Morgunblaðið - 02.11.1982, Blaðsíða 33

MORGUNBLAÐIÐ, ÞRIÐJUDAGUR 2. NÓVEMBER 1982
37
Gísli Konráðsson
Hnífsdal — Minning
Fæddur 27. september 1903
Dáinn 24. september 1982
Það telst varla til stórtíðinda
þótt aldurhniginn og útslitinn al-
múga maður falli í valinn. Þó er
það ætíð svo, að fyrir okkur sem
eftir lifum vekur það okkur til um-
hugsunar um gengin spor hins
framliðna, sem lætur eftir sig
vissa persónugjörð og það ívaf
sem lífið skóp í ljósi minninganna.
Gísli fæddist í Flatey á Breiða-
firði og voru foreldrar hans hjónin
Konráð Konráðsson, ættaður úr
Stykkishólmi, og Jóhanna Þórð-
ardóttir, Barðstrendingur að ætt.
Misseris gömlum var Gísla komið
í fóstur hjá þeim hjónum Guðrúnu
Guðmundsdóttur og Brynjólfi
Bjarnasyni bónda á Litlanesi í
Múlasveit, Barðastrandarsýslu.
Þar ólst Gísli upp til 12 ára aldurs
að fóstra hans dó og heimilið
leystist upp. Þá varð hann að
hasla við að vinna fyrir sér. Ungl-
ingsárin og lengi frameftir flækt-
ist hann milli heimila norðan
Breiðafjarðar, var horaður og
klæðlítill að hans eigin sögn í
skrifuðum minningum, ritað hans
eigin hendi. Á þessum sífelldu
vistaskiptum vandist Gísli öllum
venjulegum störfum til lands og
sjávar. Betur átti við hann land-
vinna heldur en sjómennska. Einna
best undi hann sér í Skálmardal
hjá Guðmundi Einarssyni, var þar
nokkur ár og eignaðist sínar
fyrstu kindur, sem hann lét sér
annt um, því fjárhirðir var hann
ágætur. Á þessum árum réðst
Gísli nokkrum sinnum að vetrar-
lagi til fylgdar með hinum nafn-
togaða landpósti, Sumarliða Guð-
mundssyni frá Borg í Reykhóla-
sveit, sem hafði póstferðir frá Bæ
í Kríksfirði til Patreksfjarðar og
Bíldudals. Var það slæm leið
yfir Þingmannaheiði sæluhús-
lausa. Gísla þótti gaman að minn-
ast þessara ferða, það var líka til-
breyting að kynnast slíkum kappa
sem Sumarliði var.
Fyrst kom Gísli í ísafjarðardjúp
er hann réðst til kaupavinnu að
Múla í ísafirði og síðar að Lauga-
bóli. Á vetrum var hann fjárhirðir
á Firði í Múlalsveit, alls 7 vetur
hjá Þórði Jónssyni og Bergljótu
Einarsdóttur. Þangað réðst hann
fyrst sem unglingur í 2 ár að til-
hlutan fóstra síns.
Á Laugabóli kynntist Gísli konu
sinni, Sigurborgu Bjarnadóttur.
Hún er ættuð frá Skagaströnd við
Margrjet Kjerulf
— Minningarorð
Fædd 20. febrúar 1905
Dáin 30. september 1982
Hún elsku amma okkar er dáin.
Okkur systur setti hljóðar þegar
okkur barst þessi harmafregn.
Það var svo erfitt að trúa því að
hún amma væri farin í burtu frá
okkur. Við höfðum allar heimsótt
hana aðeins nokkrum dögum áður
og þá hafði ekkert virst óvenjulegt
við heilsufar hennar. En svo var
allt í einu klippt á lífsþráð hennar.
Mikið söknum við hennar þegar
við heimsækjum hann afa. Amma
andaðist eftir aðeins 2ja daga legu
á Landspítalanum þ. 30. septem-
ber 1982.
Hún fæddist í Brekkugerði í
Fljótsdal og ólst þar upp. Hún var
dóttir Jörgens heitins Kjerulfs og
konu hans, Elísabetar Jónsdóttur,
sem dó í hárri elli fyrir nokkrum
árum.
Amma var komin af Jörgen
lækni Kjerulf á Brekku í Fljóts-
dal, sem kom hingað til lands um
1820, ungur læknir frá Hafnar-
háskóla, og gekk að eiga unga
ekkju, Arnbjörgu Bjarnardóttur
úr Gönguskörðum. Jörgen læknir
var föðurbróðir Hálfdáns Kjer-
ulfs, tónskáldsins norska. Jörgen
Kjerulf, pabbi ömmu, var mjög
hneigður til skáldskapar og orti
mörg ljóðin um ævina sem hann
tileinkaði börnum sínum og
barnabörnum.
