Morgunblaðið - 08.03.1983, Blaðsíða 34

34
MORGUNBLAÐIÐ, ÞRIÐJUDAGUR 8. MARZ 1983
Bóka
mark
aourirm
Góöar
bækur
Gamalt
verö

Bokamarkaóunnn
HÚSGAGNAHÖLLINNI,
ÁRTÚNSHÖFÐA
Sjötugur:
Kristján P. Guð-
mundsson Akureyri
Kristján P. Guðmundsson sjö-
tugur! Jú, það reynist ómótmælan-
legt, og ég sem hélt að hann væri
að verða sextugur. Við höfum oft
og tíðum hist nærri daglega í
sundlauginni, og Kristján ber ekki
aldurinn utan á sér. Ætli það sé
ekki góða skapið og bjartsýnin
sem gerir hann svona ungan.
Kannski ættin. Faðir hans var
einmitt svona unglegur fram eftir
öllum aldri. Kristján er af miklum
kjarnaættum við austanverðan
Eyjafjörð. Móðir hans var Sigur-
lína Valgerður Kristjánsdóttir frá
Mógili á Svalbarðsströnd og faðir
hans Guðmundur Pétursson, sá al-
kunni athafnamaður, frá Dálks-
stöðum í sömu sveit. Hann var
einn þeirra útgerðarmanna sem
aldrei gat hrunið, farsæll og for-
sjáll. Stóð af sér kreppuna miklu
hvað þá annað. Kristján hefur líka
staðið af sér alla stundarerfiðleika
með miklum krafti. Metnað og
fyrirmynd hefur hann auðvitað
sótt til föður síns.
Hann ólst að mestu upp á Akur-
eyri, nema tvö ár þegar veikindi
móður hans neyddu Guðmund til
að skilja fjölskylduna að um sinn.
Þá var Kristján á Húsavík hjá
hinum ágæta skólastjóra, Bene-
dikt Björnssyni, og þar lauk hann
lýðskólaprófi. Síðan voru þeir
Benediktssynir hans bestu vinir,
Ásbjörn, Ólafur, Jóhann Gunnar,
Sigurður og Guðmundur.
Eftir Húsavíkurdvölina varð
Kristján gagnfræðingur frá MA
og svo lá leiðin út í álfu að læra til
verslunar. Var mjög til þess náms
vandað og stóð það í fjögur og
hálft ár samtals, fyrst í Englandi,
þá í Danmörku og síðast í Þýska-
landi, og þar var best. Bókleg
kennsla og verkleg eins og best
varð á kosið.
I Hamborg kynntist Kristján
konuefni sínu, glæsilegri stúlku af
húgenottaættum, Ursulu Beate
Piernay. Þau héldu til íslands og
giftust 1938. Þau eignuðust þrjú
falleg og gáfuð börn, Renötu, sem
fyrir skömmu er látin, Hertu,
starfsmann á ferðaskrifstofunni
Útsýn og Guðmund, aðalfulltrúa
bæjarfógetans í Keflavík.
Kristján hóf þegar störf hjá
síldarverksmiðjunni á Dagverðar-
eyri, síðan í Utvegsbankanum á
Akureyri, en snemma var hann
ráðinn í því að vera ekki lengi
annarra þjónn. í ársbyrjun 1940
dreif hann sig til Noregs að kaupa
skip. Styrjöldin lagði heldur en
ekki lykkju á leið hans, og urðu
ferðir flóknar og sögulegar, en
Kristján var ungur og hress. Heim
var hann kominn í árslok og hafði
þá m.a. dvalist tvo mánuði á
Grænlandi við gott atlæti.
Árin 1942—’64 gerði Kristján út
og fórst honum sá rekstur stórvel.
En ekki gerði hann sér það ein-
hlítt. Hann rak einnig allt fram
undir þetta umfangsmikla inn-
flutningsverslun útgerðarvara, og
frá 1941 hefur hann verið umboðs-
maður Sjóvá. Þannig varð hann
þrefaldur í roðinu, blandaði engu
saman og fór létt með það. Varð
hann vel fjáður á umsvifum sín-
um.
