Morgunblaðið - 23.08.1983, Síða 29

MORGUNBLAÐIÐ, ÞRIÐJUDAGUR 23. ÁGÚST 1983
29
„Þetta var hræði-
leg lífereynsla“
— segir Sigurður Sigmundsson sem lenti í járnbrautarslysi
— ÞETTA var hræðileg lífsreynsla,
ég hef aldrei lent í öðru eins og
vonandi á ég aldrei eftir að upplifa
slfka hörmung, sagði Sigurður Pét-
ur Sigmundsson frjálsíþróttamaður
úr FH en hann var einn af farþeg-
unum í járnbrautinni sem varð fyrir
árekstri á írlandi síðastliðinn
sunnudag.
Járnbrautarslys þetta er annað
stærsta í sögu írlands, sjö manns
létu lífið og fjörutíu slösuðust al-
varlega.
Sigurður var í landsliði Islands
í frjálsum íþróttum sem tók þátt
í Evrópukeppninni í Dyflinni um
helgina. Á laugardaginn keppti
Sigurður í 10 km hlaupi og átti
því frí frá keppni á sunnudegin-
um. Hann frétti af móti í Thurles
sem er i Tipparey-héraði og fór
þangað með lest. Þar keppti Sig-
urður í 21 km hlaupi og fór með
sigur af hólmi. Um kvöldið tók
hann svo lestina til Dyflinni.
— Ég var frekar seinn fyrir og
þegar ég kom á brautarstöðina og
ætlaði inn í aftasta vagninn. Þá
var hann lokaður og næstu vagn-
ar þar á undan. Ég hef það ávallt
fyrir venju þegar ég ferðast með
lest að reyna að fá pláss aftarlega
í lestunum. Það voru um tíu
vagnar í lestinni og ég hljóp því
meðfram henni og sá að það var
laust pláss í þriðja fremsta vagn-
inum og inn í hann fór ég.
— Ferðin til Dyflinni átti að
taka um eina og hálfa klukku-
stund. Þegar við höfðum verið á
ferðinni í þrjátíu mínútur þá
stöðvaðist lestin skyndilega og
allt rafmagn fór af henni. Við
fengum upplýsingar um að smá-
vægileg vélarbilun hefði átt sér
stað. Þarna sátum við í svarta-
myrkri í um það bil tuttugu mín-
útur.
Skyndilega kom geysilegur
hnykkur á vagninn og farþegarn-
ir hentust fram á borðin sem
voru á milli sætanna og allt fór á
rú og stú síðan datt allt í dúna-
logn.
1 raun og veru þá áttaði enginn
sig á þessu mikla höggi og síst af
öllu áttum við von á því að ekið
hefði verið á lestina. Engin
hræðsla greip um sig, fólkið kom
sér fyrir aftur og beið átekta.
Eftir smá stund þegar ekkert
gerðist þá fór ég út úr lestarvagn-
inum og gekk meðfram lestinni.
Það var svarta myrkur og því
ekki gott að sjá hvað gerst hafði.
Það var ekki fyrr en ég gekk fram
á mann sem var geysilega mikið
slasaður og allur útataður í blóði
að ég gerði mér grein fyrir því að
eitthvað hörmulegt hafði skeð.
Nú var fólkið farið að streyma út
úr fremstu vögnunum og komið í
nokkurt uppnám. Þrír öftustu
vagnanarnir voru gjörónýtir og
fólk lá stórslasað út um allt.
— Það voru rúmlega eitt þús-
und farþegar í vögnunum tíu.
Skömmu eftir að fólkið fór að
streyma út úr vögnunum fór að
finnast megn gaslykt á svæðinu
og fólk fór þá að óttast sprengju-
hættn.
— Þjóðvegur var í um þrjú
hundruð metra fjarlægð frá
slysstaðnum en til þess að kom-
ast þangað varð að vaða yfir mýr-
lendi. Farþegarnir sem voru
óslasaðir og þar á meðal ég óðum
yfir mýrlendið og uppá þjóðveg-
inn. Sumir reyndu að hjálpa þeim
sem höfðu slasast en mjög erfitt
var um vik. Fljótlega stöðvaði
fjöldinn allur að bifreiðum við
slysstaðinn og hjálparbeiðni var
komið áleiðis. En ég furðaði mig
á því að það leið klukkustund áð-
ur en fyrsti sjúkrabíllinn kom á
vettvang með sjúkralið. En þá
fylltist svæðið að björgunar-
mönnum, það var lýst upp og þá
sást best hversu hörmulegt slysið
var. Önnur jámbrautarlest hafði
komið á fullri ferð á sama spori
og farið beint aftan á kyrrstæða
lestina.
