Morgunblaðið - 30.03.1984, Blaðsíða 8
8
MORGUNBLAÐIÐ, FÖSTUDAGUR 30. MARZ 1984
Vírnet til varnar köttum *
Ef kettir sækja í íbúðir um glugga:
Setjið net fyrir
gluggana
Vojjum, 26. mars.
FRA því var greint í Morgunblaö-
inu sl. sunnudag að kettir hefðu
valdiö fólki ónæöi í Vogum. Sama
dag hitti fréttaritari að máli Vil-
hjálm Þorbergsson sem átti við
þann vanda að stríða fyrir nokkr-
um árum að kettir sóttu inn í íbúð
hans, gegnum opna glugga. Kvaðst
hann hafa fundiö ráð sem hefði
dugað sér vel í þeirri baráttu, og
vildi góðfúslega greina lesendum
Mbl. frá því.
Var lausnin falin í því að setja
vírnet fyrir alla opnanlega
glugga. Afar einfalt sagði hann.
Netið fæst eflaust víða, hann
hefði keypt það hjá Mjólkurfé-
lagi Reykjavíkur. Síðan klippti
hann netið niður þannig að það
passaði fyrir viðkomandi glugga
og heftaði síðan í falsið. Sagðist
Vilhjálmur alveg laus við að
kettir kæmust inn hjá sér síðan.
E.G.
Læknafélag íslands og Læknafélag Reykjavíkur:
Alrangt að samið hafi verið um
stórhækkanir til lækna
MORGUNBLAÐINU barst eftirfar-
andi tilkynning frá Læknafélagi ís-
lands og Læknafélagi Reykjavíkur í
gær.
„Að undanförnu hafa staðið yfir
samningaviðræður milli Læknafé-
lags Reykjavíkur og Trygginga-
stofnunar ríkisins um kjarasamn-
ing sérfræðinga á eigin stofum og
milli Læknafélags íslands og
Læknafélags Reykjavíkur annars
vegar og' Tryggingastofnunar
ríkisins hins vegar um kjarasamn-
ing heimilislækna.
Samningaviðræðum sérfræðinga
er lokið með undirskrift samn-
inganefndar lækna með fyrirvara
um samþykki sérfræðinga. Var
samningurinn kynntur á félags-
fundi 27. þ.m. og verður til endan-
legrar afgreiðslu á fundi í dag, 29.
marz.
í frétt Þjóðviljans í dag er full-
yrt, að í samningnum sé samið um
stórhækkanir á greiðslum sjúkl-
inga til sérfræðinga. Þetta er al-
rangt, því að gjöld þau, sem sjúkl-
ingar greiða á stofum lækna, eru
ekki samningsatriði, heldur fara
þau skv. reglugerð, sem ráðherra
setur. í samningi sérfræðinga er
hins vegar samið um, hvaða
greiðslu lækni ber fyrir hvert ein-
stakt viðtal eða verk. Reglugerðin
segir síðan til um, hve stóran
hluta af þvi gjaldi sjúklingi ber að
greiða. Hækkun á greiðslu sjúkl-
ings hefur því alls ekki í för með
sér tekjuauka til læknis, sem fær
eins og áður segir samanlagt frá
sjúklingi og tryggingum umsamið
gjald fyrir hvert viðtal eða verk.
í umsömdum samningi er ein-
ungis gert ráð fyrir launahækkun
til lækna, sem nemur 4,5% eins og
BHM samdi um nýverið.
Samningaviðræðum heimilis-
lækna er ekki lokið. Þar hefur
einnig verið gengið út frá því, að
launahækkun yrði 4,5%. Vegna
fyrirhugaðrar niðurfellingar
númeragjalda verður hins vegar
um tilfærslur á tekjum að ræða
milli lækna, þannig að sumir
kunna að lækka eitthvað, en aðrir
hækka, þó þannig að samanlagt
verði um 4,5% launahækkun að
ræða. Uppkast að samningnum
hefur verið kynnt heimilislækn-
um. Undirtektir voru hins vegar
þannig, að alls óvíst er, hvort
samningurinn verður samþykktur
eða haldið áfram með númera-
læknakerfið.
Læknafélag íslands og Lækna-
félag Reykjavíkur lýsa undrun
sinni á fréttaflutningi eins og
hann birtist í framangreindri for-
síðufrétt Þjóðviljans og vænta
þess, að í framtíðinni verði leitað
traustari heimilda en gert var í
þetta sinn.
Reykjavík, 29. marz 1984,
f.h. Læknafélags Reykjavíkur
og Læknafélags fslands.
Páll Þórðarson
framkv.stj.“
Framkvæmdir við Kvíslaveitu:
Unnið við fjórar
stíflur í sumar
FJÓRÐI áfangi við Kvíslaveitu verð-
ur að hluta til unninn í sumar. Verða
Eyvindarkvísl og Hreysiskvísl stífl-
aðar og um 6 km langur skurður
grafinn til þess að veita vatninu úr
þessum kvíslum í Kvíslavatn. Síðari
hluti verksins verður unninn sumar-
ið 1985.
Framkvæmdir við Kvíslaveitu
hófust haustið 1980 og er áætlað
að þeim ljúki haustið 1986. Fram-
kvæmdaáætiuninni var skipt í
fimm áfanga og eru verkin, sem
unnin verða í sumar, liður í fjórða
áfanga.
Þriðji áfangi Kvíslaveitu hófst
sumarið 1982 og er ekki enn lokið.
Felst hann i því að stífla Svartá,
Þúfuverskvísl og Eyvindarkvísl
syðri. Svartá hefur þegar verið
stífluð, en stíflurnar við kvíslarn-
ar báðar verða byggðar á þessu
ári. Að því loknu mun vatn ofan
við stíflurnar safnast í lón, sem
verður um 24 km* að flatarmáli og
hefur verið nefnt Kvíslavatn.
