Morgunblaðið - 14.06.1984, Síða 19

MORGUNBLAÐIÐ, FIMMTUDAGUR 14. JÚNl 1984
19
Hátíðahöld á 17.
júní í Reykjavík
BORGARYFIRVÖLD hafa falið
Æskulýðsráði Reykjavíkur að ann-
ast störf þjóðhátíðarnefndar og sjá
um dagskrárgerð og framkvæmd 17.
júní-hátíðahaldanna.
Dagskrá þjóðhátíðar í Reykja-
vík 1984 verður með hefðbundnum
hætti fram að hádegi. Markús Örn
Antonsson, forseti borgarstjórnar,
leggur blómsveig frá Reykvíking-
um á leiði Jóns Sigurðssonar í
kirkjugarðinum við Suðurgötu og
hefst athöfnin kl. 10.00. Síðan
verður dagskrá við Austurvöll og
hefst hún kl. 10.40. Þórunn
Gestsdóttir, varaformaður Æsku-
lýðsráðs Reykjavíkur, setur hátíð-
ina. Forseti íslands leggur
blómsveig frá íslensku þjóðinni að
minnisvarða Jóns Sigurðssonar og
Steingrímur Hermannsson, for-
sætisráðherra, flytur ávarp. Þá
verður ávarp fjallkonunnar og
Karlakórinn Fóstbræður syngur
og Lúðrasveit Reykjavíkur leikur.
Kl. 11.15 verður guðsþjónusta í
Dómkirkjunni, sr. Solveig Lára
Guðmundsdóttir predikar og
dómkórinn syngur ásamt Elísa-
betu F. Eiríksdóttur.
Dagskrá í miðbæ Reykjavíkur
hefst kl. 13.30 og fara öll hátíða-
höld fram í miðbænum. Dag-
skránni lýkur síðan með dansleik
á tveimur stöðum, í miðbænum og
í Höllinni.
Af einstökum atriðum má nefna
að félagar úr Fornbílaklúbbi ís-
lands aka bifreiðum sínum um
borgina og að Kolaporti, þar sem
fram fer sýning á gömlum bifreið-
um. í Hljómskálagarðinum sýna
skátar tjaldbúðar- og útistörf. I
Lækjargötu skemmta Tóti trúður
og Break-bræður og félagar úr Fé-
lagi tamningamanna sýna hesta
sína. Þjóðdansafélag Reykjavíkur
sýnir þjóðdansa og þjóðbúninga á
Kjarvalsstöðum. Kl. 15.20 hefst
skrúðganga frá Hlemmtorgi undir
stjórn skáta og Lúðrasveitar
verkalýðsins, og verður gengið að
Arnarhól þar sem fjölskyldu-
skemmtun hefst kl. 16.00. Á
skemmtuninni, sem er í umsjón
Leikfélags Reykjavíkur, koma
fram 13 leikarar leikfélagsins auk
hljóðfæraleikara.
í Gerðubergi verður sýning á
munum og Iistaverkum, tengt
sögu lýðveldisins. Sýningin er
unnin af nemendum Fossvogs-
skóla. Sýningin stendur yfir til 1.
júlí. Um kvöldið kl. 20.00 hefst síð-
an kvöldskemmtun í miðbænum.
Lúðrasveitin Svanur leikur létt
lög í Lækjargötu og síðan hefst
kvöldskemmtun og dansleikur á
Lækjartorgi. Hljómsveit Magnús-
ar Kjartanssonar ásamt Jóhanni
Helgasyni, Ernu Gunnarsdóttur
og HLH-flokknum skemmta til kl.
23.30.
Leikhúsið „Svart og sykurlaust"
býður þjóðhátíðargestum í ferða-
lag inn í Laugardalshöll þar sem
miðnæturdansleikur í samvinnu
Listahátíðar og Æskulýðsráðs
Reykjavíkur hefst kl. 23.00. Fram
koma hljómsveitirnar Stuðmenn
og Pax Vobis auk leikhópsins
„Svart og sykurlaust“.Gert er ráð
fyrir að skemmtuninni ljúki kl.
03.00.
