Morgunblaðið - 17.02.1984, Blaðsíða 12

12
MORGUNBLAÐIÐ, FÖSTUDAGUR 17. FEBRÚAR 1984
Frá undirritun samningsins: f fremri röð frá vinstri: Sveinn Jónsson, Davíð Oddsson og Kolbeinn Pálsson. í aftari röð:
Björn Friðfinnsson frá Reykjavíkurborg, Guðmundur Pétursson frá KR, Hjörtur Hansson frá KR og Ómar Einarsson
frá /Eskulýðsráði Reykjavíkur.
Rvíkurborg gerir samning við Knattspyrnufélag Reykjavfkur:
KR byggir félagsmiðstöð
Borgin greiöir fyrirfram húsaleigu í 27 ár
UNDIRRITAÐUR var í Reykjavík sl.
mánudag leigu- og samstarfssamning-
ur á milli Knattspyrnufélags Reykja-
víkur og Reykjavíkurborgar, fyrir
hönd Æskulýðsráðs Reykjavfkur, að
því er segir í fréttatilkynningu frá
Æskulýðsráði:
Þá segir í frétt Æskulýðsráðs:
f samningnum er kveðið á um að
KR byggi 867 m2 félagsmiðstöð við
Frostaskjól í Reykjavík og að
Æskulýðsráð Reykjavíkur taki á
leigu 555 m2 af húsnæðinu, sem er
öll efri hæð hússins ásamt inngangi
á neðri hæð.
Reykjavíkurborg greiðir KR
húsaleiguna fyrirfram á árunum
1984—1986, alls 9 millj. kr., og er
leigutími ákveðinn um 27 ár.
Starfsemi sú er rekin verður í
húsnæði því sem samningurinn tek-
ur til miðast við það að um sé að
ræða almenna félagsmiðstöð á veg-
um Æskulýðsráðs Reykjavíkur.
Höfuðáhersla verður lögð á beint
starf með börnum og unglingum og
húsnæðisaðstöðu fyrir hvers konar
félög og samtök á starfssvæði
miðstöðvarinnar.
Samninginn undirrituðu Davíð
Oddsson, borgarstjóri, Sveinn
Jónsson, formaður Knattspyrnufé-
lags Reykjavíkur, og Kolbeinn
Pálsson, formaður Æskulýðsráðs
Reykjavíkur.
Flutningar Akraborgarinnar 1983:
Fleiri farþegar
þrátt fyrir samdrátt
yfir sumartímann
Akranesi, 14. febniar.
FARÞEGAFLUTNINGAR ms. Akraborgar gengu vel á síðasta ári þrátt
fyrir rnikinn samdrátt yfir sumartímann, sem að öllu jöfnu er aðalflutn-
ingatími skipsins. Alls voru farnar 3.004 ferðir og flutti skipið í þeim
249.524 farþega. Þar af 78.739 gangandi farþega og farþegar í bílum
voru 170.785.
Árið 1982 fór skipið 2.970 ferðir
og flutti í þeim 248.737 farþega. Þá
voru gangandi farþegar 75.647 og
farþegar í bílum 173.090. Tölur
þessar eru athyglisverðar vegna
þess, að yfir sumartímann varð
umtalsverður samdráttur í far-
þegaflutningunum eða um rösk
20% milli áranna 1982 og 1983.
Ástæður má eflaust rekja til
slæms tíðarfars síðastliðið sumar,
sem dró úr ferðalögum fólks.
Aðeins samdráttur varð í bif-
reiðaflutningum milli ára. Alls
voru fluttar 68.314 bifreiðir, þar af
7.027 flutningabifreiðir 1983. Árið
1982 var heildarbifreiðaflutning-
urinn 69.236, þar af 5.789 flutn-
ingabifreiðir. Athyglisvert er að
fjöldi flutningabifreiða hefur stór-
aukizt milli ára eða um 21%. Sér-
stök vetrarfargjöld voru tekin upp
í byrjun nóvembermánaðar síð-
astliðins fyrir flutningabifreiðir
og varð mikil aukning í flutningi
þeirra í nóvember og desember
eða um 30%.
