Morgunblaðið - 17.02.1984, Blaðsíða 19
MORGUNBLAÐIÐ, FÖSTUDAGUR 17. FEBRÚAR 1984
19
Beatrix Hollandsdrottning:
Lýsir andúð á
neitunarvaldi
EBE-ríkjanna
Strisnborjj, 16. febrúar. AP.
BEATRIX Hollandsdrottning ávarp-
aði í dag Evrópuþingið í Strassborg
og hvatti aðildarríki EBE til þess að
afsala sér neitunarvaldi sínu í ráð-
herranefnd bandalagsins.
Hollandsdrottning sagði að
ákvæði um neitunarvald sam-
ræmdust ekki hugmyndum um
lýðræði og stönguðust á við þær
grundvallarreglur sem aðildarrík-
in færu eftir á heimavelli.
Drottningin lýsti stuðningi við
kröfur Evrópuþingsins um lög-
gjafarvald í málefnum EBE og
sagði að um þessar mundir væri
ábyrgð þingsins meiri en völd
þess, og krafan um breytingu væri
réttlát.
Helmut Kohl, kanslari Vestur-
Þýskalands, flutti einnig ávarp á
þinginu og lagði þar áherslu á
hugmyndir um sameiningu Evr-
ópu.
Holland:
Claus prins
heill heilsu
iiuf(, 16. febrúar. AP.
CLAUS prins, eiginmaður Beatrix
Hollandsdrottningar, er nú aftur far
inn að gegna sínum opinberu skyld
um en síðustu 17 mánuði hefur hanr
verið undir læknishendi vegnt
þunglyndis.
Claus prins var með konu sinni,
drottningunni, þegar Mitterrand
Frakklandsforseti, heimsótti þau
fyrr í mánuðinum og í gær,
fimmtudag, fóru þau Beatrix sam-
an á Evrópuþingið í Strasbourg.
Claus er þýskur að þjóðerni en
hefur orðið mjög ástsæll hol-
lensku þjóðinni. Hann var fyrst
lagður á sjúkrahús árið 1982
vegna þungiyndis, sem ásótti
hann, og hafa síðan gengið sögur
um að alltaf syrti í álinn fyrir
honum. Þær hafa greinilega verið
orðum auknar.
“i
N
' HT'* * i
***% ý jtaSpttpÍ • x. s.
• * « * M « * .
•» * 1 * s<
'v§*■*
Hermenn á flótta
Líbanskir flóttamenn aka yfir brú á Awali-ánni inn á yfirráðasvæði ísraela í suðurhluta Líbanon. í
röðum flóttamannanna, sem eru að flýja átökin í Beirút, er hópur stjórnarhermanna, sem beðið hafa
lægri hlut í átökum við drúsa og shíta á höfuðborgarsvæðinu. AP/ símamynd
E1 Salvador:
Aðgerðir gegn
dauðasveitunum
Claus prins, og Beatrix Hollands
drottning.
San Salvador, 16. febrúar. AP.
STARFSMENN handarísku alríkis-
lögreglunnar, FBI, og háttsettir for-
ingjar í her El Salvador hafa átt með
sér fundi og rætt skipun sérstakrar
nefndar til að rannsaka dauðasveit-
irnar svokölluðu. Voru þessar fréttir
hafðar eftir háttsettum manni í
hernum.
Á þessum fundum var einnig
rætt um að Bandaríkjamenn að-
stoðuðu stjórnvöld í E1 Salvador
við að hafa uppi á og handtaka þá
menn, sem bera ábyrgð á morðun-
um. Á vegum hersins hefur þegar
verið skipuð nefnd 12 manna í
þessu sama skyni enda hótaði
George Bush, varaforseti Banda-
ríkjanna, því 9. desember sl. að
stórlega yrði dregið úr hernaðar-
aðstoðinni ef dauðasveitirnar yrðu
ekki upprættar.
Bandaríkjamenn hafa einnig
birt Iista með nöfnum foringja í
stjórnarhernum, sem grunaðir eru
um að vera viðriðnir dauðasveit-
irnar, og hafa krafist þess, að þeir
verði gerðir landrækir.
Morðið á Leamon Hunt:
Rauðu herdeild-
irnar að verki
Róm, 16. febrúar. AP.
MORÐIÐ á yfirmanni alþjóðlega
gæsluliðsins á Sinai-skaga, Banda-
ríkjamanninum Leamon Hunt, þykir
sýna svo ekki verði um villst, að
Rauðu herdeildirnar eru aftur tekn-
ar til við hryðjuverkin að því er haft
er eftir heimildum innan ítölsku
lögreglunnar.