Amma var næstelst ellefu
systkina. Þau eru Eiríkur, búsett-
ur á Seyðisfirði, Jóhanna, búsett í
Brekkugerði í Fljótsdal, Jón, bú-
settur í Holti undir Eyjafjöllum,
Droplaug og Herdís, búsettar í
Vallholti í Fljótsdal, Sigríður,
Regína og Hulda, búsettar í
Reykjavík, Una, búsett á Egils-
stöðum, og Guðrún og Sigurður úr
Reykjavík, en þau eru bæði látin
fyrir nokkrum árum.
Árið 1931 kom amma ásamt
Guðrúnu heitinni systur sinni og
móður til Reykjavíkur þar sem
móðir hennar þurfti að leita lækn-
inga. Amma starfaði síðan nokkur
ár á Kleppsspítala en þá kynntist
hún eftirlifandi eiginmanni sínum
Ragnari Magnússyni í Dal við
Múíaveg. Hófu þau stuttu síðar
búskap og eignuðust börn sín tvö,
Elísabetu og Magnús. Elísabet er
gift Erlingi Sigurðssyni bíla-
smíðameistara og eiga þau sex
börn. Magnús er giftur Guðrúnu
Þorbjörnsdóttur og eiga þau 4
börn. Barnabarnabarnabörnin eru 2.
Amma og afi voru mjög ham-
ingjusöm í græna grösuga Laug-
ardalnum. Þar bjuggu þau bestu
ár ævi sinnar með börnum sínum
og barnabörnum. Þar var oft
margmenni ættingja og nágranna
og því oft glatt á hjalla.
Við minnumst ömmu í Dalnum
sem hæglátrar og ljúfrar konu
sem var full af hlýju og góðsemi í
garð allra. Alltaf gátum við leitað
til hennar þegar eitthvað bjátaði
á. Hún gætti okkar stelpnanna
líka oft á tíðum.
Hún var dul að eðlisfari og hlé-
dræg, en ákaflega nægjusöm.
Síðustu tuttugu ár ævi sinnar
átti hún við sjúkdóm að stríða. En
þrátt fyrir heilsubrest og margar
spítalalegurnar barmaði hún sér
aldrei og bar byrðar sínar í hljóði
og af austfirskri þrautseigju, sem
einkenndi ætt hennar.
Þrátt fyrir veikindi sín þráði
amma alltaf að vera heima hjá afa
sem hugsaði um hana af mikilli
alúð til hinsta dags.
Guð gefi afa okkar styrk og
styðji hann í sorg sinni og sökn-
uði. Og blessuð sé minning ömmu
okkar sem farin er á vit feðra
sinna.
feg fel í forsjá þína,
(«uð faðir, sálu mína,
þ'í nú er komin nóti.
(Im Ijósið lát mig dreyma
og Ijúfa engla geyma
öll börnin þín, svo blundi rótt.
Margrét Rós Erlingsdóttir,
Jóhanna Gerða Erlingsdóttir,
María Elsa Erlingsdóttir.

Breiðafjörð. Þau hófu búskap á
Bjarnastöðum í ísafirði 1941. En
bjuggu þar ekki nema eitt ár, því
Gísli réðst sem sauðfjárveikivörð-
ur við girðinguna úr ísafirði í
Kollafjörð í Barðastrandarsýslu
og var við það í tvö ár. Þá hóf
hann búskap til frambúðar fyrst á
Brekku í Laugardal, sá eftir að
fara þaðan, svo var flutt að Þið-
riksvöllum í Strandasýslu vorið
1948 og búið þar í 6 ár. Þar undi
Gísli sér vel við vaxandi hag. En
niðurskurður sauðfjárins og
heilsuleysi konunnar sem fór vax-
andi, gerði það að verkum að
breyta varð um bústað. Þá var
flutt að Bakka í Hnífsdal og búið
þar í nokkur ár. Síðar keypt hús í
Hnífsdal við sjóinn, rekið þar
hænsnabú, harðfiskgerð, rauð-
magagerð og hákarlsverkun.
Reyktur rauðmagi seldist vel og
drýgði tekjurnar. Allt þetta bjást-
ur gaf Gísla mikla lífsfyllingu.
Hann seldi ekki nema góða vöru,
var vandaður og orðheldinn í öll-
um viðskiptum. Starfið var honum
allt.