Hreint ótrúlegt hvernig svona
getur skeð. Sambandsleysið milli
lestanna virtist algjört. — Mikið
af ungu fólki var í lestunum, en
það var á heimleið eftir helgar-
dvöl á landsbyggðinni. Um 500
manns mun hafa verið í hvorri
lest um sig. Mikið umferðaröng-
þveiti varð á þjóðveginum en um
síðir tókst lögreglu að koma röð
og reglu á hlutina.
trsk hjón buðu mér far í bifreið
sinni til Dyflinni, og það var fyrst
á leiðinni þangað sem ég fékk
hálfgert áfall yfir öllum þessum
ósköpum.
— Mér varð hugsað til þess að
hefði ég komið fyrr á brautar-
stöðina þá hefði ég farið inn í aft-
asta vagninn. Þá gat ég ekki ann-
að en hugsað um ungu mennina
sem afgreiddu mig í veitinga-
vagninum og voru svo vingjarn-
legir. Nú voru þeir allir.
*
Ahugamenn um úrbætur f húsnæðismálum:
Vilja skjótar aðgerðir til að
forða fjölda manns frá gjaldþroti
Frá fundi Áhugihianna um úrbætur í húsnæðismálum.
„VIÐ ætlum að sjá til þess að eitt-
hvað verði gert til að leysa vandamál
húsnæðiskaupenda og láta stjórn-
völd standa við loforð sín um hærri
húsnæðislán til lengri tíma,“ sagði
Ögmundur Jónasson fréttamaður á
blaðamannafundi Áhugamanna um
úrbætur f húsnæðismálum í gær.
„Staðreyndin er sú að allir flokkar
hafa gefið loforð um að bæta hag
húsbyggjenda og -kaupenda, en eng-
ar breytingar hafa átt sér stað frá
því verðtryggingu lána var komið á,“
sagði Ögmundur.
Á fundinum kom fram að
áhugamennirnir um úrbætur í
húsnæðismálum, eru úr öllum
flokkum og utan þeirra, sem hafa
það sameiginlega markmið og fá
stjórnvöld til að taka upp nýja
stefnu í húsnæðismálum. Þar var
einnig skýrt frá því að forsagan
hefði verið sú, að á þriðja tug
manna, sem þekkti mál húsnæðis-
kaupenda af eigin raun hefði kom-
ið saman til að bera saman bækur
sínar um ástandið almennt.
Og þessar athuganir hefðu síðan
leitt í ljós að þörf væri á skjótum
aðgerðum eigi að forða fjölda
manns frá bráðu gjaldþroti. Pétur
J. Eiríksson hagfræðingur sagði
að helstu orsakir þess vanda sem
húsbyggjendur ættu nú við að
stríða væri óðaverðbólga, kjara-
skerðing og skammtímalán til
húsnæðiskaupa. Ljóst væri að
auka þyrfti verulega það fjármagn
sem rynni í lánakerfið og hækka
langtímalán. Einnig yrðu þær
ráðstafanir í húsnæðismálum sem
grípa þyrfti til að verða aftur-
virkar svo það fólk sem staðið
hefði í húsbyggingum eða húsnæð-
iskaupum síðustu þrjú ár nyti
góðs af þeim.
Pétur sagði að um þetta atriði
væru allir sammála sem stæðu að
hópi áhugamanna um úrbætur í
húsnæðismálum, en skoðanir
væru vissulega skiptar um leiðir
til að ná þessu markmiði. Á fund-
inum var lagt fram dæmi úr
raunveruleikanum sem að sögn
hópsins gæfi góða mynd af vanda
húsnæðiskaupenda. Þar er lagt til
grundvallar að ráðstöfunartekjur
hjóna í maí á þessu ári væru 30
þúsund kr. á mánuði og þar af
vörðu þau 15 þúsundum kr. til af-
borgana á lánum. Væri gert ráð
fyrir þeim kauphækkunum sem
ríkisstjórnin miðar við í útreikn-
ingum sínum og rættust björtustu
vonir um að verðbólgan verði
komin niður í 30 af hundraði á
ársgrundvelli í febrúar og verðlag
á nauðsynjum mundi hækka frá
því í maí þá hefði þessi fjölskylda
jafnvirði 7.450 kr. í febrúar á
næsta ári í stað 15 þúsunda til
lífsviðurværis.
Loks má geta þess að Áhuga-
menn um úrbætur í húsnæðismál-
um gangast fyrir borgarafundi kl.
18 í Sigtúni á morgun til að ræða
mál húskaupenda.