Morgunblaðið - 22.10.1983, Blaðsíða 40

BítlaædiðVVj HOLUWððBi
BDDADwS^ ESMME6:
LAUGARDAGUR 22. OKTÓBER 1983
Saksóknari í Hæstarétti:
Krafðist sýknu í máli sem
hann áfrýjaði til sakar
Morgunblaðid/ KÖE.
Þórður Björnsson ríkissaksóknari flytur mál sitt fyrir Hæstarétti í gær —
varnarræðu fyrir hinn ákærða, eins og verjandinn Benedikt Blöndal hrl. (til
hægri), orðaði það.
KÍKISSAKSÓKNARI, Þórður
Björnsson, gerði í gær þá kröfu
fyrir Hæstarétti, að sýknað yrði í
máli, scm hann hafði sjálfur áfrýj-
að til sakfellingar. Það mun aðeins
hafa gerst tvisvar áður í sögu
Hæstaréttar, að ákæruvaldið hafi
við málflutning krafist staðfest-
ingar á undirréttardómi, sem gekk
því f óhag.
Málflutningurinn í gær var í
máli skipstjórans á skuttogaran-
um Einari Benediktssyni BA
(sem nú hefur skipt um nafn og
aðaleigendur). Hann var í mars í
fyrra sýknaður í Vestmannaeyj-
um af ákæru fyrir ólöglegar
veiðar. Ákæran byggði á því að
vélarstærð skipsins hefði verið
yfir 1000 hestöflum og að skipið
hefði verið við veiðar í hólfi, sem
ætlað var skipum með vélarst-
ærð undir 1000 hestöflum. Skip-
stjóri og útgerð skipsins héldu
fram við réttarhöldin að raunv-
erulegt og nýtanlegt velarafl
væri aðeins 910 hestöfl. Fleiri
mál af þessu tagi hafa komið til
kasta dómstóla á undanförnum
mánuðum, þ.e. þar sem deilt er
um skráningu vélarstærðar og
réttmæti niðurfærslu orku, sem
hægt er að gera með innsigli á
olíugjöf og svokallaðri skiptiskr-
úfu.
„Jú, þetta verður að teljast
mjög óvenjulegt," sagði Þórður
Björnsson, ríkissaksóknari, í
samtali við Morgunblaðið í gær.
„I áfrýjunarákæru krafðist ég
sakfellingar og ákveðinnar refs-
ingar. En þegar ég fór að lesa
málið gaumgæfilega fyrir nokkr-
um dögum sannfærðist ég um að
héraðsdómurinn væri réttur. í
skipaskrám er skipið talið 1095
bremsuhestöfl við 750 snúninga
á mínútu. Vélin í skipinu sýndi
hinsvegar 910 bremsuhestöfl við
þennan snúning. Málið valt á
þessu, enda taldi héraðsdómur
að það væri ekki sannað að vél-
araflið væri 1095 hestöfl, og við
gaumgæfilega skoðun komst ég
að þeirri niðurstöðu að það væri
rétt. Ég get ekki krafist refs-
ingar yfir manni, sem ég tel
saklausan."
Þórður sagðist vissulega hafa
getað fallið frá áfrýjun en hann
hefði viljað að hæstiréttur fjall-
aði um málið.
Morgunblaðift/Ól.K.M.
Gulur reykur á ný
Guli reykurinn, sem hefur verið
þyrnir í augum margra Reykvík-
inga um árabil, stígur til himna.
Taka varð gömlu sýruverksmiðj-
una í Gufunesi í notkun á ný
vegna þess að bilun varð í nýju
sýruverksmiðjunni í kjölfar
rafmagnsbilunar. Unnið er að
viðgerð á nýju verksmiðjunni og
verða Reykvíkingar að sætta sig
við gula reykinn um sinn.
Morgunblaðið/ Snorri Snorrason.
Skuttogarinn Guðbjörg frá ísafirði á siglingu. Togarinn er nú aflahæsta
skipið á landinu, hefur landað afla að verðmæti rösklega 37 milljónir
króna fyrstu átta mánuði ársins.
Skuttogarinn Guöbjörg frá ísafirði:
Hefur landað
3.965 tonnum
aö andvirði 37,6 milljónir króna
SKUTTOGARINN Guðbjörg ÍS 46
frá ísafirði er nú aflahæsti togar-
inn á landinu, samkvæmt upplýs-
ingum er blaðamaður Morgun-
blaðsins fékk í gær hjá Ágústi Ein-
arssyni skrifstofustjóra hjá LfÚ.
