Morgunblaðið - 02.06.1983, Blaðsíða 23

MORGUNBLAÐIÐ, FIMMTUDAGUR 2. JÚNÍ 1983
23
Þjarkað um
aldurinn í
afmælisveislunni
Boumemouth, Englandi, 1. júní. AP.
KLSTI maður á Bretlandseyjum svo
vitað er, Harris Shoerats, hélt f dag upp
á 111 ára afmæli sitt. A meðal gest-
anna í afmælisveislunni var 85 ára
gamall sonur hans. Shoerats þessi er
fæddur í Sovétríkjunum, en fluttist til
Bretlands 1899.
Við upphaf veislunnar kom hins
vegar nokkurt babb í bátinn því ekki
bar öllum saman um hversu gamall
Shoerats væri. Heimsmetabók
Guinness segir hann vera tæplega
112 ára, fæddan 10. júní 1871. Um-
sjónarmenn elliheimilisins, þar sem
sá gamli dvelst, segja hann 111 ára í
dag.
I sjálfu sér væri ekkert við þennan
ágreining að athuga ef sá gamli
segðist ekki sjálfur vera orðinn 117
ára. Hvorki Heimsmetabók Guin-
ness né forráðamenn elliheimilisins
geta fært sönnur á mál sitt og
Shoerats á ekki neitt fæðingarvott-
orð.
Að deilunum um aldurinn sleppt-
um segist Shoerats þakka ást sinni á
brauði og heilsusamlegu lofti háan
aldur sinn.
Rfflegar bætur
fyrir 24 ára
fangelsisvist
New York, 1. júní. AP.
RÍKISDÓMSTÓLL í New York-ríki
úrskurðaði manni nokkrum í dag eina
milljón dollara í skaðabætur vegna
þess að hann hefði verið dæmdur að
ófyrirsynju í 24 ára fangelsi fyrir morð.
Isadore Zimmerman, 66 ára gam-
all, var dæmdur fyrir morð árið 1938
eftir að upp komst að hann hafði
lagt til skotvopn, sem notað var til
ránsferðar og leiddi síðan til dráps á
lögreglumanni. Hljóðaði uppruna-
legi úrskurðurinn upp á dauðadóm í
rafmagnsstólnum.
Síðar var dómnum breytt í ævi-
langt fangelsi. Árið 1962 var honum
síðan sleppt af yfirvöldum, sem
komust að því að saksóknara höfðu
orðið á mistök við meðferð málsins.
Zimmerman hélt statt og stöðugt
fram sakleysi sínu og 1981 var hon-
um veitt leyfi til að höfða mál á
hendur ríkinu.
Zimmerman krafði ríkið um 10
milljón dollara skaðabætur, en eftir
tveggja ára þref lauk málaferlunum
i dag með áðurgreindum úrskurði.
„Rotarinn“ Jack
Dempsey látinn
New York, 1. júní. AP.
JACK Derapsey, fyrrum heimsmeistari
í hnefaleikum í þungavigtarflokki, lést
í nótt 87 ára að aldri. Dempsey var
heimsmeistari á árunum 1919—1926
og álitinn nánast ósigrandi á þeim
tíma. Æ síðan hefur hann verið talinn
á meðal fremstu hnefaleikakappa sög-
unnar.
Á ferli sinum keppti Dempsey alls
73 sinnum og vann sigur i 56 viður-
eignum. Hann var 24 ára gamall
þegar hann vann titilinn af Jess
Millard með rothöggi í þriðju lotu.
Sjö árum síðar tapaði hann titlinum
í hendur Gene Tunney eftir hörkuk-
eppni í 10 lotum, þar sem áskorand-
inn sigraði á stigum.
Dempsey var lasburða síðustu ár
ævi sinnar og fór vart út úr húsi.
Hann gekkst undir hjartaaðgerð í
fyrra og var þá gangráði komið fyrir
í brjósti hans.
Okkarmenn
í Hamborq
i rrm

vÖO'9 ”
öa'0
,etPe°

ffis*...
...-■ tJ'^°óó81V'ö'jdd
...... pób'P^' I pót»°c'rt
.......
...
Góyp'®

Síminn er
9049403*9341/2/)
(ef þú hringir beint)
Hafskip hf. hefurfluttstarfsemi markaðs-
deildar sinnar að verulegu leyti til
stærstu samgönguhafnanna erlendis.
Hagræðið er ótvírætt. Þú getur verið í
beinu sambandi við þann stað sem þér
hentar þegar þér hentar.
Okkar menn hafa sérþekkingu á flutn-
ingum hver á sínu svæði. Það sparar
tíma og eykur öryggi. Slíkt er ómetanlegt
því tíminn í vöruflutningum er dýrmæt-
ur. Þá er ekki síður mikilvægt að vita að
íslenskir aðilar gæta íslenskra hags-
muna erlendis.
Þurfir þú að afla þér nákvæmra upplýs-
inga samstundis um vöruflutninga milli
staða á meginlandi Evrópu og til áfram-
haldandi flutninga heim til íslands (eða
öfugt) er einfaldast og áhrifaríkast að
nýta sér símatæknina og ofangreinda
þjónustu Hafskips.
Starfsfólk Hamborgarskrifstofunnar þau
Sveinn Kr. Pétursson, Stella Gísladóttir
Thomsen, Gabrielle Graw og Siegfried
Niebuhn munu svara og leysa strax úr
erindi þínu. Viljirðu frekar nota telex,
er númerið 03-2165028.
Þessi þjónusta er til þæginda fyrir þig.
Notfærðu þér hana.
Okkar maður, - þinn maður.
B HAFSKIP HF.
FLOAMARKAÐUR ASKIRKJU
helgina 4. og 5. júní í kjallara kirkjunnar í Laugarási.