Morgunblaðið - 14.06.1984, Blaðsíða 33

MORGUNBLAÐIÐ, FIMMTUDAGUR 14. JÚNÍ 1984
33
spurt og svarad
Lesendaþjonusta MORGUNBLAÐSINS
B Y GGING ARMÁL
Hér birtast spurn-
ingar lesenda um
byggingarmál og svör
Hákons Ólafssonar
yfirverkfræðings og
Péturs H. Blöndals Pétur H. Hákon
framkvæmdastjóra. Biöndai óiafsson
Sameiginlegur
kostnaður við
endaraðhús?
Sigurður Pálsson spyr: Er vinna
við enda á raðhúsum sameigin-
leg, t.d. pússning, frágangur á
þakkanti og málning eða skiptist
það á milli eigenda íbúða í við-
komandi raðhúsi og hvernig þá.
Svar: Spurningin fjallar um
stofnframkvæmdir og í slíkum
tilvikum fer svarið eftir ýmsu.
T.d. skiptir máli hvort aðilar
hafa gert með sér bygginga-
samning. Ef svo er, falla fram-
kvæmdir við veggi milli íbúöa og
gaflar undir þann samning. Ef
ekki hefur verið gerður slíkur
samningur, verður að líta til
fleiri atriða. Þá skiptir máli,
hvernig viðkomandi lóð var út-
hlutað. Líta þarf á úthlutunar-
skilmála og lóðaleigusamning.
Svar við spurningunni byggist á
því, hvort hægt er að líta á
hverja íbúð sem sjálfstæða ein-
ingu. Ef veggir milli íbúða eru
t.d. tvöfaldir og hver eigandi
byggir sitt hús, sem mun vera
algengt, ber hver maður kostnað
af sínum hluta. Þegar þannig
háttar er svarið við spurning-
unni nei. Sá sem á endaíbúðina
verður að standa straum af
framkvæmdum við gaflinn. Ef
veggir á milli íbúða eru aftur á
móti einfaldir vaknar spurning
um það hver kosti þá og gaflana.
Þá gæti kostnaður við gaflinn
skipst á milli allra húseigenda í
eignarhlutföllum.
Svarið við spurningunni er svo
vandasamt vegna þess að hús
sem almennt eru kölluð raðhús
eru með svo margvíslegu lagi.
Sum eru svo lauslega tengd, að
spurningin er hvort ekki er um
mörg einbýlishús að ræða. Ef
reynt er að skilgreina raðhús
nánar, lenda menn í vandræðum.
Eru fjölbýlishúsin við Ásvalla-
götu raðhús? í lögum um fjölbýl-
ishús segir, að þau gildi um
raðhús eftir því sem við getur
átt. Því þarf alltaf að meta hvort
ákvæði laganna eigi við raðhús.
Um viðhald og viðgerðir gegn-
ir öðru máli. Ef raðhúsið fellur
undir lög um fjölbýlishús, greiða
húseigendur kostnaðinn allir
samkvæmt hlutfallstölu íbúða
sinna. (Sjá lög um fjölbýlishús
nr. 59/1976, 4. ml. 11. gr. og 1. ml.
13. gr.)
Rétt er að benda á að hér er
um mjög flókið lögfræðilegt mál
að ræða og enginn afgerandi
dómur er til hliðsjónar. Lög-
fræðingur Húseigendafélags
Reykjavíkur getur svarað nánar
um hvert einstakt mál varðandi
raðhús sem og öðrum spurning-
um húseigenda.
Nuddpottur
og sólhús
Hjón í Garðabæ spyrja: Okkur
langar að forvitnast um heita
nuddpotta í garð. Er ódýrara
fyrir okkur að steypa pottinn
sjálf? Þá reiknum við með potti
með vatns- og loftnuddi, eða
borgar sig fyrir okkur að kaupa
pottinn tilbúinn og „með öllu“?
Hver er ódýrasta leiðin til að
setja upp sólhús áfast við húsið?
Hvers konar sólhús eru hentug í
íslenskri veðráttu og hver gæti
kostnaðurinn við slíka uppsetn-
ingu orðið?
Hvert getum við snúið okkur
til að fá upplýsingar um upp-
setningu verandar sem yrði
áföst við húsið? Hver gæti
kostnaðurinn við slíka uppsetn-
ingu orðið? Er yfirleitt miðað
við að veröndin snúi í ákveðna
átt (suður til dæmis?).
Svar: Unnt er að kaupa nudd-
potta á mjög mismunandi verði.
Grunnverð er nálægt 60.000 kr.
og með nauðsynlegum fylgihlut-
um svo sem yfirbreiðslu, slöng-
um, stútum, nuddrörum o.fl.
u.þ.b. 80.000 kr. Slíkir pottar eru
rúmlega 2 m í þvermál með sæt-
um fyrir 5—7 manns.
Ef kaupa þarf vinnu við að
hanna, steypa og ganga frá
steyptum potti tel ég ólíklegt að
það verði ódýrara. Ef viðkom-
andi hefur þekkingu og aðstöðu
til að framkvæma verulegan
hluta af þessari vinnu sjálfur
getur hann aftur á móti sparað
nokkurn útlagðan kostnað.
