Morgunblaðið - 22.10.1983, Blaðsíða 3

I
I
MORGUNBLAÐIÐ, LAUGARDAGUR 22. OKTÓBER 1983
3
Enn verða verkalýðsforingjar Alþýðubandalagsins undir:
Guðmundur J. varð
landsfundarfull-
trúi á hlutkesti
Haukur Már Haraldsson féll en þeir og Kjartan Olafsson,
varaformaður, fengu fæst atkvæði 72 fulltrúa úr Reykjavík
GUÐMUNDUR J. Guðmundsson alþingismadur og formaður Verkamanna-
sambands íslands og Kjartan Ólafsson varaformaður Alþýðubandalagsins og
ritstjóri Þjóðviljans unnu hlutkesti í kjöri á 72 landsfundarfulltrúum Alþýðu-
bandalagsins í Reykjavík á félagsfundi sl. miðvikudagskvöld. Guðmundur J.,
Kjartan, Haukur Már Haraldsson fyrrverandi blaðafulltrúi ASÍ og Ragnar A.
Þórsson verkamaður urðu jafnir með 36 atkvæði hver í þrjú neðstu sætin svo
draga varð um hver þeirra næði e.kki landsfundarfulltrúasæti. Úrslit urðu
þau að Haukur Már Haraldsson féll.
„Ég er nú yfirleitt sigursæll í
hlutkesti, en ég er ekkert leiður út
af þessu. Mín upphefð kemur að
utan, hún hefur aldrei komið að
innan í Alþýðubandalaginu," sagði
Guðmundur J. Guðmundsson er
Mbl. spurði hann álits á þessum
úrslitum. Hann vildi ekki tjá sig
frekar um málið.
Fast á eftir Guðmundi J. og
Hauk Má Haraldssyni í neðstu
sætunum koma aðrir verkalýðs-
foringjar Alþýðubandalagsins.
Guðmundur Jónsson verslunar-
maður hlaut 38 atkvæði, Þröstur
Ólafsson framkvæmdastjóri
Dagsbrúnar 41 atkvæði, Guðjón
Jónsson formaður Málm- og
skipasmíðasambandsins 41 at-
kvæði og Böðvar Pétursson versl-
unarmaður 37 atkvæði. Þá vekur
og athygli að Einar Olgeirsson
fyrrum alþingismaður hlaut að-
eins 38 atkvæði.
Helstu stuðningsmenn ólafs
Ragnars Grímssonar, sem sjálfur
'tilheyrir Reykjaneskjördæmi og
því ekki í kjöri á þessum fundi,
koma sterkir út úr kosningunni,
enda hefur Ólafur Ragnar lagt
mikla vinnu í að styrkja stöðu sína
innan flokksins fyrir landsfund-
inn, eins og Mbl. hefur áður skýrt
frá. Má þar nefna að Kristján
Valdimarsson starfsmaður
Reykjavíkurdeildar og hægri hönd
Ólafs hlaut 56 atkvæði, Svanur
Kristjánsson prófessor 56 at-
kvæði, Baldur óskarsson fram-
kvæmdastjóri Alþýðubandalags-
ins 53 atkvæði og Auður Styrk-
ársdóttir stjórnmálafræðingur 49
atkvæði.
ólafur Ragnar gegnir eins og
kunnugt er íhlauparitstjórastarfi
á Þjóðviljanum í fjarveru Kjart-
ans ólafssonar ritstjóra og vara-
formanns Alþýðubandalagsins.
Eins og að framan greinir varð
Kjartan einn af fjórum neðstu í
kjörinu og náði landsfundarsetu-
réttindum á hlutkesti. Þá hlaut
Árni Bergmann meðritstjóri Ólafs
aðeins 44 atkvæði, en Einar Karl
Haraldsson, einnig ritstjóri á
Þjóðviljanum, 55 atkvæði.
Konur virðast þarna standa
stíft saman og eru þær stór hluti
þessara 72 landsfundarfulltrúa og
yfirleitt með háar atkvæðatölur.