Eldri Akraborgin liggur enn
bundin í Akraneshöfn og ekkert
virðist benda til þess, að hún verði
seld á næstunni. Um tíma leit út
fyrir að hún væri seld, en aftur-
kippur kom í það mál. Skipið hef-
ur verið á söluskrá í tæp tvö ár og
að sögn berast Skallagrími hf. af
og til fyrirspurnir um skipið. í lok
þessa mánaðar er gert ráð fyrir að
Akraborg fari í slipp til botn-
hreinsunar og annars viðhalds og
mun þá gamla skipið væntanlega
verða notað í siglingar á meðan.
— J.G.
Reykjavíkurborg:
50 lóðum úthlut-
að frá áramótum
TÆPLEGA 50 byggingarlóðum hef-
ur verið úthlutað af borgaryfirvöld-
um frá áramótum, en einkum eru
lóðir þessar á hinu nýja byggingar-
svæði borgarinnar við Grafarvog,
samkvæmt upplýsingum sem Mbl.
fékk hjá Davíð Oddssyni, borgar-
stjóra.
Nefndi borgarstjóri að á síðasta
fundi borgarráðs hefði 6 lóðum
verið úthlutað og nokkru áður
tæplega 30 lóðum. Kvaðst Davíð
Oddsson borgarstjóri vera hissa á
þessari eftirspurn á þessum tíma
árs, og ekki síst vegna þess að lóð-
ir þessar hefðu ekkert verið aug-
lýstar. Sagði hann að ekki hefði
áður verið svo mikil eftirspurn
eftir lóðum svo snemma árs, og
sýndi það hve mikinn áhuga menn
hefðu á þessu byggingarsvæði.
„Nú eru menn farnir að átta sig
á þessari nýju staðreynd, sem er
hin mikilvæga, að nú ganga menn
inn og fá þær lóðir sem þeir vilja
og geta þess vegna stýrt sínum
áformum," sagði Davíð.
„Þetta er mjög góð þróun og
sýnir það að þeir menn sem voru
með neikvæðar óskir og spádóma í
þessum efnum, hafa ekki haft rétt
fyrir sér, nema síður sé,“ sagði
Davíð Oddsson.
Verðlækkun á sumarferðum
Samvinnuferða-Landsýnar
Helgi Jóhannsson, framkvæmdastjóri Samvinnuferða-Landsýnar (t.v.), og
Gunnar Steinn Pálsson hjá Auglýsingaþjónustunni, sem sér um auglýsingar
fyrir ferðaskrifstofuna. Morpinbiiðió/KEE.
Ýmsar nýjung-
ar í boði fyrir
næsta sumar
SUMARFERÐIR Samvinnuferða-
Landsýnar í ár eru allar á lægra
verði eða óbreyttu frá því sem var
á sl. sumri. Nemur verðlækkunin
allt að 13%, t.d. á Rimini-ferðun-
um, og 11% lækkun er á ferðum til
dvalar í sumarhúsum í Danmörku,
segir í frétt frá ferðaskrifstofunni.
Að'sögn Helga Jóhannssonar,
framkvæmdastjóra, er lækkunin
einkum til komin vegna hagstæðra
samninga erlendis og afnáms
ferðamannaskatts á gjaldeyri, auk
þess sem verði er gagngert haldið
niðri til að koma til móts við fólk á
þessum erfiðu tímum, eins og
Helgi orðaði það. Sagði Helgi að
þessi lækkun markaði tímamót,
því undanfarin þrjú ár hefði
hækkun á milli ára verið í kring-
um 80%.