Aðalfundur Verktaka-
sambands íslands
AÐALFUNDUR Verktakasambands
íslands veröur haldinn í Kristalsal
Hótels Loftleiða í dag, lostudaginn
30. mars og hefst kl 10:45.
Fundur verður settur kl. 11:00.
Þá flytur Ólafur Þorsteinsson,
formaður, setningarræðu.
Pálmi Kristinsson, verkfræð-
ingur, flytur kl. 11:20 erindi um
stöðu verktakaiðnaðar, framtíð-
arhorfur og hvort útflutningur
verktakaiðnaðar sé raunhæfur.
Kl. 12:00 verður snæddur hádeg-
isverður, en eftir hádegi flytur
framkvæmdastjóri skýrslu stjórn-
ar og síðan fara fram almenn
fundarstörf.
Lava Loppet um aðra helgi:
Skíðagangan kjörin að-
ferð til landkynningar
— segir Knútur Óskarsson, framkvæmdastjóri innanlandsdeildar Úrvals
Gönguleiðir.
ALÞJÓÐLEGA skíðagangan
„Lava Loppet“ verður í annað sinn
hér á landi hinn 7. apríl næstkom-
andi, en gengið verður í Bláfjöll-
um. Þegar Lava Loppet var fyrst
haldið í fyrra voru þátttakendur
um 200 þar af um 70 útlendingar.
Þátttakendur geta valið um þrjár
gönguleiðir, 42 kílómetra, 21 og
10. Þriggja manna sveitakeppni fer
einnig fram á 10 kflómetra vega-
lengdinni. Að Lava Loppet standa
Ferðaskrifstofan Úrval, Flugleiðir
hf, Reykjavíkurborg og Skíðasam-
band Islands. Þegar hafa 90 til 100
erlendir þátttakendur skráð sig og
vonast er til að íslenzkir keppend-
ur verði 150 til 200.
Knútur Óskarsson, fram-
kvæmdastjóri innanlandsdeildar
Úrvals, sagði í samtali við Morg-
unblaðið, að markmiðið með því
að halda hér alþjóðlega skíða-
göngu væri meðal annars að fá
erlenda þátttakendur til lands-
ins á þeim tíma, sem ferða-
mannastraumurinn væri
minnstur. Gefa þeim ástæðu til
að koma til landsins, en það
hefði í för með sér lágmark gist-
ingu í þrjár nætur, ferðir til og
frá landinu og gjaldeyristekjur
af ýmsu tagi. Þetta væri þáttur í
J FLUOLEIDm^m URVALT^Uþ
Merki göngunnar.
almennri landkynningu og bezta
auglýsingin væri ánægður ferða-
langur, sem smitaði út frá sér
meðal vinna og kunningja í
heimalandinu. Tækist vel til
vekti þetta löngun ferðamanna
til að koma aftur og slíkt yndi
síðan upp á sig með auknum
ferðamannastraumi til landsins.
Þá væri markmiðið ennfremur
og jafnvel ekki síður að styrkja
skíðaíþróttina á landinu og hafa
áhrif á aukningu útivistar lands-
manna.
Knútur sagði, að upphaf þessa
mætti rekja nokkuð aftur í tím-
ann, þó ekki hefði orðið af fram-
kvæmdum fyrr en í fyrra, en
ferðaskrifstofan Úrval væri
frumkvöðull á þessu sviði.
Hugmyndin hefði kviknað í
vangaveltum hans og Gunnars
Jóhannssonar, starfsmanns
Flugleiða í Frankfurt er hann
hefði starfað hjá Ferðamálaráði
íslands. Eftir að hann hefði síð-
an hafið störf hjá Úrvali, hefði
Gunnar hvatt hann til frekari
dáða. Hann hefði því haft sam-
band við Skíðasambandið og
Flugleiðir og árangurinn hefði
verið fyrsta Lava Loppet á síð-
astliðnu ári. Það hefði tekizt vel
þrátt fyrir að veðurguðirnir
hefðu ekki verið samvinnuþýðir.
Alls hefðu þátttakendur verið
um 270, en erlendir gestir og
þátttakendur 90 alls.
Sér hefði síðan fundizt eðlilegt
framhald þessa að gangast fyrir
Reykjavíkur-maraþoni í ágúst
næstkomandi í svipuðum til-
gangi og skíðagöngunni. Hann
hefði orðið vitni að svokölluðu
friðar-maraþoni í Gautaborg
fyrir tveimur árum og hefði það
vakið áhuga hans. Það sama
mætti segja um báða þessa
þætti, að hópkeppni skipti þátt-
takendur mestu máli, en út-
lenzkir keppendur kæmu gjarn-
an til að „safna“ löndum.
„Ég er ekki í vafa um að Lava
Loppet sem slíkt, ef vel tekst til,
er einhver bezti vettvangur til
kynningar á möguleikum ís-
lands, sem athyglisverðu landi
fyrir erlenda ferðamenn, sem
kjósa að eyða fríi sínu við úti-
veru og skíðaiðkanir á vetrum,
en markmið landkynningar hér
hefur í orði verið að auka ferða-
mannastrauminn hingað á
„dauða tímanum". Meðal annars
þess vegna höfum við sett okkur
í samband við Ferðamálaráð og
óskað eftir aðstoð þess við að
taka keppnina upp á filmu eða
myndband, sem mætti nota til
enn frekari landkynningar. Það
er ljóst, að við getum ekki keppt
við brekkur Alpafjallanna og
þess vegna eigum við að halda
okkur við skíðagönguna og úti-
vist sem henni tengist, þegar við
erum að kynna ferðamöguleika
hér á vetrum," sagði Knútur
Óskarsson.