Morgunblaðið - 09.12.1983, Blaðsíða 22
(MICROMAj
'-SWlSS C3UART7— -■ '
er framtíðarúrið þitt |
- því getur þú treyst. |
| Þetta er aðeins hluti |
af úrvalinu.
VISA
EUROCARD
I FÍMNCll MICHELSEN I
ÚRSMÍOAMEISTARI
LAUGAVEGI 39 SIMI 28355
22 MORGUNBLAÐIÐ, FÖSTUDAGUR 9. DESEMBER 1983
Loftfari grandað
med leysigeisla
Bandaríkjamönnum hefur tekist
að skjúta niður ómannað loftfar
með leysigeisla. Atti atburðurinn
sér stað fyrir tveimur mánuðum og
er ekki vitað hvers vegna ekki var
sagt frá honum fyrr. A efri hluta
meðfylgjandi myndar er flugvélin
með leysigeislaUeki eins og ugga
upp úr skrokknum og á neðri hluta
hennar sjónvarpsmynd af ómann-
aða loftfarinu.
í júlí sl. tókst bandaríska
flughernum í fyrsta sinn að
skjóta niður með leysigeislum
flugskeyti, sem skotið er frá
flugvélum og fara með 3200 km
hraða á klst., og 26. sept. sl. var
skotið niður ómannað loftfar,
sem fór með nokkru minna en
hljóðhraða. Áður hafði tekist að
laska fljúgandi hluti með leysi-
geislum en ekki granda þeim.
Miklar rannsóknir fara nú
fram í Bandaríkjunum með
leysigeisla og er að því stefnt að
framleiða leysigeislavopn, sem
geta grandað eldflaugum, t.d.
kjarnorkueldflaugum, sem skot-
ið er á Bandaríkin.
Sviss:
Vildu ekki konu
í ríkisstjórnina
Bern, 8. desember. Frá Onnu
Bjarnndóttur, fréttnritnrn Mbl.
Kvenráðherraefni svissneskra
sósíaldemókrata, Lilian Uchtenhag-
en, féll í ráðherrakosningu í samein-
uðu þingi í Bern í dag. Otto Stich,
flokksbróðir hennar, var kjörinn í
hennar stað. Hann hlaut 124 at-
kvæði en Uchtenhagen 96. Þetta var
í fyrsta sinn í sögu landsins sem
kona var í framboði í ríkisstjórnina
en þingmeirihluti sætti sig ekki við
hana. Svissneskar konur fengu ekki
kosningarétt fyrr en árið 1971 og
voru þá fyrst kosnar á þing.
Svissneska ríkisstjórnin er skip-
uð sjö ráðherrum sem sameinað
þing kýs á fjögurra ára fresti. Þrír
staerstu flokkarnir eiga tvö sæti
hver og fjórði stærsti flokkurinn á
eitt sæti. Ráðherrarnir eru yfir-
leitt endurkjörnir eins oft og þeir
bjóða sig fram. Þegar þeir hætta
eða falla frá verða flokkarnir að
taka tillit til heimakantónu,
tungumáls og trúar við val nýs
ráðherraefnis.
Willi Ritchard, sósíaldemókrati
og f.v. fjármálaráðherra lést í
október. Flokkurinn ákvað að til-
nefna konu í hans stað og Ucht-
enhagen var sú eina sem kom til
greina þar sem aðrar hugsanlegar
konur voru frá Kantónum sem
þegar eiga ráðherra í ríkisstjórn-
inni. Uchtenhagen er ekki sér-
staklega vinsæll stjórnmálamaður
en tími þótti til að fá konu í ríkis-
ERLENT
stjórnina og margir studdu hana
þess vegna. En þingið sætti sig
ekki við hana og kaus Stich, sem
hafði lítinn stuðning innan Sósíal-
demókrataflokksins, í hennar
stað.
Sameinað þing kaus einnig
Jean-Pascal Delamuraz, ráðherra-
efni Frjálslynda flokksins, í ríkis-
stjórnina. Hann kemur í stað
Georges-Andre Chevallaz, varn-
armálaráðherra, sem hefur sagt af
sér vegna aldurs. Ríkisstjórnin
mun skipta með sér ráðherraemb-
ættum seinna í þessum mánuði en
hún tekur formlega til starfa 1.
janúar 1984.
Óbreyttar
rauntekjur
Kaupmannahöfn, 8. desember. Frá Ib Björn-
bak, fréttarilara Morgunblaösins.
ÞAÐ virðist vera hægt að halda
sömu rauntekjum á sama tíma og
launahækkanir eru aðeins takmark-
aðar. Samhliða þessu er hægt að
halda verðbólgunni í lágmarki, eins
og dæmin hafa sannað í Danmörku.
Rauntekjur lækkuðu bæði árin
1981 og 1982 og mönnum hefur
virst sem þær hafi haldið áfram
að lækka. Viðskiptablaðið Börsen
sýnir þó fram á annað í nýút-
komnu eintaki. Samkvæmt mæli-
stiku blaðsins hafa laun iðnverka-
manna haldist óbreytt fyrstu þrjá
fjórðunga þessa árs.