Svar mitt má því draga saman
á eftirfarandi hátt: kaupið pott
tilbúinn og „með öllu“ nema þið
hafið góða faglega þekkingu á
viðfangsefninu og aðstöðu til að
vinna við það sjálf.
Varðandi sólhús eða verönd
áföst við húsið þá eru valkostirn-
ir tveir: annað hvort að sér-
hanna viðkomandi mannvirki
eða kaupa staðlaða gerð.
Kostnaður við fyrri ieiðina
ræðst mjög af þeim aðstæðum
sem fyrir eru í hverju tilviki.
Eðlilegast er að leita til hönnuð-
ar t.d. arkitekts og fá hjá honum
tillögu að fyrirkomulagi og
kostnaðaráætlun.
Ég veit um eitt fyrirtæki sem
selur sólhús sem tengd eru íbúð-
arhúsi og það er Gísli Jónsson
hf. Húsin eru að mestu úr gleri
en styrkt með álprófílum.
Breiddin er 2,5 m og lengd
3,8—5,0 m. Verð er 25.000—
35.000 kr. Uppsetning er einföld
og ætti ekki að vera kostnaðar-
söm.
Sólhús eru almennt sett upp
til þess að gera mönnum kleift
að njóta sólar í sem ríkustum
mæli. Því er heppilegast að þau
snúi í suður þótt aðstæður ráði
vissulega hvernig þeim verður
best komið fyrir í hverju tilviki.
Nauðsynlegt er að fá samþykki
viðkomandi byggingarnefndar
áður en sólhús eða verönd er sett
upp.
Ráðstöfun
um viðgerðir
Vigfús Þorsteinsson spyr: Get
ég fengið ábendingar um aðila
sem taka að sér áætlanagerð um
viðgerðir á húsum? í mínu til-
felli er aðallega um að ræða raka
í húsi og ég vildi gjarnan fá upp-
lýsingar um hver veitir ráðgjöf
um viðgerðir, hvað þarf að gera
og hvernig hægt er að gera við
það sem þarfnast viðgerðar.
Svar: Ef um er að ræða við-
gerðir vegna eðlilegs viðhalds
húsa koma allir byggingafróðir
menn til greina sem ráðgjafar.
Ef aftur á móti, um er að ræða
viðgerðir vegna þess að ekki er
allt með felldu þ.e.a.s. upp koma
skemmdir eða gallar þar sem
orsakir eru ekki ljósar, þarf oft
sérfróða menn á viðkomandi
sviði. Slíkar skemdir stafa oftast
af því að hönnun eða fram-
kvæmd er áfátt eða efnisnotkun
röng.
Ráðgjöf um viðgerðir getur
verið flóknari og krafist betri
fagþekkingar en við frumhönn-
un. Lítið er um ráðgjafa á þessu
sviði en ég vil þó benda á eftir-
farandi:
1. Eðlilegt er að leita til hönnuð-
ar viðkomandi húss. Hann hefur
sagt til um gerð þess og efnisval
og ætti því að vera í stakk búinn
til að meta orsakir galla sem
kunna að koma fram, auk þess
sem hann ber ábyrgð á því að
hönnun og efnisnotkun sé í lagi.
Hann getur leitað aðstoðar
Rannsóknastofnunar bygging-
ariðnaðarins ef hann telur þess
þörf.
2. Rannsóknastofnun bygg-
ingariðnaðarins ræður yfir sér-
þekkingu varðandi byggingar-
galla og viðgerðaraðferðir og
jafnframt hefur hún tæki sem
nota má við skemmdagreiningu.
Þangað má því leita. Gallinn er
sá að ekki er unnt að anna öllum
þeim fyrirspurnum, sem berast
og því er oft vísað á verkfræði-
stofur eða bent á rit eða
Rb-tækniblöð um viðkomandi
efni.
3. Verkfræðistofur. Þær geta
leitað til Rb um aðstoð við
skemmdagreiningu ef þurfa þyk-
ir en annast síðan sjálfar áætl-
anagerð og ráðgjöf. Tvær slíkar
hafa sérhæft sig á sviði steypu-
viðgerða, Línuhönnun hf. og
Vídd sf.
4. Viðgerðaraðilar búa sumir yf-
ir langri reynslu og þekkja
ákveðnar tegundir skemmda.
Þeir annast oft áætlanir um við-
gerðir. Helsti ókosturinn er að
þeir búa sjaldnast yfir fagþekk-
ingu til að geta greint orsakir
skemmdanna.
Varðandi þitt vandamál þ.e.
a.s. hátt rakastig í húsinu, án
þess þó að um beinan leka sé að
ræða vil ég benda á:
a) Rb-blað, sem fjallar um þetta
efni og heitir „Rakaþétting á
gluggum" og var gefið út hjá Rb
í júlí 1981.
b) að leita eftir ráðgjöf frá Rb.
firestone
Firestone UT-2000 radial hjólbaröinn
hentar vel við allar aðstæður,
jafnt á malbiki og á malarvegum.
Sérhannað mynstur sem hreinsar sig
sjálft og losar sig jafnharðan við steina.
Firestone SAT-2000 er sérstyrktur
drifhjólbarði, hannaður fyrir hinar
erfiðustu aðstæður.
JÖFUR
HF
NYBÝLAVEGI2
KÓPAVOGI
SÍMI 42600