Ágúst sagði Guðbjörgina hafa
landað fyrstu átta mánuði ársins
3.965 tonnum, að verðmæti 37,6
milljónir króna. — Það er útgerð-
arfélagið Hrönn hf. á ísafirði, sem
gerir Guðbjörgu út.
f öðru sæti hvað aflaverðmæti
snertir, er Snorri Sturluson, sem
Bæjarútgerð Reykjavíkur gerir
út. Hann hefur landað 3.600
tonnum, að andvirði 32,8 millj-
ónir króna.
f þriðja sæti er skuttogarinn
Vigri, með 3.183 tonn, sem er að
andvirði 32,7 milljónir króna.
Það er útgerðarfélagið Ögurvík
hf. sem gerir Vigra út.
Einn heimasími opinn
í Flatey á Breiðafirði
„Greiðum ekki símreikninga vegna hækkana og truflana sem Póstur og
sími gefur enga skýringu á,“ segir Hafsteinn Guðmundsson, oddviti í eynni.
ÓFREMDARÁSTAND ríkir nú í
símamálum í Flatey á Breiðafirði. í
eynni eru átta símar, auk símaklefa.
Aðeins fjórir símanna eru í heima-
húsum og notaðir allt árið um kring.
Nú er svo komið að einn þeirra er
opinn, auk símaklefans sem lítið er
notaður af heimamönnum.
„Þetta ástand á sér nokkurn að-
draganda," sagði Hafsteinn Guð-
mundsson, oddviti í Flatey, í sam-
tali við Mbl. „Við höfum neitað að
greiða símreikninga Pósts og síma
og liggja þar tvær ástæður að
baki. Sjálfvirk símstöð var sett
upp hérna árið 1982. Þá um
sumarið byrjuðu truflanir í tveim-
ur símum. Truflanirnar lýstu sér
þannig að þegar tólið var tekið
upp var komið inn á annað símtal
og þrátt fyrir að enginn væri
heima í þessum tveimur númerum
voru simarnir oft „á tali“. Við báð-
um um lagfæringu en fengum eng-
in svör frá Pósti og síma. Síðan
hækkuðu símreikningar í þessum
tveimur símum um helming og
voru allt að sjö þúsund krónum,
án þess að símanotkun ykist.
Seinna hækkaði líka um helming í
síma sem ekki voru truflanir í. Þá
fórum við þess á leit við símstöðv-
arstjórann í Stykkishólmi að fá
útskýringu á þessari helmings-
hækkun og ítrekuðum beiðni um
lagfæringu. Hvorugu var sinnt og
því er ástandið þannig í dag að
þrír símar eru lokaðir hér.
Aðrir símar en þessir þrír hafa
verið í góðu lagi, en af þeim er
aðeins einn í heimahúsi, annar á
hreppskrifstofu og hinir ekki not-
aðir á veturna. Ný símstöðvartæki
voru tekin í notkun í marslok, án
þess að bilanirnar væru athugað-
ar. Okkur finnst þetta að vonum
ansi hart og teljum okkur hafa
ærna ástæðu til að halda það að
símstöðin virki ekki sem skildi, en
eins og ég sagði höfum við hvorki
fengið útskýringar á þessari miklu
hækkun né lagfæringu á símun-
um,“ sagði Hafsteinn.
10 króna mynt og
1000 króna seðill
í umferð í maí
STEFNT er að því að 10 króna
mynt og 1000 króna seðill fari í
umferð hér á landi í maí á næsta
ári, að því er Stefán Þórarinsson
hjá Seðlabanka fslands tjáði
blaðamanni Morgunblaðsins í
gærkvöldi.
Stefán sagði hönnun seðilsins
og myntarinnar ekki endanlega
lokið, og væri því ekki unnt að
birta myndir af þeim enn sem
komið væri, auk þess sem form-
leg heimild eða samþykki banka-
málaráðherra sé enn ekki fyrir
hendi varðandi útlit nýju mynt-
arinnar og seðilsins. Tillögur
Seðlabankans hefðu hins vegar
verið lagðar fyrir ráðherra, og
eru þær þessar: Tíu króna mynt-
in verði úr sama málmi og
krónu- og fimmkrónu-pen-
ingarnir, með mynd af fjórum
loðnum á framhlið og landvætt-
unum á bakhlið. Þúsund króna
seðillinn verði fjóiublár að lit,
með mynd af Brynjólfi Sveins-
syni, Skálholtsbiskupi, á fram-
hlið og mynd af Skálholtskirkju
frá dögum Brynjólfs á bakhlið.
Stefán Þórarinsson sagðist von-
ast til að endanlegri hönnun lyki
fyrir árslok, og nýi seðillinn og
nýja myntin færu í umferð í maí
í vor.
Hönnuður 1000 króna seðilsins
er Auglýsingastofa Kristínar, en
Þröstur Magnússon teiknari
hannar myntina.