Vísitala launa hefur hækkað um
7,6 af hundraði frá áramótum á
sama tíma og framfærsluvísitala
hefur hækkað um 7,3%. Ef aðeins
er stuðst við hráar staðreyndir
þýðir þetta, að ríkisstjórn Paul
Schluters hefur tekist ætlunar-
verk sitt bærilega.
„IRA er að hefja
gegn pólitískum
Bé lfa-st. 8. desember. AF.
ÞRIÐJI hermaðurinn úr varðliði Ulster-héraðs á Norður-írlandi hefur verið
ákærður fyrir morð á kaþólikka. Varðliðið er að mestu skipað mótmælend-
um. A sama tíma var maður í Belfast
sprengjutilræða, sem IRA stóð að bal
Mál þessi voru tekin fyrir hvort
í sínum dómsalnum í dag, aðeins
degi eftir að morðið á einum þing-
manna N-íra, Edgar Graham, var
framið. Var hann myrtur þar sem
hann var á gangi. IRA lýsti
ábyrgðinni á morðinu á hinum 29
ára gamla Graham á hendur sér.
Graham var talinn líklegur leið-
togi sameiningarflokks mótmæl-
enda.
Að sögn James Molyneaux, leið-
ákærður fyrir að standa að baki röð
í Lundúnum fyrir tveimur árum.
toga sameiningarflokks mótmæl-
enda, virðist flest benda til þess,
að morðið á Graham sé aðeins það
fyrsta á frammámönnum flokks-
ins. „Við megum vænta þess að
okkur verði komið fyrir kattarnef
einum af öðrum," sagði Molyneaux
og var þungorður í garð IRA.
Séra Robert McCrea úr samein-
ingarflokki lýðræðissinna sagði í
ræðu í neðri málstofu breska
þingsins í morgun, að augljóst
morðherferð
andstæðingum“
væri að IRA-menn og afsprengi
hreyfingar þeirra væru nú um það
bil að hefja „morðherferð á póli-
tískum andstæðingum sínurn".
í Marleybone-dómsalnum í
Lundúnum var tekið fyrir mál
Thomas Alphonsus Quigley. Var
hann dæmdur í varðhald í eina
viku vegna gruns um aðild hans að
sprengjutilræðum IRA í Lundún-
um 1981.
í Belfast var Colin Whorton, 33
ára óbreyttur liðsmaður í varðliði
Ulster-héraðs, dæmdur í varðhald
þar til á mánudag, grunaður um
að hafa banað hinum 24 ára gamla
Adrian Carroll fyrir utan heimili
hans í Armagh þann 8. nóvember
sl.
Morðið á Carroll er talið það
fyrsta í röð ódæðisverka, þar sem
hugtakið „auga fyrir auga, tönn
fyrir tönn“ virðist vera í hávegum
haft. Af því er talið mega ráða, að
IRA-menn, sem berjast fyrir því
að Bretar sleppi hendinni af N-ír-
landi svo sameina megi bæði írsku
ríkin, séu ekki á þeim buxunum að
gefa neitt eftir í baráttu sinni.
„Sakharov verndaður fyrir
Vesturlandabúum í Gorki“
Moskvu, 8. desember. AP.
HÁTTSETTUR sovéskur embætt-
ismaður sagði á fréttamannafundi
í Moskvu í gær, að Andrei Sakh-
arov, andófsmaðurinn kunni, væri
í nauðugri útlegð í Gorki í eigin
þágu, „til þess að vernda hann
fyrir Vesturlandabúum sem vilja
hafa upp úr honum ríkisleyndar-
mál,“ eins og hann komst að orði.
Kmbættismaðurinn, Vitoli Ruben,
sagði að Shakarov væri snjall mað-
ur að mörgu leyti, en „sjúkur“.
Sakharov, sem hlaut friðar-
verðlaun Nóbels árið 1975, var
fluttur í útlegð í janúar 1980.
Ruben, sem var talsmaður Sov-
étstjórnarinnar á umræddum
fundi í tilefni af alþjóðlegum
mannréttindadegi, sagði að Sov-
étmenn væru „afar mannúðleg-
ir“ við hina hugsjúku. Sakharov
þyrfti fyrst og fremst frið og ró
og fengi nóg af slíku í Gorki. Þar
gæti hann náð fyrra jafnvægi
sínu, en meðan Vesturlandabúar
létu hann ekki í friði væri engin
von til þess. Það væri því „í þágu
mannúðar" að Sakharov dveldist
þar sem hann er.
Eiginkona Sakharovs, Yelena
Bonner, hefur oft sagt að hún
óttist að eiginmaður sinn verði
dæmdur geðveikur og settur á
geðveikrahæli. Segir hún hann
allt annað en geðveikan og þurfa
á sjúkrahúsvist í Moskvu að
halda vegna hjartameins. Ruben
sagði á fundinum að Sakharov
fengi þá bestu aðhlynningu sem
völ væri á þar sem hann er niður
kominn í Gorki.