Morgunblaðið - 30.03.1984, Blaðsíða 10

10
MORGUNBLAÐIÐ, FÖSTUDAGUR 30. MARZ 1984
Afmælismót Bridgefélags Akureyrar:
Hörður Blöndal
og Jón Baldurs-
son sigurvegarar
Akureyri, 27. inarH.
VEL heppnuðu og skemmtilegu afmælismóti Bridgefélags Akureyrar lauk á
sunnudaginn var með sigri Jóns Baldurssonar og Harðar Blöndal frá Reykja-
vík. Mótið tókst í alla sUði vel og voru keppendur allir ánægðir með
framkvæmd og fyrirkomulag mótsins.
Á föstudag hófst mótið sem var
með tvímenningsfyrirkomulagi
með þátttöku 56 para, þar af var
21 par utan af landi en 35 frá Ak-
ureyri. Á föstudag og laugardag
var forkeppni en síðan spiluðu 20
efstu pörin til úrslita á sunnudag.
Páll Jónsson og Þórarinn B.
Jónsson frá Akureyri höfðu for-
ystu lengst af á sunnudaginn eða
allt fram að 15. umferð, þegar Jón
og Hörður skutust upp fyrir þá og
héldu forystunni síðan til loka. I
siðustu umferðum skutust svo
bræðurnir Bogi og Anton Sigur-
björnssynir frá Siglufirði upp
fyrir Pál og Þórarinn og litlu
munaði að Magnús Aðalbjörnsson
og Gunnlaugur Guðmundsson frá
Akureyri nældu sér í þriðja sætið,
því aðeins eitt stig vantaði þá til
þess. Fyrstu verðlaun voru 15 þús.
kr., önnur verðlaun 12 þús. og
þriðju verðlaun 8 þús. kr., fjórðu
verðlaun voru helgarferð til
Reykjavíkur fyrir tvo, fimmtu
verðlaun svefnpokar og sjöttu
verðlaun myndataka hjá Norður-
mynd hf.
Keppnisstjórar voru þeir Guð-
mundur Kr. Sigurðsson frá
Reykjavík og Albert Sigurðsson
frá Akureyri, en Albert hefur ver-
ið keppnisstjóri Bridgefélags Ak-
ureyrar yfir 20 ár. Reiknimeistari
var Margrét Þórðardóttir. For-
maður Bridgefélags Akureyrar,
sem verður 40 ára 5. júní nk., er
Frímann Frímannsson.
Röð níu efstu para á þessu af-
mælismóti var sem hér segir:
stig
1. Jón Baldursson —
Hörður Blöndal, Rvík 76
2. Bogi Sigurbjörnsson —
Anton Sigurbjörnss., Sigluf. 59
3. Páll Jónsson —
Þórarinn B. Jónsson, Akureyri 42
4. Magnús Aðalbjörnsson —
Gunnlaugur Guðm.son, Ak.eyri 41
5. Ármann Helgason —
Jóhann Helgason, Akureyri 40
6. Valgarð Blöndal —
Ragnar Magnússon, Rvík 26
7. Páll Pálsson —
Frímann Frímannss., Akureyri 25
8. Valur Sigurðsson —
Símon Símonarson, Rvík 17
9. Alfreð Pálsson —
Júlíus Thorarensen, Akureyri 4
Meðalárangur var 0 stig.
GBerg
Borgarfjörður:
Kvartað yfir horuðum
hrossum á eyðibýli
Borgarnesi, 27. marH.
„ÞAÐ ER hægt ad finna svona dæmi víða — miklu verri, þar sem hestamenn
í Reykjavík eru með hesta sína á eyðibýlum eftirlitslítið. Þetta tilfelli er
ekkert hormál, hrossin eru með fullum kröftum," sagði Bjarni Arason
ráðunautur hjá Búnaðarsambandi Borgarfjarðar er hann var spurður um
ástandið á hrossum á eyðibýli einu í héraðinu þar sem kvartað hefur verið við
sýslumann að hross væru farin að horast.
Rúnar Guðjónsson sýslumaður,
sagði að ekki hefði borist formleg
kæra en sagði að hringt hefði ver-
ið og kvartað yfir þessu. Hann
hefði í framhaldi af því fengið
héraðsdýralækninn og búnaðar-
ráðunaut til að fara á bæinn til að
skoða hrossin ásamt forðagæslu-
manni og gæti hann ekki gefið
frekari upplýsingar um málið fyrr
en skýrsla frá þeim hefði borist
sér, sem von væri á einhvern
næstu daga. Bjarni Arason ráðu-
nautur sagði aðspurður að þarna
hefðu verið 16 hross. Þar af hefðu
4 tryppi verið orðin nokkuð þunn
og ekki litið nógu vel út. Sagði
hann að eitthvað hey hefði verið
til, þó bæði litið og lélegt væri,
þannig að tryppin hefðu verið af-
étin af hinum hrossunum. Sagði
hann að jarðareiganda hefði verið
gert viðvart og hann beðinn um að
taka tryppin í hús annars staðar
og þar með vonast til að málið
væri leyst. Eins og áður segir vildi
Bjarni ekki gera mikið úr þessu
máli, sagði að ástandið væri víða
mun verra.