Má þar nefna sem dæmi að Adda
Bára Sigfúsdóttir borgarfulltrúi
hlaut 62 atkvæði. Svonefnt Stór-
Guðrúnarveldi, eins og Alþýðu-
bandalagsmenn nefna það, virðist
réttnefni, því Guðrún Ágústsdótt-
ir borgarfulltrúi hlaut 65 atkvæði,
Guðrún Helgadóttir alþingismað-
ur 59 atkvæði og Guðrún Hall-
grímsdóttir verkfræðingur 56 at-
kvæði. Álfheiður Ingadóttir blaða-
maður á Þjóðviljanum er með
jafnmörg atkvæði og atkvæða-
hæsti ritstjóri blaðsins, eða 55 at-
kvæði.
Flest atkvæði hlaut Svavar
Gestsson formaður Alþýðubanda-
lagsins eða 72. Um 170 manns
voru í kjöri. Kjörnefnd lagði fram
lista með 144 nöfnum, en upp-
ástungur komu frá fundar-
mönnum um tæplega 30 til viðbót-
ar. Landsfundurinn verður hald-
inn í Reykjavík 17.—20. nóvember
nk.
Daihatsu númer 3.000 afhentur. Frá vinstri Inga Eiríksdóttir, sem keypti
bflinn, Sigtryggur Jónsson, framkvæmdastjóri Brimborgar hf., umboðsað-
ila Daihatsu, og Sakae OHara, forseti Daihatsu. Ljósmynd Mbi. ói.k.m.
Daihatsu númer
3.000 afhentur
DAIHATSU-umboðið á íslandi,
Brimborg hf., afhenti í gærdag
Daihatsu-bifreið númer 3.000 og
er hún af Charade-gerð. Ung
kona úr Reykjavík, Inga Eiríks-
dóttir, er kaupandinn.
Á þessum tímamótum kom
hingað til lands þriggja manna
sendinefnd frá Japan, þeir
Sakae OHara, forseti Daihatsu
Motor Co., sem afhenti Ingu
bílinn, ásamt minningargjöf
frá verksmiðjunum, og þeir K.
Fukuda, framkvæmdastjóri út-
flutningsdeildar Daihatsu Mot-
or Co. og T. Senga, forstjóri
Aisin UK.
Liðlega sex ár eru nú liðin frá
því að fyrstu bílarnir af Dai-
hatsu-gerð komu hingað til
lands og hafa því verið seldir
um 500 bílar á ári, sem er með
því mesta sem gerist hér á
landi.
Á blaðamannafundi kom
fram hjá Daihatsu-mönnum, að
Daihatsu Charade hefði verið
mest seldi einstaki bíllinn á ís-
landi fyrstu níu mánuði ársins,
en alls hafi nú selzt um 1.800
bílar af þeirri gerð hér á landi.
Þá hafa verið seldir um 1.200
bílar af gerðinni Daihatsu
Charmant, auk jeppa og sendi-
bíla.
Loks koma fram á blaða-
mannafundinum, að Inga Ei-
ríksdóttir fær frá umboðinu
gefnar tryggingar af bílnum
næsta tryggingarár.
i
i
í
i
i
i
I
i
I
I
I
I
I
NÝJAFILMU ÍVÉLINA
í sumar hafa allir keypt sér 400 eða 1000 asa filmur til þess að taka myndir í slæmri birtu og litlu Ijósi.
Nú skalt þú skipta um filmu og ganga f Kanaríklúbb Útsýnar, Úrvals,
Samvinnuferða/ Landsýnar og Flugleiða, því á Kanaríeyjum skín sólin skært!
Við fljúgum til Las Palmas á Gran Canaría í beinu leiguflugi á þriggja vikna fresti frá og með 14. desember
og vikulega frá 2.nóvember í áætlunarflugi um London þar sem hægt er að hafaviðdvöl í bakaleiðinni.
Við bjóðum úrval frábærra gististaða: hótelíbúðir með 1eða 2 svefnherbergjum, hótelherbergi og smáhýsi
með 1 eða 2 svefnherbergjum.
Við bjóðum dvöl í: 1, 2, 3, 4, 6, 9 eða jafnvel 24 vikur!
Við bjóðum hagstætt verð: Frá 19.460.- kr. í eina viku og frá 22.155.- kr. í þrjár vikur, miðað við 2 í hótelíbúð.
21 vika á Broncémarmiðaðvið2 í íbúð kostaraðeins 78.000.- kr. Þú kemurheim 9. maí!
Á Kanarfeyjum eru litirnir ekta!
URVAL ÚTSÝM Samvinnuferdir Landsýn FLUGLEIDIR