Kristján hefur alla tíð verið
vaskur til íþrótta og ferðalaga.
Hann var yfirburðamaður á
skautum og góður skíðamaður,
enda fór hann á Vatnajökul í sam-
bandi við Geysisslysið 1950. Bíla
hefUr Kristján átt marga og góða
og er annálaður ekill. Hann er
fljótur á Bensinum milli Akureyr-
ar og Reykjavíkur, og í mörg ár
hafa þau hjónin ekið á vorin vítt
og breitt um Evrópu.
Frá upphafi Sjálfstæðisflokks-
ins hefur Kristján verið ódeigur,
virkur og síáhugasamur um við-
gang hans. Hann hefur verið í ára-
tugi einn öflugasti stuðningsmað-
ur flokksins á Akureyri, lengi í
stjórn Sjálfstæðisfélags Akureyr-
ar og formaður þess í þrjú ár. Þá
hefur hann um 20 ára skeið verið
kosinn af Sjálfstæðismönnum að-
al- eða varamaður í stjórn Útgerð-
arfélags Akureyringa h/f og verið
þar tillögugóður og traustur
stjórnandi. í Oddfellowreglunni og
Rotaryfélaginu hefur hann lengi
starfað af alkunnum röskleika.
Kristján P. Guðmundson er
fríður maður sýnum og vörpulegur
á velli, hann er glaður og reifur að
gömlu boði. Hann hefur átt sér
það lífstakmark að standa alltaf í
skilum, ekki bara í viðskiptum,
heldur hefur hann skilað af sér
með sóma hverju sem honum hef-
ur verið til trúað. Ég færi honum
hér, og fólki hans öllu, innilegustu
kveðjur og þakkir. Annars vonast
ég til að hafa til þess mörg tæki-
færi í sundlauginni og víðar.
Gísli Jónsson
í dag, 8. marz, verður einn af
kunnari borgurum Akureyrar,
Kristján P. Gumundsson, umboðs-
maður Sjóvátryggingarfélags á
Akureyri, sjötugur.
Kristján er fæddur á Akureyri,
og voru foreldrar hans heiðurs-
hjónin Guðmundur Pétursson f.v.
útgerðarmaður hér á Akureyri og
kona hans Sigurlína Valgerður
Kristjánsdóttir, bæði ættuð af
Svalbarðsströnd.
Kristján stundaði nám við
Menntaskólann á Akureyri, en síð-
an lá leið hans til Englands, Dan-
merkur og Þýskalands þar sem
Kristján dvaldi f tæp 5 ár við nám
í verzlunarfræðum.
Fyrstu árin eftir heimkomuna,
starfaði Kristján hjá Útvegsbank-
anum á Akureyri, en síðan tókst
Kristján á við útgerð, eins og faðir
hans hafði gert. Kynntist Kristján
bæði góðum aflaárum og slæmum,
og eins og aðrir útgerðarmenn,
mátti hann glíma við erfiðleika á
sínum útgerðarferli. í 43 ár hefur
Kristján verið umboðsmaður Sjó-
vátryggingarfélags íslands hf. á
Akureyri, og er umboð hans
stærsta umboðsskrifstofa Sjóvá á
landinu. Margir ungir menn hafa
starfað á skrifstofunni hjá Krist-
jáni og hefur það verið þeim öllum
góður skrifstofuskóli.
Kristján hefur alla tíð verið
mikill sportmaður, hann er góður
laxveiðimaður og ágæt skytta.
Útivist, fjallaferðir og göngutúrar
í sátt við landið sitt og hinar norð-
lensku byggðir hefur Kristján
metið meir og betur en flestir.
Kristján var í mörg ár formaður
Sjálfstæðisfélags Akureyrar, í
stjórn Útgerðarfélags Akureyr-
inga um margra ára skeið. í stjórn
Stangveiðifélagsins Strauma sl. 20
ár, lengst af gjaldkeri félagsins, og
hefur Kristján lagt mikla rækt við
hag og uppgang þess.
