Morgunblaðið - 28.12.1982, Blaðsíða 23
MORGUNBLAÐIÐ, ÞRIÐJUDAGUR 28. DESEMBER 1982 23
Síöasta skeyti Alusuisse og
útlegging iðnaðarráðherra
Iðnaöarráðherra og Alusuisse
hafa skipst á skeytum frá því að
siðasta samningafundi um álmálið
lauk án árangurs 7. desember sl.
Alusuissc svaraði 23. desember
skeyti ráðherrans frá 21. desem-
ber. Sama dag og svarið barst
sendi ráðherrann frá sér fréttatil-
kynningu, þar sem nokkur atriði
úr skeyti Alusuisse eru rakin. Hér
verður lausleg þýðing á skeyti Alu-
suisse birt í heild og síðan frétta-
tilkynning ráðherrans. Samkvæmt
skeytinu lá það fyrir 7. desember,
að ekki yrði unnt að halda næsta
samningafund fyrr en í byrjun
febrúar, ef honum yrði ekki komið
á fyrir jól. Almennt verður ekki
litið á tilkynningu Hjörleifs Gutt-
ormssonar nema sem útleggingu á
skeyti Alusuisse án þess þó að öll
efnisatriði í skeytinu komi fram.
Skeyti Alusuisse til iðnaðarráð-
herra frá 23. desember:
Vér viðurkennum móttöku á
skeyti yðar frá 21. desember
1982, sem hefur að geyma síð-
ustu tillögu yðar um „samkomu-
lagsgrundvöll".
Yður mun ljóst, að auðvitað er
nú of seint að koma á fundi fyrir
jólahátíðina en báðir aðilar
töldu það koma til álita við lok
síðasta fundar okkar 7. desem-
ber 1982.
Skrifstofur Alusuisse verða
lokaðar frá 24. desember 1982 til
3. janúar 1983 og eins og yður
hefur áður verið skýrt frá mun
undirritaður vera á ferðalögum
erlendis allan janúarmánuð
1983. Þess vegna er í fyrsta lagi
unnt að efna til fundar í byrjun
febrúar 1983.
Vér þurfum að sjálfsögðu
nokkurn tíma til að kanna tillög-
ur yðar, sem hafa að geyma
nokkur ný atriði, en eftir skjóta
yfirferð yfir tillögurnar, hljótum
vér að láta í ljós vonbrigði vor. í
þessu samhengi viljum vér að
nýju vísa til tillögu vorrar um
samkomulagsgrundvöll frá 10.
nóvember 1982 þar sem (1. skref)
óskað var eftir niðurstöðu í deilu
um lagaatriði og við svo búið (2.
skref) yrði rætt um gildandi
samninga. Vér vísum einnig til
skeytis sem vér sendum yður 10.
desember, þar sem undirritaður
býðst til að leggja fyrir stjórn
Alusuisse tillögu um hækkun á
raforkuverði með ákveðnum
skilyrðum. Vér hörmum að enn
hafnið þér þessu tilboði með því
að krefjast einhliða hækkunar
án þess að fallast á skilyrði vor.
Vér teljum það órættmæta kröfu
á hendur Alusuisse að fyrirtækið
gefi einhliða eftir til að sýna
samningsvilja sinn í verki. Auk
þess viljum vér ekki láta hjá líða
að skýra yður frá því, að efna-
hagsaðstæður fyrir áliðnað hafa
enn versnað að undanförnu og
þess vegna er nú þörf á enn frek-
ari aðgát.
Til þess hins vegar að sýna
vilja vorn til að finna sem fyrst
lausn á deilunni myndum vér
stuðla að fundi sérfræðinga
beggja aðila til að ræða einstök
atriði er snerta verðlagningu á
orku og samkeppnishæfni ís-
lands innan áliðnaðarins. Til
slíks fundar mætti boða í seinni
hluta janúar 1983.
Bestu kveðjur, Alusuisse/
dr. P. Múller.
Fréttatilkynning iðnaðarráðherra
frá 23. desember 1982.
Iðnaðarráðuneytinu barst
síðla í dag svarskeyti frá dr. P.
Múller, formanni framkvæmda-
stjórnar Alusuisse, við tilmælum
iðnaðarráðherra um fund 28. og
29. desember nk. til að ræða
þann samkomulagsgrundvöll
sem iðnaðarráðherra sendi Alu-
suisse 21. desember sl.
í svarskeytinu kemur fram að
dr. Múller telur sig ekki geta
mætt til fundar í desembermán-
uði og ennfremur að hann telji
sig bundinn allan janúarmánuð,
og geti því ekki komið til fundar
fyrr en í febrúarmánuði 1983.
í skeytinu er lýst yfir von-
brigðum með tiliögu iðnaðarráð-
herra um samkomulagsgrund-
völl. Þess í stað er minnt á tilboð
Alusuisse frá 10. nóvember si.
Tekið er fram að því aðeins komi
til greina af hálfu Alusuisse að
taka upp viðræður um endur-
skoðun samninga um álverið, að
samkomulag hafi áður verið gert
um að setja ágreining um
skattgreiðslur ÍSAL í sérstaka
gerðardómsmeðferð samkvæmt
þeirra tillögum.