Leamon Hunt var skotinn til
bana þegar hann kom til heimilis
síns í Róm og komust morðingj-
arnir undan. Hálftíma síðar
hringdi maður til útvarpsstöðvar í
Mílanó og hafði eftirfarandi fram
að færa: „Flokkur stríðandi
kommúnista myrti Hunt hers-
höfðingja, opinberan eftirlits-
mann með Camp David-samkomu-
laginu. Heimsvaldasinnarnir
verða að fara frá Líbanon. ítalir
verða að ganga úr NATO og eng-
um eldflaugum má koma fyrir í
Comiso." Flokkur „stríðandi
kommúnista" er ein deild innan
Rauðu herdeildanna.
Með morðinu á Hunt hafa
Rauðu herdeildirnar í fyrsta sinn
látið til sín taka síðan liðsmenn
þeirra rændu bandaríska hers-
höfðingjanum James L. Dozier ár-
ið 1981. Honum var bjargað úr
höndum þeirra eftir 42 daga.
Jo Benkow.
Erling Norvik.
Óskarsverðlaunin veitt 9. apríl:
Shirley Maclaine og
Debra Winger „heitast-
ar“ fyrir kvenhlutverk
Beverly-Hills, Kaliforníu, 16. febrúar. AP.
KVIKMYNDIN Terms of Kndvar
ment, með Shirley Maclaine í hlut-
verki móður og Debra Winger í
hlutverki dóttur, mun væntanlega
verða efst á blaði þegar greint
verður frá tilnefningum til Óskars-
verðlauna á fimmtudag í næstu
viku.
Talið er öruggt að þær stöllur,
Maclaine og Winger, verði í hópi
þeirra sem tilnefndar verða fyrir
bestan leik kvenna, og sennilegt
að Jack Nicholson verði tilnefnd-
ur fyrir bestan leik karla, en
hann leikur aldurhniginn geim-
fara í myndinni.
James L. Brooks, sem samdi
handrit myndarinnar, verður
líklega í hópi þeirra sem til-
nefndir verða fyrir besta kvik-
myndahandritið, en hann er áð-
ur kunnur fyrir mörg góð sjón-
varpshandrit.
Aðrar myndir sem verða án
vafa ofarlega á blaði eru The Big
Chill, The Right Stuff, The
Dresser og Educating Rita.
Margir fylgjast spenntir með því
Shirley
Maclaine
Debra
Winger
hvort kvikmynd Barbra Streis-
and, Yentl, verði tilnefnd til
verðlauna, en skoðanir gagnrýn-
enda á henni hafa verið mjög
skiptar, sumir lofa hana hástöf-
um, aðrir rífa hana í sig.
Óskarsverðlaunin verða veitt
9. apríl nk. í hijómleikahöllinni í
Los Angeles og það verður hinn
kunni bandaríski sjónvarpsmað-
ur Johnny Carson sem stjórnar
athöfninni.
Norski Hægriflokkurinn:
Jo Benkow ákveður að
hætta formennskunni
Erling Norvik, fyrrum formaður, tekur við
Ósló, 16. rebrúar. Frá Per A. Borglund,
fréltaritara Mbl.
JO BENKOW, formaöur Hægriflokks-
ins norska, hefur nú lýst yfir, aö hann
ætli ekki aö sækjast eftir embætinu í
annaö sinn. Erling Norvik, fyrrum
formaöur flokksins og núverandi ráðu-
neytisstjóri í forsætisráðuneytinu,
mun taka viö formennskunni að lokn-
um landsfundi Hægriflokksins í ágúst
nk. Benkow kveöst styöja hann heils-
hugar í starfið.
Jo Benkow ákvað í nóvember sl.
að gefa aftur kost á sér sem formað-
ur Hægriflokksins en margir
flokksmanna eru hins vegar
óánægðir með frammistöðu hans í
embættinu. Fylgistapið í sveitar-
stjórnarkosningunum í fyrra varð
heldur ekki til að auka vinsældir
hans og horfðu þess vegna margir
löngunaraugum til fyrrverandi
formanns, Erlings Norvik, en undir
hans formennsku hafði flokknum
vaxið mjög ásmegin og aukið fylgi
sitt úr 25% i 30%.
Erling Norvik segist gera sér
grein fyrir því, að miklar vonir séu
bundnar við formennsku hans en
vísar því hins vegar á bug, að Benk-
ow sé syndaselurinn stóri í flokkn-
um. „Ef við hefðum tvo Benkowa
væru formannsskiptin óþörf. Það er
ekki á eins manns færi að gegna
samtímis tveimur annasömum emb-
ættum," segir Norvik og vísar þá til
þess, að Benkow er einnig formaður
þingflokksins.
Ákvörðun Benkows kom flestum
samherjum hans í þingflokknum á
óvart og er nokkur urgur í sumum
þeirra, sem finnst, að ekki hafi verið
komiö fram við hann af fullri
sanngirni. Formenn hinna flokk-
anna tveggja, sem aðild eiga að
stjórninni, telja það litlu breyta
fyrir stjórnarsamstarfið þótt for-
mannsskipti verði í Hægriflokkn-
um, en segja þó, að Norvik sé lík-
legri til þess en Benkow að standa
vörð um stefnumál Hægriflokksins.