— HBj.
17.000 lesta skip lest-
aði á Grundartanga
Stærsta skip, sem þar hefur lagzt að
bryggju; 44,5 metrum lengra en bryggjan
STÆRSTA skip, sem lagzt hefur að bryggju við Grundartanga, griska skipið
Faethon, lestaði þar dagana 26. til 28. marz. Skipið er byggt 1971 og er 164,5
metrar að lengd, 21,4 að breidd, djúprista er 9,66 metrar og burðargeta
17.070 lestir. Bryggjan á Grundartanga er 120 metrar að lengd. Stærsta skip,
sem þar hefur komið áður, er japanskt og 13.000 lestir að burðargetu.
Skipið lestaði áður járnblendi í
Thamshavn í Noregi, samtals
6.800 lestir og bætti á sig 5.500
lestum á Grundartanga. Faethon
gat ekki lestað nema 6.800 lestir í
Noregi því djúprista þess er of
mikil fyrir höfnina á Grundar-
tanga, en þar er dýpi um 7,5 metr-
ar á meðalfjöru. Því hélt það frá
Grundartanga aftur til Noregs,
þar sem það mun lesta 2.000 lestir
til viðbótar í Holla við Þránd-
heimsfjörð. Farm skipsins á siðan
að losa í Kawasaki, Kobe og Miz-
ushima í Japan og er áætlaður
siglingartími þangað 36 til 38 dag-
ar. Dráttarbáturinn Magni frá
Reykjavíkurhöfn aðstoðaði skipið
við komu og brottför á Grundar-
tanga. Skipafélagið Nesskip hf. er
umboðsaðili skipsins hér á landi.
Þetta er teikning af verðlaunahúsi þeirra Jóhanns Þórðarsonar og Ragnars Jóns Gunnarssonar. Ekki er hægt að
segja aö það líti út eins og almennt hefur verið ríkjandi meðal einingahúsa.
Verðlaun í samkeppni
um einingahúsahönnun
Verðlaunahaf-
arnir hlutu veg-
lega viðurkenningu
„HÖFUNDAR þessarar tillögu
hafa greinilega góðan skilning á
einingahúsaframleiðslu og virðast
öll tæknileg vandamál vel af hendi
leyst.“ Þetta er álit dómnefndar
um teikningu sem hlaut fyrstu
verðlaun í samkeppni um hönnun
einingahúsa, sem Nýhús hf. stóð
fyrir. Jóhannes Þórðarson og
Ragnar Jón Gunnarsson hlutu að-
alverðlaunin í samkeppninni, en
fyrirtækinu Nýhúsum hf. bárust 22
tillögur, en fjórar taldi dómnefnd
ekki uppfylla lágmarkskröfur.
Aðspurður um ástæður fyrir
þessari samkeppni sagði Lárus
Blöndal, framkvæmdastjóri Ný-
húsa hf., einkum vera tvær.
Annars vegar að fá tillögur um
hús með staðlaðar einingar sem
henta vel til fjöldaframleiðslu
án þess að það bitni á útliti hús-
anna. Hins vegar að finna hent-
ugustu lausnina á að geyma ein-
ingarnar á lager.
Sala einingahúsa hefur verið
mikil, og hafa Nýhús hf. ekki
annað eftirspurn. Lárus kvað
sölu einingahúsa vera mesta á
vorin og sumrin en framleiðslan
færi hins vegar að mestu leyti
fram á haustin og veturna. Með
framleiðslu nýrra gerða húsa
sagði Lárus að þessar árstíða-
bundnu sveiflur myndu minnka
til muna, því geymslutæknin
mun breytast með tilkomu nýju
húsanna.
Frá vinstri Dennis Jóhannesson arkitekt (3. verðlaun), Alena Anderlova
og Sverrir Norðfjörð (2. verðlaun), Jóhannes Þórðarson og Ragnar Jón
Gunnarsson (1. verðlaun).
Hönnuðir einingahúsanna
urðu að hafa nokkur atriði í
huga sem sett voru fram í
keppnislýsingunni. T.d. urðu
grunneiningar að vera sem fæst-
ar því stórar einingar eru hag-
kvæmari en litlar í uppsetningu
og framleiðslu.
Þeir félagar, Ragnar Jón
Gunnarsson og Jóhannes Þórð-
arson, voru að vonum ánægðir
með verðlaunin. Blaðamaður
spurði þá hvað þeir hefðu haft í
huga við hönnun einingahússins.
Þeir sögðust hafa reynt að hafa
fjölbreytileika hússins í fyrir-
rúmi svo kaupendur húsanna
gætu valið á milli ýmissa kerfa.
Þá sögðu þeir, að verðlaunahúsið
væri hannað þannig, að því væri
skipt í tvo hluta, þ.e. svefnhluta
og íveruhluta. Svefnhlutinn er
afmarkaður hluti svo fólk geti
verið þar út af fyrir sig. Hins
vegar er íveruhlutinn mjög
bjartur og haft er í huga að þar
muni fólk dveljast mestan hluta
dagsins. Þeir sögðu að helsti höf-
uðverkur þeirra hefði verið
hvernig sameina ætti tækniiegar
einingar og arkitektúr.