Morgunblaðið - 14.06.1984, Blaðsíða 16

16
MORGUNBLAÐIÐ, FIMMTUDAGUR 14. JÚNl 1984
„FYRIRHEITNA LANDIÐ
ER í AUGSÝN“
Fyrsta predikun undir hvelfingum Hallgrímskirkju
Prédikun flutt í guðsþjónustu í ófullgerðu kirkjuskipi Hallgrímskirkju á
hvítasunnudag af sóknarprestinum, sr. Kagnari Fjalari Lárussyni.
Biðjum öll saman og upphátt:
Vertu Guð faðir, faðir minn
í frelsarans Jesú nafni,
hönd þín leiði mig út og inn
svo allri synd ég hafni.
í fimmtu Mósebók standa þessi
orð: Á fertugasta ári birti Móse
ísraelsmönnum allt það, sem
Drottinn hafði boðið honum ...
og síðar í sama riti: Þann sama
dag talaði Drottinn við Móse og
sagði: Far þú upp á Nebófjall og
lít yfir Kaanans land, sem ég gef
ísraelsmönnum til eignar ... og
handan yfir skalt þú fá að líta
landið ... Amen.
Gleðilega hvftasunnuhátíð.
Mér hefir oft fundist vera líking
með smíði Hallgrímskirkju og för
Móse um eyðimörkina, er hann
fór fyrir ísraelslýð til fyrirheitna
landsins.
Öllum er okkur sú saga í stór-
um dráttum kunn. Margar hættur
og mótlæti mætti á þeirri för,
óvinir sóttu að, sundrung var
meðal lýðsins, en leiðtoginn lét
aldrei villa sér sýn, hann hélt
ótrauður áfram, því að hann gekk
í nafni Drottins, og talaði við
hann eins og maður talar við
mann.
Á fertugasta ári birti Móse
Israelsmönnum allt það sem
drottinn hafði boðið honum ...
þá var ferðinni miklu að ljúka og
fyrirheitna landið blasti brátt við.
Á fertugasta ári frá því, að
fyrsta skóflustunga var tekin að
þessu mikla húsi, ávarpa ég ykkur
í háreistum en hálfreistum
kirkjusal. Fjörutíu ár er langur
tími af mannsævinni, þó að þau
séu það ekki í sögu heillar þjóðar.
Og á þessum fjörutíu árum hefir
ieiðin oft verið erfið: mótblástur
og andbyr af ýmsum toga, skortur
á fjármagni, illleysanleg vanda-
mál í stórbyggingu, sem enga á
sér iíka á voru landi íslandi. En
alltaf hefir þó verkinu miðað, allt-
af verið stigin spor fram á við,
alltaf einhverjir sigrar unnir. Og
hér við hlið mér eru frumherjarn-
ir, dr. Sigurbjórn Einarsson bisk-
up og dr. Jakob Jónsson, fyrstu
sóknarprestar Hallgrímssafnað-
ar, sem hafa eins og Móse og Aron
leitt lýðinn og yfirstigið hverja
hindrun með Guðs hjálp og góðra
manna. Þeir hafa eflaust margs
að minnast frá löngu liðnum dög-
um, bæði vonbrigða og sigra og
báðir eru þeir miklir baráttu-
menn fyrir framgangi þessa máls.
Þetta er mikil kirkja og fögur.
Hugmyndin að henni er komin
beint út úr fslenskri náttúru:
hraundrangar, stuðlaberg og jöki-
ar spelgast í henni. Þar gefur að
líta landið okkar tignarlegt og
ægifagurt i leiftursýn. Faðmur
hennar breiðir sig á móti öllum,
sem að henni ganga, og turn
hennar er sem hendur lagðar
saman til bænagjörðar, með fing-
urna upp til hæða. Og efst upp á
turni hennar gnæfir hinn hvíti
kross, sem er tákn hans, Drottins
vors og frelsara, Jesú Krists.
Þessi kirkja er reist til minn-
ingar um mesta skáldjöfur þjóð-
arinnar, sem kvað sig svo inn í
hjörtu landsins barna, að enn eru
sálmar hans bænavers barnsins,
og með þá að förunaut er lukt
hinni hinstu hvílu, þeir og boð-
skapur þeirra eru farareyrir yfir
á landið handan Hel.
Enginn Islendingur hefir á því-
líkan hátt og séra Hallgrímur
leitt þann fram sem er frelsari
minn og þinn, né látið oss krjúpa
svo nærri krossi hans. Hallgríms-
kirkja færir okkur því þrennt:
stórbrotið land vort í útlínum sín-
um, minninguna um skáldið sem
„svo vel söng, að sólin skein í
gegnum dauðansgöng,“ og frá
honum til hans, sem er Drottinn
vor og frelsari.
