Morgunblaðið - 20.11.1983, Síða 9

MORGUNBLAÐIÐ, SUNNUDAGUR 20. NÓVEMBER 1983
57
Klóka-kortið hið franska og lít-
il frönsk heimilistölva sem
vinnur undur með kortinu og
hleypir notendum einnig beint
í skrá yfir símnotendur. I'að er
líka hægt að nota klóka-kortið
sem skiptimynt í síma.
ALUCAF Á ÞRIÐJUDÖGUM
★★★★
★
EVRÓPULEIKUR FH
OG MACCABY
— O —
VALSMENNÁ
LEIÐ TIL BRASILÍU
ÞRÓTTUR 35 ÁRA
— O —
*
Itarlegar og spennandi íþróttafréttir
Mikið bar á Frakklandi og Bretlandi. Hér sést yfir aðalsvæði sýningarinnar.
Það fór mikið fyrir símtækjum
á sýningunni. Eitt þeirra sem
bandaríska fyrirtækið ROLM
framleiðir fyrir stórfyrirtæki er
búið því undri að þegar síminn
hringir sést skrifað á honum hver
sé að hringja. Fólk getur því ráðið
hverjum það svarar og hverjum
ekki. Það getur einnig ýtt á hnapp
og þá segir á síma þess sem hring-
ir „hringdu seinna". Annað tæki
frá sama fyrirtæki er búið inn-
byggðri símaskrá og takka svo að
síminn hringi sjálfur í viðkom-
andi. Hann getur verið stilltur
þannig að ekki þurfi að halda á
tólinu og eins þannig að aðeins
heyrist í öðrum aðilanum. Þessi
símar eru allir tengdir tölvu, sem
getur tekið við skilaboðum og gef-
ið skilaboð sem eru töluð inn á
hana.
En svo eru líka tölvur sem skilja
mannamál og bregðast við því.
Japanir hafa framleitt tölvu sem
getur þýtt tungumál, t.d. ensku og
spænsku eða japönsku og frönsku.
Það mun gera stórfyrirtækjum
kleift að ráða símastúlkur sem
kunna einungis sitt eigið tungu-
mál. ITT-fyrirtækið er nú að
reyna sig áfram í Bandaríkjunum
með tölvu sem getur alveg tekið
við starfi símastúlkunnar. Þeir
sýndu símaborð á sýningunni sem
var þannig að maður lyfti upp
símtóli og sagði: „Call (bíp) Mr.
(bíp) Srnith" eða „Hringja-í-Guð-
rúnu“. Bípin heyrðust milli orða í
tölvunni en hún tengdi rétt og
síminn hringdi hjá réttum aðila.
ITT býst við að þetta verði komið
á markaðinn eftir svona 3 ár. Þeg-
ar tækin frá ROLM verða svo
tengd við þetta þarf enginn að
sitja við símaborð lengur.
Svíar voru samir við sig og
sýndu að þeir láta tæknina verða
samfélaginu til góðs. Þeir eru að
tölvuvæða alla neyðarþjónustu í
landinu og hafa þegar komið upp
tölvumiðstöðvum í Stokkhólmi,
Gautaborg og Malmö. 90.000 er
neyðarnúmerið um allt land og
tölva lætur hringja á réttri neyð-
arvakt. Ef óhapp hendir í Stokk-
hólmi er spurt hvað sé að, nafn,
heimilisfang og síma og neyðar-
hjálpin er send af stað innan ör-
fárra sekúndna, löngu áður en
símtalinu er lokið. Ef um bruna í
hóteli er t.d. að ræða, eru upplýs-
ingar um aðbúnað á staðnum
sendar af tölvunni í bílana svo
björgunarmennirnir geta kynnt
sér aðstæður á leiðinni. „Tíma-
sparnaður bjargar mannslífum,"
segir Svíinn.