Helgi sagði að Samvinnuferðir-
Landsýn hefðu fleiri ánægjufrétt-
ir að færa viðskiptavinum sínum:
Áfram yrði boðið upp á ókeypis
innanlandsflug til að tryggja öll-
um landsmönnum sama verð í
helstu hópferðir ferðaskrifstof-
unnar. Þá er aðildarafslátturinn
nú 1600 krónur fyrir hvern félaga,
maka hans og börn á aldrinum
tveggja til tólf ára. Sérstök ferða-
velta býðst öllum farþegum Sam-
vinnuferða-Landsýnar í Sam-
vinnubankanum og Alþýðubank-
anum og loks tryggja SL-kjörin
fast verð á öllum ferðum í réttu
hlutfalli við innborgun fyrir 1.
júní.
í verðlista sem fylgir með
sumarbæklingnum 1984 eru tekin
dæmi um ferðakostnað fjögurra
manna fjölskyldu sem njóta aðild-
arfélagsafsláttar. Kostnaður á
hvern farþega til Rimini er kr.
16.500, til sæluhúsa í Hollandi kr.
12.966, sumarhúsa í Danmörku kr.
11.900 og í „Flug og bíll“ til Kaup-
mannahafnar kr. 9.000. í öllum til-
fellum er þá miðað við 3ja vikna
ferðir í lok júnímánaðar.
Ferðaáætlun fyrir 1984
í nýrri ferðaáætlun Samvinnu-
ferða-Landsýnar fyrir árið 1984
eru kynntar hópferðir til áfanga-
staða í Evrópu og víðar. Áfram
verður efnt til ferða til Rimini,
sumarhúsa í Danmörku, sæluhúsa
í Hollandi, til Grikklands, Júgó-
slavíu, Kanada og fleiri staða. f
boði verða rútuferðir um Evrópu
og orlofsferðir fyrir aldraða, sem
ná jafnt til Júgóslavíu og íslands.
Ein ferð verður farin til Sovétríkj-
anna í haust.
Á meðal helstu nýjunga má
nefna nýjan áfangastað í Hol-
landi, sæluhúsin í Kempervennen.
Þar er um að ræða svipuð hús og
svipaða aðstöðu og boðið var upp á
í Eemhof á sl. sumri, en Kemper-
vennen-svæðið er þó töluvert
stærra og sundlaugin þar er t.d.
talin stærsta yfirbyggða sund-
laugin í Évrópu. Ferðir til Eemhof
eru einnig á dagskránni og nú þeg-
ar eru nokkrar ferðir til sæluhús-
anna í Hollandi uppseldar.
í Júgóslavíu er auk Portoroz
boðið upp á nýjan áfangastað, Du-
brovnik, sem gjarnan er nefndur
perla Adriahafsins og víða um
Evrópu er nú boðið upp á gistingu
í sumaróðulum, m.a. á frönsku
Rivierunni, í Portúgal, á Costa
Brava og víðar.
Þá leggur ferðaskrifstofan
mikla áherslu á þjónustu við þá
sem vilja aka um Evrópu. Þeir
sem kaupa „Flug og bíl“ hjá Sam-
vinnuferðum-Landsýn fá marg-
víslegt veganesti sem ekki hefur
boðist áður, m.a. tvær fullkomnar
vegahandbækur með gagnlegum
upplýsingum um akstursleiðir,
gististaði o.fl.
Upplýsingar um sumarferðir
Samvinnuferða-Landsýnar er að
finna í nýútkomnum 40 síðna
bæklingi, sem fæst afhentur á
skrifstofunni í Reykjavík og hjá
umboðsmönnum úti á landi. Með
bæklingnum er dreift sérstöku
ferðahappdrættisdagatali. Daga-
tölin eru númeruð og einu sinni í
hverjum ársfjórðungi er dregið
um vinningshafa. í vinninga eru
ferðir fyrir alla fjölskylduna til
Rimini, sæluhúsa í Hollandi, í
„Flug og bíl“ frá Kaupmannahöfn
og helgarferð fyrir tvo til Amst-
erdam.
Auk þess geta menn fengið að
láni á skrifstofunni í Reykjavík
22ja mínútna langa kynningar-
kvikmynd á myndbandi til skoð-
unar í heimahúsum.