Hallgrímskirkja er fyrst og
fremst kirkja Jesú Krists, það er
hlutverk hennar og aðalsmerki.
Á fertugasta ári birti Móse
ísraelsmönnum allt það, sem
Drottinn hafði boðið honum.
Á fertugasta ári í byggingar-
sögu kirkjunnar boða ég yður og
þjóð minni: Fullgerum þetta must-
eri sem fyrst. Látum það ekki leng-
ur opið standa fyrir veðri og vind-
um.
Ég vil þakka stuðning ríkis-
valds, sérstaklega veglegan á
þessu ári, ég þakka borgaryfir-
völdum, og ekki síst vinum kirkj-
unnar meðal almennings stuðning
í þessu máli, en betur má ef duga
skal.
Ég skora á íslensku þjóðina að
fullgera landskirkjuna á næstu
tveimur árum. Á tvöhundruð ára af-
mæli Reykjavíkurborgar skal hún
vígð.
Ég segi eins og IJrban páfi sagði á
sínum tíma, er hann hvatti menn til
krossferða: Guð vill það. Já, Guð vill
það, að á bygginganna öld Ijúki
þessari byggingu sem fyrst, svo að
þaðan megi blessun streyma til
landsins barna.
Fyrirheitna landið er í augsýn. Ég
horfi upp til hárra hvelfinga, hvítra
og fagurra. Ég segi burt með þenn-
an skóg af timbri, látum allar hvelf-
ingarnar koma í Ijós, svo að þar
megi hljóma og enduróma orð
Drottins, söngur og hljómar, Drottni
til dýrðar. Guð vill það.
í Jesú nafni. Amen.
Morgunblaðift/Friðþjófur.
Frá messu í Hallgrímskirkju á hvítasunnudag, talið frá vinstri: dr. Jakob Jónsson, Sigurbjörn Einarsson biskup,
herra Pétur Sigurgeirsson biskup, sr. Miyako Þórðarson, sr. Ragnar Fjalar Lárusson og sr. Karl Sigurbjörnsson.
Fjölmenni við hátíðar-
messu í Hallgrímskirkju
Fyrsta skipti messað í kirkjuskipinu
Mikið fjölmenni var í Hallgrímskirkju á hvítasunnudag þegar messað var
í fyrsta skipti í kirkjuskipinu.
Mikið fjölmenni var við hátíðar-
messu í Hallgrímskrikju á hvíta-
sunnudag, en þá gafst almenningi í
fyrsta skipti tækifæri til að sjá hin-
ar gotnesku hvelfingar kirkjunnar.
Búið er að ganga frá tveimur hvelf-
inganna.
Guðsþjónustuna önnuðust
fyrrverandi og núvenandi prest-
ar Hallgrímskirkju, þeir Sigur-
björn Einarsson, biskup, en
hann var prestur sóknarinnar
1941—1944, dr. Jakob Jónsson er
gegndi embætti 1941—1974, sr.
Ragnar Fjalar Lárusson og sr.
Karl Sigurbjörnsson. Herra Pét-
ur Sigurgeirsson biskup flutti
ávarp. Sr. Miyako Þórðarsson
heyrnleysingjaprestur leiddi for-
bæn.
Kirkjukór Hallgrímskirkju
söng ásamt Mótettukórnum und-
ir stjórn Harðar Áskelssonar. Þá
spilaði blásarakvintett Ásgeirs
Steingrímssonar.
í framhaldi af hátíðinni var
opnuð sýning í forkirkjunni á
byggingarsögu Hallgrímskirkju
og Skólavörðuho'ltsins. Þar eru
sýnd líkön, teikningar og ljós-
myndir og verður hún opin í allt
sumar.
Að sögn sr. Karls Sigurbjörns-
sonar er stefnt að því að klárað
verði að setja þak á kirkjuna
jafnframt því sem hvelfingarnar
verði fullfrágengnar á þessu ári.
Verið
velkomin.
ópavogsbúár
athugið!
Við bjóðum alla almenna hársnyrtingu svo sem:
Permanent, klippingu, lagningu, hárþvott, litun,
blástur, strípur, skol, djúpnæringu o.s.frv.
Opið frá kl. 9—18 á virkum dögum.
Lokaö á laugardögum í sumar.
Pantanir teknar í síma 40369.
HÁRGREIÐSLUSTOFAN
ÞINGHÓLSBRAUT 19.
ILAWN-BOYl
Hún slær allt út
og rakar líka
Þú slærö betur meö LAWN BOY
Rafeindakveikja tryggir örugga gangsetningu
3.5 HP sjálfsmurð tvígengisvél.
Hún er hljóðlát. II/
Hún slær út fyrir kanta og upp að vegg. Bk '
Auðveldar hæðarstillingar wk
Fyrirterðalítil, létt og meðfærileg.