturlandi
Límtréverksmiðja
rís við Flúðir
Á AKRANESI er hafin bygging
heimilis fyrir fjölfatlaða á vegum
svæðisstjórnar um málefni þroska-
heftra og öryrkja á Vesturlandi. í
húsinu, sem verður um- 340 m* 2 að
stærð, er ætlunin að hafa heimili
fyrir 7 fjölfatlaða einstaklinga af
Vesturlandi, 5 til langtímadvalar og
2 til skammtímadvalar. Húsinu var
valinn staður að Vesturgötu 102. Þar
verður heimilið í næsta nágrenni við
sjúkrahúsið, þar sem fyrirhugað er
að fólkið sæki endurhæfingu eftir
því sem við verður komið, skóla, þar
sem gert er ráð fyrir aðstöðu fyrir
starfsfólk, en vakt verður allan sól-
arhringinn.
Svæðisstjórnin hefur fengið út-
hlutað fé úr Framkvæmdasjóði ör-
yrkja og þroskaheftra til byrjun-
arframkvæmda en bæjarstjórn
Akraness leggur til lóðina og fellir
niður öll byggingargjöld. Verk-
fræði- og teiknistofa Akraness sf.
hefur annast teikningar og hönn-
unarvinnu ásamt útboði. Fyrsti
áfangi var boðinn út í haust og
komu 5 tilboð í verkið. Samið var
við lægstbjóðanda, Guðmund
Magnússon byggingameistara
Akranesi, en tilboð hans var tæp
532 þúsund, sem er 71% af kostn-
aðaráætlun.
Svandís Pétursdóttir, formaður
svæðisstjórnar um málefni
þroskaheftra og öryrkja á Vestur-
landi sagði í samtali við Mbl. að
reynt yrði að taka heimilið í notk-
un á næsta ári vegna þeirrar knýj-
andi nauðsynjar sem á því væri.
„Nú bíða 3 unglingar eftir heimil-
inu,“ sagði Svandís, „á síðasta ári
var sótt um vistun á 4 stofnunum
fyrir 16 ára þroskaheftan pilt frá
Akranesi en ekki hefur enn tekist
að fá pláss fyrir hann. Hann er nú
vistaður á ellideild sjúkrahússins
til bráðabirgða en þar á hann alls
ekki heima. Piltur úr Borgarnesi,
sem einnig bíður eftir plássi á
heimilinu, er aðallega heima hjá
sér og telpa úr Stykkishólmi er
vistuð til bráðabirgða í Reykjavík
á þeim forsendum að hún komist á
nýja heimilið hér á Akranesi á
næsta ári. Svæðisstjórnin á sam-
kvæmt lögum að veita ákveðna
þjónustu á þessu sviði, nú er búið
að reyna utan héraðsins, það gekk
ekki og þá verðum við að veita
hana heima í héraði með byggingu
þessa heimilis."
Svæðisstjórn um málefni
þroskaheftra og öryrkja á Vestur-
landi var skipuð 1980. Svandís sem
er formaður og Guðjón Ingvi Stef-
ánsson framkvæmdastjóri voru
tilnefnd af Samtökum sveitarfé-
laga á Vesturlandi. Snorri Þor-
steinsson fræðslustjóri og Kristó-
fer Þorleifsson læknir eiga fast
sæti í stjórninni sem fræðslustjóri
og héraðslæknir og Þorsteinn Þor-
steinsson bóndi er fulltrúi for-
eldra í Svæðisstjórninni.
Aðspurð um að hverju stjórnin
hefði unnið á þessum tíma, auk
undirbúnings heimilisins, sagði
Svandís: „Fyrsta árið fór mikið til
í að kynna lögin og reglugerðina
sem við vinnum eftir, við ferðuð-
umst um og héldum fundi með
sveitarstjórnarmönnum, skóla-
mönnum, læknum og hjúkrunar-
konum og fóstrum, svo einhverjir
séu nefndir. Fljótlega var farið að
athuga með könnun á högum
þroskaheftra og öryrkja á svæðinu
og fékkst fjárveiting til að byrja á
því. Byrjað var á könnuninni sem
unnin var á vegum félagsvísinda-
deildar Háskóla íslands í samráði
við Félagsmálaráðuneytið en hún
stöðvaðist vegna fjárskorts. Við
höfum því ekki fengið neinar
niðurstöður enn til að byggja starf
okkar á. Við höfum þó áætlað að
a.m.k. 300 féllu undir starfssvið
okkar hér á Vesturlandi.
í vor var komið upp „legoteki"
(leiktækjasafni) í Borgarnesi. Við
það starfar þroskaþjálfi og þang-
að geta foreldrar leitað bæði til að
fá leikföng og eins varðandi ráð-
gjöf um notkun þeirra. „Legotek-
ið“ var fjármagnað með fé úr
Framkvæmdasjóðnum og þjónar
öllu Vesturlandi eins og annað
sem við höfum verið að vinna að.
Auk þessa hefur mikill tími farið í
að leysa einstök mál, bréfaskriftir
og þess háttar," sagði Svandís Pét-
ursdóttir að lokum.
HBj.
í SVONEFNDUM Torfdal í
grcnnd við Flúðir í Hrunamanna-
hreppi er nú verið að byggja verk-
smiðjuhús, um 2.000 fermetra að
flatarmáli. Fyrsta skóflustungan að
húsi þessu var tekin 21. ágúst sl. af
oddvitum Biskupstungnahrepps,
Gnúpverjahrepps, Hrunamanna-
hrepps og Skeiðahrepps. Þarna á
að framleiða limtré, sem er sam-
anlímt timbur til að nota í ýmiss
konar byggingar, húsgögn og fleira,
segir í fréttatilkynningu frá stjórn
Limtrés hf„ sem Morgunblaðinu
hefur borizt.
í fréttatilkynningunni segir
ennfremur: Einkum þykir hent-
ugt að nota það í burðarvirki í
stór hús. Unnt er að búa til bæði
beina bita og boga af ýmsum
gerðum. Þegar hafa verið keypt-
ar vélar og áhöld í verksmiðjuna,
og ef allt gengur samkvæmt
áætlun hefst framleiðsla á kom-
andi vori.
Að byggingu verksmiðjunnar
stendur hlutafélagið Límtré hf.
Meirihluta í því eiga fyrrnefnd
sveitarfélög, enda er megintil-
gangur með þessu að efla at-
vinnulíf á þessu svæði. Er það
von þeirra er fyrir þessu standa
að þetta verði upphaf á öflugu
samstarfi í þeim tilgangi. Gert er
ráð fyrir að ýmsum rekstri sem
þessu tengist verði valinn staður
eftir því sem unnt er í sveitunum
þar sem aðalverksmiðjan er ekki,
og fólki úr öllum hreppunum 4
verður gefinn kostur á vinnu í
verksmiðjunni.