Strætisvagnar Reykjavíkur aka
frá Lækjartorgi að Laugardalshöll
kl. 23.30 og síðan aka vagnarnir kl.
03.30 um nóttina frá Laugardals-
höll í hverfi borgarinnar.
FrétUtilkynning frá Æskulýé.s-
rádi Reykjavíkur
Kór Gagnfræðaskólans flytur popp-óperuna „Sögu Jósefs" í Hveragerðis-
kirkju á jólaföstu síðastliðinni.
Hveragerði og vistfólk á dvalar-
heimilinu Ási og Ásbyrgi. Sýning-
ar fóru allar fram í hinu nýupp-
gerða Hótel Ljósbrá í Hveragerði.
Vill gagnfræðaskólinn sérstaklega
þakka hinum nýju eigendum fyrir
velvild þeirra og hjálpsemi.
Ýmislegt fleira var á döfinni hjá
skólanum í vetur, svo sem „opið
hús“, diskótek, leikhúsferðir til
Reykjavíkur og náms- og vett-
vangsferðir. Síðaferð í skíðaskála
Víkings var farin í mars. Var
dvalið frá hádegi á föstudag fram
á miðjan sunnudag. Þó veðurguð-
irnir hafi ekki verið hliðhollir
nemendunum yfir þessa helgi, var
samt glatt á hjalla og góðar kvöld-
vökur á kvöldin. Þarna, svo sem
oft áður í vetur, unnu foreldrar
gott starf við aðstoð og stjórnun
ásamt félagsmálastjóra.
Til að halda uppi svo öflugu fé-
lagsstarfi, svo sem hefur verið í
vetur við gagnfræðaskóla Hvera-
gerðis, þarf samvinnu allra, skóla-
stjóra, sem er mjög jákvæður fyr-
ir allri félagsstarfsemi, kennara,
nemenda og ekki síst foreldra, en
samstarf þessara aðila hefur verið
til fyrirmyndar í vetur. Foreldra-
félagið á þakkir skildar fyrir
þróttmikið starf og var ótrúlega
stór hópur foreldra sem lagði
fram sinn skerf í vetur. Má einnig
geta þess að 14. mars í vetur
kenndu foreldrar einn dag, er
kennarar unnu að „þema“-verk-
efni. Tókst þessi „kennsla“ mjög
vel og allir virtust ánægðir.
í stjórn foreldrafélagsins eru:
formaður Ólafur Óskarsson, Val-
gerður Jóhannesdóttir, Hugrún
Valdimarsdóttir ásamt félags-
málafulltrúum skólanna, frá
barnaskólanum Eyrún Ingi-
bjartsdóttir og Halldór Sigurðs-
son frá gagnfræðaskólanum.
Skólanum var slitið um miðjan
maí við hátíðlega athöfn, var
margmenni við skólaslitin," sagði
Halldór að lokum.
Ég vil bæta því við, að skólinn
hefur haft sérstaklega góðu
starfsliði á að skipa síðustu árin,
en nú stendur til mikil breyting
því fjórir eða jafnvel fimm kenn-
arar hugsa til hreyfings og ýmist
fara til náms eða starfa annars
staðar, innanlands og utan. Er
mikil eftirsjá að þessu góða
starfsfólki og fylgja þeim öllum
þakkir og góðar framtíðaróskir
héðan úr Hveragerði. Vonandi
fáum við jafnhæfa kennara í stað-
inn, því „enginn er lastaður þó
einn sé lofaður". — Sigrún
Nú líka á íslandi: Geimblómió
og þú hefur ekki áhyggjur af íslenskum
febrúarstormum!
3 stæröir
O Blómaskáli
15 fm
© Garðstofa
25 fm
© Garðstofa
með heitum
potti (eöa
sumarhús)
35 fm
Fallegt — Orkusparandi — Veðurfast
Afgreitt
© Fullfrágeng-
ið í þínum garði
© Tilbúið til
uppsetningar
© Með eða án
glers
® Aö þinni ósk
Sendum um allt land. Skýringar fylgja. Greiðsluskilmálar.
Upplýsingar: Einkaumbod á íslandi og Skandinavíu
Blómaval 36770—686340 T.B. 28033