Kristján hefur alla tíð verið
reglusamur og nákvæmur í hví-
vetna, hann þykir öruggastur liðs-
maður á hvaða vígstöðum sem
barist er á. Hann er ljúfur í lund
og orðvar, hefi ég aldrei heyrt
hann hallmæla neinum.
Kristján kvæntist árið 1938
Ursulu-Beate Piernay, dugmikilli
indælis sómakonu sem hann
kynntist í Þýskalandi á námsárum
sínum þar. Þau eignuðust þrjú
börn: Renötu, sem nú er látin,
Hertu, sem vinnur hjá Útsýn í
Reykjavík, og Guðmund, aðal-
fulltrúa sýslumannsins í Keflavík.
Þótt starfsár Kristjáns séu orð-
in mörg, er hann enn hress í anda
og léttur í lund. Ég, sem þessar
fáu línur skrifa, hef unnið á
skrifstofunni hjá Kristjáni í 19 ár,
óska honum til hamingju með af-
mælið, þakka honum hlýleg og
lærdómsrík kynni og óska ég að
ævikvöldið verði honum og konu
hans bjart og fagurt.
Þórarinn B. Jónsson
Verkfræðingafélag íslands:
Mótmælir skipun samgönguráð
herra í embætti flugmálastjóra
MORGUNBLAÐINU hefur borizt
eftirfarandi afrit af bréfi, sem Verk-
fræðingafélag íslands hefur sent
Steingrími Hermannssyni, sam-
gönguráðherra, vegna þeirrar
ákvörðunar ráðherrans að skipa Pét-
ur Einarsson flugmálastjóra og
ganga þannig þvert á einróma vilja
flugráðs, sem mælti með því, að
Leifur Magnússon yrði skipaður í
stöðuna:
Framkvæmdastjórn Verkfræð-
ingafélags íslands hefur kynnt sér
gögn varðandi umsækjendur um
starf flugmálastjóra og nýlega
skipun yðar í það embætti. Stjórn-
in vill af því tilefni koma á fram-
færi við yður, herra samgöngu-
ráðherra, eindregnum mótmælum
félagsins.
Við þessa stöðuveitingu er gróf-
lega gengið framhjá þeim um-
sækjanda, sem hlaut einróma og
eindregin meðmæli lögboðins um-
sagnaraðila, flugráðs. Hann er
jafnframt félagi í Verkfræðinga-
félagi íslands.
Þótt ekki sé getið um sérstakar
kröfur um menntun flugmála-
stjóra í núverandi lögum um
stjórn flugmála, fer ekki á milli
mála, að verkfræðimenntun væri
þar sjálfsögð krafa, eða a.m.k.
langæskilegasti kosturinn, líkt og
gildir um stjórnendur hliðstæðra
tæknistofnana, sem heyra undir
samgönguráðuneytið. Á það skal
einnig bent, að auk Leifs Magn-
ússonar sóttu fjórir aðrir verk-
fræðingar um þessa stöðu, þ.e.
einn flugverkfræðingur, tveir
flugvélaverkfræðingar og einn
rafeindaverkfræðingur, sem allir
eru félagsmenn í VFÍ.
Framkvæmdastjórn Verkfræð-
ingafélags Islands telur, að með
þessari stöðuveitingu sé verið að
vanvirða tæknimenntun, sérfræði-
lega þekkingu og starfsreynslu.
Með því að velja í embættið
reynslulítinn umsækjanda án
flugtæknilegrar menntunar og
fagþekkingar er stofnað til kring-
umstæðna, sem hæglega geta leitt
til truflana og tafa á eðlilegri
framþróun íslenzkra flugmála. Því
ítrekar framkvæmdastjórn Verk-
fræðingafélags íslands hér með
mótmæli sín og minnir á að fimm
ágætlega hæfir verkfræðingar
sóttu um embætti flugmála-
stjóra."