Vanheilsa Sigurborgar, sem var
umtalsverð í fleiri ár, lagði á Gísla
þyngri byrðar heldur en almennt
gerist en hann bar þær vel og
reyndist í alla staði hugulsamur
heimilisfaðir, reglusamur.
Þau ólu upp fjögur börn sín, elst
þeirra er Guðrún Kristín Sigurð-
ardóttir en hana átti Sigurborg
áður en þau Gísli tóku upp sam-
búð. Hún býr í Neskaupstað og er
gift Sveini Þórarinssyni og er
þriggja barna móðir. Brynjólfur
Gunnar fæddist á Bjarnastöðum,
hann býr í Reykjavík og er kvænt-
ur Sigrúnu Sigurðardóttur og er
faðir sex barna. Bjarney Jóhanna
býr á Tálknafirði með manni sín-
um, Ólafi Þórðarsyni, og fimm
börnum þeirra. Konráð er ógiftur,
hefur haldið heimili með foreldr-
um sínum og annast þau með
sóma. Bjarney og Konráð eru
fædd á Þiðriksvöllum.
Með Gísla er genginn góður
drengur sem leitaðist við að gera
skyldu sína gagnvart öllu því sem
honum var fyrir trúað. Hann
brást ekki í því. Kynni okkar Gísla
hófust sumarið 1945 er ég kom úr
fyrstu bændaför okkar Vestfirð-
inga norðan úr landi með 10 hesta,
mest dráttarhestaefni. Gísli slóst í
förina um stund og létti mér
ferðalagið. Hann var oft orðhepp-
inn og hitti í mark. Aldrei heyrði
ég Gísla tala illa um nokkurn
mann heldur færði allt til betri
vegar og vorkenndi bágstöddum.
Það er nú svo þegar vinir kveðja
og tómleikinn blasir við þá hrann-
ast upp minningar liðinna daga og
samverustunda, en allar minn-
ingar um Gísla eru þess eðlis að
þær vekja hlýju og gamansemi
lífsreynds manns, sem vildi landi
sínu og þjóð velfarnað í hvívetna.
Slíkum mönnum er gott að kynn-
ast. Við þökkum Gísla samfylgd-
ina og biðjum honum blessunar á
ókunnum leiðum.
Innilegar samúðarkveðjur send-
um við hjónin konu hans, börnum
þeirra og mökum.
Fagrahvammi,
Hjörtur Sturlaugsson.
V^terkurog
k3 hagkvæmur
auglýsingamiöill!
Næturgisting
á góðu hóteli í London
kostar aðeins 287 krónur
og helgarfargjaldið er
4.405 krónur!
HELGARFARGJÖLD FLUGLEIÐA
til áfangastaða þeirra í Evrópu og
Ameríku í vetur, gefa óendanlega
möguleika til stuttra skemmtiferða í
skammdeginu.
Þú velur borgina, við aðstoðum við
skipulagninguna og útvegum alla
þjónustu sem með þarf, s.s. hótel og
bílaleigubíla.
Tökum London sem dæmi:
HÓTEL Y: Þægilegt og gott hótel í
miðpunkti verslunarinnar við Oxford-
stræti:
3ja nátta helgarferð með gistingu í
2ja manna herbergi á Y kostar
aðeins 5.266 kr. og 5 nátta ferð
aðeins kr. 5.840.
LONDON PENTA: Frábært hótel í
miðju Knightsbridge verslunarhverf-
Verð er miðað við gengi ís. krónunnar 20/10 "82
og fargjaldahækkun sem verður 1. nóv. n.k.
inu, spölkom frá Harrods og Royal
Albert Hall.
3ja nátta helgarferð með gistingu þar
í 2ja manna herbergi kostar aðeins
5.581 kr. og 5 nátta ferö aðeins 6.365
krónur!
BÍLALEIGUBÍLARNIR í London fást
líka fyrir lítið eða frá 1300 krónum
miðað við 3ja daga leigu, með
ótakmörkuðum akstri, VAT-skattinum
og tryggingum. Það er 325 kall á
mann ef 4 eru um bílinn!
EITT GETURÐU BÓKAÐ. Gamla
góða London breytist stöðugt með
tímanum, en hún heldur samt áfram
að vera töfrandi borg, sem býður upp
á góð hótel á hagstæðu verði.
KANNAÐU MÁLIÐ FYRIR NÆSTU
HELGI!
FLUGLEIDIR
Gott fólk hjá traustu félagi