Er jafnframt tekið fram að
byrjunarhækkun á raforkuverði
komi ekki til greina, nema gegn
ákveðnum viðbótarskilyrðum, og
krafa um slíka hækkun af ís-
lands hálfu sé óréttmæt.
Stungið er upp á að sendir
verði sérfræðingar hingað frá
Alusuisse síðari hluta janúar
1983 til viðræðna um raforku-
verð og samkeppnisaðstöðu ál-
iðju hérlendis.
Iðnaðarráðherra mun kynna
þessi viðbrögð Alusuisse á næsta
ríkisstjórnarfundi og jafnframt
verða til athugunar næstu skref
af íslands hálfu i ljósi hinnar
neikvæðu afstöðu Alusuisse.
Mikið fjölmenni var á unglingaskemmtuninni að kvöldi annars í jólum í Laugardalshöllinni eins og vel sést á þessari mynd.
l.jósm.: G. Ormslev
A þriðja þúsund unglinga á jólaskemmtun
— En fátt fólk á
„Unglingaskemmtunin í Laug-
ardalshöll að kvöldi annars jóla-
dags gekk mjög vel, samkomuna
sóttu á þriðja þúsund manns, og
starfsmenn Hallarinnar segja
þetta einhverja prúðmannlegustu
samkomu sem þar hefur verið
haldin,“ sagði Gísli Árni Egg-
ertsson hjá Æskulýðsráði Reykja-
víkur í samtali við blaðamann
Morgunblaðsins í gær. — Æsku-
lýðsráð og hljómsveitin Stuð-
menn gengust fyrir tveimur sam-
komum í Laugardalshöllinni á
annan í jólum.
Gísli Árni sagði, að
fjölskylduhátíðin að deginum
hefði gengið mun verr. Fátt
fólk hefði lagt leið sína í höll-
ina, og hefði það vissulega vald-
ið vonbrigðum hve fáir foreldr-
ar komu með börn sín. Gísli
Árni sagði að margar skýringar
væru vafalaust á því hvers
vegna svo fáir komu, en ein
væri sú að færð hefði verið erf-
ið, og hríð hefði gert eftir há-
degið, einkum í Breiðholts-
hverfum. Það hefði dregið úr
aðsókn fjölskyldufólks. „Við
urðum því fyrir vonbrigðum
með fyrri skemmtunina," sagði
Gísli Árni, „en það hve vel
tókst til um kvöldið gerði meira
en að bæta okkur það upp!“
Frá fjölskyldusamkomu Æskulýðsráðs og Stuðmanna í Laugardalshöllinni á annan í jólum.
Bolungarvík:
Maraþon-
sund fram á
gamlársdag
Bolungarvík, 27. dosombor.
í DAG klukkan 15 leggst bolvíkst
sundfólk til sunds í sundlaug Bol-
ungarvíkur og er ætlunin að synda
maraþonsund, nótt sem nýtan dag
fram til klukkan þrjú á gamlársdag,
— alls um 96 klukkustundir. Það er
sunddeild Ungmennafélags Bolung-
arvikur sem stendur fyrir þessu
maraþonsundi. Tilgangurinn er að
vekja athygli og áhuga almennings á
þessari íþrótt, sem talin er sú al-
besta íþrótt sem almenningur getur
stundað sér til heilsubótar.
Sundlaugin í Bolungarvík var
tekin í notkun 1977. Hefur súnd-
iðkun hér verið með miklum
blóma og farið vaxandi. Árangur-
inn hefur ekki látið á sér standa,
því eins og fram hefur komið í
fréttum af sundmótum, hefur
bolvíkst sundfólk sífellt látið meir
að sér kveða, og er skemmst að
minnast síðasta bikarmóts íslands
þar sem aðeins munaði sex stigum
á sundfólki UMSB og hafnfirska
sundfólkinu í keppninni um fyrsta
sætið í 2. deild. Jafnframt því að
vekja athygli á þessari íþrótt er
það ætlun sunddeildarinnar að
safna fé til styrktar starfinu.
Söfnunin fer þannig fram, að þeir
sem áhuga hafa á að styrkja deild-
ina, greiða ákveðna peningaupp-
hæð fyrir hvern syntan kílómetra.
Gunnar
Lánskjaravísitala:
Um 60,5%
hækkun síð-
ustu 12 mánuði
SEÐLABANKI ÍSLANDS hefur
reiknað út lánskjaravísitölu fyrir
janúarmánuð 1983 og er hún 488
stig. Hún hefur því hækkað um
3,61% frá descmbermánuði sl., þeg-
ar hún var 471 stig.
Á síðustu tólf mánuðum hefur
lánskjaravísitala hækkað um lið-
lega 60,5%, en í janúar sl. var hún
304 stig.
Árshækkun lánskjaravísitöl-
unnar er hins vegar liðlega 53%,
en þá er hækkunin milli mánaða
framreiknuð um tólf mánuði.