Svíþjóð stendur öðrum Norður-
landaþjóðum framar í tækni-
þróuninni en Norðurlöndin öll
nema Island voru með veglega
sýningarbása á Telecom 83. Jón
Skúlason, póst- og símamálastjóri
Islands, sótti sýninguna ásamt
nokkrum íslenskum yfirverkfræð-
ingum hjá stofnuninni. Jón kvað
mjög gagnlegt að skoða sýningar
sem þessa og hitta þá sem starfa
við fjarskipti erlendis en síðustu
sýningu, sem haldin var 1979, fékk
hann ekki að fara á. Hann sagði að
við íslendingar stæðum mjög
framarlega í fjarskiptabúnaði og
benti t.d. á að Norðmenn hefðu
ákveðið að fá sér stafræna raf-
eindastöð eins og þá sem þegar er
verið að reyna á íslandi. Taka
Norðmenn hana í notkun eftir 2
ár.
Hin nýja stöð, sem er í Ármúla,
mun væntanlega verða tekin í
notkun í febrúar. 1.000 nýir áskrif-
endur munu fyrst verða tengdir
við hana en síðan 2.000 til viðbót-
ar. Þar fá allir 6 tölustafa númer.
Stöðin mun gera fleirum kleift að
tala í einu og opna aðra mögu-
leika. Reikningar frá símanum
verða sundurliðaðir þannig að
hægt verður að sjá hvert var
hringt og hversu lengi var talað.
Nýtfskulegri þjónusta verður
(Myndir ab)
hægt að veita, t.d. þá að láta sím-
ann hringja hjá kunningjanum
sem maður er að fara í heimsókn
til, láta símann vekja sig á tiltekn-
um tíma og veita sér upplýsingar
um fleira en veðrið, t.d. bíóauglýs-
ingar, sjónvarpsdagskrána,
opnunartíma apótekanna o.s.frv.,
o.s.frv. Þetta er allt gert með því
að velja viss númer og ekki þarf að
segja orð við nokkra sálu hinum
megin á línunni.
Það mun taka sinn tíma að allir
símnotendur á Islandi fái þessa
þjónustu, en það eru milli 85.000
og 90.000 númer. Jón sagði að ekki
væri hægt að kasta gömlu tækjun-
um á haugana en öll endurnýjun á
símanum er af nýjustu og full-
komnustu gerð. Leyfi ráðherra
hefur þegar verið veitt til kaupa á
gagnaflutningaskiptistöð. Hún
mun taka við af póstinum og gera
þeim sem eru með skerma kleift
að senda bréf og myndir milli
staða. Jón sagði að þannig myndu
t.d. læknar á Landspftalanum geta
fengið línurit eða aðrar upplýs-
ingar frá Karolínska sjúkrahúsinu
í Svíþjóð á svipstundu.
Flestar tölvur eru enn sem kom-
ið er svo merkilegar með sig að
þær tala ekki við hvaða tölvu sem
er. Tölvufyrirtæki hafa reynt að
fullkomna eigin tölvur og koma
þeim á markað burtséð frá öðrum
tölvum. En næsta stig i þróuninni
verður að samræma tölvurnar
þannig að þær geti allar rabbað
saman, flutt póst hver frá annarri
og sparað fólki tíma og erfiði.
Tæknibyltingin hófst þegar ör-
kubburinn kom til sögunnar. Þess-
ir kubbar búa yfir þúsundum ein-
inga sem hafa tekið við af lömp-
um, spólum og rofum sem fylla t.d.
gömul, stór útvarpstæki. Þróunin
heldur áfram enn, samkeppnin er
hvergi jafn hörð og á þessu sviði
og eins og Jón Skúlason sagði:
„Enginn veit hvar endirinn verð-
ur.“ ab
Hundahald
í Reykjavík?
Almennur fundur um leyfi til hundahalds
og ófremdarástand þeirra mála í Reykjavík,
veröur haldinn aö Hótel Sögu Súlnasal
sunnudaginn 20.11. ’83 kl. 20.00.
Hundaræktarfélap íslands,
Hundavinafélag Islands,
Dýraspítali Watsons,
Dýraverndunarfélag Reykjavíkur,
Samband Dýraverndunarfélaga íslands.